Klubi nga jugu i Italisë bindi mbrojtësin t’i bashkohej projektit të tyre. Në një vit siguruan ngjitjen në Serie B, ndërsa sezonin që sapo lamë pas siguruan qëndrimin në Serie B, ku qendërmbrojtësi luajti rol kyç duke u aktivizuar në 33 takime. Tanimë, Dermaku është një lojtar i Parmës. Me anë një postimi në “Instagram”, futbollisti shqiptar  ka falënderuar klubin jugor duke përdorur fjalët më të përzemërta.

Nuk është e lehtë të gjesh fjalët e duhura për të shprehur emocionet e mia. Kam kaluar dy vite fantastike dhe falënderimi ndaj Kozencës është gjëja më e pakët që mund të bëja.Kozenca më ka rritur si fëmijë, si lojtar, më ka dhënë mundësinë për të shkuar në kombëare dhe tani për të matur veten në Serie A.

Kozenca ka bërë që unë të takoj persona të mahnitshëm, por mbi të gjitha, më ka dhuruar emocione të pabesueshme që do të mbeten deri në fund të jetës sime. Dua t’u falënderoj të gjithëve, klubin, kolegët, stafin, tifozët, qytetin, që më kanë bërë të ndihem si në shtëpi. Dua të falënderoj edhe ata që kanë punuar në prapaskenë, magazinierët e të gjithë që më kanë shoqëruar në këtë qëndrim 2-vjeçar. Nga sot keni një tifoz më shumë. Faleminderit KOZENCA, MIRUPAFSHIM!

https://www.instagram.com/p/BzqCYj_o5Pv/?igshid=1ob86gzhtd46

Bolonja, Torino dhe Parma janë në garë për 27-vjeçarin, por këta të fundit duket se në “pole position” me ofertën e tyre.

Sipas “cosenzachannel.it”, klubi emiljan i ka ofruar Dermakut një kontratë të vlefshme për tri sezone. Në javët në vazhdim pritet që 27-vjeçari të vendosë përfundimisht për të ardhmen e tij.

KOMBËTARJA – “E dija që do ta kisha të vështirë të vazhdoja, pasi qendërmbrojtës të tjerë u rikthyer. Pres një telefonatë, nëse do të më vijë do jem shumë i gëzuar”.

RINOVIMI – “Kemi biseduar gjatë javës për këtë gjë. Situata është disi e komplikuar. Kam pasur kontakte nga klube të tjera, por asgjë konkrete. Kontrata ime është drejt përfundimit, do të pres dhe pak”.

MBIJETESA – “Nuk e di çfarë kanë bërë të tjerët, por di që objektivi jonë ishte të kalonim 40 pikët dhe ia arritëm tri ndeshje para fundit. Goli ishte i rëndësishëm, hera e parë që shënoj në Serie B dhe kjo më gëzon”.

Në takimin midis Breshias dhe Salernitanës fituan vendasit me rezultatin 3 – 0. Si rrallëherë Emanuele Ndoj qëndroi në stol gjatë të gjithë ndeshjes, në të njëjtën situatë u gjend dhe Hysen Memolla, i cili nuk ka mundur të gjejë minuta të shumta te Salernitana që prej transferimit në muajin janar.

Peskara e Ledian Memushajt ka fituar me rezultatin 2 – 0 ndaj Padovës, ndërsa me të njëjtat shifra ka fituar dhe Breshia e Emanuele Ndojit kundër Krotones. Të dy mesfushorët kuqezi ishin pjesë e formacionit titullar.

Tre pikë të arta mori dhe skuadra e Kozencës, ku luan qendërmbrojtësi Kastriot Dermaku. Futbollisti i kombëtares sonë u ndëshkua me të kuqe në minutat e fundit të ndeshjes, por trajneri Piero Bralja nuk e kryqëzoi lojtarin e tij, duke u shprehur pas takimit: “Bëri atë që duhej të bënte”.

Peskara 2-0  Padova
Breshia 2-0 Krotone
Peruxha 0-1 Kozenca

Gjatë një dalje për shtyp të pak ditëve më parë, drejtori sportiv i Kozencës, Stefano Kozenca ka shpjeguar se palët janë në negociata për të rinovuar kontratën, që mbaron në fund të këtij sezoni. “Jam ulur me të dhe i kam treguar qëndrimin tonë. Ai ka ambicie që të luajë në Serie A dhe po shikon opsionet që i ofrohen. Po të ishte vetëm për ne, do të rinovim kontratën që ditën e sotme, por kontratën janë një çështje dypalëshe”, tha drejtori sportiv.

Suksesi i Dermakut në Serie B është për t’u admiruar, pasi 27-vjeçarit i është dashur të vuajë shumë për të arritur deri këtu. Futbollisti shqiptar e ka filluar gjithçka nga 0, pasi ka luajtur për shumë vite në Serie D dhe debutimi në Serie B erdhi vetëm pak muaj më parë.

Edhe Veseli bëri një ndeshje shumë të mirë në Serie A përballë Kievos. Empoli e pa veten në disavantazh të dyfishtë, por arriti të barazojë gjithçka, me Veselin që bëri një fraksion të dytë loje për tu admiruar.

Edhe mesfushori i Shpresave, Arbnor Muçoli ka kaluar një fundjavë pozitive. Lojtari kuqezi ka gjetur golin në miqësoren e skuadrës së tij përballë Alborgut, në një ndeshje miqësore.

Mbrojtësi 27-vjeçar është ndër lojtarët më të aktivizuar në Serinë B, me 19 ndeshje në formacion nga 20 javë kampionati, ndërsa rendimenti i tij ka qenë gjithnjë shumë i lartë.

Në 8 ndeshjet e fundit Kozenca ka humbur vetëm një herë dhe mbrojtja ka qenë reparti më i mirë, duke shfaqur një përmirësim konstant edhe për faktin se portieri Perina po i jep siguri gjithë ekipit.

Sot Kozenca regjistroi ndeshjen e pestë rresht pa humbje, duke marrë një barazim të shkëlqyer 2-2 në Verona, në një ndeshje mjaft të vështirë.

Verona pretendente për kthim në Serinë A kryesoi deri në 2-0, por realisht ai rezultat ishte gënjeshtar dhe në minutat 81 e 85 Kozenca shënoi 2 gola mëse të merituar.

Vendimtar pikërisht Dermaku në golin e barazimit, sepse qendërmbrojtësi i kombëtares shkoi në zonën kundërshtare për të ndihmuar sulmin në një goditje këndi dhe dha pasimin final për autorin e golit Ida.

Një lajm i mirë për kombëtaren shqiptare, sepse me lojtarë si Veseli, Gjimshiti e Dermaku, pa harruar Mavrajn, është mëkat nëse Panuçi ankohet që nuk kemi mbrojtës cilësorë në qendër, apo që nuk po luajnë rregullisht.

Mediat italiane kanë bërë një analizë të gjysmës së parë të sezonit në Serie B, ligë ku aktivizohen plot 6 futbollistë. Emrat më të njohur janë padiskutim Memushaj dhe Ndoj, të cilët janë grumbulluar edhe nga Panuçi.

E pikërisht këta dy lojtarë kanë qenë ndër më të mirët në kampionat, me Memushajn që është shumë lart në renditje sa i takon numrit të asisteve, me plot 7. Statistikat janë të mira edhe për Ndojn, që ka shënuar një gol dhe ka asistuar 3 herë për Breshian.

Së bashku me Memushajn, te Paskara është aktivizuar edhe portieri Kastrati, i cili numëron 4 takime dhe një rrjetë të paprekur. Talenti i sulmit, Xhakomo Vrioni ka shënuar një gol dhe asistuar njëherë, por ka qenë ndër më të mirët për ekipin e Venecias.

Edhe mbrojtësi qendror, Kastriot Dermaku, ka luajtur rregullisht për ekipin e Kozensas, ku ka arritur edhe të asistojë njëherë për shokët e skuadrës së tij.

Falë kësaj fitoreje, Breshia parakalon Leçen dhe kap vendin e dytë të renditjes së Serie B, duke qëndruar tre pikë larg kryesuesve të Palermos.

Kozenca e Kastriot Dermakut siguroi vetëm një pikë në përballjen me Beneventon. Qendërmbrojtësi i kombëtares sonë luajti për 90 minuta në këtë takim.

Si Dermaku ashtu dhe Ismajli zbritën në fushë ditën e djeshme dhe tashmë janë përfundimisht lojtarë të Shqipërisë. Nëse ndonjëri prej tyre mund të pendohet në të ardhmen, nuk do të ketë më asnjë mundësi që të ndryshojë përfaqësuese. Ismajli u fut që në pjesën e parë duke zënë vendin e Kaçes, për të plotësuar vendin e lënë bosh nga dalja e Mavrajt. Në fraksionin e dytë ishte radha e Dermakut që të vishte për të parën herë fanellën kuqezi, me 26-vjeçarin që hyri në fushë në minutën e 52-të, pasi Gjimshiti la fushën e lojës i dëmtuar.

Debutim në ndeshjen e gabuar, pasi në një takim ku e gjithë skuadra bën një paraqitje skandaloze, vështirë të veçosh ndonjërin prej tyre, pasi teorikisht i justifikon fakti se është vetëm ndeshja e parë. Panuçi më herët ka “vulosur” dhe zgjedhjen e Enea Mihajt, i cili u aktivizua vetëm pak sekonda në takimin e parë me skocezët.

Vazhdon momenti “jo” i Sindrit Gurit në kampionatin belg. Në transfertën përballë kampionëve në fuqi të Klub Bryzh, sulmuesi shkodran u aktivizua për vetëm 12 minuta për Ostenden në ndeshjen që përfundoi me humbjen e thellë 4 – 0 të skuadrës së tij.

Një tjetër sulmues i kombëtares shqiptare që po kalon një moment të keq është Xhakomo Vrioni, i cili fitoren e Venecias në transfertë ndaj Kremonezes. Aktivizimi i fundit i 20-vjeçarit në Serie B, daton më 22 shtator.

Kamer Qaka luajti për 90-minuta në ndeshjen e  fazës së 1/8 të Kupës së Rumanisë. Skuadra e Qakës, Poli Iashi u eliminua nga Vitoruli, në një takim ku gjithçka u vendos nga goditjet e 11-metërshave. Mesfushori shqiptar u tregua i saktë në penalltinë e tij, por nuk pati të njëjtën saktësi një prej kolegëve të tij.

59' GOOD RESPONSE! ?#Siligardi forces a good save from Berisha with a shot from the edge of the area! #AtalantaParma 1-0

— Parma Calcio 1913 (@ParmaCalcio_en) October 27, 2018

90' #DiGaudio with a chance to get one back but Berisha saves.
#AtalantaParma 3-0

— Parma Calcio 1913 (@ParmaCalcio_en) October 27, 2018

Ndërkohë në Serie B kapiteni i Peskarës Ledian Memushaj ka pësuar humbjen e parë në kampionati, pasi u mundën në shtëpi nga Çitadela me rezultatin 1-0. Gjithsesi “delfinët” mbeten në krye të Serie B pavarësisht hapit fals të ditës së sotme.

Shqiptari tjetër që aktivizohet në Serie B, Emanuele Ndoj, luajti për 63 minuta në fitoren 1-0 ndaj Kozencës  së Kastriot Dermakut, ky i fundit luajti 90 minuta në këtë takim.

Mbrojtësi i fuqishëm me origjinë shqiptare (lindur në Itali) kërkohej nga shumë klube në Lega Pro, duke nisut nga Matera e Viterbeze, por garën e ka fituar Kozenca.

Kastriot Dermaku è un nuovo giocatore del Cosenza Calcio! pic.twitter.com/60nK7grH3i

— Cosenza Calcio (@CosenzaOfficial) August 31, 2017

Një gjigant, 195 cm i gjatë, 25-vjeçari u rrit dhe shpërtheu te Melfi, ku luajti për 4 sezone, të fundit si kapiten, duke spikatur për aftësitë fizike dhe atletike, aq sa ra në sytë e Empolit, që e bleu në vitin 2015, duke firmosur një kontratë 3-vjeçare me të.

Sezonin e shkuar Dermaku shkëlqeu në huazim me Lukezen, ndërsa në verë u kthye tek Empoli, me shpresën për të mos u larguar më, por sërish toskanët nuk i dhanë besim.

Tani Dermaku firmos për dy vite me Kozencën, që këmbënguli gjatë për ta blerë.

Qendërmbrojtësi i fuqishëm shqiptar, vetëm 25 vjeç, është pjesë e Empolit prej vitit 2015, por në Serinë A nuk kishte vend për të. Tani Empoli ka zbritur në B dhe ky është fati i Dermakut, që pret të ketë hapësirë, sepse Empoli do të bëjë ndryshime të mëdha në organikë këtë verë.

Klubi toskan ka zyrtarizuar se Dermaku është në listën e të grumbulluarve për sezonin e ri dhe me sa duket ka ndërmend t’i japë një shans, pse jo edhe si titullar, në krah të Frederik Veselit.

Mbrojtësi i kombëtares sonë është ende nën kontratë në Empoli dhe nuk do të lëvizë, edhe për faktin se nuk ka marrë ndonjë ofertë të jashtëzakonshme, ndaj nuk është çudi që sezonin e ardhshëm Empoli të luajë me dy shqiptarë në formacionin titullar.