Porta mbetet problem për Arsenalin, sytë nga Gjermania

Sport Ekspres — Thu, 13 Jun 2019 21:46:00 +0000

Peter Çeh e përfundoi aventurën e tij me Arsenalin dhe londinezëve u duhet të gjejnë një pasues. Ata pritet të marrin një portier të ri që do rritet profesionalisht në skuadrën e drejtuar nga Unai Emeri, për t’u bërë më pas gardiani i parë i portës.
Markus Shubert do të firmosë në ditët e ardhshme me Arsenalin. 21-vjeçari aktivizohet me Dinamo Dresden në Bundesligën 2 gjermane. Me paraqitjet e tij të mira ka bërë të tërheqë vëmendjen e klubit anglez dhe të shihet si një nga portierët e së ardhmes në vendin e tij.

Fillimisht Shubert do të jetë numri 2 i portës. Ai duhet të konkurojë me cilësitë e Bernd Leno. Ky i fundit ka shfaqur siguri, por ardhja e një portieri të talentuar mund të shtojë rivalitetin për katërkëndëshin e Arsenalit.

Policia gjermane në krizë, ministria anulon kryendeshjen e javës

Sport Ekspres — Fri, 31 Aug 2018 17:29:53 +0000

Demonstratat e dhunshme anti-emigracion që kanë pushtuar Gjermaninë gjatë ditëve të fundit kanë sjellë probleme dhe për mbarëvajtjen e ndeshjeve të futbollit. Si pasojë e dislokimit të forcave të shumta policore në qytetin e Çemnicit, ku dhe është qendra e protestave zyrtarët e ministrisë së brendshme, kryendeshja e Bundesligës së dytë midis Dinamo Dresden dhe Hamburg nuk do të luhet.

Takimi ishte programuar të luhej ditën e nesërme në orën 1. Tifozët e Dresdenit kishin avulluar 30000 biletat e takimit, por tani të dy skuadrat duhet ta zhvillojnë ndeshjen në një datë tjetër. Federata gjermane kishte kërkuar që të plotësonte numrin e pakët të policëve me punonjës të policive private, por kjo kërkesë e tyre është mohuar.

Foto nga protestat anti-emigracion