Diauara

Akord total, shkëmbimi i bujshëm vetëm çështje kohe

Sport Ekspres — Sun, 30 Jun 2019 19:53:13 +0000

Shkëmbimi më i bujshëm i merkatos së verës po merr formë në Itali. Pak ditë më parë mediet italiane raportuan për një marrëveshje midis Napolit dhe Romës. Verdhekuqtë ranë dakord të shkëmbenin mbrojtësin grek Manolas për mesfushorin Diauara, plus 14 milionë euro.

Ditën e sotme është mbyllur dhe faza e fundit e operacionit. “Sky Sports” raporton se të dy lojtarët kanë rënë dakord për kontratat e reja dhe në ditët në vazhdim priten të kryhen vizitat mjekësore e më pas zyrtarizimi.

Manolas do të zëvendësojë spanjollin Raul Albiol, i cili ka vendosur të rikthehet në vendlindje ku do të vazhdojë karrierën me Vijareal.

Shkëmbim lojtarësh dhe 16 milionë euro në mes, arrihet akordi Roma-Napoli

Sport Ekspres — Wed, 26 Jun 2019 18:08:18 +0000

Kostas Manolas nuk do të jetë më pjesë e skuadrës së Romës. E ardhmja e qendërmbrojtësit grek mbetet në Itali, pasi destinacioni i tij i radhës është skuadra e Napolit. Lajmi fillimisht i bërë i ditur nga “Sky Sports” tashmë po raportohet nga pjesa më e madhe e medieve në Itali.

Në marrëveshjen midis klubeve është përfshirë dhe mesfushori nga Guinea, Amadu Diauara, i cili kalon në krahun e romanëve. Kartoni i 21-vjeçarit është vlerësuar 20 milionë euro, ndërsa pjesa tjetër do të plotësohet me një transaksion prej 16 milionë eurosh.

Manolas pritet të zëvendësojë spanjollin Raul Albiol, i cili pritet të rikthehet në vendlindje. Për 33-vjeçarin ka ardhur një ofertë nga Vijareali prej secilës Napoli do të përfitojë 6 milionë euro, shumë kjo tepër e madhe po të marrim parasysh moshën e madhe të futbollistit.

Fiorentina ëndërron blerjen rekord, fjalën e fundit e ka De Laurentis

Sport Ekspres — Wed, 19 Dec 2018 20:43:15 +0000

Fiorentina nuk ka ndërmend të rrijë “statike” në merkaton e janarit. Sipas “Radio Marte”, klubi nga Firence po tenton të blejë kartonin e lojtarit të Napolit, Amadu Diauara. Mesfushori nga Guinea ka pasur pak minuta nëpër këmbë në dy sezonet e fundit dhe vetë lojtari mësohet se ka kërkuar të provojë veten në një ekip shumë të ri.

Diauara

Për të marrë kartonin e 21-vjeçarit Fiorentinës do i duhet të paguajë një shumë rekord prej 30 milionë eurosh, kjo për shkak se për Diauaran interesohen disa klube angleze me financa të shëndosha.

Një tjetër opsion është që midis klubeve të arrihet një marrëveshje shkëmbimi lojtarësh. Tashmë është i ditur interesi i Napolit për mesfushorin francez të ekipit “vjollcë”, Veretut. De Luarentis mund të pranojë të lëshojë Diauaran në këmbim të Veretut dhe një çeku shtesë prej 10 milionë eurosh.

Veretut