Sipas medieve gjermane arsyeja për këtë dorëheqje të parakohshme të Grindel ka të bëjë me një sërë dështimesh të ndodhura gjatë administratës së tij. Problematikat e kombëtares gjermane patën ndikimin e tyre në këtë vendim.

Tri vite më parë Grindel premtoi se do të balanconte futbollin amator dhe gjysmëprofesionist në Gjermani, por një gjë e tillë nuk ka ndodhur. Shumë klube të kategorisë së tretë dhe të katërt rrezikojnë falimentimin për shkak të të ardhurave të pakta dhe borxheve të prapambetura.

Fillimisht u përfol se pasuesi i Grindel do të ishte Filip Lahm, por ky i fundit e përgënjeshtroi lajmin duke pohuar se nuk ka ambicie për atë post. Kandidatë të tjerë janë Kristof Metzelder dhe Olivier Bierhof.

Gjermania “Spigel” zbuloi disa emaile të dërguara mes kreut të DFB, Reinhard Grindel dhe zëvendëspresidentit të DFB, Rainer Koh, vetëm pak përpara fillimit të ndeshjes. Sipas raportit, Grindel i shkroi Koh, duke i deklaruar se kundërshtonte idenë e luajtjes së miqësores në Frankfurt, duke i cilësuar ultrasit e Ajntrahtit të Franfurtit si: “Të paparashikueshëm”.

Dy drejtuesit nuk e mohuan origjinalitetin e korrespondencës mes tyre, por Grindel foli gjatë ditës së djeshme duke thënë që ishte një “diskutim absurd”, ndërsa Koh foli për “Sky” duke deklaruar: “Kjo mënyrë me të cilën është publikuar biseda jonë është imponuese”.

“The Commerzbank Arena” i Frankfutit ka një kapacitet prej 50 mijë tifozësh, ndërsa “Rhein-Neckar-Arena” i Hofenhajmit ka pothuajse gjysmën e kapacitetit.

Kreu i DFB, Reinhard Grindel, mbylli çështjen në fjalë duke deklaruar: “Ne luajtëm këtu, por në vitin 2019 do të luajmë një ndeshje tërheqëse për eliminatoret e Europianit në stadiumin e Frankfurtit”.

29-vjeçari me origjinë turke ka lajmëruar tërheqjen nga kombëtarja, për shkak të “racizmit dhe mungesës së respektit” në futbollin gjerman.

Ozil shkruan në Twitter se ai u bë “kokë turku”, kurban për dështimin e Gjermanisë në Botëror, ndërsa në adresë të tij shkuan mesazhe kërcënuese dhe raciste.

Tani, pas shumë kohësh në heshtje, ka reaguar Federata Gjermane, që shpreh keqardhjen për vendimin e Ozilit.

DFB shton: “Do dëshironim që Ozil të vazhdonte me kombëtaren, por respektojmë vendimin e tij. Nga ana tjetër, ne si federatë jemi të detyruar të reagojmë në lidhje me disa deklarata të pakuptimta në ton dhe përmbajtje. Ne refuzojmë në mënyrë të prerë çdo akuzë për racizëm. DFB ka qenë aktive në punë integruese në Gjermani prej vitesh dhe ka ndihmuar dhjetëra mijëra refugjatë të integrohen në futbollin gjerman”.

Në lidhje me çështjen Erdogan, DFB shkruan: “Ajo situatë ndoshta nuk u trajtua si duhej nga ne. Është për të ardhur keq që Mesut Ozil ndjeu se nuk ishte mbrojtur sa duhet, pas shënjestrimit nga sloganet raciste. Megjithatë, ishte e rëndësishme që Ozil, ashtu si bëri Gyndogan, të jepte përgjigje për atë foto, përtej rezultatit sportiv në Rusi. DFB nënkupton diversitet, nga rrënjët te maja e futbollit gjerman, duke u përkushtuar te puna e përditshme që në themel të futbollit”.