DFB Pokal

Dominon Bundesliga, por sa frikë për Dortmundin!

Sport Ekspres — Wed, 31 Oct 2018 20:15:43 +0000

Janë mbyllur gjysma e sfidave që janë luajtur pasditen e sotme, të vlefshme për raundin e 1/16-ave të Kupës së Gjermanisë. E veçanta e këtyre ndeshjeve ka qenë fakti, se 3 nga 4 ndeshjet kanë përfunduar në barazim, duke shkuar në kohën shtesë. Borusia Dortmund, Verder Bremen, Shalke 04 dhe Nurenberg morën nga një biletë për në 1/8-at.

E vetmja sfidë që u mbyll që në kohën e rregullt, ishte ajo midis Verder Bremenit dhe Weiche-08, që përfundoi me fitoren e thellë të Bremenit, 1-5. Në këtë sfidë luajti dhe Milot Rashica, i cili u aktivizua nga stoli në minutën e 77-të.

MENTAL! ?#DFBPokal pic.twitter.com/QK1RgFxad2

— DW Sports (@dw_sports) October 31, 2018

Dortmundi mori një kualifikim me vuajtje ndaj Unionit të Berlinit, teksa arriti të siguronte kalimin më tej, vetëm më anë të një penalltie në minutën e 120-të. Ndeshja nisi e mirë për vendasit, të cilët e mbyllën pjesën e parë në avantazh 1-0, me golin e Pulisiç. Sebastian Polter u mundua të bëntë heroin për miqtë, ku shënoi në minutën e 63-të, golin e barazimit të përkohshëm. Filip shënoi përsëri për Dortmundin, përpara se Polter të shënontë golin e dytë personal vetëm 3 minuta përpara fundit.

Ekipet e mbyllën sfidën në barazim dhe u desh ndihma e kohës shtesë. Dortmundi e shtoi akoma më shumë presionin dhe arriti të merrte kualifikimin në minutën e 120-të me anë të Marko Rojs. Gjermani shënoi nga pika e bardhë e penalltisë dhe dërgoi të tijtë në 1/8-at.

?? #Reus! Wie wichtig! #BVBFCU 3??-2?? pic.twitter.com/Bevmw7qQiC

— Borussia Dortmund (@BVB) October 31, 2018

Ndërkohë dy sfidat e tjera të pasdites, pikërisht Këln-Shalke dhe Hansa Rostok-Nurenberg u mbyllën në barazim të plotë dhe vetëm goditjet e 11-metërshave mundën të përcaktonin ekipin që do të kalonte më tej. Këlnit i kushtoi shtrenjtë gabimi i bërë në serinë e shtatë të gjuajtjeve, ku ishte Dreksler ai që gaboi dhe Shalke arriti të kalonte më tej. Ndërkohë në Rostok, Nurenbergu arriti të kualifikohej, pasi u treguan më të saktë nga pika e bardhë, ndërkohë që Hansa gaboi dy herë.

VIDEO / Bajern pragmatik në Kupë, mjaftojnë golat e Vagner dhe Myler

Sport Ekspres — Tue, 30 Oct 2018 22:06:57 +0000

Bajerni i Mynihut ka kaluar përballjen e turit të dytë të Kupës së Gjermanisë duke mundur me rezultatin 2 – 1 skuadrën gjysmëprofesioniste të Rëdinghauzenit. Golat për skuadrën bavareze i shënuan Vagner në minutën e tetë dhe Myler në minutën e 13-të me anë të një 11-metërshi. Golin e vetëm për skuadrën e Rëdinghauzen e shënoi Mejer, i cili në minutën e 49-të shfrytëzoi mjaft mirë një harkim të Lungas.

Rezultati i takimit nuk reflekton lojën e skuadrës së drejtuar nga Niko Kovaç që dominoi përgjatë 90-minutave duke u ndalur disa herë nga shtylla, si dhe një penallti e humbur nga portugezi Renato Sançez

Në përballjet e tjera të Kupës së Gjermanisë nuk rezervuan asnjë surprizë. Herta e Berlinit eliminoi Darmshtadin, ndërsa Volfsburg eliminoi Hanoverin. Festë ka pasur dhe për tifozët e Hamburgut, skuadra e të cilëve mundi 3 – 0 Vehenin.

Kupa e Gjermanisë, Bajerni vihet përballë ekipit me stadium 2000 vendësh

Sport Ekspres — Sun, 26 Aug 2018 21:40:17 +0000

Raundi i dytë i Kupës së Gjermanisë ka vënë përballë Bajernit një tjetër ekip amator. SV Rëdinghauzen është një skuadër që militon në divizionin e katërt të futbollit gjerman. Qyteti që mban të njëjtin emër ka një popullsi prej 9000 banorësh (8-fish më pak se kapaciteti i “Allianz Arena”).

Stadiumi i Rëdinghauzenit ka pak më shumë se 2300 vende që shpërndahen në vetëm 2 tribuna. Federata gjermani i lejon klubet gjermane që të ndërrojnë stadiumin për të rritur kapacitetin në ndeshjet e kupës dhe me siguri ekipi amator do gjejë një stadium fqinj me kapacitet më të lartë.

Në përballjen e parë të Kupës së Gjermanisë ndaj Drohtersenit, ekip amator që militonte në divizionin e pestë, Bajerni vuajti jo pak dhe fitorja u arrit në minutat e fundit të takimit, por vështirë se bavarezët do të përsërisin performancë shokuese.

E pabesueshme, ekipi amator ndal Bajernin në pjesën e parë

Sport Ekspres — Sat, 18 Aug 2018 14:26:01 +0000

Ndeshja në kuadër të Kupës së Gjermanisë midis ekipit të Bajernit dhe Drohtersenit ka sjellë një surprizë shumë të këndshme të paktën në pjesën e parë. Ekipi modest që militon në kategorinë e katërt, jo vetëm që ka mbajtur portën e pa prekur, por madje vuri disa herë në vështirësi Manuel Nojerin.

Loja e bavarezëve la shumë për të dëshiruar, pasi në fushë Kovaç ka hedhur lojtarët më të mirë dhe një rezultat i tillë është i papranueshëm. Myler, Riberi, Boateng dhe Humels paguhen me miliona euro, ndërkohë amatorët e Drohtersenit po luajnë si të barabartë me ata…

Halbzeit in Drochtersen! #SVDFCB #MiaSanMia pic.twitter.com/R2NO1FejkU

— FC Bayern München (@FCBayern) August 18, 2018

Festë në qytezën gjermane, Bajerni luan në stadiumin “liliput”

Sport Ekspres — Sat, 18 Aug 2018 09:48:53 +0000

Qyteza me 11000 banorë e Drohtersenit sot po përjeton një ditë të veçantë dhe gjithçka falë futbollit. Bajerni i Mynihut do të luajë sot ndeshjen e parë të kupës së Gjermanisë përballë skuadrës modeste të Drohtersenit.

Bëhet fjalë për një ekip gjysmë-profesionist që militon në kategorinë e katër gjermane. Stadiumi i qytezës së vogël në veri të Gjermanisë, ka vetëm 2500 vende, sa 1/24 e “Allianz Arena”-s, normalisht vende bosh nuk do të ketë, pasi zor se Drohtersenit mund t’i vijë shansi që lë luajë sërish me kampionët e Gjermanisë.

Trajneri i bavarezëve Niko Kovaç, deklaroi se ai nuk do bënte lëshime, pavarësisht diferencës kolosale të kualitetit midis skuadrave. Mos u çudisni sikur 90-minutëshi të përfundojë në një goleadë dyshifrore. Ndeshja fillon në orën 15:30.