VIDEO | Warriors të pamëshirshëm, Devin Booker nuk përmbahet

Sport Ekspres — Thu, 28 Mar 2019 11:04:23 +0000

Golden State Warriors ka marrë fitoren e radhës, teksa ka kaluar me rezultatin 103-118 Memphis Grizzlies. Kevin Durant dhe Stephen Curry realizuan nga 28 pikë dhe udhëhoqën kështu kampionët në fuqi drejt fitores. Devin Booker vijon paraqitjet e mirë me Phoenix Suns, teksa shënoi 50 pikë në humbjen 121-124 që skuadra e tij pësoi kundër Washington Wizards.

Utah Jazz ka likuiduar Los Angeles Lakers 115-100, ndërkohë që nuk u aktivizua LeBron James. Rudy Gobert ishte shënuesi më i mirë, me 22 pikë të realizuara. Ai gjithashtu rikuperoi 11 topa. Oklahoma City Thunder-Indiana Pacers ishte një nga përballjet më interesantë të mbrëmjes në NBA. Kjo sfidë përfundoi 107-99.

Paul George arriti të realizojë 31 pikë, ndërkohë që Russell Westbrook regjistroi “triple-double”: 17 pikë, 12 asiste, 11 rikuperime. Paraqitje shumë e mirë edhe nga Steven Adams, autor i 25 pikëve dhe 12 topave të rikuperuar. Portland Trail Blazers ka mundur 98-118 Chicago Bulls, në një ndeshje ku nuk mungoi rotacioni.

Chicago Bulls-Portland Trail Blazers 98-118
Memphis Grizzlies-Golden State Warriors 103-118
Oklahoma City Thunder-Indiana Pacers 107-99
Utah Jazz-Los Angeles Lakers 115-100
Phoenix Suns-Washington Wizards 121-124

VIDEO | Devin Booker “përbindësh” në humbje, ngec City Thunder

Sport Ekspres — Tue, 26 Mar 2019 08:15:22 +0000

Devin Booker ishte i papërmbajtshëm, teksa shënoi 59 pikë kundër Utah Jazz, por Phoenix Suns u mund me rezultatin 125-92. Rudy Gobert ishte lideri i Utah Jazz. Ai shënoi 27 pikë dhe rikuperoi 10 topa. Derrick Favors dhe Ricky Rubio gjithashtu bënë paraqitje të mira, duke realizuar nga 18 pikë secili.

Fituesi i ndeshjes Portland Trail Blazers-Brooklyn Nets u vendos pas dy shtesave dhe rezultati përfundimtar ishte 148-144. D’Angelo Russell (39 pikë, 8 asiste, 9 rikuperime) ishte shënuesi më i mirë për të dyja skuadrat, por Jusuf Nurkiç (32 pikë, 5 asiste, 16 rikuperime) dhe Damian Lillard (31 pikë, 12 asiste, 6 rikuperime) ishin ata që bënë diferencën dhe vendosën skuadrën fituese.

Oklahoma City Thunder ka ngecur ndaj Memphis Grizzlies, në një takim që përfundoi 119-98. Russell Westbrook (16 pikë, 7 asiste, 5 rikuperime) nuk ishte në ditën më të mirë, ndërkohë as Paul George (30 pikë) dhe Dennis Schröder (25 pikë) nuk mjaftuan për City Thunder. Grizzlies bënë një lojë të mirë në grup dhe triumfuan.

Orlando Magic kaloi me sukses Philadelphia 76ers me shifrat 119-98. Nikola Vuçeviç (28 pikë, 4 asiste, 11 rikuperime) dhe Evan Fournier (24 pikë, 7 asiste) udhëhoqën skuadrën e tyre drejt fitores, në një ndeshje ku 76ers ishin dobët në dy periodat e fundit. Joel Embiid, prej të cilit pritet shumë, shënoi vetëm 20 pikë dhe rikuperoi 10 topa, pa mundur të ndihmojë sa dihet skuadrën e tij.

Orlando Magic-Philadelphia 76ers 119-98
Memphis Grizzlies-Oklahoma City Thunder 115-103
Utah Jazz-Phoenix Suns 125-92
Portland Trail Blazers-Brooklyn Nets 148-144