Diawara

ZYRTARE | Roma shkatërron mbrojtjen, i jep Napolit më të mirin!

Sport Ekspres — Sun, 30 Jun 2019 20:30:56 +0000

Që Roma është në kaos total, këtë e dinim prej kohësh, por që klubi t’u dhurojë rivalëve të Serisë A lojtarët më të mirë, kjo quhet vetëvrasje.

Sot Roma ka zyrtarizuar transferimin e qendërmbrojtësit Kostas Manolas te Napoli, për 36 milionë euro.

Manolas ceduto a titolo definitivo al Napoli.
Ciao Kostas, grazie per questi 5 anni in giallorosso ?#ASRoma pic.twitter.com/FdJvBX6LbE

— AS Roma (@OfficialASRoma) June 30, 2019

Manolas, te Roma prej verës 2014, luajti 206 ndeshje si verdhekuq, duke qenë një ndër futbollistët më të kërkuar në treg, ndaj çmimi i paguar për të duket shumë i ulët.

Ndërkaq, Napoli blindon qendrën e mbrojtjes dhe i jep Romës mesfushorin Amadou Diawara, duke e vlerësuar 21 milionë euro, shifër e jashtëzakonshme për një lojtar që luajti vetëm 660 minuta kampionatin e fundit, por gjithsesi bëhet fjalë për një futbollist vetëm 21 vjeç dhe me të dhëna të mira.

Akord total, shkëmbimi i bujshëm vetëm çështje kohe

Sport Ekspres — Sun, 30 Jun 2019 19:53:13 +0000

Shkëmbimi më i bujshëm i merkatos së verës po merr formë në Itali. Pak ditë më parë mediet italiane raportuan për një marrëveshje midis Napolit dhe Romës. Verdhekuqtë ranë dakord të shkëmbenin mbrojtësin grek Manolas për mesfushorin Diauara, plus 14 milionë euro.

Ditën e sotme është mbyllur dhe faza e fundit e operacionit. “Sky Sports” raporton se të dy lojtarët kanë rënë dakord për kontratat e reja dhe në ditët në vazhdim priten të kryhen vizitat mjekësore e më pas zyrtarizimi.

Manolas do të zëvendësojë spanjollin Raul Albiol, i cili ka vendosur të rikthehet në vendlindje ku do të vazhdojë karrierën me Vijareal.

Mesfusha “e përgjysmuar”, Milani mendon për 21-vjeçarin Napolit

Sport Ekspres — Thu, 15 Nov 2018 15:04:20 +0000

Problemet më të shumta të Milanit pas dëmtimeve, duket se janë në mesin e fushës, ku dy nga tre titullarët e fillim sezonit janë të dëmtuar. Lukas Bilja, Xhakomo Bonaventura dhe Frank Kesi, formonin treshen e mesfushës në fillim të sezonit për kuqezinjtë.

Tashmë kur kanë kaluar diçka më shumë se dy muaj nga nisja, Bilja dhe Bonaventura janë të dëmtuar dhe koha e rikuperimit e tyre është të paktën katër muaj. Ky fakt sjell me domosdoshmëri futjen në merkato për ekipin kuqezi për gjetjen e një mesfushori.

Leonardo ka nisur të ketë idetë e tij dhe një nga hipotezat e ditëve të fundit duket se është Amadu Diavara. Mesfushori, i cili aktivizohet me Napolin, nuk po arrin të gjejë hapësira këtë sezon dhe ardhja e Fabian Ruiz i ka bërë gjërat akoma më të vështira për të.

Milan mendon formulën e huazimit, por duhet të vijë aprovimi i Karlo Ançelotit që ky transferim të kryhet. Ndoshta me fillimin e merkatos, mund të kemi diçka konkrete mes dy klubeve për arritjen e një marrëveshje.