Mbrojtësi uruguaian ka patur probleme në kofshën e majtë dhe do të duhet të qëndrojë pushim rreth 20 ditë. Mungesa në ndeshjen e parë të kampionatit kundër Leçes është e sigurt dhe mjekët shpresojnë ta rikuperojnë sa më shpejt të jetë e mundur.

Konte ka provuar D’Ambrosion në mbrojtjen me tre, bashkë me Shkriniar dhe De Vrij. Një opsion tjetër mund të jetë edhe aktivizimi i 20-vjeçarit Alesandro Bastoni.

Goditje fantastike për zikaltrit që e siguruan me kosto zero kapitenin e Uruguait dhe ish-kapitenin e ekipit të Diego Simeones. Godin ka sqaruar për Gazzetta dello Sport se pse zgjodhi Interin dhe jep mendimin e tij në lidhje me trajnerin Antonio Konte.

“Unë dhe Interi ngjajmë në faktin që jemi shumë ambiciozë. Asnjë klub nuk arriti të më bindë në mënyrën se si e bënë zikaltrit. Do të provojmë të mposhtim Juventusin, por kemi nevojë për ambicie dhe shumë punë.

Konte? Më kujton shumë fare Simeonen. Antonio është një tip shumë i qartë, e di se çfarë kërkon, është i drejtpërdrejtë, me pak fjalë trajneri ideal për një futbollist“, përfundon mbrojtësi latin, i cili u hodh në fushë nga Konte në miqësoren përballë PSG-së në minutën e 65-të, duke debutuar me bluzën zikaltër.

Përveç çështjeve të përgjithshme, slloveni i ka kushtuar vëmendjen më të madhe një shtylle, që do e ketë tashmë gjatë gjithë sezonit para tij. Gardiani ka folur rreth ardhjes së një mbrojtësi si Diego Godin në Milano. Ai deklaron se uruguajani do e ndihmojë Interin të plotësojë objektivat që i ka vënë vetes.

“Godin është një lojtar i madh, me eksperiencë të madhe dhe që do të na ndihmojë shumë që të arrijmë objektivat tona. E ka treguar gjatë karrierës së tij se është një fitues i lindur dhe jemi të lumtur që ai ndodhet këtu mes nesh”, përfundoi kapiteni zikaltër.

“Ka një sherif të ri në qytet”, shkruan Interi në Twitter, duke ngacmuar kështu edhe “kushërinjtë” e Milanit. Godin këmbënguli t’i bashkohej Interit, edhe pse pati oferta të shumta gjatë kësaj periudhe. Atletiko e Madridit gjithashtu i ofroi rinovimin, por uruguaiani donte një eksperiencë të re.

Pas plot 9 vitesh ai lë kryeqytetin spanjoll dhe tani bëhet gati të nisë një aventurë në Serie A me Interin e Antonio Kontes. Te Atletiko Godin ka qenë një nga lojtarët më të rëndësishëm në arritjen e shumë sukseseve në Spanjë dhe në arenën ndërkombëtare.

? | ANNOUNCEMENT

There's a new sheriff in town ?

?? @diegogodin is an Inter player!#WelcomeDiego ?? #NotForEveryone#FCIM pic.twitter.com/7XMbNYH1vH

— Inter (@Inter_en) July 1, 2019

“Nuk mundëm të gjenim një mënyrë për t’i bërë keq. U mbrojtëm, por pësuam. Nuk arritëm të krijonim për të shënuar një gol. Nuk u surprizuam nga Juve, pasi e dinim që do të ishte një ndeshje shumë e vështirë, ndaj një kundërshtari të fortë që luan mirë.

Ata u mbrojtën mirë dhe sulmuan mirë. Ishin të kujdesshëm dhe të zgjuar, ndërkohë që ne nuk arritëm të gjenim golin që na duhej. Do të vazhdojmë të punojmë deri në fund të sezonit, të japim gjithçka si gjithmonë. Jemi ata që e vuajmë më së shumti këtë rezultat. Donim të kalonim më tej. Tani na duhet të çohemi dhe të luftojmë deri në fund.”

Përballja pritet të jetë shumë e luftuar dhe djemtë e Alegrit do të bëjnë maksimumin për të përmbysur rezultatin 0-2. Diçka tepër e vështirë, pasi duhet të japësh shumë më shumë sesa mendon dhe nevojitet dhe pak fat për të mposhtur ekipin e Diego Simeones.

Ky i fundit ka marrë një lajm të mirë përpara ndeshjes. Diego Godin, kapiteni dhe lideri i mbrojtjes së ekipit “colchoneros” është rikuperuar dhe do të jetë I gatshëm për ndeshjen kundër bardhezinjve.

Uruguaiani mori një goditje në këmbë në stërvitje, një ditë përpara ndeshjes së kampionatit kundër Leganesit. Ai e trembi shumë Altetikon, por asgjë serioze. Simeone ka grumbulluar Godinin, i cili është gati të zbresë në fushë dhe të ndalojë Kristiano Ronaldon me shokë.

? | CONVOCATORIA
? ¡Aquí están los elegidos!
? ¡Descubre la lista de @Simeone para el #JuveAtleti! #AúpaAtleti #UCL pic.twitter.com/0xBjNPZAxC

— Atlético de Madrid (@Atleti) March 11, 2019

Një dëmtim ka shqetësuar kampin  e Atletikos gjatë ditës së sotme. Diego Godin, kapiteni i ekipit dhe shtylla e mbrotjes, ka pësuar një goditje në këmbën e djathtë. Uruguaiani, autori I goli të dytë në fitoren 2-0 kundër Juves në ndeshjen e parë, do të mungojë nesër dhe është në rrezik për sfidën e kthimit në Champions.

33-vjeçari do të kryejë në orët e ardhshme disa kontrolle të tjera, por prania e tij në sfidën e kthimit kundër kampionëve të Italisë është në dyshim të madh.

Administratori i deleguar i klubit ka folur për “Dazn”, duke dhënë një lajm të mirë për tifozët. Kapiteni do të rinovojë dhe drejtuesi i Interit është i sigurtë për këtë gjë. Marota ndalet dhe te Diego Godin, mbrojtësi i Atletikos, i cili ka arritur akordin me Interin dhe pritet të zbarkojë në Milano në fund të sezonit.

“Nuk ka asnjë dyshim që Ikardi do të vazhdojë të qëndrojë këtu me ne. Ne jemi të lumtur me të dhe ai është me ne. Ka mbetur vetëm firmosja e kontratës së re. Godin? Më duhet të theksoj se Interi është një klub që tërheq lojtarë, shumë kërkojnë të vijnë te ne dhe shumë agjentë trokasin në dyert tona. Kjo gjë na bën të ndihemi mirë. Flasim për profile kampionësh, ne nuk duhet t’i humbasim këto shanse dhe Godin është njëri prej tyre. Jemi të disponueshëm për të identifikuar këto profile dhe e theksoj se Godin do të jetë një lojtar i lirë në qershor…”, përfundon Xhusepe Marota.

Lajmi i dalë para disa ditësh i kapi të papërgatitur tifozët e Atletikos, që nuk e pranojnë dot faktin të humbasin kapitenin e tyre dhe një nga mbrojtësit më të mirë në botë gjatë këtyre viteve. Ata kanë bërë thirrje për protesta gjatë ndeshjes që ekipi i Simeones po luan në shtëpi kundër Levantes.

Qëllimi i tifozëve është mbështetja ndaj kapitenit uruguaian dhe ata po tentojnë maksimumin për t’i ndryshuar mendjen lojtarit dhe për të rinovuar me Atletikon. Tifozët nuk dorëzohen dhe janë gati t’i transmetojnë gjithë dashurinë e tyre kapitenit, pavarësisht faktit që vështirë se ai do të vazhdojë të udhëheqë në fushën e blertë ekipin “colchoneros” dhe pas këtij sezoni.

Apoyo a @diegogodin en la previa del @Atleti por parte de la @unionatm #GodínRenovaciónYA pic.twitter.com/oLepNRmbqX

— Juan Gato (@J__Gato) January 13, 2019

Uruguajani do të përfitojë plot 4.5 milionë euro, ku në rast se llogarisim dhe bonuset shkon deri në 6 milionë euro, duke u shndërruar në një nga më të paguarit në ekip. Kontrata që do të firmosë qendërmbrojtësi do të jetë 2-vjeçare, me opsion rinovimi dhe për vitin e tretë.

Godin ka spitakur me fanellën e Atletikos së Madridit, dukë qenë një ndër lojtarët kryesorë të ekipit të Simeones. 32-vjeçari, aktizohet prej vitit 2007 në La Liga dhe me Interin do të jetë aventura e tij e parë në Serie A.

Lidhur me këtë çështje ka folur vetë trajneri i Atletikos, Diego Simeone, i cili ka deklaruar se Godin dhe drejtuesit e klubit e vendosin vetë për të ardhmen. Një deklaratë, që nënkupton se kapiteni mund të largohet.

“Ajo që unë besoj është se dhe Godin dhe Atletiko po kërkojnë zgjidhjet më të mira dhe mundësinë më të mirë për të dyja palët. Shoqëria dhe lojtari e dinë atë që unë mendoj dhe do të duhet të vendosin se çfarë mendojnë se është më e përshtatshme për të ardhmen. Nëse kam biseduar me Godin? Nuk ka nevojë. Ai e di se çfarë mendoj. Kam biseduar me të në të kaluarën dhe nuk ka nevojë ta bëj përsëri”, përfundoi Simeone.

Kritikat dhe ofendimet e tifozëve të Atletikos kundrejt idhullit të tyre kanë e kanë mërzitur Hoze Fernandez, biografin e 32-vjeçarit, i cili ka postuar në rrjetet sociale, duke treguar të vërtetën. Ai shigjeton Atletikon, për faktin që nuk e ka respektuar një ikonë si Diego Godin, i cili është një nga pikat më të forta të ekipit të Simeones gjatë këtyre viteve.

“Godin nuk ka asnjë marrëveshje me Interin. Por, realiteti është që Atletiko e Madridit i bëri disa premtime lojtarit pas ofertës së Mançester Junajtid, të cilat nuk i mbajti kurrë. Ata nuk bënë asnjë përpjekje më pas të rinovuar me Diegon. Tani po lexoj me neveri ata që kritikojnë lojtarin. Kjo është mënyra se si i trajtojmë legjendat? Është një turp”, përfundon Hoze Fernandez, biografi i kapitenit të Atletikos dhe kombëtares së Uruguait.

#Godín NO ha cerrado nada con el Inter
Pero la realidad es que el #Atleti prometió algo al jugador (tras la oferta del MU) que nunca cumplió. Y después no ha hecho ningún esfuerzo en renovarle
Leo con ASCO a los que ahora critican al jugador
¿Así tratamos a las leyendas?
Lástima pic.twitter.com/RPqeoVLjYY

— JoseIFernandez (@JoseIFernandez) January 4, 2019

Qendërmbrojtësi uruguaian ka hyrë në 6 muajt e fundit të kontratës dhe ka kohë që i ka komunikuar Atletiko së Madridit se nuk dëshiron të vijojë në Spanjë.

Në moshën 32-vjeçare, futbollisti i huaj me më shumë ndeshje në historinë e Atletikos i ka dhënë fjalën Interit dhe brenda pak javësh priten vizitat mjekësore në Milano, para firmës në parakontratë.

Edhe pse 32 vjeç, Godin është në formë perfekte dhe për Interin është një goditje me shumë peshë, e para që kur Bepe Marotta është bërë administrator i deleguar.

Grizman ka vite që po luan në nivele të larta dhe po shfaqet protagonist me ekipin e Simeones dhe kombëtaren e Francës. Ai nuk e ka fshehur kurrë ëndrrën e tij për të fituar “Topin e Artë”, ndërsa në ndihmë i del dhe shoku i tij i skuadrës, Diego Godin. Uruguaiani ka një lidhje të veçantë me francezin dhe uron e shpreson që sulmuesi të shpallet fitues, në prononcimin e dhënë për “EL Mundo”.

“Shpresoj të shpallet fitues, sepse, përveçse e meriton për mënyrën se si luan futboll, ka fituar gjithçka në këtë sezon. Atë që ka bërë me Atletikon dhe Francën e kanë parë të gjithë dhe do të ishte një padrejtësi serioze, nëse nuk ia japin këtë vlerësim. Sigurisht, ka dhe lojtarë të tjerë të mëdhenj kandidatë dhe mendoj se dhe ata kanë arsyet e tyre për të shpresuar në fitimin e ‘Topit të Artë’. I respektoj gjykimet e të tjerëve, gjithashtu mund t’i kuptoj motivet e tyre, por mendoj dhe shpresoj që Antuan të shpallet fitues”, përfundon Diego Godin, kapiteni i Atletiko Madrid.

Klauzola e tij kishte një çmim të lirë dhe klubet e interesuara duhet të paguanin vetëm 20 milionë euro. “Djajtë e Kuq” nisën tratativat me uruguaianin dhe ishin pranë akordit, por 32-vjeçari vendosi të qëndrojë tek Atletiko e Madridit.

Diçka e tillë ka zhgënjyer klubin anglez dhe siç citon “The Mirror”, ata ndihen të përdorur nga Godin. Gjithçka ishte një lojë e kapitenit të Atletikos, i cili nisi tratativat me Mançesterin me qëllimin për të përfituar një kontratë të re me shifra më të larta ekonomike nga klubi aktual. Simeone nuk do të hiqte dorë kurrë nga shërbimet e një prej pikave kyçe të ekipit dhe si rrjedhojë spanjollët i afruan rinovim me përmirësim page, pavarësisht se lojtari akoma nuk ka firmosur zyrtarisht.

Anglezët janë të bindur në skenarin e Godin dhe klubi vuajti më vonë pasojat e refuzimit të mbrojtësit, sepse Totenhemi dhe Lester Siti rritën pretendimet e tyre financiare për mbrojtësit Alderuereld dhe Meguajër, duke e lënë Murinjon pa përforcuar mbrojtjen e tij.

Shiriti – “Kam ndjesinë e lumturisë, krenarisë dhe përgjegjësisë së madhe që vjen nga shiriti i kapitenit. Jemi një grup lojtarësh që punojmë bashkë prej vitesh dhe shpresoj që të vazhdoj të ndihmoj ekipin në arritjen e objektivave.”

Merkato – “Nuk është e nevojshme që t’u japim shumë këshilla. Nesër është një finale e rëndësishme. E vetmja gjë që mund t’ju them është që të mos dorëzohen asnjëherë dhe të ndjejnë iluzionin që provojmë ne.”

Grizman – “Nuk ka ndjenjë më të bukur sesa të bëhesh kampion bote. Ndihesh sikur je sipër reve. Nuk ka më bukur se kaq.”

Champions – “Objektivat e mia personale janë ata që ka dhe klubi. Champions është një dëshirë e madhe, jo vetëm për ne, por edhe për tifozët tanë. Të shohim se çfarë mund të arrijmë në fund të sezonit, por kemi shumë entuziazëm.”

Gabi – “Me Gabin kontaktoj vazhdimisht, sepse jemi miq. Do të dëshironim të ishte akoma me ne, por mori vendimin për të ndjekur një rrugë tjetër.”

Pavarësisht se diçka e tillë nuk është akoma zyrtare, aventura e Godin me ekipin “Colchoneros” do të zgjasë edhe tri sezone të tjera. Mançester Junajtid kërkonte shërbimet e tij dhe ishte gati të paguante klauzolën e mbrojtësit prej 20 milionë eurosh, duke llogaritur që kontrata aktuale i skadon verën tjetër, por ky i fundit refuzoi largimin nga Madridi.

Mbas largimit të Gabit, Godin u zgjodh kapiteni i ri i ekipit, me të cilët ka fituar 7 tituj, nga të cilët gjashtë nën drejtimin e Diego Simeones. Tashmë ai dhe Atletiko janë gati për trofeun e radhës, ku do të kërkojnë fitimin e Superkupës së Europës në derbin përballë Realit.