Dy janë dëshirat e mëdha: Mauricio Poçetino dhe Didier Deshamp. Argjentinasi i Totenhemit pëlqehet shumë. Largimi i tij nga Spurs duket i sigurt pas fjalëve të vetë trajnerit pas kualifikimit në finalen e Champions Ligës.

“Dëshironi të dini nëse mendoj të largohem nga Totenhemi, nëse fitojmë Champions Ligën? Po, e konfirmoj se do të largohem. Mund të largohem edhe nëse e humbasim finalen”.

Kandidat i fortë është edhe trajneri francez. Deshamp e njeh mirë ambientin dhe mentalitetin bardhezi, pasi ka luajtur dhe drejtuar Juven më parë. Problem mbetet kontrata e tij me kombëtaren franceze dhe fakti që dëshiron të luajë Europianin 2020.

Emri i tretë quhet Zhoze Murinjo. Portugezi është propozuar nga Horge Mendes, agjenti i tij. “Special One” është një trajner fitues dhe intrigon jo pak, ndërsa problem mbetet fakti që është shumë më tepër interist se duhet dhe deklaratat thumbuese që ka bërë gjithmonë për bardhezinjtë.

Alternativa të tjera janë edhe Simone Inzagi me Sinisa Mihajloviç. Megjithatë, më parë duhet larguar Alegri dhe pastaj do të nisë ofensiva për të gjetur trajnerin e ri të Juventusit.

Trajneri i Francës ka befasuar me disa zgjedhje, por ai ka një shpjegim për gjithçka. “Blutë” kanë një brez shumë të mirë lojtarësh dhe do të ketë të pakënaqur, pasi jo të gjithë mund të luajnë.

Kurzava i PSG dhe Marsial i Junajtid janë rikthyer, Ndombele i Lionit është konfirmuar, ndërsa befason ftesa për Zuma. Krijojnë polemika mos grumbullimet e Lengle (Barcelona), Laport (Mançester Siti) dhe Lakazet (Arsenal) e Ben Jeder (Sevilja) në repartin ofensiv, por Deshamp mbron fort zgjedhjet e tij. I takon, njësoj ishte dhe para Botërorit, por ai tregoi se kishte të drejtë…

LENGLE – “Ne mendojmë gjithmonë për zgjedhjet që bëjmë. Nuk është vetëm Lengle. E dimë që Umititi ka qenë më ne për një kohë të gjatë. Ai ndodhet në një formë të mirë fizike. Umtiti është një lojtar i nivelit të lartë dhe zotëron një teknikë të nivelit të lartë, ndërsa Lenglet nuk ka eksperiencë ndërkombëtare. Ka edhe lojtarë të tjerë, të cilët mund t’i bashkohen kombëtares. Zgjedhjet tona janë të vështira. Lojtarët që nuk janë grumbulluar kësaj radhe e kanë gjithmonë derën e hapur. Loja e zhvilluar me klubin ka efektin e vet, por duhet të imagjinojmë dhe performancat e tyre me Francën në nivel ndërkombëtar, aty ku kërkesat janë të larta. Për fat të keq të atyre që nuk janë grumbulluar, mungesa e eksperiencës u rëndon. Lengle luan me një klub të madh, ka një rritje dhe përmirësim konstant dhe bën pjesë të mbrojtësit francezë të një niveli shumë të mirë.”

KURZAVA – “Kurzava është një lojtar, i cili ka kaluar vuajtje të mëdha. U rikthye dhe po tregon gjëra të rëndësishme. Ai ka eksperiencë me ne dhe ka filluar të aktivizohet me PSG. Ka kaluar një eksperiencë të vështirë si pasojë e dëmtimit, por është në rrugën e duhur.”

NDOMBELE – “Ai është një lojtar plot kualitet. Ishte me ne në nëntor dhe u përshtat shpejt. Ka potencë dhe zotëron një teknikë të mirë. E pamë dhe mbrëmë kundër Barcelonës, ku nuk pati probleme me qarkullimin e topit. Ka një pasim shumë të mirë dhe ka aftësinë për të ‘eliminuar’ kundërshtarin. Ka treguar si me Lionin, si me ne, që është një lojtar me potencial të madh.”

BAKAJOKO – “Ai mund të ishte pjesë e listës, siç ka qenë edhe disa herë në të shkuarën. Konkurrenca është shumë e fortë. Për shembull Nzonzi ishte me ne në Botëror, ndërsa tani nuk është. Po e vëzhgojmë progresin e Bakajokos, ai po gjen një nivel më të mirë dhe ka më shumë përgjegjësi tani”.

MARTIAL – “Antoni është pjesë e këtij grupi. Ka patur disa probleme fizike, por ka shpejtësi, inkursion dhe aftësinë e të shënuarit. Ka disa cilësi të veçanta për një lojtar ofensiv, cilësi shumë interesante.”

LAKAZET-BEN JEDER – “E di që nuk janë të lumtur. Ata po tregojnë gjëra të rëndësishme, por unë bëj zgjedhjet e mia. Nuk shikoj profilin e një lojtari, por në atë pozicion kemi Zhiru. Oliver po lufton me kohën, por kur luan, shënon. Ata e meritojnë një shans dhe e kam të vështirë faktin që nuk ua jap dot. Por, nuk mund të grumbulloj 3-4 lojtarë të të njëjtit rol.”

Anjeli dhe Paratiçi po mendojnë për një zëvendësues dhe favoriti kryesor është Didier Deshamp. Trajneri që e çoi Francën në majën e Botës në vitin 2018 preferohet shumë nga drejtuesit, të cilët e shohin si të duhurin për të marrë drejtimin e stolit bardhezi.

Francezi është nga brezi i lojtarëve që i dhanë “Champions”-in e fundit italianëve në vitin 1996 dhe e njeh shumë mirë rëndësinë e të veshurit atë fanellë dhe atmosferën brenda klubit. Juventusi shpresonte për një emër si Zinedin Zidan, por i humbi shpresat pas kthimit të tij në Madrid.

Ky fakt ka bërë që drejtuesit nga Torino të hedhin sytë nga emra si Deshamp, por edhe Konte. Mediat italiane nuk e përjashtojnë një rikthim te “Zonja”.

Së fundmi mediet franceze kanë zbuluar dy nga risitë e para në listën që do të bëhet publike së shpejti. Bëhet fjalë për dy mbrojtës krahu dhe të dy luajnë me skuadra të kampionatit francez.

I pari është Leo Dybua, mbrojtës i krahut të djathtë, 24 vjeç. Lojtari në fjalë ka bërë paraqitje shumë të mira me skuadrën e Lionit dhe prandaj Deshamp ka vendosur t’i japë ftesën e parë për në kombëtaren e gjelave.

Debutuesi i dytë është Keni Lala i Strasburgut. Futbollisti 27-vjeçar luan si mbrojtës i majtë, një pozicion ku Franca nuk po kalon një moment të mirë, pasi Benxhamin Mendi dhe Lukas Hernandez janë të dëmtuar prej muajsh.

Gjatë ditës së djeshme, 33-vjeçari u shpreh se fitimi i Kupës së Botës nga Franca e tij, i ka shkaktuar më shumë probleme psikologjike se dëmtimi i tij. Koshielni arrin deri aty sa pohon se, në disa raste, ka shpresuar që Franca të humbiste dhe të eliminohej.

Didier Deshamp ka folur për një gjë të tillë në konferencën për shtyp përpara ndeshjes kundër Gjermanisë, duke treguar të vërtetën e mbrojtësit të tij. Trajneri i kombëtares franceze ka mbetur i habitur nga deklaratat e lojtarit, por dëshiron të ulë gjakrat. Deshamp thekson se e kupton gjendjen shpirtërore të Koshielnit, për të cilin ka konsideratë si lojtar, por edhe njeri.

“Mbeta i befasuar, sepse të gjithë anëtarët e stafit të kombëtares i kanë dërguar mesazhe mbështetje lojtarit. E kam telefonuar pas dëmtimit të tij, diskutova me të zgjedhjen e kirurgut dhe e ftova të vinte me ne në fazën e përgatitjeve përpara Botërorit. Po flasim për një lojtar, i cili është i “plagosur” nga fakti që nuk mori pjesë në Kupën e Botës, kështu që e kuptoj zhgënjimin e tij. Nga shtatori nuk kam folur me të, por ka kaluar vetëm një muaj. Nuk e ndryshoj mendimin tim për Lolon (pseudonimi i Koshielnit) si futbollist, por dhe si njeri. Disa i lejojnë vetës ta gjykojnë pa e ditur situatën. Kur nuk e di, preferoj të qëndroj në heshtje“, përfundon trajneri i “Gjelave”.

Për herë të parë me kombëtaren e “Gjelave” do të grumbullohet dhe Tangu Ndombele. 21-vjeçari luan me ekipin e Olimpik Lionit dhe aktivizohet në rolin e mesfushorit. Paraqitjet e tij të mira kanë marrë vlerësimin e trajnerit Deshamp, i cili e ka ftuar për sfidat e radhës, në vend të Tolisos së Bajernit, i cili ka pësuar një dëmtim të rëndë në ndeshjen e parë të sezonit.

PORTIERË: Hugo Loris (Totenhem), Alfons Areola (PSG), Stiv Mandanda (Olimpik Marsejë)

MBROJTËS: Lukas Hernandez (Atletiko Madrid), Lukas Dinje (Everton), Xhibril Sidibe (Monako), Rafael Varan (Real Madrid), Mamadu Sako (Kristal Palas), Benxhamin Pavard (Shtutgart), Presnel Kimpembe (PSG), Kurt Zuma (Everton)

MESFUSHORË: Blaiz Matuidi (Juventus), N’Golo Kante (Çelsi), Pol Pogba (Mançester Junajtid), Tangu Ndombele (Olimpik Lion), Steven Nzonzi (Roma)

SULMUES: Olivier Zhiru (Çelsi), Antuan Grizman (Atletiko Madrid), Kilian Mbape (PSG), Osman Dembele (Barcelona), Nabil Fekir (Olimpik Lion), Florian Tovin (Olimpik Marsejë), Tomas Lemar (Atletiko Madrid)

Les 23 joueurs qui affronteront l’Islande (11/10 à Guingamp) et l’Allemagne (16/10 au Stade de France) sont…#FiersdetreBleus pic.twitter.com/Mz2F8S5ljA

— Equipe de France ?? (@equipedefrance) October 4, 2018

Zllatko Daliç, Didier Deshamp dhe Zinedin Zidan janë tre emrat që rivalizojnë për trajnerin e vitit. Kroati realizoi një kryevepër duke dërguar Kroacinë në finalen e Botërorit, të cilën e humbën përballë Francës. I aftë për të menaxhuar një grup lojtarësh me kualitet, Daliç dhe djemtë e tij mahnitën miliona tifozë gjatë Botërorit të Rusisë me futbollin e tyre plot grintë, kualitet dhe mbi të gjitha aspak frikë për ekipin që ndodhej përballë.

Mbasi kishte ngritur Kupën e parë të Botës në vitin 1998 si kapiteni i Francës, Deshamp përsërit të njëjtën gjë këtë verë nga stoli i ekipit. Ekip i fortë mbrapa, mesfushë dinamike dhe luftarake dhe një sulm vrasës. Deshamp harmonizoi talentin e grupit që zotëronte me cinizmin e një ekipi fitues duke arritur të sjellë Kupën e Botës ne Paris mbas 20 vitesh.

I fundit, por jo nga rëndësia, Zinedin Zidan. Trajneri arriti të fitonte Championsin e tretë rresht me Realin e Madridit duke hyrë në historinë e futbollit botëror. Në fund të sezonit vendosi të largohet, për të pushuar dhe rikthyer më vonë sfidave të reja. Zidan krijoi një ekip të frikshëm dhe në tre vitet e fundit, ai dhe Reali kanë dominuar në Europë.

Finalists: #TheBest Men’s Coach Award ?

?? @DalicZlatko
?? Didier Deschamps
?? Zinedine Zidane#FIFAFootballAwards pic.twitter.com/zZkhVVOq6W

— FIFA.com (@FIFAcom) September 3, 2018