Digitalb Kupa e Kosoves

VIDEO | Drita dështon dhe në Kupë, ka festë në Gjakovë

Sport Ekspres — Sun, 10 Feb 2019 13:54:41 +0000

Feronikeli ishte ekipi i parë që u kualifikua në gjysmëfinalet e Digitalb Kupës së Kosovës, ndërsa ndeshjet e sotme kanë dhuruar surpriza. Vëllaznimi i Gjakovës ka arritur një fitore të madhe, duke eliminuar kampionët në fuqi të Dritës.

Një gol i Tun Bardhokut tre minuta përpara fundit të pjesës së parë ka vendosur ndeshjen, duke dërguar në festë tifozët kuqezinj. Sezon i dështuar për ekipin gjilanas, që humbet mundësinë e vetme për t’u kualifikuar në kupat europiane, madje eliminohet nga një ekip që garon një kategori më poshtë.

Ndeshja tjetër midis Kikës dhe Ballkanit është mbyllur pa gola dhe momentalisht po zhvillohen 30 minutat shtesë për t’u njohur me ekipin e tretë gjysmëfinalist. Sfida e fundit midis Prishtinës dhe Trepça ’89 sapo ka nisur dhe për momentin nuk është shënuar asnjë gol.

Vëllaznimi-Drita 1-0
(Bardhoku 42′)

Mjafton një gol, Ferronikeli kalon në gjysmëfinale

Sport Ekspres — Sat, 09 Feb 2019 14:35:41 +0000

Feronikeli ka kaluar në fazën gjysmëfinale të Digitalb Kupa e Kosovës. Skuadra e drejtuar nga Zekerija Ramadani ka mposhtur me rezultatin minimal 1-0 Ferizajin. Autori i golit të vetëm të kësaj ndeshjeje ishte sulmuesi Kastriot Rexha.

Shtatlarti a shfrytëzuar një hutim të mbrojtjes kundërshtare dhe e ka dërguar topin në rrjetë. Që nga minuta e 21-të Feronikeli e pa veten në avantazh. Mbrojtësi Lladrovci ka qenë ai që ka tentuar më pas sërish golin, por pa sukses. Në fundin e pjesës së parë ka pasur protesta nga vendasit, që kërkuan penallti.

Në fraksionin e dytë të lojës Feronikeli tentoi të shënonte edhe golin e qetësisë, por s’e gjeti dot. Gjithsesi me fitoren 0-1 siguroi kalimin në gjysmëfinale. Përballjet e tjera të fazës çerekfinale do të jenë: Prishtina-Trepça 89’, Vëllaznimi-Drita dhe Kika-Ballkani. Të tre këto përballje do zhvillohen ditën e nesërme.

Digitalb Kupa e Kosovës – Faza çerekfinale
E shtunë, më 9 shkurt, ora 13:00

Ferizaj-Feronikeli 0-1
Shënues: Rexha 21’

Ferizaj: Blakçori, M. Idrizi, Kuka, Mone, Dautaj, E. Shabani, Du. Gashi, Dr. Gashi, Hamiti. Trajner: Bylbyl Sokoli.

Feronikeli: Smakiqi, Islami, Prekazi, Lladrovci, Hoxha, Dabiqaj, Hoti, Ahmeti, Silva, Fazliu, Rexha. Trajner: Zekirija Ramadani

Gjyqtarë: G. Nuza, E. Zeqiri, F. Sekiraqa dhe B. Kasumi

Prishtina kualifikohet me “poker”, goleadë e Dritës në Kupë

Sport Ekspres — Sat, 08 Dec 2018 13:37:56 +0000

Prishtina dhe Drita kanë kaluar në fazën çerekfinale të Digitalb Kupa e Kosovës. Kampionët në fuqi i shënuan pesë gola skuadrës së Minatorit, kurse kryeqytetasit përballeshin me Lirinë. Skuadra nga Prizreni nuk ka rezistuar dot, pasi skuadra e Mirel Josës shënoi dy herë në fundin e pjesës së parë.

Korenica dhe Ahmeti ishin ndëshkuesit e bardhezinjve. Në të dytën shënoi edhe Khalid dygolësh dhe Prishtina kaloi më tej në Kupë. Te Drita, në fitoren 5-3 spikat fakti që të pestë golat janë shënuar nga futbollistë që janë aktivizuar më parë në Superiore.

Bujar Shabani (ish-Skënderbeu) dhe dy herë, kurse Shala (ish-Laçi), Neziraj (ish-Flamurtari) dhe Xhevdet Shabani (ish-Teuta) realizuan nga një gol. Ferizaj gjithashtu ka përparuar në Kupë, pasi ka mundur 1-2 Fushë-Kosovë. Ndërkohë mbetet të mësohet se kush do të kaloj më tej në çiftin Besa-Vëllaznimi. Koha e rregullt u mbyll 0-0 dhe po luhet shtesa.

DIGITALB KUPA E KOSOVËS

Besa-Vëllaznimi 0-0
Drita-Minatori 5-3
Shënues: B. Shabani 24’, 57’, Shala 38’, Neziraj 46’, Xh. Shabani 70’
Fushë Kosova-Ferizaj 1-2
Shënues: Idrizaj 60’, Dautaj 80’
Liria-Prishtina 0-4
Shënues: Korenica 41’, Ahmeti 44’, Khalid 73’, 89’

Prishtina kualifikohet me penallti, goleada të Lirisë dhe Gjilanit

Sport Ekspres — Tue, 27 Nov 2018 14:25:52 +0000

Drenica-Prishtina ishte përballja më interesante në Digitalb Kupa e Kosovës. Kjo përballje u mbyll pa gola, ndërkohë që edhe në shtesë asnjë skuadër nuk ia doli dot të shënonte. Gjithccka u vendos pas gjuajtjes së 11-metërshave. Bekaj priti dy penallti dhe skuadra kryeqytetase kaloi tutje me rezultatin 5-6

Gjilani ka kaluar në raundin tjetër vetëm në shtesë, pasi koha e rregullt kundër Sharrit u mbyll 2-2. Më pas të kuqtë shënuan katër herë të tjera dhe u kualifikuan. Liria e Prizrenit ka kaluar pa probleme Lugun e Baranit, madje duke i shënuar plot 11 gola.

Onixi eliminoi Fushë Kosovë, pasi fitoi 2-3. Ballkanit i ka mjaftuar goli i Berishës në takimin me Drenasin, kurse Ferizaj nuk është kursyer ndaj Vllaznisë (6-2). Dukagjini nuk e ka diskutuar Arbërinë, duke e mundur 3-1.

Besa e Pejës ka përparuar në Kupë, duke mundur 1-2 Vllazninë e Pozheranit. Flamurtari likuidoi KEK-in, ndërsa Istogu Ramiz Sadikun. Vushtrria ka dalë nga Kupa, pasi Kika e mundi 2-0.

DIGITALB KUPA E KOSOVËS

Vllaznia Pozheran – Besa 1-2
Drenica – Prishtina 0:0 (5-6 me penallti)
Fushë Kosova – Onix 2-3
KEK-u – Flamurtari 0-1
Shënues: Shillova 85’
Istogu – Ramiz Sadiku 3-1
Shënues: Krasniqi 68’, Fetahu 76’, Ademaj 81’
Drenasi – Ballkani 0-1
Shënues: Berisha
Sharri – Gjilani 2-5
Shënues: / Halili 13, Kqiku 75’, Kastrati 92’, Perez 94’, Nika 103’, 113\
Ferizaj – Vllaznia Zh 6-2
Shënues: D. Gashi, Marku, Haxhaj, Hamiti, Dautaj(2).
Lugu i Baranit – Liria 0-11
Bashkimi – Vëllaznimi 0-3
Dukagjini – Arbëria 3-1
Kika-Vushtrria 2-0
Shënues: Syla, Ferati