Mediat angleze raportojnë se akordi është arritur, por ka edhe një surprizë. Lampard ka patur një kërkesë të veçantë për presidentin rus. Trajneri, i cili drejtoi Derbi Kauntin sezonin e fundit, dëshiron Didier Drogba në stafin e tij.

Dy rikthime të bukura për tifozët, të cilët pritet të shijojnë dy nga futbollistët më të dashur. Jo më në fushën e blertë, por në stol me shpresën që do të udhëheqin Çelsin drejt sukseseve të mëdha.

Ndeshja shkoi në shtesa dhe finalisti u përcaktua nga goditjet e penalltive. Emocione të mëdha në “Stamford Bridge”, aty ku basku Kepa priti dy penallti. Ajo deçizive u godit nga Eden Hazard, me belgun që nuk gaboi dhe dërgoi tifozët dhe shokët e ekipit në delir.

Festë e madhe edhe për Didier Drogba. Ish-sulmuesi potent nga Bregu i Fildishtë është një legjendë e “Bluve të Londrës”. Afrikani u shfaq tepër i lumtur pas shënimit të golit deçiziv, siç dallohet në videon e postuar në rrjetet sociale.

Finalja e madhe do të zhvillohet me datë 29 maj. Çelsi do të përballet në Baku të Azerbajxhanit me Arsenalin në një derbi londinez, që parashikohet të jetë tepër i zjarrtë dhe spektakolar.

 

View this post on Instagram

 

Well done My People @hazardeden_10 @chelseafc ????????????? Another final!!!on the road to Baku @europaleague Let’s win it NOW

A post shared by didierdrogba (@didierdrogba) on May 9, 2019 at 2:52pm PDT

Kampioni nga Bregu i Fildishtë, bashkë me shokët e tij, bëri mrekullinë në Champions në vitin 2012 duke ngritur kupën me veshë të gjata. Një surprizë e madhe kjo, pasi Çelsi po kalonte një sezon shumë zhgënjyes, duke shkarkuar trajnerin Vijash Boash dhe vënë në stol ndihmësin e tij, italianin Di Mateo.

Ishte pikërisht ai që me taktikën e “autobusit” të parkuar para porte i dha londinezëve Championsin e parë në histori.  Pikërisht këtë situatë po kalon Junajtid, që shkarkoi Murinjon dhe solli në stol Ole Gunar Solskjaer. Për këtë “ish”-i i Çelsit mendon se mund të ndodhë një histori e ngjashme me atë të 2012-ës.

“Kujt i shkonte mëndja që ne do të fitonim Champions-in atëherë? Askujt, madje as mua. Ndoshta Solskjaer dhe Junajtid mund ta përsërisin këtë. Në ndeshjen ndaj PSG pashë që mund të kemi besim tek ata. Ata kanë një frymë të mirë ekipi dhe një trajner që e di sesi fitohet aty”.

“Solskjaer e njeh atmosferën brenda klubit dhe di gjithçka ndodh. Kjo e tij është një situatë e njëjtë me Di Mateon. Nuk dua të shkoj shumë larg, por te Junajtid shoh pak nga Çelsi i vitit 2012. Askush nuk e priste që ne të fitonim, ashtu si me “djajtë” këtë vit. Do të ishte shumë interesante nëse ndodh”, tha Drogba në një intervistë për ‘Goal’.

Për të qetësuar raportin e Hazard me tifozët, ka ndërhyrë një legjendë e klubit londinez, si Didier Drogba. Ish-sulmuesi e konsideroi belgun si një ndër legjendat e Çelsit për ato çfarë ai ka arritur në gjashtë vite me fanellëne bluve të Londrës.

“Hazard është një legjendë pavarësisht se çfarë do të ndodhë. Mjafton të shikosh se çfarë ka arritur në gjashtë vite me klubin. Ai është dikush që ka pritshmëri shumë të mëdha ndaj vetes dhe kolegëve të tij pasi kërkon gjithmonë të fitojë”.

“Ka fituar dy herë kampionatin, ka fituar kupën, ka fituar çmimin lojtari i vitit. Është thjesht Eden Hazard”, përfundoi Drogba.

Didier Drogba mbahet mend për sezonet dhe golat e shumta të shënuar me Çelsin, por afrikani shpërtheu te Marseja. Ish-sulmuesi nga Bregu i Fildishtë shënoi 19 gola në sezonin 2003/2004, ndërsa më pas u transferua në Premier Ligë.

Në një prononcim për sajtin zyrtar të klubit francez, Drogba zbulon bisedën e bërë me Balotelin. Ai ndihet i lumtur që italiani po shënon dhe po ndihmon ekipin në arritjen e rezultateve pozitive.

“Jam shumë i lumtur për impaktin pozitiv të Balotelit me Marsejën, sidomos për faktin që kemi biseduar bashkë përpara se të ndodhte ky transferim. Unë i thashë Marios: ‘Ke këtë mundësi dhe shfrytëzoje, sepse Marseja është një klub që do të bëjë të ndihesh mirë.’ Dhe tani Mario po luan shumë mirë. Është rikthyer të shënojë dhe jam shumë i lumtur për të”, përfundon Didier Drogba.

Në një takim me presidentin rus, portugezi i kërkoi një përforcim për repartin e sulmit. Dëshira ishte Didier Drogba, i cili kishte shënuar 19 gola me Olimpikun e Marsejës. Gjatë prononcimit për “beIN SPORTS”, Murinjo zbulon një detaj interesant në lidhje me kreun e klubit.

Ai e pyeti se cilin sulmues dëshironte, ndërsa përgjigja e Murinjos e befasoi, pasi Abramoviç nuk e njihte afrikanin. Akordi u arrit, Marseja përfitoi 24 milionë sterlina, ndërsa sulmuesi nga Bregu i Fildishtë shënoi gola pafund, fitoi tituj dhe trofe dhe i dha Champions Ligën Çelsit në vitin 2012.

“E mbaj mend mirë kur Abramoviç më pyeti: ‘Cilin? Cilin dëshiron në sulm?’ Kishte gjithë ata sulmues të mëdhenj në Europë në atë moment, ndërsa unë i thashë: Drogba! ‘Po ky kush është? Ku luan?’ Unë iu përgjigja: Zoti Abramoviç, nxirr paratë nga xhepi dhe mos fol më.”

Afrikani zbulon preferencën e tij, ndërsa nuk i kursen elozhet për Kristiano Ronaldon. Portugezi është më i miri në botë në rolin e tij dhe përshtatja e lehtë më Serie A në moshën 33-vjeçare e ka befasuar Drogbanë.

“Nëse do të kisha mundësinë për të votuar, do të kisha shprehur preferencën time për Mbape. Mendoj se Kristiano Ronaldo është sulmuesi më i mirë në qarkullim për momentin, do të qëndrojë dhe për disa vjet, edhe pse të imponohesh në një kampionat tjetër, veçanërisht në atë moshë, nuk është aspak e thjeshtë. Fati që nuk ndodhet mes kandidatëve të fitimit të ‘Topit të Artë’ është vetëm rastësi“, përfundon ish-bomberi nga Bregu i Fildishtë.

Tanimë sulmuesi nga Bregu i Fildishtë e ka mbyllur me futbollin e luajtur. Stacioni i fundit për të ishin Shtetet e Bashkuara të Amerikës. Urimet për Drogba kanë qenë të shumta dhe së fundmi një e ka surprizuar atë.

Bajerni i Mynihut, edhe pse e pësoi prej tij, nuk mund të mos e urojë sulmuesin: “Ju thyet zemrat tona njëherë, por ne sërish duam t’iu përgëzojmë për karrierën e mrekullueshme. Të gjitha të mirat në të ardhmen, Didie Drogba”.

https://www.facebook.com/fcbayern.en/photos/a.845519478852461/2369985146405879/?type=3&theater

Ish-bomberi ka folur për “The Sun”, duke treguar momentin më të vështirë në karrierë. Ishte vitit 2004, kur ai la Marsejën për të kaluar te Çelsi i Murinjos. Viti i parë ishte për t’u harruar: mungesë besimi në vetvete dhe dëshirë për t’u larguar. Më pas një bisedë më portugezin dhe… historia dihet se si shkoi.

“Hera e vetme që kam dyshuar për veten ishte kur u transferova nga Marseja te Çelsi. Dy vite e gjysmë më parë luaja në kategorinë e dytë franceze dhe pastaj, brom, papritmas ndodhesh në një klub që u bë një nga më të mëdhenjtë në botë. Një vend i ri, një kulturë e re. Kisha dilema dhe pyesja veten nëse mund t’ia dilja. Më dukej sikur gjithçka kishte ndodhur shumë shpejt dhe kisha frikë se mos dështoja. Pas vitit tim të parë të vështirë me Çelsin, fola me Murinjon dhe i thashë: ‘Nuk jam i lumtur këtu. Ndoshta, Çelsi nuk bën për mua, dua të largohem.’ Ai më kërkoi të qëndroja dhe më premtoi se do të më ndihmonte. Në Francë isha i qetë, ndërsa në Angli përpiqesha të ndihesha mirë.”

“Një ditë dëgjova Murinjon të thoshte diçka vërtetë interesante. Ai më tha: ‘Nëse do të jesh mbreti i vetëm, kthehu te skuadra ku ishe dhe shëno 100 gola. Te Çelsi ka 22 mbretër, kështu që duhet të pranosh të punojmë së bashku. Përndryshe, largohu.’ Në atë moment e kuptova që Çelsi po më jepte mundësinë për të shkuar përtej asaj që kisha bërë deri në atë moment. Në atë moment kuptova se kisha nevojë për t’u përmirësuar dhe falë Murinjos u bëra futbollisti që jam. Kam patur një raport të veçantë me të dhe Zhoze më rriti vetëbesimin tim, sidomos kur më thoshte: ‘Dua të shkoj në luftë me ty.’”, përfundon Didier Drogba.

Pasi fitoi Konferencën e Lindjes, Phoenix Rising u mposht në finalen e madhe kundër Lusivill Sitit, fituesve të Konferencës së Perëndimit me rezultatin 0-1. Por, një lojtar si Drogba nuk mund ta mbyllë karrierën me humbje.

Ish-sulmuesi i famshëm i Çelsit ka reaguar në rrjetet sociale, në një mënyrë mjaft interesante. Drogba ka postuar një fragment nga filmi i famshëm “The Wolf of Wall Street”, (Ujku i Uoll Strit), ku aktori Leonardo Di Kaprio thotë shprehjen e famshme: “Nuk po largohem”

Një sinjal i qartë i afrikanit, i cili ndihet në formë dhe në moshën 40-vjeçare dhe kërkon të vazhdojë të luajë futboll, të shënojë dhe të festojë akoma.

 

View this post on Instagram

 

Retirement ??? ?????

A post shared by didierdrogba (@didierdrogba) on Nov 9, 2018 at 10:53am PST

40-vjeçari ishte pjesë e Phoenix Rising në divizionin e dytë të futbollit amerikan (USL), ndërsa ndihmoi ekipin e tij të fitonte Konferencën e Perëndimit me golin e shënuar përballë Orange County SC.

Phoenix u përball në finalen e madhe me fituesit e Konferencës së Lindjes, ekipin e Luisvill, ndeshje që u fitua nga këta të fundit me rezultatin 1-0. Një mbyllje me humbje e një karriere të lavdishme. Ish-sulmuesi i Çelsit e mbylli karrierën e tij me 4 Premier Liga të fituara, 3 Kupa Lige, 2 “Community Shield”, 4 FA Cup, një kampionat, 1 Kupë dhe 1 Superkupë në Turqi me Gallatasarain dhe Champions-in e paharrueshëm me Çelsin në sezonin 2011-2012.

Potencë, sens goli, një fizik “përbindëshi” dhe një nga ata sulmues që krijojnë të vetëm repartin ofensiv. Mbi 200 gola të shënuar në karrierë me klubet dhe 65 gola të shënuar me Bregun e Fildishtë. Bashkë me Zhorzh Ueah dhe Samuel Eto, Drogba është shpallur si një nga tre sulmuesit më të mirë afrikan të historisë, ndërsa tashmë i jep fund karrierës së tij për t’u përqendruar në projekte të tjera.

Një sulmues si Drogba nuk mund ta humbasë nuhatjen e golit, pavarësisht moshës së madhe dhe një gjë të tillë e ka bërë në të gjitha ndeshjet e “play-off”-it të USL. Ai ka udhëhequr ekipin e tij të fitojë trofeun e Konferencës Perëndimore dhe po përgatitet për ndeshjen e fundit si futbollist profesionist.

“Phoenix Rising” do të zhvillojë ndeshjen e finales së Kupës së USL kundër ekipit të Luisville, që ka fituar Konferencën e Lindjes dhe ish-sulmuesi i famshëm i Çelsit do të tentojë të lërë shenjën e tij dhe ta mbyllë me gol dhe trofe aventurën amerikane.

 

View this post on Instagram

 

@didierdrogba has scored in *every* round of the @uslsoccer playoffs so far. ?? ? Now, after lifting the Western Conference Final trophy, his last game as a professional footballer will be with @phxrisingfc in the USL Cup Final. ?

A post shared by 433 | Football (Soccer) (@433) on Nov 4, 2018 at 2:01am PST

Aventura e tij me Feniks po shkon mjaft mirë, teksa ekipi amerikan luan për momentin në “play-off”, pasi e përfundoi kampionatin e rregullt në vendin e tretë. Mbrëmjen e kaluar ekipi i Drogba priste ekipin e dytë të Portland, në një sfidë të vlefshme për fazën e 1/8-ave. Takimi përfundoi me fitoren e pastër të Feniks, të cilët likuiduan miqtë nga Portland me tre gola.

Goli që hapi rrugën e suksesit për vendasit, ishte pikërisht i Didier Drogbasë, i cili me një goditje dënimi shënoi një supergol. Edhe pse tashmë është në moshën 40-vjeçare, lojtari nga Bregu i Fildishtë vazhdon të tregojë se pavarësisht moshës, klasi tek ai ngelet gjithmonë.

Uilliam Galas, mbrojtësi francez, i cili u aktivizua për pesë sezone te Çelsi, për të kaluar pastaj tek ekipi i Arsenalit, ka zbuluar një detaj të veçantë sa i përket sulmuesit nga Bregu i Fildishtë për “Radio Montecarlo”.

Ai ishte tmerri i mbrojtësit zviceran, Filip Senderos, i cili “shuhej” përballë sulmuesit të Çelsit. Jo më kot, Drogba ka shënuar 13 gola përballë Arsenalit në 15 ndeshje të zhvilluara.

“Filip Senderos ishte në ekip me mua dhe para ndeshjeve, ai kishte shumë nevojë të fliste. Shihte vetëm, djersiste shumë dhe nuk dihej mirë. Por, me disa lloj kundërshtarësh, kjo gjë i ndodhte edhe më shumë. E kam parë kundër Çelsit, kundër Didier Drogba dhe aty ai frikësohej për vdekje.

Dukej sikur zhvillonte një ndeshje psikologjikë në dhomat e zhveshjes dhe pastaj ndeshja në fushë. Kur shihte Drogbanë në fushë, Senderos humbiste aftësitë për të luajtur. Një gjë e çuditshme, sepse ai luante më mirë përballë kundërshtarëve të tjerë”, përfundon francezi Galas.