Dibala

Inter fiton terren, ofertë “faraonike” për Lukakun

Sport Ekspres — Sat, 03 Aug 2019 08:18:10 +0000

Juvenstusi ka mësyrë drejt Lukakut, duke e kapur Interin në befasi dhe i hequr objektivin e madh të verës. Paulo Dibala dhe belgu pretendohet se do të ndërrojnë ekipet këtë verë. Agjentët e argjentinasit kanë udhëtuar në Angli për të folur rreth termave financiare.
Siç raportohet nga mediet e mëdha evropiane, Dibala kërkon një rrogë të lartë dhe një trajtim më të veçantë se shumica e lojtarëve. Kërkesat e tij e kanë bërë Junajtid të mendohet. Nga kjo ngecje e këtij operacioni, është Interi që kërkon të fitojë terren.

Marota do të shkojë në Angli me një ofertë më të lartë se se 60 milionët e parë. Zikaltrit do të japin 70 milionë euro në dorë dhe 10 milionë të tjerë shpërblime, një total që shkon në 80 milionë euro. Gjithashtu rrogën e lojtarit do e rrisin pë ta çuar në 12 milionë. Shifra këto që e bëjnë Junajtid të lërë pistën Dibala dhe të drejtohet nga Milano.

Totenhemi tenton Dibalën, por oferta është qesharake

Sport Ekspres — Fri, 26 Jul 2019 11:56:05 +0000

Paolo Dibala ka përjetuar një ndër sezonet më zhgënjyese të karrierës së tij, teksa shënoi vetëm 5 gola në 30 takimet e tij gjatë sezonit që lamë pas të Serie A.

Kjo paraqitje e dobët e lojtarit ka ndikuar dhe në vlerën e kartonit të 25-vjeçarit. Në ndryshim nga një vit më parë, tani nuk mund të flitet për shuma që i kalojnë 100 milionë eurot.

Vlerën në rënie të Dibalës e reflekton dhe një ofertë e ardhur së fundmi nga Totenhem. Sipas “La Stampa”, ekipi londinez ka ofruar 50 milionë euro për mëngjarashin. Mund të thuhet pa problem se drejtuesit e “spurs” e kanë tepruar disi me këtë shumë.

Junajtid-Juventus, takim për yllin e sulmit

Sport Ekspres — Fri, 19 Jul 2019 15:54:02 +0000

Mançester Junajtid kërkon Paulo Dibalën. “Gazzetta dello Sport” raporton se Junajtid kanë treguar interes konkret për yllin argjentinas. Anglezët kanë kërkuar një takim kokë më kokë me drejtuesit e Juventusit. Paulo sezonin e fundit është përballur mjaft me stolin, aq sa largimi ishte pas dere.
25-vjeçari ka një vlerë prej 90 milionë eurosh në merkato. Juventusi nga shitja e tij do të përfitonte mjaft të ardhura për të bërë përforcime të tjerë. Megjithatë, për momentin mundësia e largimit nuk diskutohet. Ardhja e Sarrit i ka zhdukur mendimet e largimit për argjentinasin.

Italiani dëshiron t’i ndërrojë rol sulmuesit duke e vendosur në qendër, pozicion që e “ka qarë” te Palermo. Mbetet për t’u parë e ardhmja e argjentinasit, pasi ardhja e Ikardit do të ngatërronte gjithçka. Junajtid janë aty, gati për t’i “shtruar” tapetin e kuq.

Dibala tel Interi? Argjentinasi e shikon si një hap pas në karrierë

Sport Ekspres — Wed, 05 Jun 2019 18:27:40 +0000

Paolo Dibala nuk do të largohet nga Juventusi për t’iu bashkuar Interit, pasi argjentinasi e shikon transferimin te te zikaltërit si një hap prapa në karrierën e tij. Interi ka dëshirë të sjellë sulmuesin në Milano, në një shkëmbim me Mauro Ikardin, por duhet se Dibala nuk ka ndërmend të transferohet në “San Siro”.

Siç raportojnë mediat italiane, Dibala me shumë gjasa do të qëndrojë te Juventusi, gjithmonë nëse Sarri vjen në krye të pankinës. Një burim pranë lojtarit, foli për TuttoSport, ku u shpreh:

“Sarri e pëlqen Dibalan, pasi i përshtatet mjaft mirë me stilin e tij të lojës. Në rast se ai vjen te Juventusi, Paolo nuk lëviz. Një transferim te Interi? Dibala e shikon si një hap pas në karrierën e tij”.

Befasi te Argjentina! Ikardi “out”, Skaloni me shumë surpriza

Sport Ekspres — Tue, 21 May 2019 16:30:31 +0000

Mauro Ikardi nuk do të jetë pjesë e Argjentinës në Kupën e Amerikës. Sulmuesi i Interit ka kaluar një sezon shumë të komplikuar, ku përveçse problemeve me drejtuesit e klubit, ka pasur dhe ulje të statistikave të tij në fushën e lojës. Sezonin e shkuar, Ikardi shënoi 29 gola në kampionat, ndërsa këtë sezon, vetëm 11.

Paraqitja e fundit me Argjentinën për yllin e Interit daton me 21 nëntor të vitit të shkuar, në një ndeshje kundër Meksikës. Me Ikardin jashtë, Skaloni i ka besuar Agueros, Lautaro Martinezit, Mesit, Dibalës dhe Suarezit të River Plejt. Lista e plotë e “Abiçelestëve”:

Portierë: Armani (River Plejt), Andrada (Boka Zhuniors), Markesin (Klub Amerika).

Mbrojtës: Akunja (Sporting), Kasko (River Plejt), Foith (Totenhem), Funes Mori (Vijareal), Otamendi (Man. Siti), Pezela (Fiorentina), Saravia (Rasing), Taljafiko (Ajaks).

Mesfushorë: De Paul (Udineze), Di Maria (PSG), Lo Celso (Betis), Palasios (River Plejt), Paredes (PSG), Pereira (Uatford), Rodrigez (Klub Amerika).

Sulmues: Aguero (Man. Siti), Dibala (Juventus), Lautaro Martinez (Inter), Mesi (Barcelona), Suarez (River Plejt).

E ardhmja e Dibalas dhe objektivi Kieza: Paratiçi i sqaron të gjitha

Sport Ekspres — Sun, 21 Apr 2019 11:22:13 +0000

Juventusi siguroi pasditen e djeshme titullin në Serie A, triumf që ndodh për herën e tetë radhazi. Pas ndeshjes me Fiorentinën, drejtori Paratiçi foli për “Dazn” ku u pyet edhe për të ardhmen e Dibalas dhe objektivin e merkatos Kieza.

KIEZA – “Sot nuk është një ditë për të folur për të ardhmen, kemi kohë për të folur për të. Kieza? Është lojtar i mirë dhe një objektiv, por nuk kisha nevojë ta shihje atë sot pasi i dimë cilësitë e tij.”

DIBALA – “Është një lojtar i Juventusit dhe do të mbetet i tillë.”

VIDEO | Dibala i jep tre pikët Juventusit, “Zonja” vendos rekordin historik

Sport Ekspres — Sun, 24 Feb 2019 15:58:35 +0000

Juventus bëri detyrën duke mposhtur në transfertë Bolonjën me rezultatin minimal 0 – 1. Goli i vetëm i takimit u shënua nga Paolo Dibala, i cili shkon në kuotën e katër golave të shënuar në këtë sezon të Serie A.

Me këtë fitore Juventusi vendos një rekord në Serie A, pasi bëhet ekipi i parë që regjistron 22 fitore pas 25 javësh kampionat.

22 – La Juventus è la prima squadra capace di vincere 22 partite alla 25? giornata nella storia della Serie A. Armata. #BolognaJuve

— OptaPaolo (@OptaPaolo) February 24, 2019

Kievo e vendit të fundit nuk arriti më shumë se një barazim pa gola ndaj vizitorëve të Xhenoas, ndërsa me nga një pikë u ndanë dhe Sasuolo me SPAL-in par një 90-minutëshi që përfundoi me rezultatin 1 – 1.

Bolonja 1 – 1 Juventus
Shënues: Dibala 67’

Kievo 0 – 0 Xhenoa

Sasuolo 1 – 1 SPAL
Shënues: Pelusi 43’ / Petanja 68’

Bajern “all in” për Dibalën, Rumenige gati të thyejë rekordin

Sport Ekspres — Sun, 17 Feb 2019 21:48:00 +0000

Bajerni i Mynihut prej vitesh ka shfaqur interes për shërbimet e Paolo Dibalës. Argjentinasi i Juventusit pëlqehet shumë nga drejtuesit e klubit bavarez dhe ndoshta merkato e verës mund të sjellë një kalim të mëngjarashit në Gjermani.

Sipas raportimeve të medieve italiane gjiganti i futbollit gjerman po bëhet gati për shpenzuar një shumë rekord për të bindur Juventusin që të lëshojë 25-vjeçarin, i cili është pjesë e “zonjës së vjetër” që prej verës së 2015-ës.

Prej muajsh shefi i klubit të Bajernit, Karl-Hainc Rumenige ka muaj që paralajmëron se klubi i tij do të bëjë shpenzime të padëgjuara më parë në merkaton e verës për të siguruar zëvendësues të denjë për dyshen Riberi-Roben, që në fund të këtij sezoni pritet të largohen.

Dibala, Atletiko dhe Ikardi, Alegri “skanon” Juventusin

Sport Ekspres — Fri, 15 Feb 2019 22:32:15 +0000

Masimiliano Alegri u shpreh shumë i kënaqur me paraqiten e skuadrës së tij në fitoren 3 – 0 ndaj Frozinones. Në intervisitën e bërë pas ndeshjes për “Sky Sports”, tekniku livornez foli për rikthimin e Poalo Dibalës te goli pas tre muajsh pritje, takimin e mesjavës në Madrid dhe një koment i shkurtër për çështjen Ikardi.

GOLI I DIBALËS – “Jam shumë i lumtur. Paolo po e kërkonte prej kohësh. Sulmuesin jetojnë për të shënuar. Na duhet nj lojtarë i aftë të luajë mes linjave të kundërshtarët. Atë punë ai e bën shumë mirë. E kam thënë dhe më parë, ndoshta kjo vendosje e limiton në aspektin e golave, por i ndihmon shumë sulmuesit që ka përpara”.

ATLETIKO – “Në Madrid do të na duhet të shënojmë. Do të jetë një ndeshje ndryshe, ku do të na duhet shumë përqendrim dhe mprehtësi”.

IKARDI – “Nuk di gjë nga merkato. Në verë jam me pushime, më vijnë dhe lojtar dhe i stërvit. Lojtar i madh? Di gjë di të bëjë gola. Për pjesën tjetër pyesni Spaletin. Që ta njohësh mirë një lojtar duhet ta stërvitësh”, përfundoi Alegri.

Alegri: Dibala shënon pak? Statistikat të shpërqendrojnë, kujtoni Benzemanë

Sport Ekspres — Sun, 10 Feb 2019 22:04:09 +0000

Juventusi kreu një fitore bindëse në transfertë ndaj Sasuolos, teksa fitoi me rezultatin 3 – 0 falë golave të Çan, Ronaldos dhe Kedirës. Trajneri Masimiliano Alegri u shpreh i lumtur me lojën e skuadrës dhe foli dhe për shterpësinë e golave të Paulo Dibalës, i cili këtë sezon ka shënuar vetëm dy gola.

“Më duhet të përgëzoj ekipin për mënyrën se si luajtën, mbi të gjitha mbrojtjen, që nuk pësoi gol. Rrezikuam në fillim, por pas çerek orëshit të parë e morëm veten. E kishim përgatitur ndeshjen ndryshe, por na u desh të ndryshonim”.

Dibala? – “Ai së bashku me Bonuçin kanë luajtur më shumë ndeshje nga të gjithë. Sot luajti mirë. Ndonjëherë mund të ulesh dhe në stol thjesht për të bërë një ndryshim. Bentakur duhet të përmirësohet. Mesfushorët duhet të bëjnë 5-6 gola secili”.

Dibala njeriu ideal përkrah Ronaldos? – “Paulo luan gjithmonë të njëjtin rol. Ronaldo është më ndryshe, kërkon më shumë fizik afër. Dibala dhe Ronaldo mund të luajnë bashkë. Në rast se përqendrohesh te statistikat, Ronaldo dhe Benzema luajtën bashkë për 10 vite në Madrid. Statistikat nuk tregojnë asgjë”, përfundoi Alegri.

Alegri : Dibala do bëhet madhështor, ja pse dështoi Higuain

Sport Ekspres — Mon, 21 Jan 2019 22:49:41 +0000

Masimiliano Alegri nuk i kurseu komplimentat për paraqitjen fenomenale të Paolo Dibalës, në ndeshjen e fituar me rezultatin 3 – 0 ndaj Kievos. Tekniku italian foli dhe për një tjetër argjentinas, pikërisht Gonzalo Higuain.

Dibala – “Është një kënaqësi ta shohësh atë, teksa luan si në ndeshjen e sotme. Ndoshta është i pak i zhgënjyer pasi nuk shënoi, por do të bëhet një lojtari i madh. Ai fillon të humbasë kthjellësinë nëse luan në një pozicion më të tërhequr dhe shpeshherë kjo bën që ai të humbasë motivin. Kjo është rruga e duhur për të”.

HIGUAN TE ÇELSI? – “Nuk e di akoma. Kam punuar me të për dy vite dhe gjithçka shkoi mirë, por nëse nuk gjen “kiminë” e duhur, fatkeqësisht nuk mund të japësh më të mirën tëndë”

Emre Can – “Ai kreu një ndeshje të mirë, por duhet të punojë më shpejt me topin”.

Interesant ishte dhe komenti për Aleks Sandron, të cilin sezonin e kaluar, Alegri e dërgoi në stol, duke i besuar ganezit Azamoah, por duket se rinovimi i kontratës ka përmirësuar raportin mes klubit lojtarit dhe trajnerit: “Aleks Sandro po luan si një lojtari i vërtetë këtë sezon”, tha Alegri.

Dibala gjen shpirtin binjak, aktorja argjentinase i rrëmben zemrën

Sport Ekspres — Fri, 07 Dec 2018 19:04:25 +0000

Prej pak muajsh, Paolo Dibala, ka prezantuar të dashurën e re me miliona fansat e tij. Fatlumja është aktorja 22-vjeçare Oriana Sabatini. Lidhja me lojtarin e Juventusit i ka sjellë përfitime të shumta aktores, që tani ka mbi 3 milionë ndjekës në llogarinë e saj në Instagram.

Argjentinasja nuk ngurron të hedh foto provokuese në rrjetet sociale, madje ç’është e vërteta, është e vështirë të gjesh një foto “normale” të saj.

Rrëfimi i Dibalës: Për Champions-in sakrifikoja kampionatin, dua të jem i pari mes njerëzorëve

Sport Ekspres — Sat, 06 Oct 2018 08:30:00 +0000

Paulo Dibala është njeriu i momentit te Juventusi. Tripleta ndaj Juventusit e ka kthyer atë në qendër të vëmendjes se medieve sportive në Itali. Në një intervistë për të përditshmen e njohur sportive “La Gazzeta Dello Sport”, Dibala flet mbi objektivat e tij, raportin me Kristiano Ronaldon dhe trofeun e tij më të lakmuar: Champions-in.

Ronaldo – “Gjëja që më bëri më shumë përshtypje tek ai është thjeshtësia e tij. Nëse e shikon atë nëpërmjet rrjeteve sociale ose televizorit mund të krijosh një ide tjetër për të, por në realitet është si të gjithë ne. Ai stërvitet mirë duke dhënë 100% në stërvitje, ndërkohë që nuk harron të bëjë ndonjë shaka me Kanselon. Tallet shpesh me të, duke i përmendur se di më shumë italisht se ai që ka një vit këtu. Ai ka filluar të marrë dhe disa “huqe” të miat, pasi ka filluar të pijë pa pushim mate si ne amerikano jugorët (Një variant çaji shumë popullor në Amerikën e Jugut )”

CHAMPIONS – “Vitet e fundit po synojmë të fitojmë Champions-in me çdo kusht. Për atë trofe do ta kisha sakrifikuar një “Scudetto”. Tani pritshmëritë për ne janë rritur ndjeshëm, por mentaliteti jonë qëndron i njëjtë si gjithmonë: Të fitojmë gjithçka”

OBJEKTIVI – Të jetë më i miri ndër njerëzit, ky është objektivi i argjentinasit: “Mesi dhe Ronaldo duhet të ishin në rënie e sipër, por ata vazhdojnë të bëjnë gjëra të jashtëzakonshme. Ata të dy nuk janë normalë. Unë synoj të jem i parë ndër njerëzit”, tha Dybala, i cili nuk harroi të përmendte e të komplimentonte disa emra të tjerë rivalësh si Isko, Nejmar dhe Mbape.

Kombëtarja kthehet në makth për Dibalën, talenti 19-vjeçar e lë në stol

Sport Ekspres — Tue, 11 Sep 2018 15:11:13 +0000

Pushimi i përkohshëm i Lionel Mesit u mendua se do t’i jepte një mundësi të artë Paulo Dibalës për të treguar vlerat e tij në kombëtaren argjentinase. Por, trajneri i ri i 2 herë kampionëve të botës ka befasuar me zgjedhjet e tij, duke i besuar disa talenteve nga kampionati argjentinas.

Një ndër lojtarët surprizë është 19-vjeçari i River Plejtit, Eksekjel Palasios. Mesfushori i talentuar impresionoi në takimin e parë miqësor ndaj Guatemalës, ndërsa raportimet e medieve spanjolle raportojnë se tekniku Skalioni do t’i besojë atij një vend formacioni edhe për miqësore e dyta ndaj Kolumbisë.

Situata për yllin e Juventusit nuk po duket aspak e mirë këto kohët e fundit. 24-vjeçari po kalon një moment të keq edhe në Itali, ku stoli ka filluar të bëhet diçka e zakonshme për të, pasi forma e mirë e brazilian Duglas Kosta, e ka bindur trajnerin Alegri të marrë një vendim të vështirë si lënia në stol e Dibalës.