Një ndeshje e çmendur, mes dy prej befasive të mëdha të sezonit në Premier Ligë, sepse ;këto dy skuadra kanë shkëlqyer dhe me të drejtë kërkojnë edhe një vend në Europa League për të kurorëzuar një sezon perfekt.

Uotfordi e ka pasur më të lehtë rrugën në kupë, duke eliminuar Njukasëll e Kristal Palas ndër të tjerë, ndërsa Ulvs në gjysmëfinale bëri goditjen e madhe, sepse mundi Mançester Junajtid.

Pas një ore loje dukej gjithçka e arkivuar, sepse Doherti në minutën e 36-të dhe i zakonshmi Raul Himenez në minutën e 62-të shënuan 2-0 për Ulvs.

Megjithatë, në Angli ndeshja nuk mbaron kurrë aq shpejt dhe Uotfordi në minutën e 66-të futi spanjollin Deulofeu, i cili kur është në ditë të mbarë, bën mrekulli.

Në minutën e 79-të vetë Deulofeu rihapi ndeshjen dhe në minutën e 92-të sulmuesi tjetër Troj Dini fitoi një 11-metërsh që e konfirmoi edhe VAR, që në Angli përdoret vetëm në Kupën FA. Vetë Dini, me qetësi të admirueshme, barazoi nga pika e bardhë dhe u kalua në shtesa.

Delir total te tifozeria e Uotford, zi tek Ulvs, sepse finalja ishte pak sekonda larg dhe tragjedia në horizont po nuhatej.

Në minutën e 104-t Deulofeu vendosi të siguronte finalen pa pritur makthin e penalltive, duke shënuar një gol të paharrueshëm, që e kthen në hero për klubin e vogël londinez, sepse tashmë do të përballet me Mançester Sitin në finale, me shansin për të fituar trofeun e parë në histori, pas finales së vetme në Kupën FA, në sezonin 1983–84, ku u mund nga Evertoni 2-0.

Sipas së përditshmes italiane, fokusi i merkatos së “djallit” do të jetë një sulmues anësor, më konkretisht për krahu e djathtë të sulmit, një pozicion ku Milani po vuan prej disa sezonesh.

Për të rregulluar këtë problem drejtues i Milanit Leonardo, po mendon të rikthejë në Milano spanjollin Zherard Deolofeu. Futbollisti, i cili tani aktivizohet me Uotfordin në Angli, ruan kujtime të mira nga ekspierenca e mëparshme me Milanin dhe e mirëpret rikthimin në Serie A.

Në rast se tratativat për Deolofeun dështojnë, Milano do të kthejë sytë nga Franca. Talenti i Nicës, Alen Sent-Maksimin është një emër që premton shumë të për të ardhmen, por natyrisht ka dhe risk me vete, pasi i riu francez nuk ka luajtur më parë në të tilla nivele.

Në fakt, spektakli kishte për autor sulmuesin spanjoll Gerard Deulofeu, sepse 24-vjeçari mposhti i vetëm Kardifin modest.

Në minutat 18, 61 e 63 Deulofeu shënoi 3 gola, për herë të parë në Angli dhe të tretën herë në karrierë.

Në minutën e 73-të Deulofeu bëri diçka fantastike, sepse kishte shansin të shënonte golin e katërt personal, por i vetëm me portierin pasoi te Dinej, i cili shënoi (2 gola sonte).

Gjashtë gola e 4 asiste në kampionat për Deulofeun këtë sezon, por mbi të gjitha një lojtar që prish ekuilibrat e kundërshtarit dhe krijon hapësira pa fund për shokët e skuadrës.

Jo rastësisht, Milani tentoi për javë të tëra në janar për ta blerë, pa sukses, por duket qartë se drejtuesit e Milanit e dinë vlerën e spanjollit, që shkëlqeu në San Siro në pak muaj në sezonin 2016/17, kur u huazua nga Evertoni.

Talenti i sulmit spanjoll u transferua në Angli në vitin 2015, por Barça kishte vendosur një klauzolë që e lejonte deri sot ta blinte futbollistin për 12 milionë euro.

Kjo ka ndodhur dhe Barça ka zyrtarizuar sot riblerjen e Deulofeut, si dhe ka lajmëruar se do të firmosë deri në vitin 2019 me të.

Në sezonin e fundit Deulofeu luajti te Evertoni dhe më pas te Milani, duke shkëlqyer te kuqezinjtë, sepse në 17 ndeshje shënoi 4 gola.

Tani pikëpyetja e madhe është a do të pranojë 23-vjeçari të qëndrojë si rezervë në “Camp Nou”.