Siç raporton “Gazzetta dello Sport”, zgjedhja e parë e kuqezinjve është Eusebio Di Françesko, ndërsa alternativa mbetet Gasperini i Atalantës. Ish-trajneri i Romës është i preferuari i Leonardos, por braziliani rrezikon vetë postin nëse Milani nuk arrin objektivin kryesor.

Për Di Françeskon interesohet edhe Sevija, por ai dëshiron Milanin, që ka gati një rrogë prej 3 milionë eurosh në sezon për të. Tashmë pritet vetëm të nisin negociatat, por gjithçka pritet të marrë zgjidhje përfundimtare pas mbylljes së kampionatit.

Mesfushori i talentuar i Romës u aktivizua në minutën e 85-të në vend të Marko Verratit dhe ndihet shumë i lumtur. Në një prononcim për “Rai”, 19-vjeçari nuk i kursen elozhet për Eusebio Di Françeskon, personin që i besoi një post titullari te Roma, ndërsa vlerëson shumë dhe trajnerin aktual të verdhekuqve, Klaudio Ranierin.

Zaniolo tregon dhe këshillat e shumta që merr nga Françesko Toti. Legjenda e Romës insiston që mesfushori të qëndrojë me këmbë në tokë dhe të vazhdojë të punojë fort për të mbajtur këtë nivel loje.

FALENDERIMET – “Debutimi me kombëtaren ishte një emocion i madh, një tjetër ëndërr e realizuar këtë vit, por e di mirë se duhet të qëndroj me këmbë në tokë. I jam shumë borxhli Di Françeskos, sepse bashkë me Mançinin ishin të vetmit që besuan tek unë. Eusebio më ka mësuar se si të sillem dhe jashtë fushave. Ai di se di të sillet me njerëzit. Më erdhi shumë keq që u largua. Kjo është diçka personale dhe unë e cilësoj atë si shumë të aftë. Tani është Ranieri dhe më duhet të jap maksimumin. Trajneri ka eksperiencë, ka fituar në karrierë dhe di si të sillet te një ambient si Roma”.

TOTI – “Françesko më jep këshilla se si të stërvitem, si të luaj dhe si të sillem. Dallohet qartë që është një kampion edhe jashtë fushave. Ma përsërit shpesh që duhet të qëndroj me këmbë në tokë. Më thotë që mjafton pak për të arritur diçka, por që është shumë e vështirë të qëndrosh në një nivel të caktuar.”

Bëhet fjalë për italianin e mirënjohur, Klaudio Ranieri. Disa çastë më parë, klubi italian zyrtarizoi firmën me Ranierin, që do të qëndrojë në krye të pankinës deri në fund të sezonit.

Ranieri këtë edicion futbollistik drejtoi skuadrën e Fulhemit, por nuk mori aspak rezultate pozitive, duke lënë skuadrën londineze në vendin e parafundit në renditje. Tashmë, italiani do të ketë një tjetër mundësi dhe duhet të nxjerrë medoemos Romën nga situata e vështirë ku ndodhet.

NGJASHMËRIA E ME TOTIN ? – “Janë lojtarë të ndryshëm. Një gjë që kanë të përbashkët është se ai është fjalëpakë dhe kërkon gjithmonë topin. Nëse bën një gabim, ai e rimerr topin. Kjo është një virtyt i tij. Ka shumë skuadra që e duan atë, por ai duhet ta dijë se ai ndodhet në një klub të madh që po i ka dhënë mundësi të shkëlqyera”.

“Ai është një lojtar shumë i rëndësishëm. Luan shumë mirë si mesfushor krahu në një mesfushë me tre lojtar, por në këtë moment që gjendemi nuk dua të bëj ndryshime në sistemin e lojës. Është një lojtar që di si të ushtrojë presion, ndërsa bën mirë edhe në fazën sulmuese. Ç’mund të them më shumë ka shpejtësi dhe forcë fizike. Duhet të përmirësohet në situata afër portës, pasi shpeshherë luan topin në qendër në situata ku mund të bëjë zgjedhje më të mira”, përfundoi tekniku i Romës.

Sipas “Sportitalia”, fati i teknikut italian është vendosur tashmë shkarkimi i tij nga Roma është vetëm çështje orësh. Kandidati numër një për të zëvendësuar Di Françeskon është trajneri portugez Paulo Souza.

Sipas së njëjtës medie, një opsion për Romën është dhe Antonio Konte, por ish-trajneri i Juventus vjen me një “faturë” të lartë, që cilësohet e papërballueshme nga presidenti amerikan i verdhekuqve, Xhejms Palota.

Për këtë tematikë ka folur edhe Eusebio Di Francessko, trajneri i Romës. Ai ka dalë para mediave për të folur për takimin e radhës kundër Parmës, por ka folur për disa çështje, mes të cilave edhe për racizmin e shfaqur.

RACIZIMI – “Jam me Karlon, i mbështes plotësisht mendimet e tij. Nëse përgjigja nuk vjen nga shteti, jemi ne ata që duhet ta japim. Shpesh njerëzit shkojnë në stadium më shumë për fyer se sa për mbështetur skuadrën e tyre. Shteti është i rëndësishëm: Më vjen ndërmend Anglia, që është një shembull. Duhet të jemi të ashpër, skuadrat nuk duhet të pranojnë që gjëra të tilla të kalojnë lehtë. Na duhet të bëjmë diçka, të marrim iniciativën. Ndalimi i kampionatit do të kishte qenë i rëndësishëm. Duhet të kemi forcën për ta ndalur, qoftë edhe për dhjetë minuta. Në këtë mënyrë nuk mund të ecim përpara”, është shprehur trajneri Romës.

GJENDJA E SKUADRËS – Më tej ai ka folur për gjendjen e lojtarëve të tij dhe ka paralajmëruar se mund ta nisin me dyshen Xheko-Shik në sulm. “Shik është mirë, është rikuperuar pas lodhjes që ndjeu në ndeshjen me Sasuolon. Ai është trajnuar rregullisht me ekipin. Edhe Xheko është gati të luajë nga minuta e parë. më duhet të bëj një vlerësim për ta, por ka një shans që ta nisin të dy nga fillimi”.

“Peroti? Duhet ta vlerësoj situatën e tij. Jam i kënaqur me ndeshjen që bëri ndaj Sasuolos, por ende nuk është në formën e tij më të mirë. Mund të rrezikojë një dëmtim si ai që ka pasur. El Sharaui, edhe pse ende nuk i ka 90 minuta në këmbë, mund ta nisë nga fillimi. Dëmtimin e ka lënë pas”, shtoi tekniku i verdhekuqve.

NDALIMI I ZHERVINJOS – Kur u pyet se si do ta ndalin Zhervinon, Di Françesko nuk kurseu as batutat: “Për Zhervinjon kam blerë tre ose katër pushkë për kompaninë. Ndoshta e qëllojmë (qesh). Duke lënë mënjanë shakatë, ai është një lojtar që duhet të mos i lëmë hapësira. Ata do të shfrytëzojnë këmbët e Zhervinjos, por arma e gjahut mund të jetë një zgjidhje e mirë”.

Moment i zi për dy klubet e kryeqytetit italian, sepse mungojnë rezultatet dhe loja. 

Mbrëmë Roma u bë qesharake, sepse po fitonte 2-0 dhe në fundin e ndeshjes u turpërua, duke pësuar gol barazimi edhe pse luante me 2 lojtarë më shumë në Kaliari.

Kjo ka bërë që sot paradite klubi të urdhërojë mbylljen në qendrën stërvitore deri në ditën e ndeshjes kundër Viktoria Plzen në mesjavë. 

Ndërkaq, trajneri Euzebio Di Françesko rrezikon pushimin nga puna, sepse nuk po arrin t’i japë identitet një skuadre që të paktën vendin e katërt duhet ta arrinte pa probleme. Edhe tifozët e kanë më trajnerin, duke e akuzuar për gabime pa fund në pjesën e dytë në Kaliari.