“Luftëtari” italian është gati të provojë emocionet e të luajturit në “La Bombonera”, një ndër stadiumet më të zjarrta në botë. Rreth kësaj situate ka folur edhe Diego Armando Maradona.

Legjenda argjentinase ka folur për “Tyc Sports” dhe po pret me padurim ta shohë ish-kapitenin e Romës të mbajë veshur bluzën e Bokës së tij të dashur

“Nuk të njoh personalisht, por të jesh i sigurt që do të ndihesh i qetë te Boka. I qetë me Bokën dhe me mua. Do të shihemi së shpejti. Të veshësh bluzën e Bokës për ne do të thotë shumë, është njësoj si mrekullia e Shën Xhenaros. Të përqafoj dhe të dërgoj urimet më të mira për familjen tënde”, përfundon Diego Maradona.

Përveç rezultatit, skuadra albiceleste nuk dhuroi asgjë dhe kjo trishton më shumë. Problemet e kombëtares latine dallohen lehtësisht, por loja acaruese pa pikë dëshirë dhe nervi është një mister i madh.

Diego Maradona nuk është përmbajtur gjatë prononcimit për “TyC Sports”. Legjenda argjentinase është ndjerë keq nga loja dhe rezultati i kombëtares së tij.

“I kemi futur shkelmin prestigjit tonë. E kuptoni që mund të na mundë edhe Tonga (mbretëri me rreth 170 ishuj, por e pabanuar). Ju po ofendoni fanellën tonë bij k….. E mbani mend kur të gjithë dolëm në Peru, kur e thyen autobusin…? Çfarë ka mbetur nga të gjitha këto?”, përfundon i irrituar Diego Maradona.

58-vjeçari pati probleme shëndetësore gjatë muajit janar dhe u shtrua me urgjencë në spital. Tani pritet të bëjë dy operacione: në shpatull dhe në gju. Diçka e tillë do i kërkojë kohë që të rikuperohet plotësisht dhe Maradona ka hequr dorë nga roli i trajnerit.

Argjentinasi mori drejtimin e klubit të divizionit të dytë meksikan gjatë shtatorit të kaluar. A ishte pranë rikthimit të Dorados në elitë, por ekipi ngeci në finalen e ndeshjeve play-off.

Shkak është bërë denoncimi i Rocio Oliva, femra me të cilën bashkëjetonte. 6 vite kaloi bashkë çifti, përpara se të ndaheshin në dhjetorin e kaluar.

Oliva, ish-futbolliste, ka kërkuar dëmshpërblim financiar prej 9 milionë dollarë nga Maradona. 13 qershori është zgjedhur si data e gjyqit, aty ku do të qartësohet totalisht situata e krijuar.

Komentet politika janë të ndaluara në kodin etik të futbollit meksikan dhe tashëm Maradona rrezikon dënimin. Po çfarë tha 58-vjeçari?

“Dua t’ua dedikoj fitoren presidentit Maduro dhe gjithë popullit venezuelian, të cilët po vuajnë për shkak të amerikanëve. Ata janë sherifët e botës dhe mendojnë se mund të komandojnë vetëm pse kanë bombën më të madhe në botë. Megjithatë, ai kukull që kanë si president nuk do arrijë të na blejë”.

Kjo nuk është hera e parë që Diego kritikon SHBA. Në kohën e miqësisë së tij me Fidel Kastron e Kubës, Diego akuzonte presidentin Xhorxh Bush si “perandori i së keqes”.

Argjentinasi është nga ata personazhe, të cilët i dashuron ose urren. Rruga e mesme nuk ekziston për të, por së fundmi dikush e ka akuzuar se në kohën e tij nuk kishte rivalitet. Ai që ekzistonte nuk krahasohet me “rivalitetin” e madh që ekziston sot mes Leo Mesit, Kristiano Ronaldos e të tjerëve me radhë.

Legjenda e Napolit dhe Argjentinës ka reaguar në stilin e tij, si gjithmonë. Me anë të një postimi në rrjetet sociale, Diego ka publikuar një foto me “yje” të vërtetë të futbollit të asaj periudhe.

“Si mund të thonë që nuk kam patur rivalë në epokën time? Le të luajnë kundër këtyrë kampionëve: Baxho, Van Basten, Valderrama, Mateus, Haxhi, Stojçkov, Laudrup, Prosineçki, Romario, Futre, Gulit, Shifo, Bokini, Robson, Gonzales, Françeskoli, Kempes, Antonioni, Kubilas, Rumenige, Platini, Ziko, Kigën e shumë të tjerë. Rrespekt nga ana ime dhe për të gjithë”, shkruan “Pibe de Oro”.

 

View this post on Instagram

 

¿Cómo pueden decir que yo no tenía rivales en mi época? Yo jugaba contra estos cracks: #Baggio, @MarcoVanBasten, @PibeValderramap, @LotharMatthaus10, #Hagi, @Hristo8Oficial Stoichkov, #Laudrup, #Prosinecki, @RomarioFaria, @Futre, #Gullit, #Scifo, @BochiniOficial, @BryanRobson, #MágicoGonzález, #Francescoli, @Mario.Kempes78, @GiancarloAntognoni, @NeneCubillas10, @KarlRummenigge, #Platini, @Zico, #Keegan, y MUCHOS más. Mi respeto y mi recuerdo para todos ellos ??

A post shared by Diego Maradona (@maradona) on Mar 25, 2019 at 11:52am PDT

Sulmuesi i Sitit, i cili është dhe ish-dhëndrri i Diegos, ndodhet në një formë fantastike, është golashënuesi më i mirë i ekipit të Guardiolës dhe së fundmi u shpall futbollisti më i mirë i muajit shkurt në Premier Ligë.

Diego Maradona flet gjithmonë sa herë që nuk i pëlqen diçka. Legjenda e futbollit botëror ka mbetur i zhgënjyer nga trajneri Skaloni. Trajneri i Dorados Sinaloa në Meksikë mendon se të mos grumbullosh Agueron është një mungesë e madhe respekti për futbollin.

“Skaloni është mbyllur në një manastir dhe nuk ka televizor? Çfarë duhet të provojë fakti që Aguero nuk është grumbulluar? Kun është golashënuesi më i mirë i Mançester Sitit dhe një futbollist madhështor. Mos grumbullimi i Agueros në kombëtare është një mungesë respekti ndaj botës së futbollit. Mesi? Më ngushëllon rikthimi i Leos. Tani do të fillojmë të shohim një futboll të bukur…”, përfundon Diego Armando Maradona.

Largimi i Blaterit nuk ka ndryshuar asgjë për mirë dhe ky fakt e acaron në kulm Diegon. Ai kishte besuar se do të ndodhte ndonjë ndryshim për mirë, por asgjë. Maradona kërcënon se do të zbuloje fakte të rënda dhe ka një ftesë origjinale për kroatin. Raundi i parë u mbyll me debate të forta, ndërsa i dyti duhet të zhvillohet në një… ring boksi!

FIFA – “I kam thënë Xhani Infantinos se nuk do të jem kapiteni i ekipit të legjendave, sepse që kur janë larguar Blater dhe Grondona, asgjë nuk ka ndryshuar në FIFA. Kanë mbajtur lojtarë si Marko Van Basten, Rud Gulit dhe mua në një dhomë si qentë. Ishte një mungesë e plotë respekti. Tani do të filloj të tregoj gjërat që di për FIFA-n e re.”

BOBAN – “Dua t’i them Bobanit, i cili është pjesë e FIFA-s dhe i pranon këto gjëra, që e ftoj për një ndeshje në ring, nëse dëshiron të dalë kryelartë. Është e padobishme të zemërohesh. Unë nuk jam një djalosh 20-vjeçar, kam 58 vite mbi supe. Këto gjëra më bëjnë keq, sepse u kam besuar njerëzve, por tashmë nuk u besoj më.”

Megjithatë, jashtë Argjentinës bëmat e Mesit e kanë justifikuar statusin e tij si lojtari më i madh i të gjitha kohërave. Një koment për këtë çështje ka dhënë legjenda e trajningut Sir Aleks Ferguzon.

Në një intervistë për “The Times”, skocezi dha mendimin e tij në lidhje me këtë çështje. 77-vjeçari mban anën e “pleshtit”, i cili i ka shënuar në të dy finalet e Champion-it, ku Mançester Junajtid është vënë përballë Barcelonës në vitin 2009 dhe në vitin 2011.

“Do të thoja të njëjtën gjë si Souner (analist dhe ish-futbollist i njohur skocez), që Mesi është një lojtar më i mirë se Maradona për këtë fakt. Karriera e Maradonës në maja ka zgjatur shumë pak vite, ndërsa Mesi ka më shumë se një dekadë në këto nivele”, tha Ferguson.

Maradona është i fundit që i është bashkuar korit të njerëzve të futbollit, të cilët kanë shprehur solidaritetin dhe mbështetjen e tyre për Kalidu Kulibali, mbrojtësin e Napolit që ra pre e ofendimeve raciste nga ana e tifozëve të Interit.

“Kam luajtur shtatë vite me Napolin dhe jam ofenduar dhe unë me kore raciste nga disa tifozëri. I mbaj mend akoma pankartat ‘Mirë se të vish në Itali’. Ndihem edhe më shumë napolitan dhe sot dëshiroj të jem pranë Kulibali. Shpresoj që ky episod të shënojë një kthesë për të eliminuar njëherë e përgjithmonë racizmin nga futbolli. Ju përshëndes të gjithëve”, përfundon komenti i Diego Maradonës.

Pavarësisht kësaj, Maradona ka zhvilluar një punë shumë të mirë, pasi e mori ekipin në vendet e fundit dhe e dërgoi një hap larg ngjitjes në kategori. Mosarritja e objektivit ka krijuar polemika në Meksikë kundrejt trajnerit.

Tifozët e Dorados nuk e kanë pritur mirë “dështimin” dhe kanë nisur të këndojnë kore ofenduese për Maradonën. Ky i fundit nuk është një tip, i cili duron shumë dhe kaq është dashur për të ”shpërthyer”.

I zemëruar për eliminimin dhe i acaruar nga fjalët që po i dëgjonin veshët, Maradona është bërë pjesë e një kontakti fizik me tifozët e tij. Legjenda argjentinase ka tentuat të sulmojë njërin prej tyre, por është bllokuar nga forcat e sigurisë. Diego ishte i pezulluar dhe e ndoqi takimin nga tribunat e stadiumit.

Maradona explotó por los cánticos contra él pic.twitter.com/QTk6MIOIzR

— AS (@diarioas) December 3, 2018

Dorados është kualifikuar për fazën finale të “play-off” dhe një gjë e tillë festohet me këngë e kërcime në ekipin e legjendës argjentinase. Kjo gjë është kthyer në ves, me Maradonën të parin që feston dhe zbavitet.

“Nga dora e Maradonës çdo ndeshje do të fitojmë”, këndojnë lojtarët në nderim të trajnerit të tyre. Kundërshtari i Dorados do të jetë një mes fituesit të çiftit Atlante-Atletiko San Luis.

?? ¡Baile Jefe, baile! ??#ConElPezEnLaFinal pic.twitter.com/xCFdkpdAr5

— #ConElPezEnLaFinal (@Dorados) November 25, 2018

Pasi e sulmoi Skalonin para disa ditësh se “nuk bën as për të drejtuar trafikun”, trajneri i Dorados Sinaloa në Meksikë, ka lëshuar një tjetër “thumbim” për trajnerin e kombëtares.

Maradona do të kishte preferuar të shihte Tata Martinon në krye të stolit, por ai është pranë marrëveshjes me Meksikën. Një gjë e tillë e acaron dhe zemëron dhe kur kjo gjë ndodh, Diego nuk përmbahet.

“Martinon e kam mik dhe është një njeri i madh. Po flasim për Tatën, por ne kemi atë djaloshin këtu, Skalonin, i cili përsërit gjithmonë që nuk është faji i tij që ndodhet aty dhe se e kanë shtyrë për një gjë të tillë. Problemi është që ai beson se është trajner dhe thotë: ‘Dua të shkoj në Botëror.’ Sigurisht, ai mund të shkojë në Botëror, por në atë të motoçiklizmit. Më bën të zemërohem fakti që lejojmë të na largohet një trajner si Martino dhe varemi nga një trajner pa eksperiencë. Në Argjentinë i bëjmë gjërat kaq keq dhe nuk arrijmë të ndryshojmë situatën. Kemi emra si Menoti, Martino, Gareka, Alfaro, Gajardo dhe përfundojmë te Skaloni. Nuk mund të bëjmë asgjë, ne argjentinasit jetojmë në një botë përmbys, mbrapsht “, përfundon Diego Maradona.

Ndoshta është penduar për fjalët e thëna, por Maradona mendon se Mesi është absolutisht futbollisti më i mirë në botë. Lidhja mes tyre është e fortë dhe askush nuk do arrijë t’i vërë kundër njëri-tjetrit.

“Unë e di se kush është Leo, është futbollisti më i mirë në botë. Në tualet shkojnë 20 futbollistë dhe unë nuk e përmenda kurrë emrin e Mesit. Përpiqen të më kthejnë kundër tij, por nuk munden. Miqësia që kam me Leon është më e madhe se të gjitha gjërat që mund të shkruajnë. Për mua ai është më i miri në botë”, përfundon Diego Maradona.

Legjenda argjentinase dhuroi shfaqje dhe gjatë Botërorit të zhvilluar në Rusi me festimet e tij unike, ndërsa kësaj radhe ka festuar në dhomat e zhveshjes më djemtë e tij. Unik, origjinal dhe i çmendur.

Me një patericë në duar për shkak të problemeve me gjunjët, por kjo nuk e pengon Maradonën të dhurojë spektakël. Siç shihet në video, argjentinasi feston duke kërcyer me një nga lojtarët e tij, ndërsa fton dhe lojtarët e tjerë t’i bashkohen skenës.

.

“Për mua është e vështirë të flas për këtë, por është e kotë që të konsiderohet lider një njeri që shkon 20 herë në tualet përpara një ndeshjeje futbolli. Mesi është Mesi kur luan me Barcelonën dhe është normal kur luan me Argjentinën. Nëse do bëhesha sërish trajner i Argjentinës? Nuk do e merrja Mesin, edhe pse kurrë nuk i dihet, por duhet t’i heqim presionin, duhet të rigjejmë liderin që duam që Mesi të jetë”, u shpreh legjenda argjentinase.

Një gjë e tillë ka sjellë reagimin e familjarëve të Mesit, më konkretisht të kushëririt të tij, Maksi Biankuçi. Ky i fundit është futbollist profesionit dhe aktivizohet me ekipin e Rubios në divizionin e dytë paraguaian.

“Injorancë të diskreditosh Leon. Është e trishtueshme të shohësh se si dikush, i cili mburret se është një lider, mund të flasë kaq keq për një futbollist, i cili aktualisht është më i miri që kemi dhe do të vazhdojë të jetë i tillë dhe për shumë kohë. E bëri këtë në një moment kur duhet të ndihmojë në rindërtimin e kombëtares, nëse e do me të vërtetë ashtu siç thotë”, replikon Maksi Biankuçi.

Trajneri argjentinas ka polemizuar pas ndeshjes me arbitrin e ndeshjes, duke e akuzuar këtë të fundit për lejimin e lojës së ashpër dhe faktin që ndeshja i doli jashtë kontrollit.

“Nuk më pëlqen të flas për arbitrat, por nevojitej një arbitrim ndryshe për këtë ndeshje. Të dyja skuadrat luajtën në mënyrë barbare dhe dikush duhet të kontrollonte dhe të mbante rregull. Arbitri nuk i respektoi fare rregullat e lojës. Nuk dua një futboll të dhunshëm, dua që kjo që ndodhi të mos përsëritet më”, përfundoi Diego Maradona, i cili do të përgatisë një raport për FIFA-n për arbitrimin e ndeshjes së humbur.

Një episod i papritur ka ndodhur në qytetin Kuliakanit, ku ndodhet dhe skuadra e Maradonës. Shira të rrëmbyeshëm dhe stadiumi është përmbytur dhe ka marrë pamjen e një pishine. Një problem për ekipin, por fat i mirë që ndeshja e radhës është në transfertë.

“Rio Humaya”, lumi që kalon në nëpër qytet, është i tejmbushur dhe ka përmbytur zonat përreth me ujë. Diçka e tillë ka sjellë pasoja dhe në stadiumin “Estadio Banorte”, që ndodhet shumë afër brigjeve të lumit. Lojtarët kanë patur probleme për të gjetur një fushë stërvitje, ndërsa përgatiten për përballjen me Alebrijes de Oaksaka.

Stadiumi do të përdoret në ditët e ardhshme si një strehë e përkohshme për familjet e përmbytura. Të gjithë shpresojnë që situata të normalizohet sa më shpejt dhe të largohet stuhia atmosferike për t’u rikthyer te “stuhia” Diego Maradona.

Me këtë tre pikësh ekipi i Maradonës është ngjitur në vendin e 10-të në divizionin e dytë të futbollit meksikan, ndërsa trajneri, i cili kishte pësuar shumë kritika, ka reaguar pas kësaj fitore. Diego është i kënaqur me debutimin e tij dhe shpreson që kjo fitore t’i bëjë të heshtë kritikët e shumtë.

“Nuk e di nëse do të mbyllen shumë gojë që flasin, unë kam ardhur këtu për të punuar me stafin tim. Disa thanë që Maradona nuk ishte i mirë për asgjë, por e panë se çfarë mund të bëj. Nuk kemi fituar asgjë, ishte vetëm një ndeshje dhe kemi dhe shumë të tilla përpara. Është thjesht një ëndërr e bukur, që sapo ka nisur”, përfundon Diego Maradona.

Legjenda argjentinase, i cili ka drejtuar Argjentinën në vitet 2008-2010, duke marrë pjesë dhe në Botërorin e Afrikës së Jugut, ka dëgjuar shumë emra që qarkullojnë për postin e trajnerit të Argjentinës. Ai ndihet i fyer, pasi gazetarët latinë nuk kanë përmendur emrin e tij, si një alternativë për stolin e kombëtares.

“Më shqetëson fakti që disa gazetarë nuk më përfshijnë mes kandidatëve të mundshëm për ekipin kombëtar. Po dëgjoja një gazetar, i cili nuk më përmendi fare mes emrave kandidat. Më vjen keq që edhe disa gazeta në vendin tim nuk më marrin në konsideratë, ndërkohë që diskutojnë për të tjerë ish-trajnerë të kombëtares. Por, kjo është gazetaria sportive që kemi në Argjentinë. Gjithsesi, unë kam një kontratë 3-vjeçare me Dinamon e Brestit, të cilëve u kam dhënë fjalën time, edhe pse do të jepja jetën për ekipin kombëtar.”