“Kemi bërë një fazë shumë të mirë parasezonale dhe kjo fitore ishte si rezultat i kësaj. E përgatitëm mirë këtë ndeshje dhe kishim planifikuar që lojtarët kryesorë të qëndronin rreth 60 minuta në lojë. Ishte një ndeshje shumë e mirë. Lojtarët ishin entuziast dhe po i thithin shpejt idetë e mia.”

”Mendoj se kjo sfidë nuk paraqit aspak kapacitetin e këtyre dy ekipeve. Diferencën e bëri përgatitja e ndeshjes. Ishim shumë të saktë dhe të ftohtë para portës  . Feliks është më mirë në sulm. Me vizionin dhe dinamizmin e tij, ai është i rrezikshëm”, u shpreh Simeone.

“E vlerësoj Grizman për pesë vitet që ishte me ne, ishte perfekt. Punoi shumë mirë dhe u rrit mjaft si futbollist. Kam folur shumë me të. Tani është një moment kyç për karrierën e tij. Ka shkuar në një klub gjigant si Barcelona. Disa e vlerësojnë atë për veprimin e fundit, por unë jo.”

“Shumë të afërm më kërkojnë të marr drejtimin e Argjentinës. Nuk do e bëj, pasi jam shumë mirë këtu. Kam folur me drejtuesit e federatës dhe gëzojmë marrëdhënie të mira. Nuk kam pasur asnjëherë një propozim të tillë”, deklaroi Simeone.

Media të ndryshme e bëjnë fakt të kryer akordin mes klubit katalanas dhe yllit të ekipit “colchoneros”. Rreth kësaj situate ka folur Diego Simeone. Trajneri i Atletikos tregohet i qartë në fjalët e tij dhe beson e shpreson që Grizman të vazhdojë të qëndrojë tek ekipi i tij.

“Antuan është kapiteni jonë dhe është shumë i rëndësishëm për ne. Nuk jam i shqetësuar për çfarë flitet. Ka gjithçka për t’u përmirësuar akoma me ne. Nëse mendoj se mund të largohet, sigurisht që nuk do të flisja mirë për të”, përfundon trajneri argjentinas.

Lidhur me këtë çështje, Diego Simeone ka reaguar ndaj mediave, ku është shprehur se nuk e kupton se si mund ta pyesin si ndihet që e mbyll kampionatin i dyti. Numri një i stolit të Atletikos u shpreh se rivalizon dy ekipet më të mira në botë, Barcelonën dhe Realin e Madridit.

“Më kanë pyetur se si ndihem që e mbyll kampionatin i dyti. E dini që rivalizojmë me Barcelonën dhe Realin e Madridit?! Janë dy ekipet më të mira në botë. Nuk mendoj se është dështim. Mendojmë vetëm për veten tonë. Në këto 7 vite e gjysmë gjithmonë jemi munduar të qëndrojmë afër kreut.”

“Jam i gëzuar që kërkohet gjithnjë më shumë nga Atletiko, sepse flet shumë për lojtarët dhe klubin, për atë që kemi bërë këto vite. Do të vazhdojmë të luftojmë, do të jemi aty, duke pritur që Reali apo Barcelona të kenë një vit të keq, edhe pse është e vështirë që të dy këta rivalë të kenë njëkohësisht një vit ters”.

Diego Simeone, trajneri i “Los Colchoneros” është shprehur para pak kohësh se 30-vjeçari do të jetë edhe vitin e ardhshëm pjesë e skuadrës. Megjithatë, mendim krejt të kundërt kanë drejtuesit e klubit. Ata janë ngopur nga sjelljet e pahijshme në fushë dhe dëmtimet e shpeshta dhe synojnë ta nxjerrin në shitje.

Ky objektiv i drejtuesve nuk duket aspak i lehtë. Kosta tashmë është 30 vjeç. Atletiko ka paguar 56 milionë euro kesh deri tani, ndërsa 10 milionët e tjera muk janë paguar ende pasi ai nuk i ka përmbushur akoma objektivat e shënuar në kontratë. Është gati e pamundur që ai të shitet me të njëjtën vlerë që është shitur.

Deri tani nuk e ka kërkuar askush dhe nuk dihet nëse do ndodhë kjo. Performancat e tij edhe kur ka luajtur nuk kanë qenë aspak bindëse. Në gjithë sezonin ai regjistron 3 gola dhe 3 asiste. Shifra aspak të denja për dikë që ka kushtuar aq shumë.

Spanjolli ka dhënë shumë pak për madrilenët, për të mos thënë aspak dhe me sa duket e ka mbushur kupën. Drejtuesit e “Los Colchoneros”, duket se nuk durojnë më dhe e kanë nxjerrë sulmuesin zyrtarisht në merkato.

Siç raportojnë edhe mediat më të mëdha në Spanjë, 30-vjeçari duket se është kthyer në një barrë për Atletikon, teksa përfiton edhe një pagë vjetore prej 10 milionë eurosh. Për të mos përmendur faktin që madrilenët paguan plot 66 milionë euro për ta afruar nga Çelsi.

El Atlético pone a Diego Costa en el mercadohttps://t.co/ukKWKzPTsH pic.twitter.com/6RyvYKKJoJ

— Mundo Deportivo (@mundodeportivo) April 26, 2019

Problem më vete ky për Atletikon, pasi për spanjollin zor se mund të vërë dorën në zjarr ndonjë ekip evropian. Zgjedhja e vetme mbetet Kina, por problemi këtu ngec te Diego Kosta, i cili nuk kërkon të kalojë në Azi. Gjithsesi, një gjë është e sigurt, dashuria Diego Kosta-Atletiko, duket se ka marrë fund.

Francezi përfiton një rrogë prej 3.3 milionë eurosh në muaj, por ai tundohet nga ideja për të luajtur e fituar trofe të rëndësishëm me ekipin katalanas. Diego Simeone e ka shprehur gjithmonë faktin që francezi nuk do të largohet. Trajneri argjentinas nuk mund ta imagjinojë ekipin “colchoneros” pa yllin e saj.

“Antuan është një nga kapitenët tanë. Klubi ka bërë një punë të jashtëzakonshme për ta mbajtur dhe ai është i lumtur këtu me ne. Grizman është shumë i rëndësishëm për Atletikon dhe as që më shkon ndërmend largimi i tij”, përfundon “El Cholo”.

KARTONI I KUQ – “Në 11 ndeshjet e fundit këtu kemi marrë shtatë kartonë të kuq. E pyeta gjyqtarin dhe më tha diçka, që Kosta e mohon. Nëse versioni i gjyqtarit është i vërtetë, ai ka vepruar mirë. Në La Liga ka pasur shembuj të tjerë në të kaluarën si ky i sotmi, që nuk janë dënuar dhe këtë nuk e shoh të drejtë. Gjithsesi kjo nuk e justifikon Diegon”.

DËSHTIM I SEZONIT?– “Sezoni ynë kurrsesi nuk ka përfunduar. Do mundohemi të fitojmë sa më shumë pikë në ndeshjet e mbetura. Ju duket negative që jemi në vendin e dytë dhe se kemi fituar Superkupën e Evropës?”.

REAGIMI PAS KARTONIT– “Nuk mund të them se kemi humbur vetëm prej largimit të Kostës. Ne donim që të mos e izolonim Grizmanin. Ekipi, edhe pse me një lojtar më pak, e bëri këtë. U shpërndanë mirë në fushë. Reaguan mirë. Mbajtja e topit nuk ka rëndësi, golat po.”

KONKLUZIONET E FUND-SEZONIT– “Këtë sezon kemi fituar disa lojtarë si Gimenez, Tomas apo Rodri. Ata janë përmirësuar shumë. E dimë që nuk jemi në një situatë komode, por e gjitha kjo do të na bëjë më të fortë”.

Mungesat e shumta kanë prekur ekipin “colchoneros”, ndërsa Dieogo Simeone tenton të rikuperojë Diego Kostën për sfidën me ekipin kryesues. Trajneri është shumë i lidhur me sulmuesin dhe ka besim maksimal tek ai.

“Do të përpiqemi ta kemi gati Diego Kostën për ndeshjen e fundjavës kundër Barcelonës. Dëshiroj që të vazhdojë të qëndrojë me ne edhe për sezonin tjetër. Shpresoj të ketë vazhdimësi me këtë klub. Diego ndodhet në një moshë ideale dhe unë i besoj deri në vdekje atij. Nuk është rastësi fakti që nga momenti që është kthyer, kemi fituar Ligën e Europës dhe Superkupën e Europës”, thekson Simeone.

Argjentinasi ndalet dhe te situata e Antuan Grizman. Fjalët e merkatos e lidhin francezin me një kalim te Barcelona, por Simeone nuk e beson. Grizman është një nga kapitenët e ekipit dhe do ia bënte me dija trajnerit, nëse dëshiron të transferohet tek ekipi katalanas.

“Antuan është një prej kapitenëve të ekipit. Nëse do duhet të thotë diçka, do e bëjë. Unë e shoh të përfshirë në grup dhe me dëshirën për të ndihmuar ekipin. Shpresoj që të rikthehet te goli, ka nevojë ai dhe ekipi. Kundër Alaveshit u zëmërua kur e zëvendësova. Po fitonim 0-3, por ai donte të luante akoma. Ky është qëndrimi i duhur që kërkoj nga të gjithë lojtarët”, përfundon trajneri i Atletikos së Madridit.

Nga raportimet e fundit, duke se trajneri spanjoll e ka gjetur zëvendësuesin. Bëhet fjalë për Tomas Partejn, mesfushori i Atletikos së Madridit. Siç thuhet nga mediat angleze, Pep e admiron shumë ganezin, i cili po zhvillon një sezon të shëklqyer me ekipin e Simeones.
Në merkaton e verës pritet që Siti të bëjë një ofertë në drejtim të Atletikos për të siguruar shërbimet e 25-vjeçarit, i cili zor se mund të refuzojë një kalim në Angli, për t’u vënën nën urdhrat e Pep Guardiolës.

Humbja, duke i shtuar edhe mënyrën se si luajti Atletiko, ka bërë që të gjithë tifozët të drejtojnë gishtin nga Diego Simeone. Trajneri shihet si fajtori kryesor dhe është më i kritikuari nga të gjithë tifozët. Nëpër rrjete sociale, argjentinasi padyshim është personi më i sulmuar.

¿Sin atacar? ¿Sin pensar en marcar otro gol?

Muy pobre planteamiento del Chole Simeone ????? pic.twitter.com/iyxqsJgrVK

— Fútbol (@Futbool_Fotos) March 12, 2019

Deklarata e tij që në rast se Juventusi shënon dy gola, do dal të shes pjepra në rrugët e Madridit, ka bërë që në rrjete sociale të plasë ironia, ku postimet janë të pafundme.

“Uè cholito, quanto fanno quelle 3 angurie lì?”#Simeone #JuveAtleti #JuventusAtleticoMadrid #JuventusAtletico pic.twitter.com/lFWtc2MdN5

— Scarso Nueve (@ScarsoNueve9) March 12, 2019

Diego Simeone s est reconverti en vendeur de melons. #juveatleti pic.twitter.com/tAEwsnn365

— Drissa (@drissaniono) March 12, 2019

El tcholo simeone ? @Diegosimeone_1 pic.twitter.com/6SVfrbDG7Q

— desy jOrdy ????? (@JordyDesy) March 12, 2019

Ciao #Simeone! #JuveAtletico pic.twitter.com/4uUOLxqbdh

— Enrico ( Billy ? Aifon ) (@ILSOB1LL4) March 12, 2019

“Nuk patëm shumë raste për shënim. Ata na sulmuan me shumë vetë duke na detyruar të qëndrojmë në mbrojtje. E gjetën golin e parë shumë shpejt dhe kjo i vuri në një pozitë të mirë për pjesën e mbetur të ndeshjes. Ishin më të mirët nga ana taktike dhe në topat e dytë dhe prandaj fituan ndeshjen”.

“Më duhet ta uroj rivalin, pasi sulmuan shumë mirë. Sigurisht edhe ne gabuam, por se ku ia them vetëm lojtarëve të mi. Gjithsesi e përsëris nuk u eliminuam se bëmë një lojë të keqe, por se kundërshtari ishte shumë më mirë se ne”.

RONALDO – “Është një ndër lojtarët më të mirë në botë. Është mëse normal që të shfaqet në ndeshje të tilla. Festimi? Me siguri ka për festimin tim dhe donte të tregonte dhe ai karakterin e tij”.

Ronaldo doing ‘The Simeone’…pic.twitter.com/EAdcCThtEq

— Football Mumble (@football_mumble) March 12, 2019

MESAZH PËR FANSAT – “U them mbështetësve të Atletikos që të na vazhdojnë të na ndjekin akoma më të shumtë në kampionat”, përfundoi Simeone.

Përballja pritet të jetë shumë e luftuar dhe djemtë e Alegrit do të bëjnë maksimumin për të përmbysur rezultatin 0-2. Diçka tepër e vështirë, pasi duhet të japësh shumë më shumë sesa mendon dhe nevojitet dhe pak fat për të mposhtur ekipin e Diego Simeones.

Ky i fundit ka marrë një lajm të mirë përpara ndeshjes. Diego Godin, kapiteni dhe lideri i mbrojtjes së ekipit “colchoneros” është rikuperuar dhe do të jetë I gatshëm për ndeshjen kundër bardhezinjve.

Uruguaiani mori një goditje në këmbë në stërvitje, një ditë përpara ndeshjes së kampionatit kundër Leganesit. Ai e trembi shumë Altetikon, por asgjë serioze. Simeone ka grumbulluar Godinin, i cili është gati të zbresë në fushë dhe të ndalojë Kristiano Ronaldon me shokë.

? | CONVOCATORIA
? ¡Aquí están los elegidos!
? ¡Descubre la lista de @Simeone para el #JuveAtleti! #AúpaAtleti #UCL pic.twitter.com/0xBjNPZAxC

— Atlético de Madrid (@Atleti) March 11, 2019

Goli i Himenez zhbllokoi shifrat, dërgoi stadiumin në ekstazë, mes tyre dhe Diego Simeonen. Argjentinasi festoi duke prekur organet gjenitale dhe diçka e tillë u quajt si provokim nga pala italiane. Trajneri kërkoi ndjesë dhe u shfajësua duke insistuar se ai ishte një veprim kundrejt lojtarëvë të tij dhe lojës burrërore të tyre.

Simeone ia ka hedhur paq dhe është dënuar me vetëm 20 mijë euro, kështu që ai do të jetë në pankinë në ndeshjen e kthimit, që zhvillohet me datë 12 mars në Torino. Arbitri i ndeshjes dhe delegati nuk kishin shënuar asgjë në protokoll dhe qeveria europiane e futbollit u mjaftua me një gjobë monetare për trajnerin pasionant.

Ky i fundit ka kërkuar falje publike në konferencën për shtyp përpara ndeshjes së kampionatit kundër Vijarealit. “El Cholo” ripërsërit se nuk kishte ndërmend të fyente askënd dhe gjesti i tij ishte vetëm kundrejt lojtarëve të tij.

“Të gjithë e dinë që unë nuk kërkoj justifikime. Ju kërkoj ndjesë dhe njëherë të gjithë njerëzve, të cilët janë ndjerë të ofenduar nga gjesti im në ndeshjen kundër Juventusit. Shpreha në mënyrë të gabuar atë që po ndjeja për djemtë e ekipit tim dhe nuk kishte lidhje fare me bardhezinjtë. Dua ta mbyll këtë temë”, thekson trajneri i Atletikos.

Një ditë më parë foli dhe babai i Diegos, i cili mbeti i befasuar nga mënyra e festimit të djalit të tij. “Unë nuk ia kam mësuar dhe nuk e di nga e nxori atë mënyrë festimi. Më befasoi, sepse mendoja se ky veprim i përkiste kohës së kaluar. Gjithsesi, ishte një shkarkim emocionesh dhe asgjë më shumë. Uroj që mos ta dënojnë.”

Një koment rreth kësaj çështje dha dhe Maks Alegri gjatë konferencës për shtyp përpara ndeshjes me Bolonjën. Trajneri i bardhezinjve u shpreh se nuk e kishte vënë re diçka të tillë dhe çdokush mund të sillet si të dëshirojë.

Festimi i Simeones është pritur keq nga tifozët e Juves, të cilët janë gati t’i dhurojnë një “mikpritje” të veçantë argjentinasit në ndeshjen e kthimit në Torino.

Megjithatë, UEFA mund të vendosë ta dënojë trajnerin argjentinas. Simeone mund të dënohet nga prova televizive, me gjestin e tij që përcaktohet si “sjellje e pamenduar”. Një gjë e tillë do pengonte trajnerin të ulej në stol në sfidën e kthimit kundër Juventusit në Torino.

Nga ana tjetër UEFA mund të vendosë të nisë një hetim për veprimin e “El Cholo-s”. Një inspektor do të niste hetimin dhe Simeone mund të rrezikonte të dënohej më gjatë. Skenari i tretë “fal” Simeonen. UEFA mund të vendosë të mos marrë asnjë masë, duke marrë për bazë karakterin e nxehtë të tij dhe duke e cilësuar veprimin e trajnerit të ekipit “colchoneros” si një festim personal dhe aspak ofendues.

Emra si Konte dhe Murinjo kanë festuar më parë në një mënyrë të ekzagjeruar, por ja kanë hedhur paq dhe nuk janë dënuar. Të njëjtën gjë shpresojnë dhe tifozët e Atletikos, të cilët duan ta shohin në stol Diegon në sfidën e kthimit, që zhvillohet me datë 12 mars.

Kur Godin i shënoi Juves, trajneri i Atletikos u kthye nga tribuna dhe festoi duke treguar organet gjenitale, si për të thënë se ekipi i tij ka “k*qe”, edhe pse arbitrat i mohuan një gol me VAR.

“Këta janë lojtarët e mi. Në futboll mund të fitosh shumë gjëra, por në mendjen e gjithsecilit prej nesh do të ngelen kujtimet e të luajturit në një skuadër që jep gjithçka. Jemi një grup që di si të fitojë dhe të luftojë si një vëllazëri”, tha Simeone pas ndeshjes.

VAR – “Le të shpresojmë që ky sistem punojë siç duhet dhe të jetë i mirë për ne. Një futbollist 1.87 metra i gjatë nuk mund të bjerë nga një kontakt aq i lehtë. Nuk është se bëri një krim të pafalshëm. Kielinit i jap notën 10, bëri një rënie shumë të bukur”.

FESTA GJATË GOLIT TË HIMENEZ – Ne kemi k*qe. E kemi treguar dhe më parë, unë thjesht u tregova i sinqertë. Nuk e kisha me Juventusin, në atë tribunë nuk kishte fare tifozë italianë, ishte thjesht një gjest spontan, më ka ndodhur edhe më parë. Kërkojë falje nëse kam ofenduar ndokënd”.

KUALIFIKIMI – “Beteja jonë vazhdon. Nuk kemi arritur asgjë. Kemi përballë një skuadër të madhe”.

“Colchoneros” arritën marrëveshjen me Çelsin dhe Morata do të aktivizohet me ekipin e Simeones për një sezon e gjysmë. Në akordin mes palëve ka një klauzolë që i mundëson ekipit anglez ta rikthejë sulmuesin në Londër gjatë verës në këmbim të një shume të caktuar, siç raporton spanjollja “AS”.

Nëse Çelsi vendos të mos e ushtrojë këtë opsion, Atletikos i kalon e drejta për ta blerë lojtarin në fund të huazimit të tij për shumën e 45 milionë eurove. “Sa më shumë futbollistë cilësorë në ekip, aq më i lumtur jam”, është shprehur shkurt Diego Simeone për sulmuesin e tij më të ri.

Trajneri i Atletikos, Diego Simeone, u tregua i butë para medieve, duke mos u marr me kritika për skuadrën e tij, megjithëse u shpreh se do të preferonte nëse skuadra e tij do të luante pak më shëmutar e të kalonte më tej. Ndoshta duke iu referuar golit të fundit të Dumbias, ku skuadra e tij u kap në kundërsulm si rrallë herë dhe e pagoi shumë shtrenjtë këtë gjë.

“Ishte një ndeshje e bukur, një klasike kupe. Kishim si synim ta fitonim dhe bëmë një pjesë të parë të mirë. Ata bënë një ndeshje të pabesueshme, i përgëzoj për fitoren, pasi ne dhamë gjithçka në këtë takim”

“Nuk është asnjëherë pozitive kur eliminohesh, na mbetet të shikojmë ndeshjen e radhës. Zhirona bëri një ndeshje të mirë dhe s’mund t’u heq meritat atyre. Por, padyshim do preferoja të luaja e keq të kaloja më tej”, përfundoi Simeone.

Gjithsesi, në mediat angleze, emri më i fundit që po qarkullon është Diego Simeone. “Timonieri” i Atletikos së Madridit, duket se pëlqehet nga drejtuesit e “Red Devils” dhe siç raportojnë “Mirror” dhe “The Sun”,  kontaktet mes dy palëve kanë nisur.
Simeone ka një kontratë që e mban në Madrid deri në fundin e sezonit të ardhshëm, pra në vitin 2020, por ndoshta mund të ketë një ndarje të parakohshme. Argjentinasi është shprehur më parë se mund të drejtojë një ditë Interin, por kjo pistë është zbehur me kohën dhe ndoshta e ardhmja e “Cholos” mund të jetë drejt Premier Ligës.

Në Milano po mendohet për një  trajner të ri dhe profili i Simeones duket ai i duhuri për një klub me synime të mëdha. “Unë tek Inter? Për momentin jam mirë në Madrid. Kam dhe një vit kontratë ndaj dua t’a respektoj. Jam shumë i qetë. Ekipi po punon shumë mirë. Ky është një vit shumë i rëndësishëm për ne. Lazio?  Sezonin e kaluar kanë qenë fantastikë. Kam jetuar 5 vite në Romë ”, u shpreh trajneri argjentinas.

Diego Simeone ka qenë lojtar i Interit gjatë viteve 1997-1999.  Prandaj, rikthimi tek Interi, tashmë si trajner, do ishte i mirëpritur. Argjentinasi po kalon disa sezone fantastike tek Atletiko Madrid, por një kalim i mundshëm tek Interi mund t’a “ngacmojë” atë.

Një gjë të tillë e pranon dhe vetë “Cholo”: Interi? Një ditë do t’i stërvis zikaltrit“, premton trajneri i ekipit “colchoneros”.

Portieri dhe mesfushori kanë folur për “Marca” pas fitores kundër Rajo Vajekanos, duke insistuar se Simeone i bën të gjitha këto gjëra për të rritur popullaritetin te tifozët e tij.

“Simeone e kritikon Realin e Madridit për t’u bërë edhe më popullor përpara tifozëve të tij. Ai e bën gjithmonë, e sulmon Realin, sepse është skuadra më e mirë në botë. Simeone ka thënë që unë u shpalla portieri më i mirë në botë, pasi kalova te Reali? Kur luajta në Botëror isha akoma pjesë e Çelsit dhe votat e portierit më të mirë u bënë në gusht, kur nuk isha pjesë e Realit. Nuk është e drejtë që ka tentuar të më ulë vlerat. Kam punuar 3 vite me të tek Atletiko dhe gjithmonë sulmon Realin për të rritur populizmin e tij te tifozët e Atletikos”, është shprehur portieri belg i Realit.

Pak a shumë të njëjta fjalë ka thënë dhe Luka Modriç. Fituesit të “Topit të Artë” nuk i kanë pëlqyer deklaratat e “Cholos”, i cili u shpreh se Antuan Grizman e meritonte të shpallej futbollisti më i mirë.

“E respektoj Simeonen, por nuk është e drejtë që sukseset tona të shërbejnë për t’i dhënë zë tezës së tij populiste për favorizime ndaj Realit”, komenton shkurt mesfushori kroat i Realit.

Diçka e tillë nuk është pranuar kurrë nga klubi dhe tifozët bardhezi, por Gjykata e Kasacionit të Italisë e ka vendosur përfundimisht: titulli i vitit 2006 është i Interit. Kasacioni përfaqëson shkallën më të lartë të gjykimit në vendin fqinj dhe Juventusit i mbetet ta “harrojë” atë titull.

Një vendim në kohën e duhur për tifozët zikaltër, të cilët e kanë akoma të freskët plagën e eliminimit nga Champions. Ata kanë “shpërthyer” kundër Luçiano Spaletit, të cilin nuk e duan më si trajner.

“Gazzetta dello Sport” ka hapur një sondazh online, ku tifozët e Interit mund të votojnë për preferencën e tyre për trajnerin e sezonit të ardhshëm. Në krye është Diego Simeone me 53.3% të votave, i ndjekur nga Antonio Konte me 20.8%. Vetëm vendi i tretë për Zhoze Murinjon me 13.4%, idhull absolut dhe i përjetshëm për çdo interist, për ta mbyllur me Luçiano Spaletit, për të cilin 12.5% mendojnë se duhet të vazhdojë punën.

RENDITJA
1- Diego Simeone – 53.3%
2- Antonio Konte 20.8 %
3-Zhoze Murinjo 13.4%
4-Luçiano Spaleti 12.5%

Në konferencën për shtyp, përpara ndeshjes ndaj Bryzh në Champions, trajneri nuk dha asnjë detaj për lëvizjet në merkato. Përkundrazi, ai pret rikthimin e sulmuesit kryesor të “kolçoneros”, Diego Kostan, i cili i’u nënshtrua operacionit në këmbë në Brazil.

“Uroj që Diego Kosta të jetë përforcimi ynë më i madh, duke nisur prej muajit shkurt. Kam biseduar shpesh më atë dhe jam në brendësi të situatës ku ndodhet. Shpresoj të rikuperohet sa më mirë dhe të gjejë shpejt gjendjen fizike”.

Votimet janë mbyllur, fitues do të shpallet njëri midis: Luka Modriç, Kilian Mbape dhe Rafael Varan. Tashmë mbetet vetëm shpallja e fituesit, ndërsa Diego Simeone ka dhënë mendimin e tij për çmimin në fjalë.

Nuk ka shanse të ndodhë, por trajneri argjentinas zgjedh Antuan Grizman si lojtarin e duhur për ta fituar “Topin e Artë”. Të dy punojnë bashkë të Atletiko e Madridit, Simeone e njeh shumë mirë dhe e arsyeton mendimin e tij se pse Grizman e meriton këtë çmim, më shumë se çdo futbollist tjetër.

“Nga pikëpamja e përgjithshme mund të themi që Leo Mesi dhe Kristiano Ronaldo janë futbollistët më të mirë në botë. Por, jo në vitin 2018. Këtë herë është Antuan (Grizman), i cili ka qenë para të gjithëve. Në këtë vit, askush në botë nuk ka bërë kaq gjëra të rëndësishme për skuadrën e tij si Grizman, si për Francën dhe për Atletikon. Ky është realiteti. Kur një futbollist siguron që gjithë skuadra mund të funksionojë, duke u bazuar në trurin e tij, ka një vlerë të pallogaritshme.”

“Franca luan falë inteligjencës së Grizman. Kur ai është i kthjellët dhe në formë të mirë fizike, nuk ka asnjë tjetër lojtar në botë kupton dhe interpreton futbollin si ai. Nëse shohim dhe trofetë e fituar si: Kupa e Botës, Europa League dhe Superkupa e Europës, askush nuk ka bërë aq shumë për skuadrën e tij, sesa Antuan Grizman”, përfundon trajneri i Atletikos së Madridit për “France Football”.

“Barcelona ka qenë gjithmonë skuadra më e mirë në botë, pavarësisht se në Champions kanë pasur shumë luhatje gjatë viteve të fundit. Në Spanjë ata janë të shkëlqyer dhe skuadra është e aftë të luajë në forma të ndryshme, duke iu përshtatur çdo kundërshtari”.

KONTRATA E OBLAK – “Oblak na e ka bërë të qartë se çfarë kërkon nga klubi. Ne kemi dëshirë të vijojmë bashkëpunimin me të, pasi të gjithë e dimë se sa i rëndësishëm është ai për Atletikon”, përfundoi Simeone.

“Akoma nuk ka negociata të hapura për kontratën e re të Simeones dhe harmonia midis klubit dhe trajnerit është e plotë. Të dy palët e konsiderojnë që tani nuk është momenti i duhur për t’u ulur e biseduar”, rrëfen drejtuesi i klubit colchoneros.

Simeone drejton Atletikon nga dhjetori i vitit 2011, ndërkohë që është trajneri më fitues i historisë s klubit. 1 La Liga, 1 Kupë Mbreti, 1 Superkupë Spanje, 2 Superkupa Europiane dhe 2 Europa League, Pa harruar dhe dy finalet e Champions-it, të humbura të dyja përballë Realit të Madridit.

Kontrata e argjentinasit me Atletikon skadon në vitin 2020, ndërsa palët janë të bindur dhe të qetë se ka kohë për të diskutuar për rinovimin.

Siç citon “Radio Marca”, drejtuesit e klubit kanë gati ofertën e rinovimit, me një rrogë që e bën Simeonen më të paguarin në ekip. Më shumë dhe se Antuan Grizman, ylli francez, i cili rinovoi deri në vitin 2023 me Atletikon.

Kontrata e Simeones skadon në verën e vitit 2020, ndërsa tashmë ai pritet të firmosë shumë shpejt për të vazhduar punën me ekipin. “Cholo” është një idhull i tifozëve të Atletikos, e ka dërguar klubin në nivele të larta dhe njeriu që ngushtoi diferencën me Realin dhe Barcelonën.

48-vjeçari është trajneri më fitues i historisë së Atletikos me 1 La Liga, 1 Kupë Mbreti, 1 Superkupë Spanje, 2 Superkupa Europiane dhe 2 Europa League. Pa harruar dhe dy finalet e Champions-it, të humbura të dyja përballë Realit të Madridit.

E ardhmja është në stol dhe Ksavi i ka idetë e qarta. Preferon një futboll sulmues dhe me qarkullim topi, ndërsa stili difensiv nuk bën për të. Idhulli i tij është Pep Guardiola dhe nuk mund të ishte ndryshe.

Në një prononcim për “Catalunya Radio”, mesfushori gjenial shpjegon idetë e tij mbi stilin e futbollit dhe jep mendimin e tij sa i përket një ndryshimi të mundshëm të rregullores. Perfektja do të ishte që skuadrat të luanin me nga dhjetë lojtarë. Më shumë hapësira në fushë dhe më shumë sulme nga të dyja krahët…

STILI I KSAVIT – “Futbolli që shoh në televizor nuk më pëlqen. Ka shumë skuadra që spekulojnë dhe luhet në mënyrë shumë monotone. Nuk i duroj dot ata që rreshtojnë ekipin me skemën 4-5-1 dhe heqin dorë nga qarkullimi i topit. Unë i kam idetë e qarta, skuadrat e mia duhet të jenë protagoniste të ndeshjes dhe të mbajnë topin. Këtë e kam mësuar te Barcelona dhe Spanja. Më pëlqejnë Atletiko Bilbao e Berizos dhe Betisi i Setien, por modeli im është gjithmonë Guardiola. I shikoj dhe i studioj të gjitha ndeshjet e Mançester Sitit. Futbolli i skuadrës time nuk do t’i përshtatet kurrë lojtarëve në dispozicion, sepse kam një ide futbolli të saktë dhe do bëj çmos që futbollistët e mi ta zhvillojnë atë.”

NDRYSHIMI – “Me Guardiolën kemi patur gjithmonë ndjenjën e të qenurit një hap përpara të tjerëve, që kundërshtarët janë përpjekur të kuptojnë lojën tonë, por ne kemi pasur gjithmonë zgjidhje alternative. Në historinë e futbollit do të ketë një para dhe një pas Guardiolës. Trajnerët ndahen në ofensivë dhe difensivë. Simeone është shumë i kujdesshëm në aspektin taktik dhe është gjithmonë e vështirë t’i sulmosh ekipet e tij, sepse arrin gjithmonë të ngushtojë hapësirat. Ai beson se nuk ka nevojë për mbajtjen e topit për të dominuar lojën, por, me gjithë respektin, ky nuk është futbolli im. Ai është bindur që kjo është e vetmja mundësi për të sfiduar Barcelonën dhe Realin e Madridit dhe ia ka dalë. Forca e tij është transmetimi i ideve të futbollit të tij te futbollistët.”

IDEJA NDRYSHE – “Idealja do të ishte të luanim dhjetë kundër dhjetë. Kam parë ndeshje mes dy ekipeve, që ishin ndëshkuar me karton të kuq dhe kam vënë re se çdo gjë është komplet ndryshe. Ka më shumë hapësira dhe mund të luhet më shumë në sulm.”

Raporti mes tyre preku fundin dhe Diego Kosta përfundoi tek ekipi i dytë. Sulmuesi i kombëtares spanjolle, i cili është rikthyer tek Atletiko Madrid, thumbon ish-trajnerin e tij, i cili nuk është më trajneri i ekipit anglez.

“Ishte një periudhë sigurisht e keqe, por jo për fajin tim edhe pse njerëzit çfarë nuk thonin. Koha vendos çdo gjë në vend, shikojeni se ku ndodhet Konte tani, çfarë fundi ka pësuar. Historia e tij me Çelsin mori fund për mënyrën se si i bënte gjërat. Pasi tentoi të fitonte titullin me çdo mënyrë, më dërgoi një mesazh ku më thoshte, se nuk më donte më dhe më detyroi të stërvitesha me ekipin e dytë.”

“Simeone? Ai është i ndryshëm me Konten. Diego është një trajner i drejtpërdrejtë. Dëshiroja të rikthehesha tek Atletiko, përndryshe do të kthehesha në Brazil me familjen time”, përfundon 30-vjeçari për “Marca”.

Argjentinasi në fund komenton dhe rritjen e skuadrës së tij dhe lëshon një batutë për francezin Lemar, i cili shënoi një dygolësh në fitoren përballë Getafes dhe po përshtatet mirë me ekipin e ri.

“Italia e futi VAR-in sezonin e kaluar dhe ka patur disa polemika. Në Botërorin e Rusisë shkoi përgjithësisht mirë, me përjashtim të penalltisë së finales. Menaxhimi i VAR-it ka nevojë të përmirësohet akoma, por gjithçka shkon në favor të drejtësisë.”

“Skuadra po përmirësohet nga të gjitha këndvështrimet dhe jam i kënaqur. Jam i lumtur për Lemar dhe nëse vazhdon të shënojë nga dy gola, mund t’ia lejojë vetes të humbasë disa topa më shumë”, përfundon Diego Simeone.

Vetë Simeone ka folur për programin e Kupave (El Partizato), duke komentuar mbi fjalët e së motrës dhe të ardhmen e tij.

“Kontrata ime me Atletikon mbaron në vitin 2020, pra kam dhe dy vite kontratë. Gjithmonë e kam thënë që një ditë do të drejtoj Interin, por po jetoj një moment të jashtëzakonshëm me Atletikon. Do të ndodhë kur të ndodhë, por Inter ka një trajner, i cili po bën një punë shumë të mirë”, sqaron trajneri 48-vjeçar, i cili është aktivizuar me Interin për dy sezone gjatë karrierës si futbollist.

Simeone komenton dhe debutimin me gol me Argjentinën të djalit të tij, Xhovani Simeone. Sulmuesi i Fiorentinës shënoi në miqësoren përballë Guatemalës, ndërsa Diego tregon emocionet e përjetuara.

“Ulërita ‘gol’ dhe gruaja ime, e cila po flinte komentoi: ‘Bukur’. Më erdhi të qaj nga gëzimi, ai e di se çfarë ndjejmë për kombëtaren. Xhovani i ka të gjitha cilësitë për të luajtur për mua, por nuk do të luajë kurrë për ekipin tim. Është shumë e vështirë të kesh djalin në dhomat e zhveshjes. Gjithmonë kam menduar shumë për këtë situatë. Ai ka të gjitha karakteristikat e sulmuesit që unë preferoj. Ndoshta, kur të mos jem më trajner i Atletikos, mund të vijë të luajë këtu. Real Madrid? Hapësirat mes nesh janë zvogëluar me largimin e Kristiano Ronaldos”, përfundon Diego Simeone, trajneri i Atletiko Madrid.

Në një prononcim për “Gazzetta dello Sport”, Natalia flet për lidhjen me Diegon, Atletikon e Madridit dhe Interin.

“Kam një raport të veçantë me Diegon. Jemi tre fëmijë, Diego është më i madhi, pastaj unë dhe Karla, motra e vogël. Luanim futboll bashkë të vegjël dhe Diego nuk humbiste kurrë. Vëllai im ka shumë respekt për profesionin tim dhe më beson shumë. Ka shtatë vite që ai punon te Atletiko dhe pasioni fiton gjithmonë në fund. Ai është një nga trajnerët më të mirë në botë, por qëndron aty ku beson se mund të arrijë akoma dhe më shumë. Unë e shoqëroj gjithmonë, nëse largohet, unë e ndjek pas.

Inter? Do të ndodhë herët, ose vonë dhe diçka të tillë e ka thënë dhe Diego. Besoj se është një çështje kohe, sepse i pëlqen shumë roli, ambienti dhe të jetojë në Milano. Inter është një skuadër që do i pëlqente shumë ta trajnonte. Por, ai ka mbetur shumë i lidhur dhe me Lacion”, përfundon menaxherja e Simeones.

Klubi i Interit po punon dhe për përforcimin e skuadrës dhe tre janë objektivat e zikaltërve siç citon “Corriere dello Sport”. Lukas Tusart i Lionit, Çesk Fabregas i Çelsit dhe Denis Praet i Sampdorias.

21-vjeçari i Lionit pëlqehet shumë dhe po ndiqet prej kohësh nga drejtuesit e Interit, por problem mbetet shuma e lartë që kërkon Lioni për të. Fabregasit i skadon kontrata në verë me Çelsin dhe konkurrenca për të do të jetë e fortë, por Inter shpreson ta bindë mesfushorin spanjoll. Në fund dhe organizatori belg i Sampdorias. Praet po bën mirë në klubin xhenovez dhe 24-vjeçari pëlqehet nga drejtuesit e Inter.

“Ajo që mund t’iu them për Luis dihet. Ai është një lojtar që e duam shumë, është shumë i rëndësishëm për ne, për skuadrën dhe për grupin, por unë jam i përqendruar tek ndeshja e nesërme.

Dëshiroj gjithmonë më të mirën për lojtarët që kanë dhënë shumë për ne. Do ta lë të largohet? Për momentin po mendojmë të gjithë për ndeshjen me Valencian. Grupi vjen përpara individit”, përfundon trajneri argjentinas i Atletikos.

Ajo çka i habiti të gjithë ishte fakti se “El Cholo” shprehej që mes Mesit dhe Ronaldos, do të zgjidhte portugezin. Në prag të sfidës kundër PSG, trajneri i Atletiko Madrid i rikthehet edhe njëherë kësaj teme duke sqaruar gjithçka.

“Midis të dyve, unë do të zgjidhja Mesin pa asnjë dyshim. Pranoj çfarë kam thënë gjatë Botërorit, por ishte një bisede për futboll midis miqsh. Nuk po diskutoja faktin që kush është më i miri në botë. Thjesht po thoja që për një klub normal, me futbollistë normal, Ronaldo do përshtatej më lehtë, por Mesi, shoqëruar nga lojtarë të tjerë të mëdhenj, është akoma futbollisti më i mirë në botë dhe zgjidhja ime do të ishte Leo”, përfundon Diego Simeone.