TJETËRSIMI I DINAMOS – “Njerëzit e ndërgjegjshëm e dinë çfarë është stema dhe historia e një klubi. Këto janë muhabete që unë refuzoj t’i dëgjoj. I bie që një klub me histori si Skënderbeu të zhduket dhe Dinamo klub i themeluar në vitin 1946 të zhduket nga historia. Këto klube kanë një emblemë. Pronari i Skënderbeut është bashkia Korçë, unë nuk e kuptoj pse nuk ka një prononcim nga kryebashkiaku për të sqaruar të ardhmen e klubit. Pse duhet të shkrihet një histori e tërë për shkak se klubi nuk shkon dot në Europë”.

BORXHET E KLUBEVE TË SUPERIORES – “Federata i është drejtuar shtetit me një paketë ligjesh, ku kërkon që shteti ta mirëkuptoj dhe të implementojë. Unë mendoj se pjesa më e rëndësishëm është amnistia që federata kërkon për borxhet. Në këtë mënyrë mund të fillojë formalizimi i futbollit. Në këtë moment do ishte një goditje shumë e madhe nëse do të largohen klube me emër që kanë borxhe të mëdha. Shteti duhet t’u falë këtyre klubeve borxhet ndaj tatimeve”.

Klubi rus ka pësuar një ringjallje misterioze dhe po inteston shuma të mëdha për t’u rikthyer në elitën e futbollit rus më shumë se një dekade në medikritet dhe në vite të caktuara pranë falimentimit.

Drejtuesit e Dinamos kanë ofruar 40 milionë euro për dy lojtarët, shifër kjo që ka bindur palën gjermane.

“Mua nuk më duket ndonjë gjë e çuditshme, duke dëgjuar kinezërirat që ndodhin në këtë vend. Më parë u luajt njëherë me emrin, nga Dinamo ia bënë Olimpik, por pas një kohë u pa që nuk funksiononte pasi Dinamo ka një histori jo të vogël në futbollin shqiptar dhe një plejadë të madhe futbollistësh. Tani po përsëritet fenomeni duke u bërë një Dinamo e Korçës, që prek më duket e palogjikshme, pasi si e thotë populli: Guri i rëndë është në vendin e vetë”.

“Mua më duket se Dinamon po e bëjnë si parcelë eksperimentale. Uroj që vendimmarrja nga ky gjyqi i fundit të jetë pozitive për Skënderbeun, por kurrsesi s’duhet të jetë Dinamo ai shkopi i magjik, që shpëton ose jo Skënderbeun. Në rast se kërkojmë që futbolli në Korçë të mos fiket mund të ketë alternativa të tjera. Stema e Dinamos nuk mund të rrijë atje, është diçka që  nuk shkon. Mua më duket se ato do të bëjnë një hibrid me fanellën me ngjyrat e Skënderbeut dhe tutat blu të Dinamos”.

Prej disa ditësh, në  medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

Kolgega, 24-vjeç, bëri një sezon të mirë me blutë kryeqytetas, duke luajtur 10 ndeshje dhe duke shënuar 3 gola në Kategorinë e Parë. Futbollisti nga Fieri me shumë gjasa do të gjejë një ekip të ri shumë shpejt.

Ndërsa mbrojtësi Arian Sheta me shumë gjasa do ta mbyllë me futbollin, pas shumë viteve në futbollin shqiptar. 38-vjeçari luajti 21 ndeshje për Dinamon në Kategorinë e Parë, duke shënuar dhe një gol.

Në situatë, drejtuesit e klubit kanë vendosur që të nisin përgatitjet, dhe për SportEkspres.com administratori i klubit, Ismet Saliaj deklaron se skuadra do nisë përgatitjet më 25 korrik. “Gjendja kjo është, por ne nuk jemi të dorëzuar. Më 25 korrik do ta mbledhim skuadrën e do të nisim përgatitjet. Gradualisht do të veprojmë edhe për merkato, por edhe për ta fuqizuar financiarisht skuadrën”.

Ndërkohë që edhe trajneri i Dinamos, Igli Allmuça për SportEkspres.com konfirmon se përpos largimeve që kanë ndodhur këto dy muaj të merkatos, stërvitja do të nisë më 25 korrik. “Nuk kemi asnjë lëvizje sa i përket hyrjeve në skuadrën tonë, ndërsa është vendosur që përgatitjet ti nisim më 25 korrik. Për largimet nuk kam çfarë të them, por do tu kërkoja futbollistëve të tjerë të besojnë më shumë te kjo Dinamo”, kështu deklaroi tekniku i bluve.

AGRON KAJA

Për SportEkspres.com, mbrojtësi Ilir Allmuça pranon se do të largohet nga Dinamo dhe ka dy oferta: “Po, unë do largohem nga Dinamo. Kam dy oferta nga Kategoria e Parë, e duke qenë në bisedime, nuk po u deklaroj emrat e tyre. E rëndëësishme është që të jem në një skuadër që pretendon Superioren, por dhe unë të kem minuta loje”.

Ndërsa për mbrojtësin Ervis Kaja, Allmuça tregon se ai është larguar nga Shqipëria drejt Gjermanisë. “E di me saktësi se Ervis Kaja është nisur drejt Gjermanisë me familjen. Për lëvizje të tjera nuk kam ndonjë informacion konkret, edhe pse kam dëgjuar se Prendi, Çeliku e Sefa duan të largohen”. Në këto kushte kur nuk ka sinjale për organizimin e skuadrës, largimet nga Dinamo bëhen normale.

AGRON KAJA

Sulmuesi Markovanbasten Çema ka kaluar te Kukësi, ndërsa të hënën Erzeni konfirmoi akordin me Marlind e Rei Nuriun. Largimi i dy futbollistëve Nuriu tregon se tashmë edhe të afërmit e tyre, donatorë në dy sezone, ,mund të konsiderohen të larguar nga Dinamo.

Një situatë jo e pritshme kjo për administratorin Ismet Saliaj, i cili ka mbi 15 vite që e drejton Dinamon e tashmë duhet që të ndalë eksodin që mund të ndodhë. Burime brenda skuadrës tregojnë për SportEkspres.com se tre lojtarë të tjerë janë gati për t’u larguar.

Ata janë mbrojtësit Ilir Allmuça dhe Ervis Kaja, si dhe mesfushori Erxhan Muça. Arsyeja kryesore janë financat, sepse donatorët Nuriu i kishin përmirësuar ndjeshëm ato. Burime pranë skuadrës dinamovite pranojnë se do ketë edhe largime të tjera. Gjithçka varet nga drejtuesit e Dinamos, të cilët duhet të nisin të lëvizin dhe të mos lejojnë eksodin.

AGRON KAJA

Kohët e fundit pranë bluve ishin shfaqur vëllezërit Nuri, të cilët kanë dhënë ndihmesën e tyre në aspektin financiar për Dinamon. Gjithsesi edhe për këta zërat kanë qenë të shumtë për një distancim nga klubi.

Burime zyrtare pranë klubit të Dinamos, bëjnë me dije se donatorët nuk janë larguar. Në këto rrethana duket se ata ende e vazhdojnë kontratën prej xhentëlmenësh me klubin. Sezonin e fundit te Dinamo korrektësia në aspektin financiar ka qenë për t’u lavdëruar.

Burime pranë administratorit të Dinamos, Ismet Saliaj, sot deklaruan për SportEkspres.com se ai do takohet këtë fundjavë me donatorët Nuri, dhe mundësitë janë që marrëdhënia e sezonit të kaluar të vazhdojë. Takimi është kërkuar nga të dy palët. Shenjat deri tani duken pozitive, ndërkohë që të gjithë presin rikthimin e Dinamos në elitë.

AGRON KAJA

Dhe për fat të keq, Dinamos kanë filluar t’i largohen në këto ditë të merkatos së qershorit pikërisht kualitetet. I pari u largua sulmuesi Markovanbasten Çema, e pas tij drejtori teknik Artan Mergjyshi. Dy largime “big”, që ndoshta tregojnë se projekti i suksesshëm ende nuk është kthyer në plan zbatimi nga drejtuesit.

Zërat e merkatos thonë se janë disa lojtarë të tjerë që kërkojnë largimin nga Dinamo, duke deklaruar se askush nga ata që u ka përfunduar kontrata nuk është kontaktuar nga drejtuesit për rikonfirmim. Këta të fundit e kanë lënë që përgatitjet të nisin në fillimin e korrikut.

Koha është e mjaftueshme për të organizuar skuadrën, por është e vështirë të ndërtohet nga e para për shkak se largimet deri atëherë pritet të shtohen në numër. Pjesës më të madhe të titullarëve u kanë trokitur skuadra të tjera, përderisa nuk janë rikonfirmuar. Projekti i ri që pretendojnë drejtuesit e donatorët, sikur po … “vjetërsohet”!

AGRON KAJA

Kapiteni 38-vjeçar, Arian Sheta, deklaron se ai është i pari që do të kontaktojë me drejtuesit e skuadrës. Për SportEkspres.com, qendërmbrojtësi pranoi se nuk ka rinovuar ende me dinamovitët. “Skuadra është e gjitha me pushime dhe rinovimet besoj se do vijnë shumë shpejt, pse jo këtë muaj. Unë jam kapiteni i skuadrës e do jem i pari që do bisedoj me drejtuesit e sponsorët për startin e sezonit të ri”, u shpreh Sheta.

Për emrat që Dinamo do të kërkojë në merkato, Sheta deklaron se do jenë shumë cilësore: “Dinamo këtë sezon do synojë ngjitjen në Kategorinë Superiore dhe futbollistët që do të merren gjatë kësaj merkatoje do jenë cilësorë. Dinamo këtë e tregoi edhe në sezonin e kaluar, ndërsa për këtë sezon që do të nisim, do jetë më e fortë dhe më e bindur te objektivi për Superioren”.

AGRON KAJA

Në klubin blu, drejtuesit janë të paqartë për vazhdimësinë, ndërkohë që edhe Drejtori Teknik i saj, Artan Mergjyshi, për SportEkspres.com deklaron se nga përfundimi i kampionatit e deri më sot gjithçka është pezull.

Përgatitjet e sezonit të ri – “Nuk mund tu them më shumë se sa pushimet që po bëjmë të gjithë në skuadër. Gjithçka duket pezull, dhe pas datës 15 korrik që kemi njoftuar nisjen e përgatitjeve për sezonin e ri, do mësohet gjithçka për vazhdimësinë e skuadrës në sezonin e ri”.

Ndryshimet në klub – “Unë nuk jam në dijeni për ndryshime të drejtuesve te skuadra jonë. Gjatë kësaj periudhe pushimesh unë kam menduar edhe për programin stërvitor dhe merkaton, por të gjitha këto marrin rrugë pas datës 15 korrik. Rëndësi ka që grupi i futbollistëve i cili e mbylli sezonin e kaluar do të jetë edhe për sezonin e ri”.

AGRON KAJA

Për SportEkspres.com, trajneri Igli Allmuça deklaron: “Për Dinamon, përfundimi i kampionatit solli edhe pushimet për gjithë futbollistët, por jo për drejtuesit e stafin teknik. Ne jemi të kënaqur me çka arriti skuadra në sezonin që mbyllëm. Kjo erdhi pas një menaxhimi profesional në organizim, por edhe në financat e sigurta. Hap pas hapi gjatë këtyre muajve do kemi edhe një riorganizim të mirë të skuadrës për sezonin tjetër”.

Allmuça është optimist për sezonin e ri: “Te Dinamo janë njerëz seriozë në menaxhim e drejtim dhe ata nuk kanë qëndruar indiferentë në këtë periudhë. Fjala ‘pushim’ u duket si e huaj, ndërkohë që gjatë muajve në vazhdim ata do dalin me një objektiv ambicioz, për Dinamon në elitë”.

AGRON KAJA

“I kemi nisur negociatat me pjesën më të madhe të skuadrës aktuale dhe kemi rënë parimisht dakord që edhe sezonin e ardhshëm të jenë pjesë e Dinamos. Synimi ynë është ngjitja në Kategorinë Superiore dhe rreth 15 futbollistë që po mbyllin këtë sezon do të qëndrojnë në skuadër”, tregon Mërgjyshi

Më tej ai thekson se synojnë të bëjnë disa afrime cilësorë, në mënyrë që ta arrijnë objektivin sezonin e ardhshëm. “Do të zhvillojmë edhe merkato. Kemi në plan që të afrojmë rreth 7 lojtarë cilësorë dhe me eksperiencë”, theksoi drejtori Mërgjyshi.

“Për ta rikthyer Dinamon në elitën e futbollit shqiptar, po përqendrohemi edhe në një organizim total të klubit. Kjo do të thotë se edhe akademia do të ketë mbështetje të plotë. Java e fundit e këtij sezoni, sfida me Besëlidhjen, konsiderohet si një ndeshje ku do tregohet gjendja reale e skuadrës. Synimi është fitorja dhe vendi i dytë”, përfundoi Artan Mërgjyshi për SportEkspres.com.

AGRON KAJA

Klubi kryeqytetas dëshiron rikthimin në elitë sezonin e ardhshëm dhe për këtë i duhet të bëjë merkato cilësorë. Mbetet për t’u parë se çfarë përgjigje do të kthejë Plaku, i cili me Dinamon është aktivizuar në të shkuarën dhe numëron 17 gola (maksimumi për sulmuesin në një kampionat) në sezonin 2008-2009.

Plaku, tashmë 33 vjeç, ka treguar se mund të japë ende në Superiore. Gjithsesi një rikthim te Dinamo, që prej disa vitesh garon në Kategorinë e Parë, nuk përjashtohet. Momentalisht sulmuesi vijon të përgatitet privatisht, në pritje të hapjes së merkatos së verës.

“Fituam një ndeshje morali e prestigji. Tri pikët na mbajnë brenda synimit tonë, që në fundin e kampionatit të renditemi në vendin e dytë në grup. Me këtë fitore Dinamo tregoi se i ka kualitetet për të qenë në elitë. Ne mund të ishim rivalët e Vllaznisë, por disa gabime rrugës, kryesisht në fazën e dytë, na larguan nga pretendimi për vendin e parë në grup”, u shpreh fillimisht Mërgjyshi.

Ndërkohë, për tre ndeshjet e mbetura të kampionatit ai shtoi: “Në tre ndeshjet e mbetura deri në fund të fazës së tretë, ne kemi dy transferta të vështira në Peshkopi dhe Shijak. Gjithsesi do të synojmë vetëm fitoret. Ndeshja e fundit me Besëlidhjen them se do jetë një ‘derbi’ për vendin e dytë në grupin tonë”.

AGRON KAJA

Me një mbështetje të fuqishme financiare, te kjo skuadër janë afruar disa futbollistë të rinj dhe premtues për të ardhmen. Për situatën te skuadra blu, Sheta tregon për SportEkspres.com se ky sezon quhet i mbyllur, por  grupi do ruhet për sezonin tjetër.

“Synimi ynë final nuk u arrit për të qenë në krye të Grupit A. Gjithsesi, ne e kemi vazhduar garën me seriozitet, edhe pse në përbërjen tonë ka një grup me futbollistë të rinj premtues. Ata do të jenë baza për skuadrën në sezonin tjetër. Te Dinamo ka një ambient shumë profesionist dhe kjo na jep më shumë motiv për një sezon të ri drejt Superiores”, u shpreh Sheta.

Mes të rinjsh mbrojtësi ndihet mirë, teksa deklaron: “Unë nuk ndjehem inferior, mosha ime është e padukshme në pjesën tjetër të skuadrës. Me këtë përbërje, unë e them me bindje se ky grup i ka bashkuar të gjitha të mirat që i duhen një skuadre. Në sezonin tjetër do shikoni një Dinamo që do rikthehet në emrin e madh të saj”.

AGRON KAJA

Për SportEkspres.com, Mërgjyshi deklaron: “Katër skuadra, thuajse jemi futur në një mini-kampionat për të siguruar vendin e dytë në Grupin A. Është një pozicion simbolik, por për Dinamon është shumë domethënës. Deri në fund ky është objektivi ynë. Rivaliteti do të jetë shumë i fortë, edhe pse jemi katër skuadra që kemi dalë jashtë synimeve të këtij sezoni”.

Më tej Mërgjyshi flet në lidhje me përballjen e radhës me Besëlidhjen. Pavarësisht se Dinamo nuk do të jetë e plotë, drejtori teknik thekson se synojnë të fitojnë në Lezhë. “Organika nuk do jetë e plotë në sfidën me Besëlidhjen, por kjo nuk na pengon të synojmë fitoren. Rikthehet Muça dhe mungon Allmuça, këto janë lëvizjet në formacionin e kësaj jave për Dinamon”, përfundon Mërgjyshi.

AGRON KAJA

Takime interesante ka pasur dhe në grupet e pjesës së poshtme të tabelës. Në Grupin A Vora ka barazuar 1 – 1 me Shënkollin në transfertë. Turhani zhbllokoi takimin në minutat e kohës shtesë, por e menjëhershme ka qenë përgjigja e vendasve që barazuan pak sekonda më vonë, duke shmangur “parakalimin” nga skuadra e vendit të fundit të tabelës.

Në Grupin B, Tomori është mundur nga Turbina e vendit të fundit. Pas kësaj humbje beratasit i bashkohen skuadrës cërrikase dhe Elbasanit në luftën e mbijetesës.

KATEGORIA E PARË – JAVA 22

Grupi A | Play-off

E shtunë, më 6 prill, ora 15:00

Dinamo-Erzeni 2-0
Shënues: Kolgega 8’, Ndreu 63’

E shtunë, më 6 prill, ora 16:00

Korabi-Besëlidhja 0-0

Vllaznia pushim

Grupi A | Play-out

E shtunë, më 6 prill, ora 16:00

Burreli-Veleçiku 1 – 0
Shënues: Kurbneshi 22’

Shënkolli 1-1 Vora
Shënues: Pelinku 91’ / Turhani 91’

Iliria pushim

GRUPI B | Play-off

E shtunë, më 6 prill, ora 16:00

Oriku-Besa 0 – 1
Shënues: Çelhaka 26’

Lushnja-Egnatia 2 – 2
Shënues: Sefa 41’, 47’ / Branica 48’, Ibrahimllari 83’

Bylis pushim

Grupi B | Play-out

E shtunë, më 6 prill, ora 16:00

Tomori-Turbina 0- 2
Shënues: Roshi 72′ (pen), Hasa 90′

Apolonia – Pogradeci 4 – 0
Shënues: Vladisavljeviç 33’, 69′, Mihana 48′, Gjata 70′

Elbasani pushim

Bardheblutë e drejtuar nga Ardian Mema arritën të triumfonin pastër 2-0, duke i mposhtur rivalët e qytetit që në pjesën e parë. Në minutën e 34’, Ngo shërben për Hasanin brenda zonës dhe mesfushori nuk e ka të vështirë të shënojë. Vetëm katër minuta më vonë, Sentamu shërbehet i lirë pas mbrojtjes së Dinamos, kalon portierin dhe shënon me portën e boshatisur.

Në pjesën e dytë, Mema dhe Allmuça bënë shumë zëvendësime, duke aktivizuar dhe futbollistë të rinj. Rastet ishin të pakta dhe të dyja skuadrat u pajtuan me rezultatin e takimit.

Miqësore, 23 mars 2019
Stadiumi “Selman Stermasi”

Tirana – Dinamo  2-0
Hasani 34’, Sentamu 38′

Formacionet fillestare

Tirana: Lika, Kërçiku, Imami, Turtulli, Hoxhallari, Cake, Hasani, Daja, Halili, Sentamu, Ngo Trajner: Ardian Mema

Dinamo: Laco, Nuri, Kaja, Muça, Topalli, Allmuça, A. Nuri, Vrapi, Sefa, Çema, Çiliku Trajner: Igli Allmuça

EPISODET

78’ Tirana shpërdoron disa kundërsulme, Dinamo qarkullon topin

65’ Kalojnë të qeta minutat, skuadrat duken të pajtuara me rezultatin

46’ Fillon pjesa e dytë, Mema i zëvendëson të gjithë

45’ Mbyllet pjesa e parë, Tirana në avantazh të dyfishtë

38’ Goool Tirana, shënojnë sërish bardheblutë. Sentamu bën gjithçka mirë, kalon portierin Laco dhe shënon golin e dytë të Tiranës, që në katër minuta krijoi 4 aksione të rrezikshme

34’ Gooool Tirana, shënon Hasani. Ngo bën gjithçka mirë në hyrje të zonës, e mbron topin dhe shërben të Hasani, i cili i vetëm përballë portierit nuk e ka të vështirë të shënojë

26’ Çfarë aksioni model nga Dinamo. Sefa dhe Çema bëjnë gjithçka mirë, duke kombinuar disa herë mes njëri-tjetrit. Sefa është i vetëm përballë portierit Abibi, por gjuajtja e tij shkon jashtë

1’ Fillon takimi në “Selman Stermasi”, interes i pakët nga tifozët

“Në Shkodër zhvilluam një ndeshje relativisht të mirë. Realisht jemi mbrapa, pasi të gjithë presin shumë nga Dinamo. Po punojmë për projektin e rikthimit të skuadrës në Superiore sezonin e ardhshëm”, shprehet Artan Mërgjyshi për SportEkspres.com.

Për vazhdimësinë, ai shton se kjo periudhë do të shërbejë edhe për evidentimin e futbollistëve të rinj që do të jenë pjesë e kësaj skuadre në sezonin tjetër. “Nga ndeshja në ndeshje, kryesisht tani gjatë fazës së tretë, ne duam të evidentojmë se sa lojtarë të gatshëm kemi për sezonin e ardhshëm, ku synimet tona do të jenë madhore. Me një garë të ndershme deri në fund,  gradualisht Dinamo do të jetë e aftë që të rikthehet aty ku i takon, përfundoi Mërgjyshi.

AGRON KAJA

SFIDA KUNDËR DINAMOS – “Kjo është ndeshja e dytë e fazës së tretë dhe ka akoma ndeshje të tjera për të luajtur, kështu që ne përgatitemi me seriozitet ashtu si gjithmonë për ta kaluar me sukses çdo kundërshtar që kemi përballë, nuk ka rëndësi nëse luajmë brenda apo jashtë fushës sonë. Vllaznia-Dinamo gjithmonë ka qenë ndeshje e bukur, ndeshje me gola, e luftuar. Kështu që ne jemi përgatitur si duhet për këtë ndeshje, sepse për ne mbetet sërish Dinamo, pavarësisht se në çfarë pozicionesh jemi”.

NDËRPRERJA E KAMPIONATIT – “Ishim në atmosferën e ndeshjeve, megjithatë kjo ndërprerja na shërbeu në një aspekt tjetër. Ndonjë nga lojtarët që kemi pasur të dëmtuar, ka pasur më shumë kohë në dispozicion për t’u rikuperuar. Likës dhe Hajdarit u ka shërbyer pozitivisht kjo periudhë”.

PËRBALLJET – “Ne duhet të jemi të kujdesshëm dhe të mos mendojmë se do ta kemi të lehtë, sepse do kemi përballë një kundërshtar të fortë. Një kundërshtar i cili na ka vënë në vështirësi, sidomos në ndeshjen e dytë në Tiranë ku me vështirësi kemi fituar 1-0. Kemi të bëjmë me një skuadër e cila në fillimet e saj kishte problemet e organizimit, por tani është një skuadër që është forcuar, është plotësuar me futbollistë dhe ka zhvilluar një kampionat të mirë”, përfundoi trajneri i Vllaznisë.

“Në fakt, nuk është e mirë kjo ndërpreje e kampionateve të futbollit në vendin tonë, sepse arsyet janë shumë banale dhe ia prishin imazhin. Gjithsesi, për Dinamon kjo ndërpreje bën mirë, sepse ne kemi disa futbollistë të dëmtuar, sikurse janë dy portierët. Në këtë hapësirë presim rikuperimin e plotë të tyre”, theksoi fillimisht Allmuça.

Për ndeshjen e radhës, atë ndaj Vllaznisë në transfertë, tekniku Allmuça thekson se në Shkodër do të shkojnë për të marrë pikët. “Natyrisht që kemi një ndeshje të vështirë në Shkodër, por ne do të shkojmë t’i marrim pikë Vllaznisë. Është një ndeshje e radhës dhe do të luajmë lojën tonë më të mirë për ta arritur synimin”.

AGRON KAJA

SEZONI – “Gabuam në dy ndeshjet e fundit. Mendoj që po të kishim dy fitore, do të ishim shumë afër objektivit. Gjithsesi, kanë ngelur dhe dy faza dhe të shohim”.

VLLAZNIA – “Vllaznia e ka emrin e madh, por dhe grupin e ka shumë të fortë dhe ishin gjithmonë favoritë për vendin e parë. Kanë ruajtur shumë lojtarë të Superiores dhe po bëjnë kampionat më vete”.

KARRIERA – “Unë e ndjej që kam akoma të jap në futboll. Kam dhe bindje që shumë shpejt, Dinamo do të shkojë aty ku e presin shumë njerëz, në Superiore, pasi e meriton. Me projektet që kemi, sidomos për vitin tjetër, besoj se do t’ia dalim, pse jo, edhe me mua në skuadër”,- u shpreh Sheta.

Ai thekson se në sezonin tjetër do të jetë një Dinamo ndryshe, që do ta synojë me më shumë këmbëngulje ngjitjen në Superiore. Këtë sezon duket e vështirë të rivalizohet me Vllazninë, që ka ruajtur një pjesë të mirë të skuadrës që ishte edhe vjet në Superiore. Gjithsesi Saliaj tregon se do tentojnë deri në fund.

INTERVISTOI: AGRON KAJA

Nga një tifoz, në administrator. Si i përshkruani këto vite në drejtimin e skuadrës së Dinamos?
-Kanë qenë vite shumë të bukura deri në vitin 2011, kur dolëm kampionë. Pas atij momenti erdhën sezonet më të trazuara për këtë klub të madh. Marrja padrejtësisht e kompleksit na ka rënduar, por punuam shumë për të mos pasur disfatë më të rëndë.

Më 25 shkurt festoni 69-vjetorin e krijimit të klubit Dinamo. A ndjeheni keq që ju gjen në kategori inferiore?
-Natyrisht që po. Vetë emri i madh që ka Dinamo nuk do e pranonte këtë situatë, që tashmë është realitet. Unë si administrator kam vuajtur shumë këto vite në Kategorinë e Parë, sepse nuk isha i gatshëm për këtë rënie. Tani kam fituar imunitet dhe jam kurajoz për projektin e ri.

Cilat janë problematikat që e sollën Dinamon në këtë situatë?
-Kompleksi “Dinamo” ishte shtëpia e kësaj skuadre të madhe. Politikat jo dashamirëse që u ndoqën me ne në vitin 2011 na larguan nga elita. Mungesa e ambienteve dhe e aseteve në klub nuk na jepte asnjë mundësi më shumë se kaq. Gjithsesi këto i takojnë së shkuarës.

A e keni një strategji për ngjitjen e Dinamos në elitë?
-Në sezonin tjetër do të jetë një Dinamo që do ta synojë me më shumë këmbëngulje ngjitjen në Superiore. Ka disa muaj që skuadrës i janë afruar disa sponsorë seriozë dhe të fuqishëm në bizneset e tyre. Strategjia jonë do të mbështetet te ky suport i ri.

Në dy fazat e para të këtij sezoni në Kategorinë e Parë, Dinamo u rendit në pesëshen e parë të Grupit A. A jeni brenda objektivave?
-Në tërësi jam i kënaqur me këtë pozicion në renditje, por kam edhe pakënaqësi. Gjatë garës kemi bërë edhe disa gabime, në dukje të vogla, por që na penalizuan në pikë dhe na larguan shumë nga Vllaznia kryesuese.

Gjatë ndeshjeve të fazës së tretë, do ta sulmojë Dinamo kreun e Grupit A?
-Edhe në fazën e tretë Dinamo do të jetë serioze e konkurrente në garë. Vetë formula e kësaj faze të mban në ethet e garës, sepse përgjysmimi i pikëve është delikat nëse nuk luan sikundër deri tani. Rruga për kreun e grupit është e hapur dhe ne do ta tentojmë.

“Të gjitha opsionet janë të mundura, sepse është vetë formula e fazës së tretë që e afron për të gjitha skuadrat. Ne si Dinamo do të vazhdojmë të jemi konstantë në synimin tonë”,  theksoi Allmuça në këtë intervistë.

INTERVISTOI: AGRON KAJA

Igli, synimi i Dinamos në këtë sezon mbetet kreu i Grupit A?
-Ne vazhdojmë të bëjmë punën tonë, duke i vlerësuar të gjitha ndeshjet njësoj dhe me synimin për t’i fituar. Kampionati ka hyrë në fazën më delikate të tij, pasi janë ndeshjet e fundit të fazës së dytë dhe skuadrat janë mobilizuar për të grumbulluar sa më shumë pikë.

Në këto 16 javë kampionat, çfarë mendoni se është përmirësuar te Dinamo nga sezonet e kaluara?
-Tashmë financat janë shumë më të sigurta, është afruar Artan Mërgjyshi si drejtor teknik dhe disa lojtarë cilësorë. Njëherësh, korrektesa ka bërë që lojtarë shumë të mirë të shprehin dëshirën e madhe të veshin fanelën e Dinamos. Kjo është një “armë” plus për vazhdimësinë tonë.

Qëndroni më shumë larg medias, mos po vazhdoni kështu rrugën e “nëndetëses” dikur?
-Ne si klub nuk duam të bëjmë bujë në media, jo më kot jemi quajtur si një “nëndetëse”. Në ecurinë tonë ne më shumë i përkushtohemi fushës së lojës dhe jo asaj mediatike. Ashtu do ta tradhtonim misionin tonë në futbollin e luajtur.

E keni një projekt për Dinamon e së ardhmes?
-Natyrisht që po. Këtë sezon po mendohet për skuadrën e sezonit të ardhshëm. Projekti është shumë serioz, në mënyrë që Dinamo shumë shpejt të rikthehet në Kategorinë Superiore. Duke qenë se financat janë të garantuara për këtë projekt, kjo na motivon më shumë në punën tonë.

Në javën e 17-të do të luani në Peshkopi ndaj Korabit, një sfidë e vështirë kjo për fitore nga ana juaj?
-Natyrisht që është shumë e vështirë, edhe për faktin se Korabi është një nga skuadrat rivale për të qenë në pesë të parat në renditjen e Grupit A. Nuk i trembemi askujt nga rivalët tanë, por as edhe nuk i nënvleftësojmë ato. Synimi ynë janë tri pikët dhe besojmë se gjithçka është e mundur.

E mendoni fazën e tretë si mundësi për përmbysje në tabelën e renditjes për të gjitha skuadrat?
-Të gjitha opsionet janë të mundura, sepse është vetë formula e fazës së tretë që e afron për të gjitha skuadrat. Ne si Dinamo do të vazhdojmë të jemi konstantë në synimin tonë nga ndeshja në ndeshje, pa asnjë kompromis.

Dinamo ka reaguar me anë të një postimi në rrjetet sociale, duke protestuar për një penallti të padhënë kundër Vorës. Kjo nuk hera e parë që ndodh një gjë e tillë, pasi blutë pretendojnë të jenë ndëshkuar nga arbitrat dhe në përballjet me dy ekipet kryesuese.

Pamjet e ofruara flasin vetë dhe janë shokuese, por arbitri Blerim Ziri ka vendosur vazhdimin e lojës. Ndeshja e radhës është në shtëpi përballë Ilirisë së Fushë Krujës dhe klubi nga Tirana bën thirrje për një gjykim korrekt, pavarësisht se si përfundon ndeshja.

Deklarata e plotë e klubit të Dinamos – “Dinamo vazhdon të bjerë pre e arbitrimit skandaloz të gjyqtarëve! Nuk duam kurrsesi të justifikojmë humbjen në fushë, por nuk mund të qëndrojmë indiferentë ndaj indinjatës së tifozëve, që me të drejtë reagojnë ndaj vendimeve të gjyqtarëve.

Duke e ditur mjaft mirë që jemi pjesë e një kampionati që diferencën në fushë e bëjnë episodet, po ju tregojmë këtë video, ku na mohohet sërish një penallti “sade” në ndeshjen e fundit ndaj Vorës. Kjo është humbja e tretë e jona ku protagonist bëhen gjyqtarët.(kujtojmë këtu penalltitë e padhëna edhe ndaj Vllaznisë e Erzenit)

Nuk e dimë se kujt i prishim punë, por Dinamo nuk mund të luftohet nga faktorë të jashtëm sa herë që merr rezultate pozitive.”

Aktualisht Dinamo ka 7 sezone që luan në Kategorinë e Parë dhe në 14 javët e luajtura në Grupin A ka grumbulluar 24 pikë e renditet në vendin e 3-të, 9 pikë larg Vllaznisë që kryeson këtë grup. Ndeshjen e javës së 15-të Dinamo luan me Vorën në Pezë Helmës, skuadër e cila renditet në vendin e fundit në këtë grup me 6 pikë.

INTERVISTOI: AGRON KAJA

Është hera e parë që te Dinamo jeni në pozicionin e Drejtorit Teknik, e kishit menduar më parë?
-Të them të drejtën jo. Pas eksperiencës si lojtar për shumë vite te Dinamo, e më pas si trajner i saj, në postin e Drejtorit Teknik ndjehem si në shtëpinë time. Karriera në sport i pranon të gjitha pozicionet, rëndësi ka që edhe këtu të jap kontributin tim maksimal për më të mirën e skuadrës.

Në një muaj te Dinamo, çfarë mendoni se ka ndryshuar në skuadër?
-Nëse e keni fjalën për merkaton, kemi bërë vetëm dy afrime. Kur flasim për skuadrën në tërësi, mendoj se ndryshimi thelbësor është psikologjia e fituesit. Grupi aktual ka patur ecuri të mirë dhe gjatë miqësoreve që zhvilluam kanë treguar seriozitet e nivel në lojë.

Gjatë muajit janar keni bërë merkato me “pikatore”, pse vetëm me dy emra futbollistësh?
-Ne kemi afruar gjatë muajit janar dy futbollistë: Erald Kolgega dhe Ervis Kaja. Kjo sepse grupi që mbylli gjysmën e parë të këtij kampionati ka qenë i plotë dhe me këtë përbërje Dinamo do të jetë më konkurruese në kampionat.

Për javën e 15-të do të luani ndaj Vorës së fundit në renditjen e Grupit A. Cili është synimi i Dinamos?
-Si çdo ndeshje në Kategorinë e Parë, edhe kjo me Vorën ka shkallën e saj të vështirësisë. Kemi përballë një kundërshtar që kërkon të mbijetesën dhe në këtë merkato ka bërë disa përforcime. E respektojmë Vorën si kundërshtar, por Dinamo në këtë sfidë do të luajë vetëm për fitore.

Çfarë synoni me Dinamon në këtë sezon, nisur nga renditja aktuale e saj në Grupin A?
-Së pari, në katër ndeshjet e fazës së dytë ne do të kërkojmë të marrim sa më shumë pikë, e po kështu të vazhdojmë në fazën e tretë. Ajo ka specifikën e veçantë me përgjysmimin e pikëve të dy fazave të para. Nuk do përjashtohemi nga lufta për kreun e Grupit A.

E keni një strategji si klub për rikthimin e Dinamos në Kategorinë Superiore?
-Natyrisht që po dhe e them me bindje se të gjithë po punojnë që Dinamo të rikthehet në Kategorinë Superiore, pse jo që në sezonin e ardhshëm. Kemi një strategji që të krijomë një ekip konkurrues, dhe gradualisht po i shtrojmë shinat për të kthyer Dinamon aty ku i takon emrit të madh të kësaj skuadre.

Në njoftimin e bërë në faqen zyrtare të klubit në “Facebook”, bëhet e ditur se 31-vjeçari do të jetë pjesë e Dinamos deri në përfundim të sezonit aktual. Skuadra dinamovite është e mbushur me lojtarë të rinj dhe eksperienca Kajës është mëse e nevojshme për djemtë e Igli Allmuçës.

Një tjetër paraqitje e shkëlqyer për Tërbunin, që përtej rezultatit, bëri një figurë shumë të mirë edhe në lojë, duke krijuar raste të shumta për shënim, gjatë gjithë ndeshjes. Një sinjal i qartë se pukjanët e kanë shumë seriozisht këtë vit dhe nëse llogariten edhe dy sulmuesit e afruar në janar, Sejdini e Merdini, atëherë grupi A i Kategorisë së Dytë ka një favorit të madh tashmë.

Në sfidën e sotme u mbajt edhe një minutë zi, në nderim të ish-futbollistit të famshëm të Dinamos, Vasillaq Zëri, i ndarë nga jeta ditën e premte.

Tërbuni – Dinamo           1-0
Shënues: Metani 43′

Korabi dhe Internacionali u ndeshën ditën e sotme në një takim miqësor, që u mbyll me fitoren e dibranëve me rezultatin 2-0. Shënuesit e golave për Korabin ishin Skuka dhe Dida. Në fundjavën e ardhshme, djemtë e drejtuar nga Dorian Bubeqi do të presin në Peshkopi Veleçikun, në kuadër të takimit të javës së 15-të Kategorisë së Parë.

Korabi – Internacional        2-0
Shënues: Skuka 10′, Dida 85′

Të thinjur dhe të vjetër në moshë, ish-bashkëlojtarë e trajnerë të Vasillaq Zërit dhimbjen e shprehnin qartë, por krenaria që kanë njohur këtë futbollist të madh, një nga më virtuozët e lojës së futbollit në Shqipëri,  shprehej në fytyrat e tyre.

Veç figurave të njohura të Dinamos dhe të Kombëtares, qytetarë të shumtë u përulën para fotografisë mortore, e mes tyre edhe Presidenti i Republikës, Ilir Meta, dhe Zëvendëspresidenti i FSHF-së, Edvin Libohova.

Kujtimet e vlerësimet për figurën e Vasillaq Zërit e rikthyen në kujtesë atmosferën e viteve të bukura të këtij personaliteti, i cili së bashku me Ilir Përnaskën e Shyqyri Ballgjinin formuan treshen më të madhe të të gjitha kohrave në futbollin shqiptar, ku në mesin e tyre Llaqi ishte “xhongleri” dhe “magjistari” i topit në çdo pozicion.

Natyrisht që ai ka lënë një histori të madhe dhe me vlera në futbollin shqiptar, ndaj dhe sot dhimbja për këtë ikonë është e madhe.

Presidenti i Shqipërisë, Ilir Meta
“Është një humbje e madhe sot, jo vetëm për familjen e Vasillaq Zërit. Futbolli shqiptar sot me dhimbje të madhe do ta përciellë këtë Legjendë, një nga më të mëdhenjtë në histori, “magjistarin” e topit të futbollit. Llaqi ishte një lojtar kyç i Dinamos dhe i Kombëtares sonë, që së bashku me Përnaskën e Ballgjinin formoi treshën e ëndrrave. Një Legjendë e vërtetë për të cilin fjalët sot janë të vështira për tu thënë. Gjeneratat shoqërisë shqiptare kanë se çfarë të mësojnë nga ky futbollist i madh, por edhe një njeri i tillë”.

Zëvendëspresidenti i FSHF-së, Edvin Libohova
“Me humbjen e Vasillaq Zërit, futbolli shqiptar përciell me dhimbje të madhe një Legjendë. Të gjithë shqiptarët e kohës kur Zëri luajti “magjinë” e tij në futboll e kujtojnë me respekt e nostalgji, bashkëkohësit e ndjekësit e futbollit të tij kanë në kujtesë një futbollist të madh, një njeri të mirë që ja kushtoi jetën tërësisht këtij sporti magjik, siç edhe ai ishte brenda tij. Kontributi i madh i Vasillaq Zërit edhe në institucionin e FSHF-së ende është i prekshëm, dhe brezat në Shqipëri do të kenë shumë se çfarë të mësojnë”.

Zgjedhja e Dinamos – “Jam në shtëpinë time si me thënë, pasi ndihem dinamovit. Unë dua të tregohem gjithmonë modest, por te Dinamo kam arritur shumë gjëra. Kam luajtur si futbollist, kam qëndruar si drejtues, si trajner, jam shumë i lidhur me këtë klub”.

Synimi – “E ndjej për detyrë të kontribuoj për Dinamon dhe dua të rikthej Dinamon aty ku i takon dhe aty ku të gjithë tifozët kanë vite që presin. Është një detyre dhe obligim për të bërë më të mirën dhe për tu rikthyer aty ku na takon”.

Tifozët – “Është e vërtetë që qëndrimi për një kohë relativisht të gjatë ka ulur besimin te tifozët e Dinamos, por dhe te pjesëtarët e stafit. Duhet punë që të thyhet ky mentalitet, por ajo që më ngroh dhe më mbush me optimizëm është fakti që projekti i klubit synon me doemos të rikthehet në Superligë”.

Strategjia e klubit – “Tani që jam pranë skuadrës, them me bindje se të gjithë po punojnë që Dinamo të rikthehet në Superiore. Do t’i marrim gjërat me qetësi dhe të kemi një strategji që të krijomë një ekip konkurrues dhe me premisa, si në këtë merkato, si në merkaton e ardhshme. Po shtrojmë shinat për të kthyer Dinamon aty ku i takon”.

Sezoni aktual – “Jo se neve jemi të dorëzuar këtë sezon për ngjitjen në Superligë, pavarësisht se diferenca me Vllazninë është disi e madhe. Ne do t’i marrim ndeshjet me radhë dhe do të bëjmë maksimumin. Merkatoja është fokusi im, duhet të njoh mirë skuadrën dhe të shikoj ku ka nevojë për tu përmirësuar”.

Merkato – “Këtë periudhë do të jem në ndjekje të Kategorisë së Parë dhe të Superiores, për të marrë lojtarët e duhur për të ngritur Dinamon. Deri më tani, nuk mund të them emra, pasi jemi në bisedime me shumë lojtarë, por asgjë konkrete. Jemi në bisedime më të avancuara me 2-3 lojtarë, por fokusim im kryesor është që të rregullohen mangësitë, e jo vetëm të bëjë merkato boshe”,- tha Mërgjyshi.

Trajneri i kryeqytetasve vlerësoi lojën e mirë të skuadrës që u shpërblye me fitoren 3-1. Në fjalën e tij, kreu i pankinës dinamovite u shpreh: “Skuadra luajti mirë ndaj Burrelit, kryesisht në pjesën e dytë. Për mua rëndësi ka loja, harmonizimi i saj mbetet primar”, deklaroi Allmuça për “Sportekspres.com”.

Ndërsa Elvis Plori i Burrelit është i pakënaqur me skuadrën në tërësi: “Ndryshe nga miqësoret e tjera, sot me Dinamon skuadra nuk u shpreh mirë në lojë”. Takimi u mbyll me rezultatin 3-1 për Dinamon me golat e Marlind Nuriut, Rei Nuriut dhe Çelikut në pjesën e dytë. Golin për matjanet e shënoi Djepaxhia në pjesën e parë.

Miqësore, e shtunë 19 janar 2019,  ora 13:00 (Pezë)
Dinamo – Burreli  3-1
Shënues: M. Nuriu 25′, R. Nuriu 70′, Çeliku 75′ / Djepaxhia 90′

Dinamo: Laço, M.Nuriu, Sheta, Shaba, Ilir Allmuca, R.Nuriu, Sefa, Vrapi, Topalli, Çema, Prendi
Burreli: Millosheviç, Ujka, Papleka, Dedgjonaj, Lekaj, Farruku, Stana, Hyseni, Djepaxhia, Levendi, Ajazi.

Takimi tjetër miqësore ishte ai midis Besës së Kavajës dhe kosovarëve të KF Ballkanit. Skuadra e drejtuar nga Gugash Magani nuk duket ende në formë optimale dhe pas humbjes me Tiranën, ka pësuar një tjetër disfatë. Skuadra kosovare e Ballkanit fitoi 2-1, ndërsa golin e vetëm për kavajasit e shënoi Onuh.

Miqësore – E shtunë, më 19 janar

Besa-Ballkani 1-2
Shënues: Onuh

Fitore sot ka marrë dhe skuadra e Turbinës, që ka mposhtur ekipin e Shkumbinit me rezultatin e pastër 2-0. Golat nga Sallaku dhe Gjeci vendosën këtë sfidë dhe cërrikasit morën një triumf bindës.

Miqësore, e shtunë, 19 janar 2019 Cërrik

Turbina – Shkumbini 2-0
Shënues: Sallaku, Gjeci

Në përfundim të ndeshjes, klubi me një postim në llogarinë e tyre në “Facebook” zyrtarizoi afrimin e Erald Kolgegës. Mesfushori mbrojti ngjyrat e Apolonisë në pjesën e parë të sezonit, ndërsa kalimi te blutë e kryeqytetit është një rikthim për të.

Në gjysmën e dytë të sezonit 2015/2016, Kolgega ka qenë pjesë e Dinamos, ku më pas u largua në drejtim të Bylisit, me të cilët luajti për dy sezone. Më parë, 24-vjeçari është aktivizuar gjithashtu dhe me Korabin apo Himarën.

Erzeni u mposht nga Tërbuni me rezultatin 4-3, një ndeshje spektakolare. Golat për Tërbunin u shënuan nga Teqa, Xhemalaj dhe Mahmutaj dy herë. Trajneri i Erzenit, Gentian Stojku e quajti këtë miqësore si një ndeshje e ekuilibruar, me të dyja skuadrat që kanë shumë pak diferencë mes njëra-tjetrës.

Miqësore

Erzeni-Tërbuni 3-4
Shënues: Teqaj 30′, Xhemalaj 41′. Peqini 60′ / Sejdini 16′ 24′,  Mezini 38′ 46′

Ndeshja tjetër miqësore u zhvillua mes Dinamos dhe Shqipërisë U-19, me kryeqytetasit që triumfuan pastër 3-0. Golat nga Çema, Vrapi dhe Topalli i dhanë fitoren djemve të Igli Allmuçës përballë ekipit të moshave kuqezi.

Miqësore

Dinamo – Shqipëri U-19  3-0
Shënues: Çema, Vrapi, Topalli

Ka triumfuar Besa, që përballë sot kishte Shqipërinë U20. Një gol i shënuar në pjesën e parë nga Donald Mëllugja ka vendosur fatet e këtij takimi. Ndërkohë edhe Elbasani ka luajtur sot me Vllaznimin dhe është mposhtur me rezultatin 0-1.

Ishte parashikuar të luhej një miqësore me ekipin U19 të Vllaznisë, por sot Shënkolli ka luajtur brenda familjes. Përballë formacionit të Alket Krujës sot ishte skuadra e U17 të Akademisë së futbollit në Shënkoll. Trajneri Kruja deklaroi për SportEkspres.com se ka qenë një ndeshje e luftuar dhe skuadra e tij tregoi stabilitet në lojë. Mesjavën e ardhshme te Shënkolli kanë menduar të zhvillojnë një tjetër miqësore.

MIQESORE – E shtunë, më 12 janar

Shqipëri U20-Besa 0-1
Shënues: Mëllugja 35’

Apolonia-Dinamo 1-1
Shënues: Mehmeti 12’ / CCeliku 85’

Elbasani-Vllaznimi 0-1

Shënkolli-Shënkolli U17 3-0
Shënues: Gjinaj (2), Viktor Kale

Mërgjyshi drejtoi këtë sezon skuadrën e Laçit, por la drejtimin e kurbinasve pas mungesës së rezultateve. Ai nuk arriti të gjente një skuadër tjetër dhe “u ankorua” te klubi i Dinamos për momentin. Tekniku po pret ofertën e duhur për të vazhduar karrierën e tij si trajner.

Sot në mesditë do të zhvillohet një takim tresh: Saliaj-Allmuça-Megjyshi, i cili do të përcaktojë më shumë detaje rreth pozicionit të Mergjyshit si drejtor teknik i Dinamos. Burime zyrtare pranë klubit dinamovit konfirmuan sot për SportEkspres.com se, ofertën e drejtuesve të Dinamos vetë Mergjyshi në parim e ka pranuar, ndërkohë që sot në takim do të përcaktohen më qartë detyrat e tij dhe të trajnerit Igli Allmuça.

Në 14 javët e luajtura në Kategorinë e Parë, Dinamo renditet në vendin e 3-të në Grupin A me 24 pikë, 11 pikë larg Vllaznisë në vendin e parë, ndërkohë që me këtë përforcim duket sikur lufta sportive mes shkodranëve e dinamovitëve për vendin e parë në grup, tashmë ka nisur.

AGRON KAJA

“Më vjen keq për Dinamon që shprehet kështu, sepse është i vetmi ekip i kampionatit shqiptar që nuk i ka pikët e veta, por të gjyqtarëve. Dinamo po prish kampionatin Shqiptar me arbitrat që merr me vete, por dhe tek Dinamo donatori është zv.presidenti i FSHF. Patjetër që pata reagime, por me këto gjyqtarë kampionati shqiptar është shumë i vështirë. Suksese Dinamo, por jo me gjyqtarët. Suksesi të jetë vetëm i juaji”, shkruhet në komentin e bërë në faqen zyrtare të Dinamos.

QËNDRIMI I DINAMOS – “F.K Dinamo denoncon gjykimin skandaloz të arbitrave! Jemi në prag të vitit 2019, por në fusha të caktuara luhet akoma si në ‘97, ku arbitri kërcënohet hapur nga të ashtuquajtur drejtues klubesh, duke ndikuar direkt në rezultat, me penallti inekzistente e faulle të paqena!

Duke mos dashur aspak të justifikojmë humbjen, klubi blu i bën thirrje instancave më të larta të futbollit në Shqipëri që arbitrat kamikazë mos t’i lejojë më të vendosin ‘drejtësi’ brenda fushës së gjelbër e gjithashtu të dënojë këta pseudo-drejtues trima që kujtojnë se futbollin e kanë pronë personale. Faleminderit çunave të ekipit që sot zhvilluan një ndeshje të shkëlqyer, paçka se futbolli doli në plan te dyte nga faktorë të jashtëm! FORCA DINAMO”, shkruante klubi kryeqytetas një ditë më parë.

Blutë e kryeqytetit ndërkohë theksojnë se në Shijak u ushtrua presion nga drejtuesit e skuadrës vendase dhe arbitrat e ndeshjes i konsiderojnë si “kamikazë”. Penalltia dhënë është kontestuar, ashtu sikurse edhe faullet e shumta të dhëna kundër tyre.

QËNDRIMI I DINAMOS – “F.K Dinamo denoncon gjykimin skandaloz të arbitrave! Jemi në prag të vitit 2019, por në fusha të caktuara luhet akoma si në ‘97, ku arbitri kërcënohet hapur nga të ashtuquajtur drejtues klubesh, duke ndikuar direkt në rezultat, me penallti inekzistente e faulle të paqena!

Duke mos dashur aspak të justifikojmë humbjen, klubi blu i bën thirrje instancave më të larta të futbollit në Shqipëri që arbitrat kamikazë mos t’i lejojë më të vendosin ‘drejtësi’ brenda fushës së gjelbër e gjithashtu të dënojë këta pseudo-drejtues trima që kujtojnë se futbollin e kanë pronë personale. Faleminderit çunave të ekipit që sot zhvilluan një ndeshje të shkëlqyer, paçka se futbolli doli në plan te dyte nga faktorë të jashtëm! FORCA DINAMO”, shkruhet në komunikatën e klubit kryeqytetas.

POSTIMI I TOMORIT – “Ja ccfarë ndodh në kampionatin shqiptar të futbollit. Orikumi-Tomori. Arbitri që flet me lojtarët e Orikumit në pushim të pjesës së parë. Pasi pjesën e parë e kreu detyrën. Nuk dha një penallti dhe dy kartonë të kuq ndaj ekipit të Orikumit”, shkruan klubi beratas.

https://www.facebook.com/FkTomori.Al/videos/491560381251868/