Real Madridi po planifikon ta dërgojë në huazim futbollistin e talentuar, me Real Betis, Sociedad dhe Ulverhempton që kërkojnë shërbimet e tij. Diaz u transferua në janar nga skuadra e Mançester Sitit dhe u pa nga skautët e Realit si një lojtar me një potencial të madh dhe me të ardhme të ndritur përpara. Diaz luan edhe për kombëtaren e Spanjës U-21.

Aktivizimi i vetëm i talentit spanjollo-maroken daton datë 13 janar, ndërsa që prej atëherë ai ka qenë vetëm në tre takime në stolin e madrilenëve, pra pjesën më të madhe të ndeshjeve i ka parë nga tribunat e stadiumeve spanjolle.

Statistikat janë të frikshme. Megjithatë mosha e re e lojtarit nuk lë vend për alarmim. Gjatë sezonit të ardhshëm Diaz do të huazohet te ndonjë ekip modest i La Ligës, ku do të ketë mundësinë të tregojë veten dhe të justifikojë 15 milionë eurot e paguara për të.

Në rast se Diaz do të shitet në të ardhmen, Siti do të përfitojë 19% të vlerës së kartonit. Megjithatë, ka një përjashtim për një ekip të veçantë. Bëhet fjalë për skuadrën “fqinje” të Mançester Junajtid.

Përqindja e kartonit në rast të një transferte të 19-vjeçarit te “djajtë e kuq”, shkon nga 19% në 40%, çka  e bën krejt të paleverdishëm kalimin e Diaz te Junajtid në një të ardhme të afërt.

Në merkaton e janarit, drejtuesit e “galaktikëve” kanë një mision të ri. Bëhet fjalë për lojtarin e Mançester Sitit, Brahim Diaz. 19-vjeçari është i pakënaqur dhe deri më tani nga minutazhi që i ka dhënë Pep Guardiuola aq sa mesfushori ka refuzuar deri më tani tre oferta rinovimet që i ka propozuar klubi i “qytetarëve”.

Reali do të përfitojë nga kjo situatë, duke ditur se lojtarit i përfundon kontrata në qershorin e vitit të ardhshëm. Sigurisht, për të evituar konkurrencën e skuadrave të tjera, të cilat i kanë pikasur cilësitë e Diaz, janë gati që të ofrojnë 10 milionë euro që në janar. Mbetet për t’u parë nëse lojtarin do ta tu ndonjë një aventurë tek tre herë kampionët e Europës, apo do të presë qershorin, për të shkuar aty ku ai vërtetë mendon se do të ketë më shumë hapësira.

Por, duket se Diaz është në mëdyshje për të firmosur, dhe kjo për shkak të interesit të shtuar të Real Madrid. Drejtuesit e klubit spanjoll duan ta kthejnë në Spanjë sulmuesin e talentuar.

Adoleshenti spanjollo-maroken u ble nga Siti në moshën 15-vjeçare nga akademia e Malagës.
Përgjatë viteve të fundit ai ka shënuar një lumë me gola me ekipet zinxhir të “qytetarëve”, si dhe ka qenë një pjesë e rregullt e përfaqësueseve të moshave të Spanjës.

Numri 7 gjithnjë ka qenë një identifikues i portugezit, por ky numër nuk do të qëndrojë për shumë kohë pa pronar në Madrid, edhe pse shumëkush do të kishte menduar se do të ishte një tregues respekti nëse për disa kohë fanella e CR7-ës të qëndronte pa “zot”, derisa një “yll”tjetër që t’i afrohej ta kërkonte.

Siç raportohet nga mediat në Spanjë, sulmuesi Mariano Diaz i ardhur këtë verë do të mbajë numrin që ka pasur sulmuesi portugez. Për tifozët, 25-vjeçari i ardhur nga Lioni nuk është ndonjë goditje dhe aq e madhe, por për disa nga drejtuesit duket se po dhe besimi tek ai është aq i madh sa i besohet fanella e një prej lojtarëve që u ka dhënë aq shumë suksese sa duket e vështirë për t’i numëruar.