Derby

VIDEO | Finalja më e pasur e historisë, El Gazi “heroi” i Aston Vilës

Sport Ekspres — Mon, 27 May 2019 14:55:35 +0000

Po luhet në “Wembley” finalja e fazës “play-off” të Championship midis Aston Vilës dhe Derbi Kauntit. Aston Vila është vetëm 45 minuta larg rikthimit në Premier League. Një gol i holandezit Anuar El Gazit i ka dhënë avantazhin skuadrës nga qyteti i Birmingamit, që ka qenë qartazi ekipi më dominues në fraksionin e parë të lojës.

https://twitter.com/villareport/status/1133021674092281856

Rikthimi në Premier League do të sjellë minimumi 180 milionë paundë të ardhura për ekipin fitues, para këto që do i hynin shumë në punë Aston Vilës, po të marrim parasysh faktin se bilancet e klubit janë tepër të rënduara dhe para pak muajsh u përfol dhe për një skenar falimentimi.

Limbs! #avfc El Ghazi! Best player on the pitch this half 1-0 #PlayOffFinal pic.twitter.com/HRtf32yaBI

— Nathan Judah (@NathanJudah) May 27, 2019

VIDEO: Lampard hedh KO Bielsën, Derbi mbretëron në Lids!

Sport Ekspres — Wed, 15 May 2019 20:41:07 +0000

Çfarë ndeshje, spektakël i vërtetë. Sfida mes Lids Junajtid dhe Derbi Kaunti i pati të gjitha: Gola, luftë, kartonë të kuq, emocione deri në sekondat e fundit. Ndeshja e parë mes dy skuadrave ishte mbyllur 0-1 në favor të Lidsit dhe të besuarit e Bielsës shiheshin si favoritët për të arritur në finalen e Play-Off, por Derbi arriti të bëjë të pamundurën, duke triumfuar 2-4 dhe duke hedhur një hap gjigant drejt Premier Ligës.

Lids shënoi fillimisht, me anë të mbrojtësit Dallas. Më pas, Lampard aktivizon sulmuesin Marriot në minutën e 44’ dhe vetëm një minutë më pas, ishte pikërisht ky futbollist që barazoi takimin. Pjesa e dytë do të niste e vrullshme për Derbin, që do të shënonte me Maunt në minutën e 46’ dhe me Uillson në minutën e 58’. Lids e rihapi takimin, sërish me mbojtësin Dallas dhe rezultati shkon 2-3.

Në minutat e fundit, sulmuesi Marriot (85’) shënon sërish dhe Derbi arrin finalen e madhe, që do të luhet në “Ëembley”. Lampard mposht kështu Bielsën. Një fitore e madhe për ekipin e Derbi Kauntit dhe fitorja më e madhe në karrierën e Frenk Lampard si trajner.

Play-Off

Lids Junajtid – Derbi Kaunti 2-4
Dallas 24’, Filips 62’ / Marriot 45’ 85′, Mount 46’, Uillson 58’

85’ – Goli i Marriot (Derbi Kaunti)

62’ – Goli i Filips (Lids Junajtid)

58’ – Goli i Uillson (Derbi Kaunti)

46’ – Goli i Maunt (Derbi Kaunti)

45’ – Goli i Marriot (Derbi Kaunti)

24’ – Goli i Dallas (Lids Junajtid)

Play-off: Aston Vila e Lids hedhin një hap, por nuk ka mbaruar

Sport Ekspres — Sat, 11 May 2019 19:56:12 +0000

Në një javë përmbysjesh spektakolare, edhe Aston Vila mund të krenohet se është bashkuar me grupin, sepse ka fituar me përmbysje 2-1 sot ndaj Uest Bromit, në vajtjen e gjysmëfinaleve në Championship, për një vend në Premier League.

Uest Brom e luajti mjaft mirë derbin e madh për 75 minuta, duke mbrojtur avantazhin e shpejtë të Duajt Gejl, ndërkohë që Vila dukej një hije e skuadrës së bukur të javëve të fundit.

Megjithatë, një gol i shkëlqyer nga Hurihejn dhe një penallti nga Tami Abraham, ku meritë në të dy rastet kishte talenti Xhek Grilish, i dhanë Aston Vilës një fitore tepër të vuajtur dhe ndoshta të pamerituar.

KTHEHET LIDSI – Në formë tepër zhgënjyese në javët e fundit, Lidsi i Marselo Bielsës duket se është zgjuar në momentin e duhur.

Sot Lids fitoi 1-0 në fushën e Derbi Kauntit, me golin e Rufe në minutën e 55-të, ndërsa Derbi protestoi ashpër më vonë, pasi iu dha dhe iu hoq një penallti, pas diskutimit mes arbitrave.

Javën e ardhshme do të luhen ndeshjet e kthimit, spektakli është i garantuar.

Përplasen pas katër muajsh, Lampard flet për “spiunin” Bielsa

Sport Ekspres — Sat, 11 May 2019 07:00:17 +0000

Ishte data 16 janar kur trajneri i Lids Junajtid, Marselo Bielsa e pranoi se kishte spiunuar stërvitjen e Derbi Kauntrit, skuadër që drejtohet nga ish-mesfushori legjendar, Frenk Lampard. Pas katër muajsh, Lids dhe Derbi do të përplasen sërish, kësaj radhe në një sfidë jetike, ajo e “Play Off” për t’u ngjitur në Premier League.

Edhe pse e ka spiunuar dhe e ka përdorur këtë gjë kundra tij, Lampard tha se vazhdon të ketë një respekt shumë të madh për Bielsën si njeri dhe për atë që ai ka arritur gjatë karrierës. Në fjalën e tij, numri një i Derbit tha:

“Jo, marrëdhënia ime me Bielsën nuk ka ndryshuar aspak. Tani jam trajner vetë dhe i kuptoj problemet, presionin, vështirësitë. Disa njerëz i zgjidhin ndryshe, disa të tjerë ndryshe. E pranoni ose jo, çdokush bën atë që e mendon. Ai ka një eksperiencë të jashtëzakonshme dhe për mua mbetet një trajner i madh. Unë e respektoj atë si njeri dhe karrierën fantastike që ka”, përfundoi Lampard.

Divizioni i dytë më i bukur në botë: Noruiçi kampion, Lampard kundër Bielsas në play-off

Sport Ekspres — Sun, 05 May 2019 14:03:47 +0000

Është mbyllur sot sezoni i rregullt në Championship në Angli, kategoria e dytë në e bukur, më e fortë dhe më e pasur në planet.

Verdiktet ishin dhënë thuajse të gjitha që javën e shkuar: Noruiçi dhe Shefild Junajtid shkojnë direkt në Premier Ligë, ndërkohë që Noruiçi është shpallur kampion, pas fitores 2-1 sot në fushën e Aston Vilës.

? #ncfc pic.twitter.com/di192RBOfw

— Norwich City FC (@NorwichCityFC) May 5, 2019

Ndërkaq, lajmi i ditës ka qenë kualifikimi për në play-off i Derbi Kauntit, që drejtohet nga Frenki Lampard. Me pak vuajtje, Derbi mundi 3-1 Uest Bromin dhe fitoi duelin në distancë me Midëllsbrou, që mbetet jashtë gare për një vend në Premier Ligë.

Pas pak ditësh do të luhen gjysmëfinalet dhe janë sfida të mrekullueshme: Lidsi i Marcelo Bielsës do të sfidojë Derbin, ndërsa Uest Bromi do të ndeshet me Aston Vilën. Fituesit do të ndeshen në Wembley për një vend në Premier Ligë.

Historikisht në play-off ka pasur shumë surpriza dhe favoritët rrallë kanë triumfuar. Lidsi në këtë moment duket i rrënuar fizikisht, Derbi ka shumë entuaziazëm, Aston Vila ka ekipin dhe mesfushën më të mirë, Uest Bromi ka goxha eksperiencë në ekip.

Standings provided by Sofascore LiveScore

VIDEO: Juve me pushime, por Ronaldo i prish ëndrrën Torinos

Sport Ekspres — Fri, 03 May 2019 20:34:21 +0000

Juventusi ka barazuar 1-1 derbin e madh të qytetit kundër Torinos, në një sfidë ku Torino për shumë minuta ëndërroi fitoren që i mungonte prej 1995 në derbi, kur i madhi Riciteli firmoste suksesin 2-1.

Historia thuajse u përsërit sot, sepse Juve ka kohë që është me pushime dhe Lukiç e ndëshkoi në minutën e 18-të.

Një pjesë e parë e bukur, me një Torino që shkëlqeu, ndërsa në të dytën ritmi i lojës ra disi. Kur dukej se Torino po hidhte një tjetër hap drejt Champions, Cristiano Ronaldo vendosi të barazonte gjithçka me një kërcim të pabesueshëm dhe golin e 100-të me kokë në karrierë.

57 pikë dhe Torino kalon Milanin, rekord pikësh që kur në lojë janë fitoret me 3 pikë!

Policia mësyn në stërvitjen e ekipit të Lampard, zbulohet shkaku i çuditshëm!

Sport Ekspres — Fri, 11 Jan 2019 12:23:25 +0000

Frenk Lampard po bën mirë me ekipin e Derbi Kauntit, që renditet në vendin e gjashtë në divizionin e dytë të futbollit anglez. Diferenca me Lidsin e vendit të parë është tetë pikë, por djemtë e ish-legjendës së Çelsit kanë një shans sonte në mbrëmje.

Ekipi i Derbit pret kryesuesit dhe një fitore e mundshme do ta ofronte drejt… Premier Ligës. Të gjithë tifozët shpresojnë në një fitore të ekipit të Lampard dhe ndeshja po pritet me interes të madh.

Për të rritur adrenalinën e ndeshjes dhe për të ngrohur zemrat e tifozëve ka menduar policia lokale, siç raporton “The Mirror”. Vendasit kanë qenë duke kryer stërvitjen e fundit, ndërsa një episod i veçantë ka ndodhur. Policia ka mbërritur aty, duke i lënë të gjithë të shtangur. Uniformat kanë shoqëruar një person misterioz, ndërsa e vërteta ka dalë më vonë në pah.

Ndonjë tifoz i Derbit kishte vënë re një person duke ndjekur me dylbi stërvitjen e ekipit nga gardhi i jashtëm i fushës dhe… menjëherë policinë në telefon. Frika më e madhe ka qenë mos ai ishte ndonjë “spiun” i ekipit kundërshtar dhe skemat e Lampard duheshin ruajtur si sytë e ballit.

Policia ka vepruar menjëherë, duke marrë në pyetje “spiunin”, ndërsa epik është dhe shpjegimi i bërë. “Oficerët tanë shkuan në qendrën stërvitore të ekipit për të marrë në pyetje një person të dyshimtë, i cili po përgjonte në afërsi të gardhit. Gjithçka u krye në mënyrë të shkëlqyer dhe personi u identifikua. Duhet ta mbajmë ekipin të sigurt për të siguruar tre pikët kundër Lidsit”, përfundon postimi i policisë në Twitter.

Officers have just attended the Training Ground for @dcfcofficial After a suspicious male was seen at the perimeter fence. Excellent searching conducted & male was located. All checks above board!
Keeping the team safe to bring home a win against #LUFC on 11th! #SpyingIsCheating pic.twitter.com/a12Zj8gISX

— Derby Response Unit – Derbyshire Constabulary (@DerbyResponse) January 10, 2019

Kupa e Ligës: Arsenali e Çelsi bëjnë detyrën, Lampard pritet si hero

Sport Ekspres — Thu, 01 Nov 2018 00:05:44 +0000

Frenk Lampard është kthyer në shtëpi dhe pritja e tifozëve të tij, sepse në Londër nuk është kurrë një “ish”, ishte mbresëlënëse: koreografi madhështore dhe një parullë kuptimplotë: “Forever a blue, forever a legend”. Fotoja e tij e famshme e duart drejt qiellit, për të festuar një nga golat e shumtë. 13 vite të Çelsi, 211 gola, 3 tituj kampionë dhe një Champions League, ndër të tjera.

Këtë të mërkurë Lampard u kthye në Stamford Bridge, për herë të parë si kundërshtar, duke drejtuar Derbi Kauntin për një sfidë të vlefshme për Kupën e Ligës. Në fund fitoi Chelsea 3-2, me 2 autogola të Derbit dhe Fabregas që shënoi golin vendimtar por Lampard hyri në stadium si hero dhe u largua si i tillë.

ARSENAL-BLACKPOOL 2-1

33′ Lichtsteiner (A), 50′ Smith-Rowe (A), 66′ O’Connor (B)

Smith-Roui, vetëm 18 vjeç, një futbollist që vahzodn të vendosë rekorde. Pa debutuar ende në Premier Ligë, djaloshi i Arsenalit ka shënuar 2 gola. Arsenali mundi 2-1 Blekpulin modest, duke luajtur me 10 lojtarë për shumë minuta e duke vuajtur disi në fund, por kualifikimi u arrit dhe ky ishte synimi kryesor për Emeri.

Smith Rowe doubles the lead for Arsenal. Jenkinson with the assist. 2-0 pic.twitter.com/NUVl5jAyIK

— Terje (@TerjeMediax) October 31, 2018

CHELSEA-DERBY 3-2

5′. aut. Tomori (C), 9′ Marriott (D), 21′ aut. Keogh (C), 27′ Waghorn (D), 41′ Fabregas (C)

Derbi eliminoi Mançester Junajtid në turin e shkuar dhe nuk ka frikë askënd, por dy autogola ishin shumë për të realizuar mrekullinë ndaj Çelsit, që vazhdon rrugëtimin në Kupën e Ligës.

Frank Lampard receives a huge reception as he takes his seat in the away dugout at Stamford Bridge.

Watch on Sky Sports Football & Main Event or follow here: https://t.co/0fgjpaQCgf pic.twitter.com/g5pWiQ63Sm

— Sky Sports Football (@SkyFootball) October 31, 2018

WEST HAM-TOTTENHAM 1-3

16′ e 54′ Son (T), 71′ Lucas Perez (W), 80′ Llorente (T)

Spurs nuk falin në derbi dhe reagojnë pas humbjes së fundit në kampionat. Super ndeshje nga Son, me në fund i zhbllokuar këtë kampionat.

150th appearance tonight for Son Heung-min ?

16' ??
54' ??#COYS #WHUTOT pic.twitter.com/NiBzcFuvK1

— William Hill (@WilliamHill) October 31, 2018

MIDDLESBROUGH-CRYSTAL PALACE 1-0

45′ Wing

“Boro” është ekipi i vetëm i Championship ende në garë në Kupën e Ligës. Ljuis King heroi me fitoren kundër Kristal Palas.

Nuk mjaftoi eliminimi, festimi i Uillson tërbon tifozët në “Old Traford”

Sport Ekspres — Wed, 26 Sep 2018 13:58:00 +0000

Mbrëmjen e kaluar bëri bujë në Angli, padyshim eliminimi i Mançester Junajtid. Të besuarit e Zhose Murinjos u eliminuan nga Derbi Kaunti, të cilët nga ana e tyre drejtohen nga legjenda Frenk Lampard.

Për sa i përket sfidës, ndeshja u mbyll ne shifra të barabarta, 2-2 dhe më pas nga pika e bardhë e penalltive, të besuarit e Lampard ishin më të saktë. Gjatë ndeshjes, ajo që ra më shumë në sy ishte pikërisht goli i barazimit të Derbit në minutën e 58-të, ku dhe shifrat shkuan 1-1. Ishte një goditje dënimi e ekzekutuar mjeshtërisht nga 21-vjeçari Herri Uillson, i cili la të palëvizur portierin e Junajtid, Serxho Romero.

Përveçse golit ajo që tërboi akoma më shumë tifozët në “Old Traford” ishte mënyra e festimit të mesfushorit. Herri Uillson është një lojtar në pronësi të Liverpul dhe aktivizohet te Derbi si i huazuar. Festimi i uellsianit ishte me njërën dorë të ngritur, duke treguar numrin e trofeve të “Champions League”, që numëron Liverpul. Një festim që u bë dhe para disa vitesh nga Fernando Torres, pikërisht në teatrin e ëndrrave.

Great goal from Harry Wilson pic.twitter.com/9xkNt3DMCN

— Paul Robinson (@Robbo887) September 25, 2018

Goditja e këndit më e keqe në histori, në Angli nuk mbarojnë çuditë

Sport Ekspres — Tue, 25 Sep 2018 10:05:39 +0000

Nga Anglia ka gjithmonë çudi nga më të ndryshmet. Pikërisht fundjavën që lamë pas, në ndeshjen e vlefshme për “Championship”, midis Derbit dhe Brentford ka ndodhur një episod më të vërtetë interesant, që ndoshta do të mbahet mend si dhe goditja nga këndi më e keqe në histori.

Kanë qenë miqtë e Brentfotd që ekzekutuan një goditje këndi në mënyrë të gabuar, dhe Derbi ka përfituar menjëherë, ku në një kundërsulm mjaft të shpejtë ka arritur të shënojë. Ndeshja ndërkohë përfundoi në shifrat 3-1 për skuadrën e Derbi.

How to take a corner, by Brentford Football Club.. pic.twitter.com/Ff1b0hZWGK

— Ryan O’Meara (@_omeara_r) September 23, 2018