Deshamp

Befason Deshamp, lë jashtë liste dy yjet e Premier League

Sport Ekspres — Tue, 21 May 2019 14:59:58 +0000

Didier Deshamp vazhdon të habisë me zgjedhjet e tij. Ditën e sotme trajneri i kampionëve të botës zbuloi listën me 24 lojtarët e përzgjedhur për ndeshjet kualifikuese të “Euro 2020” ndaj Turqisë dhe Andorrës.

Bie në sy lënia jashtë e emrave si sulmuesi Aleksandër Lakazet dhe mbrojtësi i Mançester Sitit, Aimerik Laport, ndërsa është rikthyer mesfushor i Totenhem Musa Sisoko dhe sulmuesi i Sevijës, Uizam Ben Jeder. Një ftesë e parë ka ardhur për qendërmbrojtësin e Barcelonës, Klement Longle.

PORTIERË: Hugo Loris (Totenhem), Benzhamin Lekomt (Montpelie), Alfons Areola (PSG), Majk Menjan (Lil)

MBROJTËS: Ferland Mendi (Lion), Lukas Dinj (Everton), Klement Longle (Barcelona), Samuel Umtiti (Barcelona), Rafael Varan (Real Madrid), Kurt Zuma (Everton), Leo Dubua (Lion), Benzhamin Pavard (Bajern Mynih)

MESFUSHORË – Pol Pogba (Man Utd), Tangi Ndombele (Lion), Ngolo Kante (Çelsi), Blez Matuidi (Juventus), Musa Sisoko (Totenhem)

SULMUES – Olivier Zhiru (Çelsi), Kilian Mbape (PSG), Kingsli Koman (Bajern Mynih), Antuan Grizman (Atletiko Madrid), Florian Tovin (Marsej), Uizam Ben Jeder (Sevija), Tomas Lemar (Atletiko Madrid)

Tre kandidatë për stolin bardhezi, zbulohen kërkesat e Alegrit

Sport Ekspres — Fri, 17 May 2019 12:25:37 +0000

Masimiljano Alegri nuk është më trajner i Juventusit, zyrtarisht. Tanimë në kampin bardhezi duhet të gjejnë pasuesin dhe emrat që qarkullojnë janë disa. Sky Sport liston si kandidatët kryesorë Didië Deshamp, Mauricio Poçetino dhe Simone Inzagi. Nuk përjashtohet as pista Antonio Konte, edhe pse ky i fundit është shumë pranë Interit.

LARGIMI – Trajneri donte të dinte planet e klubit dhe synonte të ishte i rëndësishëm. Kontrata e re për të nuk kishte shumë rëndësi në aspektin financiar. Ai kërkonte bashkëpunim të gjatë, të paktën deri në vitin 2022. Gjithashtu ish-trajneri kërkonte të paktën katër afrime cilësore. Shqetësimi kryesor i tij ishte reparti i mbrojtjes, teksa Aleks Sandro dhe Zhoao Kanselo nuk bënin pjesë më në planet e tij. E njëjtë situatë edhe për Paolo Dibala, që me Alegrin i kishte paketuar valixhet.

Tekniku italian, veç Ramsej kërkonte edhe një tjetër mesfushor. Alegri ka qenë i qartë ndaj presidenti Andrea Anjeli dhe drejtuesve të tjerë. Ai ka kërkuar që në skuadër të merrte Toni Kros nga Reali i Madridit, një preferencë e Kristiano Ronaldos. Tanimë në kampin bardhezi kanë llogari të tjera për të bërë, pasi Alegri është zyrtarisht i shkarkuar.

Deshamp çon në “pension” Zhirunë, vjen ftesa e parë për sulmuesin e Lionit

Sport Ekspres — Mon, 11 Mar 2019 13:26:36 +0000

Didier Deshamp po mendon të rinovojë repartin e sulmit të kombëtares së Francës. Ai që për shumë vite ka mbajtur peshën kryesore në këtë repart ka qenë Olivier Zhiru, por mosha e madhe e lojtarit (së shpejti mbush 33 vjeç) dhe aktivizimet e pakta te Çelsi ka bërë që kampioni i botës të kalojë në plan të dytë.

Zëvendësuesi i Zhiru vjen nga kampionati francez. Bëhet fjalë për sulmuesin e Lionit Musa Dembele. Futbollisti 22-vjeçar ka shënuar 11 gola deri më tani në kampionatin francez, ndërkohë që prej vitesh ka qenë një ndër talentet më premtues te kombëtaret e grupmoshave të “gjelave”.

Musa Dembele

Në grumbullimin për ndeshjet ndaj Moldavisë dhe Islandës, Deshamp do t’u japë mundësi shumë emrave të rinj për të qenë për herë të parë pjesë e kombëtares franceze. Lista e të grumbulluarëve të Francës do të bëhet publike ditën e enjte.

Deshamp rinovon krahët e mbrojtjes, dy surpriza nga kampionati francez

Sport Ekspres — Sat, 09 Mar 2019 15:38:11 +0000

Trajneri i Francës, Didier Deshamp, do të zbulojë këtë të enjte listën me të grumbulluarit për dy ndeshjet e para të fazës së kualifikuesve të “Euro 2020”. Kampionët e botës do të ndeshen me dy kundërshtarë të lehtë në letër si Moldavia dhe Islanda.

Së fundmi mediet franceze kanë zbuluar dy nga risitë e para në listën që do të bëhet publike së shpejti. Bëhet fjalë për dy mbrojtës krahu dhe të dy luajnë me skuadra të kampionatit francez.

I pari është Leo Dybua, mbrojtës i krahut të djathtë, 24 vjeç. Lojtari në fjalë ka bërë paraqitje shumë të mira me skuadrën e Lionit dhe prandaj Deshamp ka vendosur t’i japë ftesën e parë për në kombëtaren e gjelave.

Lala (m) dhe Dybua

Debutuesi i dytë është Keni Lala i Strasburgut. Futbollisti 27-vjeçar luan si mbrojtës i majtë, një pozicion ku Franca nuk po kalon një moment të mirë, pasi Benxhamin Mendi dhe Lukas Hernandez janë të dëmtuar prej muajsh.

Deshamp analizon kundërshtarët: Më vjen mirë që do përballem me Panuçin!

Sport Ekspres — Sun, 02 Dec 2018 12:39:44 +0000

Didier Deshamp foli për “RTSH” pas shortit për kualifikueset për “Euro 2020” ku skuadra e tij do të ndeshet dhe me Shqipërinë. Fjalë pozitive nga ana e trajnerit të kampionëve të botës, i cili ka vlerësim për kuqezinjtë, duke mos i diferencuar nga Turqia e Islanda, por kujton se këta të fundit ishin një ekip që bënë shumë mirë në Europianin e shkuar.

Mister, cili është komenti juaj për shortin?
Është një grup që e dimë tani. Shqipërinë e njohim pasi kemi përballur në disa ndeshje. Më vjen mirë që të përballem me Panuçin, pasin jemi. E kam pasur si lojtar te Monako. Është e vështirë dhe e komplikuar, plor po presim kalendarin se kur do të ndeshemi. Kemi hasur gjithnjë vështirësi, por kam shumë respekt për këtë ekip. Lojtarët që luajnë jashtë po bëjnë mirë. Do të kemi të njëjtin përqendrim dhe kujdes, për të parë të gjithë detajet, për t’u përballur sa më mirë në përballjet që do të kemi.

Kë shikoni si rivalin më të fortë?
Është e vështirë për të bërë diferencime. Islanda me rezultatet në Europian në Francë bëri shumë mirë. Nuk është e lehtë në Turqi apo në Shqipëri. Nuk mund të veçoj askënd. Jam i bindur se do të kem ndeshje të vështira me të gjithë.

Mund të na thoni se ku ndryshon Shqipëria e De Biazit me Shqipërinë e Panuçit?
Nuk mund të bëj krahasime mes Shqipërisë së De Biazit dhe asaj të Panuçit.

VIDEO | Kante vjen me vonesë në grumbullim, Deshamp përfiton për ta ngacmuar

Sport Ekspres — Wed, 14 Nov 2018 21:36:24 +0000

Një video e shkurtër ka shkaktuar shumë bujë në mediet franceze. Protagonistët janë mesfushori i kombëtares franceze Ngolo Kante dhe trajneri i kampionëve të botës Didier Deshamp. Futbollisti i Çelsit ishte vonuar në grumbullimin e skuadrës dhe shkon t’i shpjegojë trajnerit arsyen e vonesës.

N'Golo Kanté légèrement en retard: "Il y avait un colis suspect"

Didier Deschamps: "Fallait descendre du train tu vas plus vite que le train normalement.?" pic.twitter.com/MgNM03VNaP

— PFC (@PassionFootClub) November 13, 2018

“Më falni për vonesën, por në tren u dha alarmi për një valixhe të dyshimtë”, thotë Kante. Deshamp ia kthen me një batutë duke i thënë: “Po ç’bën kështu duhej të zbrisje, ti vrapon më shpejt se treni”, një përgjigje kjo që u shoqërua me të qeshura nga lojtari e të pranishmit e tjerë.

Deshamp i beson kampionëve, vetëm një ndryshim në listë

Sport Ekspres — Thu, 30 Aug 2018 13:57:23 +0000

Didier Deshamp ka bërë publike listën e 23 lojtarëve të përfaqësueses franceze për ndeshjet ndaj ndaj Gjermanisë dhe Holandës, dy takime këto që do të zhvillohen në kuadër të turneut më të ri të UEFA-as, “Nations League”.

Siç edhe pritej lista e Francës është pothuajse e njëjta me atë të Botërorit “Rusi 2018”. I vetmi ndryshim te kampionët e botës është portieri Stiv Mandanda, i cili është zëvendësuar nga gardiani i Bordosë, Benuat Kostil.

Portierë

Loris (Totenhem), Kostil (Bordo), Areola (PSG)

Mbrojtës

Hernandez (Atletiko Madrid), Kimpembe (PSG), Mendi (Man. Siti), Pavard (Shtutgart), Rami (Marsejë), Sidibe (Monako), Umtiti (Barcelona), Varan (Real)

Mesfushorë

Kante (Çelsi), Pogba (Man. Utd), Nzonzi (Roma), Toliso (Bajern M.), Matuidi (Juventus)

Sulmues

U.Dembele (Barcelona), Grizman (Atletiko Madrid), Zhiru (Çelsi), Fekir (Lion), Mbape (PSG), Lemar (Atletiko Madrid), Tovan (Marsejë)

La liste des joueurs retenus pour les matches de l’UEFA Nations League face à l'Allemagne et les Pays-Bas #FiersdetreBleus #ALLFRA #FRAPBS pic.twitter.com/bSYwHzi3YQ

— Equipe de France ?? (@equipedefrance) August 30, 2018

Prapaskena: Deshamp refuzoi Juven, e zbulon Luçiano Moxhi

Sport Ekspres — Tue, 17 Jul 2018 13:14:31 +0000

Dy kupa bote, 20 vite në mes. Didier Deshamp më 15 korrik patri mundësinë të ngjitej në “olimpin e botës” edhe si trajner, pasi në krye të Francës triumfoi në “Rusi 2018”. Në finale mposhtën Kroacinë me rezultatin 4-2 dhe tashmë e ka shkruar emrin në histori krah Rumeniges dhe Zagallës, që e kanë fituar trofeun më të rëndësishëm në botë si lojtar dhe trajner.

Tekniku francez është në qendër të vëmendjes dhe janë të shumtë personalitet e botës së futbollit që komentojnë suksesin e Francës dhe të Deshamp. Në të shkuarën ai ka drejtuar Monakon, Juventusin dhe Marsejën, ndërkohë që prej vitit 2012 është në krye të “Gjelave”.

Luçiano Moxhi është një nga ata që e njeh Deshamp dhe në vitin 2004 zbulon se e ka kërkuar te Juventusi, por 49-vjeçari ka thënë “jo” me stil. Umberto Anjeli e donte në stol dhe ish-drejtori i bardhezinjve tentoi ta bindte, por francezi kishte qenë i prerë: “Unë vij vetëm nëse blini lojtarët që unë sugjeroj”.

Në atë periudhë torinezët po tregoheshin të kujdesshëm me shpenzimet dhe Moxhi e ka kuptuar qartë atë që ka dashur të thotë Deshamp. “Pra, ju doni të vini tek Juventusi”. Francezi po bënte mirë me Monakon në Ligue 1 dhe vazhdoi aty edhe për një sezon, ndërkohë që Kapelo mori drejtimin e bardhezinjve në periudhën 2004-2006. Më pas për dy vite Deshamp provoi të drejtonte ekipin ku kishte luajtur edhe si lojtar.

Deshamp merr leksione nga Gjermania e 2014-ës

Sport Ekspres — Sun, 15 Jul 2018 14:56:05 +0000

Franca e tanishme ka një ngjashmëri të pazakontë me Gjermaninë kampionë të katër viteve më parë. Tekniku francez Didier Deshamp ka përdorur gjatë të gjithë turneut katër qendërmbrojtës në katërshen e mbrojtjes.

Ashtu si Joakim Lëv përdorte katër vite më parë në krahët e mbrojtjes Hëvedes, Boateng dhe Mustafin, Deshamp po përdor të rinjtë Pavard dhe Hernandez të cilët në rolin e tyre parësor kanë atë të qendërmbrojtësit, por siç kanë treguar dhe në këtë Botëror përshtaten mirë dhe në krah.

Megjithëse duhet pranuar se në ndryshim nga Gjermania nuk kemi të bëjmë me një lëvizje taktike të paramenduar, por me një improvizim pas dëmtimeve dhe formës së dobët që po kalojnë dy zgjedhje e para Mendi dhe Sidibe.