“Në këto momente në arenën kombëtare vazhdohet të punohet me qëllim për të luajtur ndeshjen me Islandën në atë impiant. Fasada është në përfundim, mbulimi i strukturës ka përfunduar dhe tani jemi në punimet e brendshme. Një javë më parë ekspertët e UEFA-s inspektuan stadiumin. Ngelën të kënaqur për kushtet e stadiumit, por kishte dhe disa vërejtje, të cilat ne i rregulluam”.

“Tani kemi filluar porositë e mobilimit, pasi kjo pjesë i takon Federatës. Sapo të mbarojnë ambientet e brendshme do vendosim mobiliet. E vetmja gjë që ndoshta do të na pengojë është sheshi përpara stadiumit, kjo nuk varet nga ne. Në atë shesh po bashkia po bën një parking me 200 parkime. Aty do prishet godina tre katërshe dhe do kthehet në pedonale, këto punime kërkojnë punimet e tyre të cilat do kërkojnë dhe kohë, ndoshta kjo do të na pengojë për inaugurimin e stadiumit në shtator. Më datë 15 korrik ne fillojmë punimet për fushën. Në vetëm një muaj fusha mund të jetë gati. Me UEFA-n kemi rënë dakord që të kemi një kontroll nga ana e tyre me 15 gusht dhe në shtator stadiumi do të jetë gati. Aty kërkohet një ndeshje kontrolli, mund ta bëjmë me moshat ose ndoshta me Superkupën”.

“Federata ka pasur një kontratë, ku ne dhamë 10 milionë euro dhe tokën, koncesionari mori në këmbim ambientet tregtare. Me qa sa di un shifra reale i ka kaluar 70 milionë eurot, projekti u llogarit fillimisht te 45 milionë euroshi. Është një stadium i mbyllur dhe krijon tjetër ambient nga ai në Elbasan ose Shkodër”.

“Ky do të jetë 4-vjeçari i investimeve. Pas përfundimit të stadiumit kombëtar dhe zyrave e kompleksit të federatës, do fillojmë të punojmë për stadiumin e Kukësit, stadiumin e Fierit dhe në ndërtimin e fushave, ku ne presim aplikime subjektet të ndryshme”.

Ish-drejtori i veriorëve: Skënderbeu pretendenti kryesor. Kampionët nuk i zëvendësuan me të njëjtin të larguarit. Guri është super, duhet t’i besojnë 

Jurgen Zela

Tashmë në radhët e Veronës, ish-drejtori i Kukësit, Dritan Dervishi, ka komentuar nisjen e kampionatit të ish-skuadrës së tij. Për “Sport Ekspres” ai jep mendimin për pozicionin, ku mund të arrijë Kukësi në fund të sezonit, por njëkohësisht dhe për ndryshimet në skuadër, ku një pjesë e largimeve, sipas tij, janë të gabuara. Po ashtu, Dervishi nuk nguron të japë një vlerësim për sulmuesin Sindrit Guri dhe një këshillë për kampionët, në mënyrë që të kenë sukses.

– Dritan, si e shihni ecurinë e Kukësit në këtë fillim të kampionatit?

– Është ende herët për të dalë në konkluzione, pasi është vetëm fillimi. Pas shumë ndryshimeve, skuadra ka nevojë për kohë që të konsolidohet. Mund të them se është një ecuri e pranueshme.

– Dy fitore, një barazim dhe një humbje. Sa besoni se ky Kukës ka potencialin të përsërisë suksesin e edicionit të shkuar?

– Është e vështirë të përsëritet ecuria e sezonit të shkuar. Kukësi ka një tjetër skuadër dhe duhet kohë për ta bërë grupin të fortë si ai i vjetshmi.

– Në ndeshjen me Skënderbeun nuk u pa personaliteti i skuadrës në fushë. Sa mendoni se ndikon presioni i statusit kampionit?

– Besoj se është më vështirë ta mbrosh titullin se sa ta fitosh atë. Me Skënderbeun duhet të përmendim se mungonte edhe mbrojtësi më i fortë i skuadrës, Ylli Shameti. E përsëris që kjo skuadër ka shumë ndryshime nga ajo që mbylli sezonin e shkuar. Mund të them se ishte një gabim i madh që u larguan disa lojtarë të rëndësishëm.

– Shumë ndryshime në sulm, mund të lënë gjurmë lojtarët aktual, duke marrë parasysh se cilët futbollistë pasojnë.

– Te zëvendësosh Pejiçin nuk është e lehtë, pasi dihet sa gola shënonte ai çdo sezon në Superiore. Por, të mos harrojmë Kariokën, Dvornekoviçin, Hasanin, Eminin, të cilët po ashtu kanë qenë lojtarë shumë të rëndësishëm. Përveç Bakajt dhe Kalesë, të afruarit e tjerë janë nën nivel. Do të veçoja po ashtu Gurin, i cili është një qendërsulmues ideal, por nuk kanë besim tek ai dhe ky është një gabim.

– Kukësi, Skënderbeu dhe Partizani janë tri skuadra që po shfaqin fytyra të ndryshme, por me objektiv të njëjtë, titullin…

– Superiorja është e gjatë, pasi janë dhe 32 javë për të luajtur. Kampionati është mjaft i fortë dhe mendoj se favorit është Skënderbeu, megjithatë është rrugë e gjatë deri në muajin maj.

– Cila do të ishte këshilla juaj për Kukësin, për të arritur te suksesi?

– Të besojë te lojtarët që janë afruar dhe drejtuesit të lënë të qetë trajnerin në punën e tij për të ndërtuar një Kukës për Europë, pasi e shikoj të vështirë arritjen e suksesit të vjetshëm.

Nëse do të ndodhte që Morina të ekstradohej në Serbi, atëherë seriozisht jeta e tij mund të vihet në rrezik.

Jurgen Zela

Edhe pse me angazhime larg Shqipërisë, Dritan Dervishi nuk lë jashtë fokusit kampionatin shqiptar. I angazhuar matanë Adriatikut, saktësisht me skuadrën e Veronës në Itali, ish-drejtori i përgjithshëm i Kukësit dhe Partizanit nuk lë jashtë vëmendjes performancën e skuadrave shqiptare në arenën ndërkombëtare. Aventurën me Kukësin u ndërpre në mes, duke lënë përgjysmë projektin e nisur, megjithatë verilindorët arritën që të marrin titullin dhe t’i gëzohen pjesëmarrjes në Champions League. Shorti vendosi që kuksianët të përballen me homologët e tyre moldavë, Sherifin e Tiraspolit. Prej vitesh në Itali, Dervishi ka punuar dhe me trajnerin aktual të Sherifit, italianin Roberto Bordin, dhe e njeh mirë atë. Për “Sport Ekspres” Dervishi tregon se çfarë i ka thënë tekniku italian pas ndeshjes me Kukësin, shanset e verilindorëve për kualifikimi, atë çfarë nuk shkoi në ndeshjen e parë, merkaton dhe incidentet në tokën austriake. Nuk mungon dhe një analizë e shkurtër e skuadrave shqiptare në kupat e Euopës. I ftuar nga presidenti Gjici, ish-drejtori i kampionëve tregon se për kë do të bëjë tifo të mërkurë.   

Duke parë ndeshjen e parë, a ishte Kukësi në pritshmëritë tuaja?

Prisja me shumë në sulm nga Kukësi në këtë takim. Nuk mund të shkosh aty vetëm për të mos pësuar. Për mendimin tim këtu ishte gabimi i vetëm i Gjokës.

Kukësi ka bërë disa afrime këtë verë, mendoni se tashmë është i kompletuar dhe a iu ngrohu paraqitja e këtyre prurjeve në takimin e parë?

Klubi ka investuar mjaft. Asgjë nuk ju la rastësisë. Mendoj se janë afrime me cilësi.

Serran shkaktoi penalltinë.

Spanjolli luajti mirw, por mw habiti me atë gabim që bëri. Nëse do ta bënte ndonjë shqiptar, do të akuzohej nga “Federbeti”.

Humbje minimale, ndeshja e kthimit të mërkurën, sa shanse ka Kukësi që ta përmbysë këtë rezultat dhe çfarë duhet të ndryshojë që të arrijë tek suksesi? Sa mund të ndikojë fakti që ndeshja luhet në Elbasan?

Së pari, Kukësi në Elbasan nuk është i favorizuar, prandaj u bëj thirrje tifozëve të Kukësit dhe atyre elbasanas të shkojnë ta ndihmojnë skuadrën. Së dyti, rezultati 1-0 është rezultat si thikë me dy presa, por në futboll asgjë nuk është e pamundur. Unë besoj tek përmbysja.

Në Austri Kukësi kaloi një “incident” me policinë vjeneze, si e komentoni këtë ngjarje dhe mendoni se ndikoi tek futbollistët?

Është një turp qw forcat e policisë kanë vepruar në atë mënyrë. Për mua është skandal, pasi nëse ke dyshime mblidh prova dhe denonco, jo me veprime prej banditwsh. Kjo është e turpshme.

Keni punuar me trajnerin e Sherifit dhe e njihni mirë lojën e tij, si i shihni kundërshtarët e Kukësit, një analizë nga ana juaj?

Bordin është trajner që studion mirë ndeshjet, shumë i përgatitur dhe motivues, 1-0 është rezultat fantastik për të. Kam folur pas ndeshjes me të dhe më tha: Koliçi nga vjen? Nga cirku? Fantastik, pa të ndeshja do të mbaronte 4-0.

Do të vini për të ndjekur ndeshjen? Nëse po, për kë do të bëni tifo, duke marrë parasysh faktin që keni punuar me të dy trajnerët?

Un do të vij, pasi më ka ftuar dhe presidenti Gjici, por unë kurrë nuk bëj tifo për një skuadër të huaj përballë një skuadre shqiptare. Jam me Kukësin, ashtu siç jam dhe me Skënderbeun.

Partizani dhe Tirana u eliminuan nga kupat e Europës, Skënderbeu avancon më tej, si e shihni paraqitjen e klubeve shqiptare në arenën ndërkombëtare këtë verë?

Partizani nuk e mori seriozisht me këtë kompeticion. Çdo ditë nga kampi i kuq vinin sinjale që në Europë nuk do kalonin, sikur të kishin përballë Realin, pastaj si mund të pretendosh të kalosh ture, kur ti largon lojtarët më të mirë? Si ecet përpara kur nuk bën asnjë ndeshje kontrolli? Jo, nuk arrij t’i konceptoj gabimet e të kuqve. Tirana s’kishte çfarë të bënte më shumë. Një skuadër që ka probleme madhore dhe ende presidenca nuk e kupton se ku kanw rënë. Në fund, dua ta mbyll me: Forca Kukësi dhe forca Skënderbe!

Në një komunikim me “Sportal.al”, kritikon sjelljen e Starovës, duk e kujtuar që sot luhet ndeshje e rëndësishme dhe Botevi duhet mundur patjetër, të tjerat janë pa asnjë rëndësi në këtë moment.

“Dje ndoqa intervistën e Starovës dhe isha kurioz të dëgjoja si do luante Partizani, si do përballohej kjo ndeshje nga ana taktike, siç flasin gjithë trajnerët në Europë. Tek intervista dëgjova vetëm fjalë që vetëm një trajneri nuk i përkasin: sulm De Biazit, këshillën për trajnerin e Gjirokastrës etj.

“Po them edhe unë dy fjalë: Ekipi bullgar është ekip modest dhe Partizani duhet ta kalojë. Po nuk e kaloi turin është për të vënë para përgjegjësisë këtë trajner, këshilltar… Nuk ka justifikime, Partizani duhet ta kalojë këtë skuadër modeste. Vetëm Tirana mund të justifikohet, pasi nuk pati fat në short. U uroj suksese ekipeve tona në këtë tur të Europës”!

Në fund ai lëshon edhe një deklaratë të fortë në lidhje me Kaleb Ekuban, teksa shprehet se askush nuk ka kontaktuar seriozisht me drejtuesit e Kievos për të përfituar shërbimet e sulmuesit ganez.

“Dhe për Ekuban na treguan përralla, pasi asnjë drejtues nuk kontaktoi seriozisht klubin e Kievos, por gënjyen dhe presidentin Demi, sikur po punonin për ta marrë”, deklaroi Dervishi.

Ish-drejtori i Partizanit, Dritan Dervishi, ka reaguar për “Sport Ekspres”, pas deklaratës së trajnerit Sulejman Starova pas ndeshjes me Prishtinën, se ishte ai më lart se drejtori dhe meritat për titullin i kishte ai. Dervishi ka folur mjaft ashpër dhe ka sulmuar hapur trajnerin Starova.

REAGIMI – “Tifozëve të Partizanit më në fund, po u vjen koha që të gëzohen për titullin e shumë munguar dhe të lirohen nga njeriu më dashakeq që ka në futbollin shqiptar. Lexova deklaratën e tij dhe e përsëris se nuk kam thënë kurrë që titulli është i imi, por i të gjithëve. Nuk kam ulur kurrë punën e askujt dhe djersën e derdhur nga askush në atë klub. S’jam dollibash presidentësh, pasi kur humbja një ndeshja dilja dhe merrja përgjegjësitë, ndërsa sulmon edhe Zotin vetëm për të mbrojtur paaftësinë e tij. Nuk e kam thënë, por po e them. Veprimi më i mirë që bëra si drejtor ishte largimi i këtij trajneri dollibash nga ekipi, një njeri qokbërës. Ai edhe kur Hoxha bëri panenkën kundër Ferencvaroshit tha se e kishte studiuar atë lëvizje. Starova është modeli më i keq se si mund të jetë një trajner. Më kujtohet se s’dinte të bënte një plan javor stërvitjet dhe tani del e flet edhe si profesor trajnerësh. Letrat prej tij firmoseshin në kafene, se nuk njihte ku ishte zyra. Shpresoj që Partizani të shkojë në grupet e Europa Legue, por nëse nuk ja del shpresoj të mos dalë duke sulmuar FSHF-në. Unë, stafi, lojtarët dhe tifozët do e festojmë atë titull sepse s’ka të drejtë askush të na ulë punën tonë. Më vjen keq për presidentin dhe tifozët në çfarë dore kanë rënë. A po, sa për pjesën që ishte më lart se unë, Starova e ka të qartë që borderotë i firmosja unë kur isha drejtor”, – përfundon Dervishi.

Duke folur për “sportal.al”, Dervishi ka komentuar: “Kam besuar dhe besoj te drejtësia sportive! Ky titull që dhe komiteti do të na e japë është një shpërblim për punën time, të stafit teknik dhe administrativ, si dhe veçanërisht familjes Demi. Ky është dhe sinjali që drejtësia sportive funksionon dhe është dashakeqës ai që e sulmon.

“Këtë kampionat ua dedikojmë tifozëve të kuq dhe gjithë stafit, nga Agostineli deri te punëtori më i thjeshtë i klubit. Tani dikush që aty ka vënë rrënjë prej vitesh duhet të ketë kurajo të na kërkojë falje. Një falënderim për Komisionin e Etikës”.

Kukësi arriti që të kurorëzonte me sukses asnjë sezon të gjatë dhe aspak të lehtë. Normalisht që pjesë e suksesit janë dhe ato personazhe që nuk ia dolën që të çonin deri në fund bashkëpunimin me kampionët. Si rrallë këto vite stafi i Kukësit gjatë sezonit pësoi vetëm një ndryshim, me drejtorin e përgjithshëm Dritan Dervishi i cili u largua vetëm pas tetë javësh nga fillimi i kampionatit. Edhe pse skuadra kishte triumfuar pastër 2-0 me Korabin, pritshmëritë kishin qenë më të mëdha dhe ai që e pësoi ishte pikërisht Dervishi. Tashmë i angazhuar matanë Adriatikut, me klubin e Veronës, ish drejtori i Kukësit nuk nguron të flasë për pritshmëritë e tij në lidhje vazhdimësinë e Kukësit.  

TITULLI – Klubi verilindor vetëm dy ditë më parë e falënderoi Dervishin për kontributin e dhënë në arritjen e titullit kampion dhe në prononcimin për “Sport Ekspres” Dervishi e pranon se ndihet kampion, po aq sa dhe të gjithë kuksianët: “E falënderoj klubin dhe presidentin Safet Gjici. E ndjej dhe unë veten kampion si gjithë kuksianët brenda dhe jashtë vendit. Jam krenar që punova me këtë klub dhe me këta tifozë”.

CHAMPIONS – Kukësi do të jetë debutues në kompeticionin më të rëndësishëm kontinental për klube, megjithatë arena ndërkombëtare është një terren i preferuar i verilindorëve, që kanë treguar se dinë se si kalohen turet në Europë. Ish-drejtori i verilindorëve beson se për momentin skuadra nuk është ende gati për këtë kompeticion, megjithatë beson se do të jetë përgatitur plotësisht deri para ndeshjes së parë: “Nuk e shikoj gati në këto momente, por besoj që do jenë të gatshëm për këtë event të rëndësishëm. Besoj se ka nevojë të forcohet në çdo repart pasi Champions nuk të fal asnjë gabim. Mendoj në mesfushë dhe në sulm me lojtarë cilësorë dhe që bëjnë diferencën”.

OBJEKTIVI – Objektivi i vënë nga presidenti Safet Gjici është arritja e grupeve të Europa League-s. Formati mund të krijojë një rrugë më të shkurtër, por shorti është i frikshëm. Në këtë pikë, Dervishi tregon se asgjë nuk është e pamundur dhe beson se ëndrra e radhës e kuksianëve mund të realizohet: ”Çdo gjë arrihet me punë sakrificë dhe pasion. Në kampionat thoshin për ne që nuk fitojmë kurrë dhe të gjithë e panë se çfarë ndodhi. Kam besim që mund të arrihet dhe ky objektiv”.  

SUGJERIMI – Tashmë punon për llogari të Veronës në Itali, megjithatë Dervishi nuk ngurron që të japë mendimin e tij në lidhje me ndonjë emër konkret që mund t’u bënte shumë punë kuksianëve. I arritshëm apo jo, ajo është tjetër temë: “Nuk është e drejtë të jap sugjerime pasi nuk dua të bëj të shumëditurin, por një emër e jap: Danilo Alvesh”.

POSTI – Që pas ikjes së Dervishit, Kukësi e ka lënë atë pozicion vakant, por tashmë është i detyruar që ta plotësojë. Një rikthimi mundshëm? Për momentin jo. Në mbyllje, 47-vjeçari jep dhe një këshillë për presidentin Gjici: “Rrugët tona tashmë janë ndarë, por mes nesh qëndron respekti reciprok. Unë nuk kthehem për momentin në Shqipëri. Besoj mund të jap një këshillë. Kukësi të marrë një drejtor që mendon për ekipin e tifozët dhe jo për të zëvendësuar trajnerin”.

Sa forcë kanë ekipet shqiptare për të përballuar Kupat e Europës?

Ekipet tona besoj se do ta prezantojnë denjësisht futbollin shqiptar. Shpresojmë të kemi pak fat ne shortin e qershorit.

Ku duhet të ndërhyjnë dhe çfarë rolesh duhet të dublojnë Partizani, Kukësi dhe Skënderbeu?

Mendimi im është se Kukësi i duhen tre përforcime të forta dhe me kualitet në repartin e mesfushës dhe një sulmues pranë Pejiçit. Skënderbeut i duhet një mesfushor tip Shkëmbi dhe një sulmues i dytë pranë Salihit. Partizanit i duhet një përforcim në krah të majtë dhe një sulmues. Mendoj se duhet të mbahen me çdo kusht Ekuban dhe Torasa. Në Europë, unë bëj tifo për të tre këto ekipe.

Do preferonit Luftëtarin apo Tiranën në Europë?

Tirana duhet të zgjidhë problemet dhe te organizohet në çdo strukturë, të bëjë një merkato cilësore dhe pa reklamime të bujshme. Te Tirana duhet reformë dhe njerëz që mendojnë për klubin jo ata që shfrytëzojnë emrin e Tiranës. Me logjikë e meriton Luftëtari, pasi ka buxhet edhe për të përballuar Europa Leaguen, tjetër gjë dëshira.

Rënia e  bardhebluve dhe shpëtimi i Vllaznisë në fund, çfarë komenti keni?

Tirana s’ra për faj të politikës, apo arbitrave, ra për fajin e drejtuesve të klubit dhe për mosprofesionalizmin e e disa lojtareve. Josa është trajner i mirë, por besoj se dhe atë e lanë në mëshirë të fatit. Vllaznia e meritoi shpëtimin, por t’i bëhet mësim ky edicion dhe të mos merren me armiq imagjinarë.

Lexuam një deklaratë tuajën në lidhje me afrimin e Ramadanit…

Unë sa erdha te Partizani fillova monitorimin e kampionatit kosovar për të gjetur talente. Presidenti Gaz Demi më njohu me disa miq atje. Unë shkova disa herë aty për Ramadanin. Më ndihmuan Nexhmedin Haxhia dhe nga ana dokumenteve Geri Burba. Ramadani ishte basti im, tashmë  i fituar.  Për të nuk u pagua asnjë komision dhe presidenti Demi i pagoi 3 mijë euro vetëm për respekt të klubit Drita. Kisha kundërshti, pasi Starova ka deklaruar përpara presidentit se po luajti Ramadani nuk do jetë më trajner. Premtim i pambajtur.

Pse vazhdon dhe merresh kaq shumë me Partizanin dhe veçanti Starovën, Haxhinë dhe Tomorin?

Un nuk merren me ata për të  kërkuar vendin e tyre, pasi Partizani është kapitull i mbyllur për mua. Janë këta të tre që më kanë sulmuar gjithmonë, pasi u prisha rehatinë dhe po bëja reformë. Po futja në klub frymë të re, si në marrëdhëniet me FSHF, ashtu edhe me tifozët. Ata i mbushën mendjen Demit të më ulte në një rol tjetër dhe nxinë gjithçka që unë dhe stafi jonë bëri. Me padurim prisnin që unë të dështoja. Unë kam gabimet e mia, por diferenca është se unë gaboj se punoj, pa prekur interesat e klubit!