dida

Korabi mendon për të ardhmen, rinovon me dy talentet

Sport Ekspres — Tue, 18 Jun 2019 16:10:03 +0000

Skuadra e Korabit synon të ndërtojë një grup të fortë për sezonin e ardhshëm dhe përveç disa afrimeve cilësorë në grup, kanë njoftuar dhe rinovimin me dy futbollistë. I pari është Geraldo Hysi, mesfushori 20-vjeçar i cili bëri një sezon të mirë. Hysi është prej dy vitesh pjesë e Korabit dhe ka rinovuar dhe për tre sezone të tjera. Mesfushori do të jetë pjesë e dibranëve deri në vitin 2022.

Edhe mbrojtësi 21-vjeçar, Bekim Dida, ka rinovuar me skuadrën e Korabit. Shtatlarti i prapavijës mbylli sezonin e dytë me Korabin dhe ka rinovuar edhe për tre vite të tjera, duke i përkushtuar të ardhmen e tij klubit dibran.

Oferta nga Kosova e Maqedonia, Korabi mund të humbasë një titullar!

Sport Ekspres — Sat, 15 Jun 2019 16:57:51 +0000

Korabi nuk ia doli që të ngjitet në Kategorinë Superiore sezonin e shkuar, por duket se në kampin dibran kanë filluar përforcimet për të synuar ngjitjen në elitë. Përveç afrimeve, ka pasur disa tratativa për të rinovuar me titullarët e skuadrës, përfshirë këtu dhe mbrojtësin Bekim Dida.

21-vjeçari ka luajtur 17 ndeshje në Kategorinë e Parë sezonin e shkuar, duke mbuluar disa role në fushën e lojës. Didës i skadon kontrata në janar dhe së bashku me presidentin e skuadrës, Fehmi Mëziu, kanë rënë dakord paraprakisht për rinovimin e saj.

Dida ka pasur oferta nga disa skuadra në IPKO Superliga dhe nga Maqedonia, por ka vendosur të mos largohet nga Shqipëria. Mbrojtësi ka dalë nga Akademia e Kukësit dhe mbylli sezonin e tij të dytë me fanellën e Korabit.

Dida: Kemi akoma dhe më shumë mundësi, ndaj Kukësit ndeshje e veçantë

Sport Ekspres — Sun, 24 Mar 2019 14:43:13 +0000

Korabi u mund në minutat e fundit në ndeshjen e kësja të premteje nga Kukësi me rezultatin 1-2, në një takim miqësor. Skuadra dibrane tregoi se ka potencialin për të bëre akoma dhe me shumë, pasi i bëri ballë deri në minutat e fundit një prej ekipeve pretendente për titull ne elitën e futbollit shqiptar. Ishte një ndeshje e veçantë për Bekim Didën, i cili luante ndaj ish-ekipit ku është formuar si futbollist. Mbrojtësi dhuroi një performancë të kenaqshme, duke spikatur jo pak. Për “Sport Ekspres” ai tregon se edhe pse ishte një ndeshje emocionuese, bëri ate çka i takon në fushën e blertë.

“Ishte ndeshje e veçanë për mua, për faktin se luaja ndaj ekipit te qytetit te lindjes, megjithate une jam profesionist dhe bëj me të mirën time për ekipin ku luaj. Prioritet per mua ka Korabi dhe vetëm Korabi. Ishte ndeshje e veçantë dhe mund të merrnim nje rezultat pozitiv, megjithatë ekipi tregoi se ka mundësi për të bërë më shumë”.

Dida fitoi 11-metërshin që barazoi rezultatin përkohesisht, pasi ne këtë sfidë ai luajti para mbrojtjes. Vete lojtari rrefen se ndihet mirë ne këtë pozicion, çka u dëshmua dhe nga angazhimi i tij në sfiden me në kampionët e vendit.

“Luajta para mbrojtjes dhe u mundova që të jap me te mirën. Jam gati që të luaj ne çdo pozicion ku më kërkon trajneri, pasi ne minutat e fundit kalova para si një sulmues. Detyra ime dhe e çdo lojtari është që të jape maksiumin në çdo moment që të ketë nevoje ekipi”, mbyll prononcimin e tij Bekim Dida.