Derbi i Milanos do të luhet në javën e katër, me datë 22 shtator, ndërsa ndeshja e fazës së dytë do të luhet 9 shkurt 2020.

Kalendari i plotë i javës së katërt:

DITËT E PARA TE TIRANA – “Të them të drejtën u ambientova shumë shpejt. Më duket sikur kam kohë te ky ekip. Disa prej çunave i kam dhe shokë jashtë fushe. I falënderoj të gjithë për mbështetjen që më kanë dhënë”, thotë fillimisht mesfushori.

MERKATO –  “Mendoj se të gjitha blerjet janë të goditura. Janë blerjet më të mira të mundshme përsa i përket kampionatit shqiptar. Kam shumë besim te lojtarët që kanë ardhur. Të gjithë duhet të japim maksimumin për të çuar Tiranën atje ku e meriton. Shpresojmë t’ia arrijmë”.

Keni festuar në derbi kur ishin pjesë e Partizanit, po nëse shënoni me Tiranën do festoni?

“Ma kanë bërë dhe një herë tjetër këtë pyetje. Të jem i sinqertë nga këtu, mund të mendoj shumë gjëra, por në fushë të tjera gjëra i ndjen, sepse janë emocionet ato që të shtyjnë shumë gjëra që nuk i ke menduar. Gjithsesi unë shpresoj të shënojmë njëherë, më pas për të festuar e zgjedhim vetë”.

RAPORTI ME TIFOZËT –“Që të më duan tifozët, unë e kam shumë të thjeshtë, pasi më duhet të jap maksimumin për fanellën e Tiranës.  – Druajtje për derbin? Jo nuk druhem aspak. Unë njihem si karakter që mezi i pres këto ndeshje.

Një episod i veçantë ndodhi gjatë sfidës së djeshme. Ultrasit e dy ekipeve kishin vendosur të protestonin 10 minuta në lidhje me dhunën e përdorur nga policia. Fillimi i ndeshjes ishte i vakët dhe nuk kishte fare atmosferë.

Deri në minutën e dhjetë, pasi stadiumi ndryshon si me buton. Të gjithë “çlirohen”, ndërsa ultrasit ia nisin këngës. Tymueset dhe mjetet piroteknike nuk mungojnë, ashtu si edhe koreografitë. Në fund buzëqeshën vendasit, të cilët ndajnë vendin e dytë me Djurgardenin, ndërsa Malmo kryesuese është 6 pikë larg dhe ka për të zhvilluar një ndeshje më shumë.

Derbi i Frenk Lampard zhvilloi një pjesë të parë shumë zhgënjyese që u mbyll me Aston Vilën në avantazh falë golit të El Gazit. Në fraksionin e dytë të lojës Derbi reagoi, por një garë e portierit Ros solli golin e dytë të Vilës. Marriot aktivizohet nga stoli dhe ngushton diferencën në minutën e 82-të, por ishte tepër vonë, festa është vetëm për lojtarët dhe tifozët e Aston Vilës.

Aston Vila 2 – 1 Derbi
Shënues: El Gazi 44’ , Mekgin 59’ / Marriot 82’

https://twitter.com/villareport/status/1133021674092281856

https://twitter.com/HfcNufc/status/1133030085081092096

Lampard’s super sub Jack Marriott is at it again!! Game on! #CFC

https://t.co/z0TntR3oc7

— CFC-Blues (@CFCBlues_com) May 27, 2019

https://twitter.com/villareport/status/1133021674092281856

Rikthimi në Premier League do të sjellë minimumi 180 milionë paundë të ardhura për ekipin fitues, para këto që do i hynin shumë në punë Aston Vilës, po të marrim parasysh faktin se bilancet e klubit janë tepër të rënduara dhe para pak muajsh u përfol dhe për një skenar falimentimi.

Limbs! #avfc El Ghazi! Best player on the pitch this half 1-0 #PlayOffFinal pic.twitter.com/HRtf32yaBI

— Nathan Judah (@NathanJudah) May 27, 2019

“Tirana ka tre vite që është dështim. Nuk është vetëm viti i parë. Më duket se duan ta rrëzojnë me qëllim Tiranën. Por dhe ata kanë bërë një lojë të dobët, pa karakter. Më vjen keq për presidentin Halili, pasi lojtarët po luajnë pa zemër.

Nuk e di çfarë investimi është bërë te Tirana, nuk e di. Tek të rinjtë, kanë 3-4 elementë shumë të mirë, duan më shumë besim. Nuk besoj se Ardi (Mema) ka bërë ndonjë gjë të keqe. Ai po gatuan me brumin që ka gjetur aty. Tirana ka humbur dhe shumë penallti, që mesatarisht do i jepte 10 pikë më shumë.

Tirana e humbi vetë ndeshjen përballë Partizanit. Si te goli i parë, si te goli i dytë, faj pati portieri. Me 100%! Ndikon dhe gjendja psikologjike te ekipi, por shpresoj që këtë javë të dalë nga kriza dhe të mos rrezikojë”, përfundoi Omuri.

Flamuj të kuq, tymuese dhe e famshmja “The Final Countdown”, ndryshe numërimi i fundit, nga Guerrils, të cilët duket se ishin përgatitur për të fituar derbin edhe titullin kampion.

Trofeu i madh mungonte prej 26 vitesh në pjesën e kuqe të kryeqytetit dhe gjithë tifozët e Partizanit besonin se dita e madhe do të vinte pikërisht në derbin ndaj Tiranës, me ekipin e “Demave” që nuk zhgënjyen.

Shkodrani bën gjithçka mirë në hyrje të zonës dhe lëshon një të majtë shumë të fortë, duke shtangur portierin Abibi. Goli i numrit 7 ishte shumë i bukur dhe Partizani në avantazh. Epërsia e “Demave” do të zgjaste vetëm 10 minuta, pasi Tirana barazoi.

Ngo është shumë i fortë për mbrojtjen e kuqe dhe pasi driblon dy futbollistë, shërben bukur te Greca, i cili i vetëm përballë Hoxhës, nuk e ka të vështirë të shënojë. Pjesa e parë mbyllet e barabartë.

Fraksioni i dytë i lojës, nisi më mirë për Tiranën, që kërkoi të përmbysë shifrat. Megjithatë, golin vendimtar do e shënonte Partizani, sërish me anë të Çinarit. Shkodrani merr një pasim perfekt nga Trashi dhe i vetëm përballë Abibit, shënon, duke i dhënë fitoren dhe titullin Partizanit.

KATEGORIA SUPERIORE – JAVA 33
E shtunë, më 12 maj, ora 16:30

PARTIZANI-TIRANA   2-1
Çinari 30′ 72′ / Greca 40′

Partizani (4-2-3-1): Hoxha – Ibrahimi, Belica, Rexhepi, Trashi – Hila, Atanda – Mala, Duka (Kalari 82′) Çinari (Kardozo 87′) – Bardhi. Trajner: Skënder Gega

Tirana (4-1-4-1): Abibi – Daja, Turtulli, Imami, Hoxhallari – Mauexhe (Cake 81′) – Doka, Kobina, Hasani (Sentamu 67′), Greca – Ngo. Trajner: Ardian Mema

Kartonë të verdhë: Turtulli 23’, Daja 45+2′

EPISODET – 

90’ – Mbyllet sfida në “Selman Stermasi”. Partizani është skuadra kampione e Shqipërisë, pasi mposhti Tiranën në derbi me rezultatin 2-1.

72’ – Gooool Partizani, shënon sërish Çinari. Shkodrani duket në një ditë të shkëlqyer dhe shënon golin e dytë personal. 2-1 për “Demat” dhe festa në “Selman Stermasi” është e çmendur

67’ – Hoxhallari kroson shumë mirë nga një goditje dënimi dhe gjen kokën e Turtullit. Mbrojtësi i Tiranës gjuan me kokë, por portieri Hoxha e ndal.

52’ – Tirana e nis në sulm pjesën e dytë. Kobina tenton me të majtën nga jashtë zone, por pa probleme për portierin Hoxha. Gjithçka e barabartë në “Selman Stermasi”

45’ – Mbyllet pjesa e parë në “Selman Stermasi”, derbi i kryeqytetit nuk ka fitues në 45 minutat e para

40’ – Goool Tirana, shënon Greca. Ngo shërben në mënyrë të shkëlqyer te mesfushori i bardhebluve, i cili tregohet i saktë para portierit Hoxha, duke e mposhtur me një parabolë. 1-1 sfida!

30’ – Goool Partizani, shënon Çinari. Numri 7 i “Demave” shënon një gol fantastik, duke mposhtur Abibin nga jashtë zone më një silurë. 1-0 për Partizanin dhe me këtë rezultat, janë ata kampionët e Shqipërisë

19’ – Vjen goditja e parë drejt portës. Mala shmang bukur Hoxhallarin dhe në hyrje të zonës, godet me të majtën. Gjithsesi, asnjë problem për Abibin

10’ – Luftë e ashpër në mesfushë, skuadrat mbrohen mirë. Ende asnjë rast për t’u shënuar

1′ – Fillon sfida ne “Selman Stermasi”

Ka mbërritur në kryeqytet dhe do të jetë në derbi sot. Sigurisht e ka të vështirë të mos flasë për këtë ndeshje që mund të rikthejë titullin kampin në kryeqytet. “Duke fituar kampionatin dhe duke fituar edhe këtë derbi, është diçka e jashtëzakonshme”, thotë fillimisht Dosti.

Më tej, në fjalën e tij për TV Klan, ai thekson se nuk ka rëndësi shumë rezultati. Gjithashtu ai ka edhe një porosi: “Derbi fitohet edhe 1-0, nuk është e thënë të triumfohet me shumë gola. Partizani duhet ta nisë ndeshjen i qetë dhe të jetë i disiplinuar”.

Padyshim vlerësimet për trajnerin Skënder Gega janë maksimale: “Profesor Gega ka futur frymën e disiplinës, frymën e grupit dhe kjo ka qenë gjatë gjithë sezonit forca e Partizanit”. Dosti ndërkohë është në krahun e atyre që Tiranën e duan në Superiore, por nga ana tjetër kërkon që Partizani të tregohet i ndershëm edhe ndaj kampionatit.

“Tirana i duhet futbollit shqiptar, derbi i duhet këtij futboll. Pa të nuk ka futboll të bukur. Gjithsesi Partizani nuk duhet të tolerojë, pavarësisht se kë ka përballë. Duhet të jetë ‘fair-play’ edhe ndaj kampionatit”, përfundoi Dosti deklaratën e tij.

“Mendoj se këtë herë do të jetë pika e kthesës, për shumë arye. Tirana e ka fitoren të domosdoshme, për moral, për pozitat që ka në renditje. Besoj se do t’ia dalin. Derbi gjithmonë është një ndeshje që duhet trajtuar si një ndeshje e veçantë, nuk ka rëndësi renditja dhe gjendja e skuadrave.

Unë nuk mendoj se ka diferenca në organikë, sa i takon lojtarëve, lojës, por faktet janë fakte dhe renditja e tregon. Partizani është në një moment që është më i çliruar dhe kërkon ta mbyllë kampionatin nga matematika, pasi titulli është vendosur me kohë. Tirana vjen pas kualifikimit në finalen e Kupës. Do të jetë një sfidë e lufutar.

Memën e kam mik, kemi luajtur bashkë futboll. Mema është një trajner i zgjuar, shumë punëtor. Prandaj jam besimplotë se Mema sezonin e ardhshëm do të bëjë gjëra të mëdha me Tiranën”, u shpreh ish-kapiteni bardheblu për “RTSH Sport”.

“Demat” kanë mundësinë të shpallen kampion të Kategorisë Superiore pas 26 vitesh pritje dhe për këtë ky derbi merr një rëndësi akoma dhe më të veçantë.

Për të qenë të pranishëm në këtë ndeshje, tifozët e të dyja skuadra do të duhet të “kolliten” pak më shumë se në përballet e mëparshme.

Biletat për në tribunat A1 A2 DHE B1, B2 do kushtojnë 2500 lekë (të reja), ndërsa çdo tribunë tjetër do të ketë një çmim prej 500 lekësh (të reja). Shitja e biletave do të fillojë ditën e nesërme  në biletarinë në stadiumin “Selman Stërmasi” nga ora 10:00 deri në 19:00.

Me anë të një mesazhi të shpërndarë në llogarinë e tij në “Instagram”, sulmuesi u kërkon falje tifozëve për kartonin e verdhë dhe i fton të jenë sa më të shumtë në numër në ndeshjen derbi, ku të kuqtë mund të shpallen zyrtarisht kampion të Shqipërisë.

Golat e fitores janë shënuar nga Meriton Korenica (dygolësh) dhe Mario Morina. Prishtina zhbllokoi ndeshjen që në minutën e 16-të me anë të Korenicës. Gjashtë minuta më vonë ka ardhur edhe dyfishimi i rezultatit.

Morina ka gjetur rrjetën. Sulmuesi ka shfrytëzuar daljen e gabuar të portierit mik, duke vulosur fitoren. Goli i tretë ka ardhur në fillim të pjesës së dytë. Gëzim i dyfishtë për Korenicën, i cili gjen golin e dytë personal dhe të tretin për Prishtinën. Kjo fitore e ngjit ekipin e Josës në vendin e dytë me 50 pikë, pesë larg Feronikelit kryesues, ndërsa Flamurtari renditet në vendin e nëntë me 28 pikë.

IPKO SUPERLIGA E KOSOVËS – Java 23
E mërkurë, më 27 mars, ora 14:00

Prishtina-Flamurtari 3-0
Shënues: Korenica 16’, 56’. Morina 22’

Matias Vesino zhbllokoi ndeshjen me golin e tij të shpejtë. Uruguaiani shënoi në minutën e tretë, luftoi fort në mesfushë dhe në fund festoi gjatë me shokët e tifozët. 27-vjeçari vlerëson paraqitjen e ekipit, zbulon pozicionin ndryshe në fushë dhe shpreson që të shohë gjithmonë Interin e derbit.

“Ky duhet të jetë Interi i vërtetë. Kemi patur shumë oshilacione deri në këtë moment. U treguam të aftë për të harruar eliminimin nga Ajntrahti dhe e nisëm gjithçka nga zero, siç u pa nga fillimi i ndeshjes e deri në fund.

Duhet të tregohemi pak më të vëmendshëm në goditjet standarde, sepse jemi të gjithë shumë të mirë me kokë. Treguam që në fillim të ndeshjes forcën tonë, që përcaktoi dhe fitimin e ndeshjes.

Në derbi luajta pak më i avancuar dhe mendoj se shkoi mirë. Ju shkaktuam disa probleme pas shpine mesfushorëve te Milanit. Tani do pushojmë dhe ndonjëherë nevojitet diçka e tillë. Ndalimi i kampionatit vjen në momentin e duhur, edhe pse disa lojtarë do të largohen drejt kombëtareve të tyre“, përfundon Matias Vesino.

Tre minuta mjaftuan që Interi të zhbllokonte rezultatin me anë të Vesinos. Goli motivoi djemtë e Spaletit që patën një mori rastesh në pjesën e parë, por Donaruma u bë disa herë pengesë.

Fraksioni i dytë i lojës ishte akoma më elektrizues. Inter shënon sërish me anë të De Vrij, por Milani përgjigjet me Bakajokon. Më vonë arbitri akordon një penallti për zikaltrit pas një faulli të Kastijehos ndaj Politanos, ky i fundit ekzekuton saktë 11-metërshin. “Djalli” ngushton diferencën më Musakion në minutën e 71-të.

Në minutat e fundit të takimit skuadra e Gatuzos tregohet më kërkuese, por në rastet e pakta që krijon Handanoviç nuk zhgënje dhe e mban portën e tij të paprekur.

Milan 2 – 3 Inter
Shënues: Vesino 3’, De Vrij 51’, Politano 67’ (pen) / Bakajoko 57’, Musakio 71’

Meritë të veçantë për golin ka dhe Perisiç, i cili dha krosën që gjeti Luataro Martinezin, i cili më pas shërbeu për autorin e golit.

“Kundër Frankfurtit, bëmë një ndeshje të shëmtuar. Por nga njëra anë, kjo është diçka pozitive, pasi është më e lehtë të reagosh pas një humbjeje. Derbi kundër Milanit është ndeshja e duhur që lojtarët të rikthehen në formën e tyre më të mirë.

Gatuzo ka krijuar një skuadër shumë të mirë, që luan bllok dhe shumë kompakte. Janë rritur shumë në krahasim me ne. Po luajnë një futboll të mirë dhe struktura e klubit është aty ku duhet. Gjithsesi, ne i dimë aftësitë tona dhe do të bëjmë korrigjimet e duhura dhe do të synojmë vetëm fitoren.

Lautaro? Për mua, ai dhe Piatek janë në të njëjtin nivel. Janë dy sulmues shumë të mirë dhe që dinë të shënojnë gola. Mendoj se lufta do të bëhet në mesfushë, ndërsa sulmuesit do të kenë më pak ndikim. Shkriniar ka luajtur mirë në mesfushë dhe pse jo, ndoshta do të provohet sërish aty”, përfundoi Spaleti.

Gjithsesi, gara për një vend në Champions është e fortë. Nesër në mbrëmje do të luhet derbi dhe trajneri analizon sfidën me zikaltrit. Gatuzo i ka gati batutat për Piatek dhe gabimet e tij e lojtarëve. Stadiumi do të jetë plot me dominancë zemrash kuqezi dhe trajneri beson fort se tifozët do t’i japin një dorë ekipit për të fituar ndeshjen e qytetit.

PIATEK – “Nuk flas shumë me të dhe tani shoh disa buzëqeshje më shumë. Më pëlqen kjo gjë, pasi mendoja se ishte i zemëruar me mua në fillim. I pëlqen të stërvitet, maksimumi merr një ditë pushim dhe më pas kthehet në stërvitet.”

“Milan favorit? Është një ndeshje që nuk ka favorit. Derbi fitohet nga ai që kontrollon emocionet para nisjes së ndeshjes dhe futet i qetë në fushën e lojës”.

DERBI – “Çdo derbi ka historinë e vet dhe kjo do të jetë një ndeshje ndryshe nga ajo e katër muajve më parë. Dëgjoj të flitet se ne jemi favoritë dhe se Interi ka vdekur, por nuk është e vërtetë. Nesër ‘San Siro’ do të thyejë një rekord fitimish dhe duhet të jetë lojtari ynë i 12-të, por duhet ta respektojmë Interin.”

LARGIMI I MUNDSHËM – “Gatuzo kishte një moment që rrezikonte dhe u përfol shumë për Konten si trajner të ri të Milanit, por drejtuesit i besuan atij dhe deri më tani ka rezultuar vendimi i duhur. “Asnjëherë nuk e kam menduar largimin, kam menduar vetëm të punoj. Kurrë nuk kam menduar të largohem”, u shpreh tekniku i kuqezinjve.”

FORMA – “Periudhën negative e kemi kaluar më parë, kur u eliminuam nga Europa League.  Nuk biem në grackën që ne jemi mirë tani dhe ata janë keq. Duhet ta respektojmë një skuadër të fortë si Interi, që mund të të dëmtojë në çdo moment.”

BATUTA – “Gabimet? Nuk jam një rrobaqepës që ka mësuar si t’i qepë si duhet rrobat. Gaboj ende në disa gjëra, jemi aty për t’u përmirësuar, por nuk jam ende rrobaqepës 100%”.

BERLUSKONI – “Presidenti kërkon Suson pas dy sulmuesve? Atë që thotë Berluskoni e respektoj, por unë i bëj zgjedhjet dhe i marr vendimet.”

Gjykata Sportive ka vendosur të gjobisë me 15 mijë euro trajnerin gjaknxhetë të “Djallit” për shkak të episodit të ndodhur në fundin e pjesës së parë kundër Kievos.

Gatuzo është gjobitur pasi në minutën e 35-të të ndeshjes së zhvilluar në Verona, ka dalë jashtë zonës ku i lejohet të qëndrojë dhe ka patur një debat të nxehtë me Mexhiorinin e Kievos. Trajneri u ndëshkua me të kuqe nga arbitri, ndërsa Gjykata Sportive ka vendosur ta falë për ndeshjen derbi.

Tashmë gjithçka mori fund dhe trajneri është gati të drejtojë nga stoli djemtë e tij, me shpresën dhe besimin për t’iu dhuruar emocione të paharrueshme tifozëve kuqezinj të qytetit të Milanos.

Maliqi u mundua të reagojë dhe të shënojë, por loja pati shumë ndërprerje dhe faulle të ashpra. Kartonët në këtë ndeshje nuk munguan: Plot 7 të verdhë dhe një i kuq. Në minutën e 89’, Kame la skuadrën e Devollit me një futbollist më pak. Megjithatë, Maliqi nuk arriti të barazojë dhe Devolli mori tri pikët.

Kjo fitore e ngjit në kuotën e 40 pikëve dhe e afron Devollin me vendin e parë, që mbahet nga Shkumbini me vetëm një pikë më shumë. Ndërsa Maliqi shkëputet nga dy vendet e kreut, duke qëndruar në vend të tretë me vetëm 34 pikë.

KATEGORIA E DYTË, GRUPI B (JAVA 26)

Maliqi – Devolli   0-1
Shënues: Xaka 16’ (ag)

Drejtuesit e Romës kanë bërë një mbledhje të gjatë pas ndeshjes. Aty kanë marrë pjesë trajneri Di Françesko, zëvendëspresidenti Baldisoni, administratori i deleguar Fienga, drejtori sportiv Monçi me krahun e tij të djathtë Masarën dhe Françesko Toti.

Takimi ka zgjatur deri në orën 1 të natës. Eusebio Di Françesko është konfirmuar në stol dhe drejtuesit dëshirojnë t’i dhurojnë besim dhe qetësi trajnerit e ekipit përpara sfidës kundër Portos në Champions Ligë. Roma do të luajë të mërkurën ndeshjen e kthimit në Portugali. Takimi i parë u fitua nga Roma me rezultatin 2-1.

Gjatë ditës së sotme, trajneri dhe Monçi do të mbajnë një fjalim përpara lojtarëve, ndërsa nuk përjashtohet që të vendoset grumbullimi i ekipit për ndeshjen e sezonit kundër “Dragonjve të Oportos”.

Drejtuesit e klubit i kanë dhënë besim trajnerit për të disatën herë me shpresën që ekipi do të reagojë pas humbjes në derbi dhe do të kualifikohet në çerekfinalet e kompeticionit më të rëndësishëm për klube. Nëse djemtë e Di Françeskos do të dështojnë kundër Portos, atëherë Di Françesko do të rrezikojë seriozisht postin e tij.

Gjatë ndeshjes, Mema e Gega protestuan shpesh për ndonjë faull. Por ka një moment të dyshimtë për penallti në minutën e 81-të. Pas një harkimi në zonë, Hoxhallari me dorën e hapur, futet në një duel ajror dhe nga pamjet filmike është e vështirë të dallohet nëse ka patur një prekje të topit me dorë.

Një rast shumë i dyshimtë, që mund të vendoste fatet e ndeshjes. Gjyqtari Enea Jorgji nuk akordoi penallti, por te Partizani mund të kenë pretendimet e tyre pa pamjeve të ofruar gjatë emisionit “Gol pas Goli” në Supersport.

Tirana e nisi më mirë takimin, duke rrezikuar disa herë portën e Alban Hoxhës. Në dy raste, britaniku Ngo kishte mundësinë për të shënuar me kokë, por nuk ia doli që të mposhtë kapitenin e Partizanit. Me kalimin e minutave, Partizani u zgjua dhe ndeshja u balancua në mesfushë.

Pjesa e parë u mbyll pa gola dhe fraksioni i dytë i lojës, pati të njëjtën histori. Tirana e nisi më mirë dhe Greca ishte aktiv nga krahu u majtë, megjithatë, rastet e pastra munguan. Ngo u neutralizua mirë nga Belica dhe Rexhepi, i cili u aktivizua në pjesën e dytë nga Gega.

Edhe Partizani krijoi disa raste të mira, por Abibi nuk pati shumë punë për të bërë. Telushi goditi shtyllën dhe mesfushori i Partizanit ishte i pafat. Turtulli rrezikoi autogolin, por dhe topi i devijuar nga mbrojtësi shkon jashtë kuadratit.

Edhe pse kjo sfidë premtonte gola dhe spektakël, ajo që u pasqyrua në fushën e lojës ishte shumë larg pritshmërive dhe 90 minutat në “Selman Stermasi”, u mbyll e barabartë pa gola.

KATEGORIA SUPERIORE – JAVA 24

E premte, më 1 mars, ora 18:00
Stadiumi “Selman Stërmasi”, Tiranë

TIRANA – PARTIZANI  0 – 0

Tirana: Abibi – Kërçiku, Turtulli, Imami, Hoxhallari – Mauexhe, Karabeci, Hasani – Kobina (Doka 73′), Greca, Ngo. Trajner: Ardian Mema Në dispozicion (Lika, Atinga, Daja, Halili, Muça, Muçi)

Partizani: Hoxha – Ibrahimi, Atanda, Belica, Idrizaj (Kalari 59′) – Telushi, Mala – Asani, Duka (Rexhepi 46′), Mensah (Hebaj 68′) – Bardhi. Trajner: Skënder Gega  Në dispozicion (Xhika, Rexhepi, Kardozo, Kalari, Kote, Çinari, Hebaj)

Gjyqtarë: Enea Jorgji, Dojando Myftari, Nertil Bregasi, Astrit Mahmuti; Gjyqtar–ë/e linje: Juxhin Xhaja, Emanuela Rusta Delegat: Marjus Sulejmani

Kartonë të verdhë: Hoxhallari 46’, Turtulli 51′, Ngo 66′ / Kalari 88′, Rexhepi 90+3′

EPISODET

90′ Mbyllet pa gola takimi në “Selman Stermasi”

80’ Shtyllë Partizani, Telushi i pafat. Gjuajtja e mesfushorit të “Demave” lë të shtangur portierin Abibi, por e majta e numrit 27 përplaset në shtyllë. Shpëton Tirana

74’ Rrezikon Partizani. Një rivënie me duar nga Kalari gjen kokën e Turtullit brenda zonës, që rrezikon autogolin me devijimin e tij

58′  Mbyllet derbi për Idrizajn, mbrojtësi dëmtohet rëndë dhe largohet me ambulancë nga “Selman Stermasi”

46′ Starton fraksioni i dytë i lojës

45′ Mbyllet pjesa e parë pa gola

30′ Mundësi e artë për Ngo, Kërçiku nga e djathta bën mjaft mirë dhe kroson në zonë. Anglezi i sulmit, i ndodhur pranë portës, gjuan me kokë. Topi shkon në duart e Alban Hoxhës

27′ Aksion i gjatë sulmues për Tiranën, Greca dhe Ngo kombinojnë mes tyre. Anësori pason për Kobina, por ganezi brenda zone godet mbi tra. Mundësi e mirë për Tiranën

24′ Hoxhallari kroson në zonë, Ngo me kokë gjuan dhe portieri Alban Hoxha bëhet shpëtimtar me devijimin e tij. Goditje këndi. Portieri i Partizanit edhe më pas ishte në lartësinë e duhur, duke ndalur një gjuajtje të lojtarëve bardheblu

7′ Tension në fushë, Imami dhe Bardhi protagonistë

1’ Fillon takimi në “Selman Stermasi”

Ultrasit bardheblu kanë shpalosur një koreografi të bukur duke thumbuar rivalët e kuq me portretin e diktatorit koreano-verior, Kim Jong Un. “Kthesa e gabuar” ka qenë mesazhi i shpalosur nga Fanatiks.

Eusebio Di Françesko vlerëson shumë ekipin kundërshtar në konferencën për shtyp dhe analizon rëndësinë dhe presionin e madhe që dhuron një ndeshje e tillë. Të dy ekipet po luftojnë fort për një vend në Champions Ligë dhe nuk lejohen gabimet në derbi.

Manolas është rikthyer dhe është gati për këtë përballje, ndërsa akoma në dyshim mbetet kapiteni De Rosi. Trajneri i verdhekuqve ka një koment dhe për Nikolo Zaniolon. Talenti i Romës do të provojë për herë të parë emocionet e mëdha që të dhuron kjo betejë.

Di Françesko ka besim se ai do të jetë deçiziv, por nuk duhet ngarkuar me shumë presion. Në fund dhe Edin Xheko, i cili është rikthyer të shënojë. Festa me tifozët në golin e fitores kundër Frozinonës i ka bërë mirë ekipit dhe Di Françesko shpreson të përjetojë të njëjtat emocione dhe nesër në mbrëmje.

LACIO – “Derbi është gjithmonë një ndeshje e rrezikshme dhe një farë ‘kurthi’. Lacio është një skuadër e aftë dhe e zgjuar. Do të jetë një ndeshje e vështirë si të gjithë derbit, kundër një ekipi me shumë cilësi. Presioni do të jetë i madh për të dy ekipet. Do të jetë një ndeshje delikate dhe për objektivin Champions të dy ekipeve. Nevojitet zemër dhe duhet të përdorim trurin. Kjo është një përballje unike dhe psikologjikisht të gjithë duan të zbresin në fushë. Kemi punuar mirë gjatë javës dhe jemi gati.”

ZANIOLO – “Ai nuk duhet të jetë shumë i qetë, por i përqendruar, i vendosur dhe cinik, ashtu siç është paraqitur në stërvitje. Kam folur pak për derbin me Nikolon. Ka shumë lojtarë të ekipit që i kanë folur për rëndësinë e madhe të kësaj ndeshje dhe nuk dua ta mbingarkoj më shumë. Ai do të jetë një nga protagonistët dhe presim gjithmonë diçka të rëndësishme prej tij, por le ta lëmë të qetë për derbin e parë që do të luajë.”

MANOLAS-DE ROSI – “Do të jetë i gatshëm për ndeshjen. Dje është stërvitur mirë dhe ka lënë pas dëmtimin. Sot do të stërvitet me ekipin dhe nesër do të jetë i gatshëm për të zbritur në fushë. Sa i përket De Rosit, ai ndodhet në një gjendje të mirë. Daniele e di mirë që është i rëndësishëm për ne menaxhimin e stërvitjeve dhe ndeshjeve. Mund të zhvillojë një pjesë loje, por nuk mund të jap një përgjigje përfundimtare për të.”

XHEKO – “Jam shumë i lumtur me atë që po bën Edini për skuadrën. Ai është përmirësuar shumë në aspektin fizik dhe ndodhet në formë të mirë. Më pëlqen shumë mënyra se si po luan dhe do të jem shumë i lumtur nëse do të shënojë nesër. Goli i shënuar në limite kundër Frozinones ka ofruar skuadrën me tifozërinë dhe uroj që të shoh nesër përsëri ato përqafime dhe festime, edhe nesër kundër Lacios.”

DERBI – “Të them të drejtën, atmosfera është fantastike dhe diçka e tillë shihet shumë rrallë. Ashtu siç është atmosfera në stadium, shpresoj të jetë dhe ndeshja në fushë. Lojtarët janë shumë të ngarkuar psikologjikisht, nga mediat, trajneri, dhe kur vijnë në fushën e lojës, nuk tregojnë dot aftësitë e plota. Tirana do të luajë pa presion, presion që do e ketë vetëm Partizani. Shpresoj që Tirana të jetë e qetë dhe të fitojë në derbi.”

KOMBËTARJA U-21 – “Do ishte e mira që t’i kishim të gjithë lojtarët U21 në kampionatin shqiptar, pasi i shikojmë më mirë. Megjithatë, edhe kaq sa kemi jemi shumë të kënaqur. Te Partizani dhe te Laçi, futbollistët po marrin minuta dhe jemi shumë të kënaqur. Derbi im i fundit? Kur humb ndonjëherë unë?! Nuk humb asnjëherë kundër Partizanit. Sot, është hera e parë që vij në stadium si tifoz gjatë një derbi dhe shpresoj të fitojë Tirana. Do e dëshiroja me zemër një fitore të Tiranës. Sa minuta do të luaja sot? Do i kërkoja Memës të mos më ndërronte asnjë minutë (qesh).”

CILËSITË – “Atmosfera është më e bukur sot. Tani çdo gjë ka ndryshuar dhe nuk mund të themi se më përpara ka pasur me shumë cilësi. Në kohën time, kemi pasur me shumë dëshirë dhe më pasion, tashmë ka më shumë ritëm dhe më shumë cilësi, jo vetëm te derbi, por te i gjithë kampionati shqiptar.”

FESTA E GOLIT – “Nëse do të shënoja, duhet me të kthehem shumë mbrapa (qesh). Bluza e Tiranës duhet ndjerë, edhe futbollistët e sotëm duhet ta dinë sa e rëndë është kjo fanellë. Kur unë mora për herë të parë fanellën e Tiranës, nuk e besoja. Kur e vesha për herë të parë, më dolën lot nga sytë.”

PRAG NDESHJA – “Tifozeritë janë të zjarrta, por besoj se midis futbollistëve gjithçka është “FairPlay”. Marrëdhëniet mes lojtarëve janë të mira. Personalisht, duke qenë se kam qenë pjesë edhe e Partizanit, nuk kam asnjë luftë jashtë asaj sportive”.

DERBI – “Ndeshja është diçka tjetër, kur futesh në fushë është diçka tjetër, ndryshe nga kafet dhe restorantet”.

TIFOZËT – “Në fakt, nuk isha aty në momentin e tifozëve, por jam i bindur që të gjithë janë në mbështetje të Tiranës. Paqja mes dy palëve do të vijë pas fitores”,- u shpreh Daja.

NJOFTIMI I POLICISË – Në zbatim të ligjit Nr. 108/2014 “Për Policinë e Shtetit”, Ligjit Nr. 79/2017, për “Sportet” Drejtoria Vendore e Policisë Tiranë, ka hartuar planin e masave për mbarëvajtjen e sigurisë dhe rendit gjatë zhvillimit të ndeshjes “Tirana-Partizani” e cila do të zhvillohet ditën e sotme, rreth orës 18:00, në stadiumin “Selman Stërmasi”.

Masat e marra nga Policia e Tiranës konsistojnë në ambientet e jashtme të stadiumit, si dhe përgjatë rrugë kalimeve të tifozërive.

Në Policia bën me dije se në rastet e prishjes së rendit dhe qetësisë publike do të ndërhyjë në ambientet e brendshme të stadiumit për rivendosjen e rendit dhe shoqërimin e shkelësve të ligjit në ambientet e Policisë për procedim penal apo administrativ.

Do të ushtrohen kontrolle ndaj tifozëve para hyrjes në stadium për sende të kundraligjshme (si armë apo lëndë piroteknike etj), si dhe çdo tifozë duhet të jetë i pajisur me dokument identifikimi. Nuk do të lejohen të futen në stadium fëmijët nën moshën 16 vjeç, pa praninë e prindërit apo kujdestarit.

Do të ketë bllokime të disa segmenteve rrugor, si dhe bllokime të pjesshme të disa segmenteve rrugor (momenti i kalimit të tifozërive).

Segmentet Rrugorë që do të jenë të bllokuara, nga ora 16:00 deri në përfundim të aktivitet, janë:
– Rruga përballë Stadiumit “Selman Stërmasi”
– Rruga “Gjin Bue Shpata”, nga kryqëzimi me Rrugën “Emin Duraku” deri tek kryqëzimi me Rrugën “Sulejman Delvina”
– Rruga “Emin Duraku”, nga kryqëzimi me Rrugën “Gjin Bue Shpata” deri tek rruga përball Stadiumit “Selman Stërmasi”
– Njëra korsi e Rrugës “Sulejman Delvina”, nga kryqëzimi me Rrugën “Gjin Bue Shpata” deri tek kryqëzimi me Rrugën përballë Stadiumit “Selman Stërmasi”
Policia e Tiranës do të lejojë dhe marrë masa mbi grumbullimin dhe lëvizjen e tifozërive.

Segmentet Rrugorë ku do të ketë kufizime lëvizje ose bllokime, nga ora 15:30-18:00, gjatë kalimit të tifozerisë së ekipit të “Tiranës”, janë:
Nisja përballë “Teatrit të Kukullave” përgjatë rrugës “Ibrahim Rugova”, bulevardit “Gjergj Fishta”, përgjatë rrugës “Sami Frashëri”, rrugës “Pjetër Budi”, rrugës “Gjin Bue Shpata” deri tek stadiumi “Selman Stërmasi”.
Segmentet Rrugorë ku do të ketë kufizime lëvizje ose bllokime, nga ora 15:30 – 18:00, gjatë kalimit të tifozerisë së ekipit të “Partizanit”, janë:
Nisja nga kryqëzimi i Rrugës “Muhamet Gjollesha” me Rrugën “Artan Lenja”, përgjatë Rrugës “Muhamet Gjollesha”, Rruga “Sulejman Delvina”, deri tek Stadiumi “Selman Stërmasi”.
Policia garanton dhe siguron lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve jashtë intenerarit të caktuar.

Policia e Tiranës, kërkon mirëkuptimin e tifozërive respektive në zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura në oraret e caktuara.

Është votuar përmes 1136 profileve dhe 53% (602 vota) e votuesve mendojnë se Tirana do të fitojë dhe në këtë mënyrë do të rikthehet te triumfi pas plot pesë vitesh. Pjesa tjetër  mendon se të kuqtë do triumfojnë dhe do vazhdojnë rrugën drejt titullit kampion. Janë 534 vetë që kanë votuar për triumfin e skuadrës së drejtuar nga Skënder Gega.

Biletat po shiten në kohë rekord dhe kanë mbetur vetëm 1500 bileta në treg. Vazhdon me ritme të jashtëzakonshme shitja e tyre. Nga raportimet e fundit, mësohet se afro 1500 bileta në tribunat G dhe C kanë mbetur në tre.

Ndërkohë sot ka përfunduar edhe instalimi i sistemit të kamerave për monitorimin e gjithë impiantit të stadiumit, brenda dhe jashtë tij. Kompania e menaxhimit të sigurisë, BBS, do të hapë dyert e stadiumit në orës 16:00, për t’i dhënë mundësi tifozëve të akomodohen në sektorin ku kanë prerë biletën.

Megjithatë, Trashi nuk ka ngurruar të përfshihet dhe ai në derbi, duke përdorur rrjetet sociale. Në faqen e tij zyrtare në Instagram, mbrojtësi ka postuar një foto të tij me tifozerinë e kuqe nga pas, duke shkruar: “Qyteti është i kuq!”.

Blendi Nallbani, ish-futbollist i Tiranës dhe Partizanit, tregoi se kush mund të triumfojë. Në fjalën e tij, Nallbani tha: “Unë parashikoj një ndeshje shumë të fortë, si çdo derbi, si në vitet kur luaja unë. Ka ardhur ora që të fitojë Tirana, sepse ka pesë vite që nuk e bën këtë kundër Partizanit. Jam i bindur që Tirana fiton këtë herë.”

Ndërsa Ledio Pano, ish-futbollist i Partizanit, pranoi se në këtë derbi, nuk ka asnjë skuadër favorite: “Është një ndeshje që tregon fuqinë e kampionatit, është ndeshja kryesore dhe historike për të dy ekipet. Ndryshe nga herët e tjera, besoj do të jetë nga ndeshjet më të bukura. Mund të ketë gola dhe them të fitojë më i miri. Por pa diskutim që fitorja e Partizanit në çdo lloj shifre është kënaqësi më vete”.

Kompania e menaxhimit të sigurimit BBS Security dhe ajo e menaxhimit të biletarisë, të Klub Futboll Tirana, bën thirrje që tifozerinë e dy skuadrave të marrin masat e duhura për të shmangur incidentet në stadium. Sendet që nuk lejohen dhe do të ketë një kontroll të rreptë në hyrjet e stadiumit janë si më poshtë:

1. Banderola të pa miratuara nga klubi.
2. Sende të forta dhe piroteknike, si shashka, kapsolla, flakadanë etj.
3. Cadra dhe cakmakë.
4. Lazer.
5. Vuvuzela, bori apo bilbila.
6. Kamera të ndryshme apo aparatë fotografikë që mund të filmojnë ndeshjen.
7. Fëmijët e pashoqëruar dhe pa biletë.

“Janë dy ekipe që po kalojnë një formë mjaft të mirë sportive dhe shpresojmë që kjo të pasqyrohet edhe në fushë. Mendoj që do jetë një ndeshje ndryshe, ku skuadrat nuk luajnë me frikën për të mos humbur. Tirana vjen e qetë, pasi ka konsoliduar disi pozitat, ndërsa Partizani është ndjeshëm i shkëputur në krye dhe kjo i jep qetësi”, shprehet Pinari, i cili tregon kështu edhe pritshmëritë e tij për nivelin e ndeshjes.

Ai analizon Partizanin dhe mendon se mesfusha është pika më e fortë e të kuqve. “Pika më e fortë është grupi i kësaj skuadre, por Partizani ka një repart të fortë, që është mesfusha, me Telushin dhe Malën, Asanin e Bardhin, që i japin tjetër ritëm kësaj skuadre”.

Pinari flet edhe për mungesën e Trashit dhe problemet e mbrojtjes ku thotë: “Këtë ndeshje Partizani do të çalojë në dy krahët e mbrojtjes, pasi Trashi nuk do të luajë, ndërsa Ibrahimi nuk është në nivelin më të mirë të tij”.

Pinari mendon se këtë derbi e fiton Partizani, që ka më shumë “uri” për titullin: “Partizani do ta fitojë, sepse i duhet më tepër dhe sepse ka një qëllim më të madh se Tirana. Partizani pret prej vitesh titullin dhe ky duket sezoni i duhur. Për t’u shpallur kampion, duhet të fitosh edhe këtë derbi”.

Në fund, ish-qendërmbrojtësi, thekson se nuk do të ketë probleme nga tifozët: “Në derbi shumë rrallë ka pasur probleme mes tifozërive. Të dy klubet duhet të japin mesazhe, që loja do të jetë e gjitha në fushë dhe jo jashtë saj”.

PRITSHMËRITË – “Mendoj që do të prodhojë mbi të gjitha emocione. Derbi të jep një kënaqësi të veçantë. Madje edhe ata që nuk janë tifozë me këto dy ekipe, mezi e presin. Bën lajm dhe mbi të gjitha është vitrinë e futbollit shqiptar. Gjithë historia fillon me këto dy skuadra dhe shpërndahet më pas tek të tjerët”, është shprehur Dede në një intervistë të dhënë për Supersport”.

PIKA MË E FORTË – Trajneri i Shqipërisë U19 te Tirana veçon trajnerin Mema si pikën më të fortë: “Unë mendoj që trajneri Mema ka krijuar harmoni, grupi po funksionon dhe po kupton gjuhën që flet trajneri. Mbi të gjitha po i përgjigjet Memës. Kjo është arma më e fortë e Tiranës”.

PROBLEMI – Mbrojtja ka çaluar shpesh në kampion bardheblu dhe Dede nuk ngurron ta thotë diçka të tillë: “Unë dua të jem i sinqertë. Tirana ka pak probleme në mbrojtje. Nëse nuk merr gol, atëherë do të jetë e thjeshtë për Tiranën. Kjo pasi nuk ka më asnjë pikë të dobët”.

EKIPI FAVORIT – “Tirana luan edhe pa ndonjë trysni të madhe, pasi ka krijuar diferencë në luftën për mbijetesë. Ky është avantazhi më i madh. Plus që luan në shtëpinë e vet do të ketë më shumë tifozë. Derbin e fiton Tirona se është Tirona”.

DERBI PA POLICI – “Kjo është një ndeshje për të gjithë, për ta shijuar të gjithë. Të gëzojnë të gjithë dhe realisht të kuptojmë se edhe ne kemi futboll. Domethënë me këtë derbi ndjehemi të gjithë të kënaqur kur shkojmë dhe duam të jemi pjesë e saj. Nuk mendoj se do të ketë histori të tilla, të gjithë po e presin dhe sido që të jetë rezultati, të gjithë do ta shijojnë.  Pavarësisht rezultatit, të gjithë do ta shijojnë këtë sfidë”.

Rikthimi i mesfushorit në fushat e blerta është konfirmuar nga klubi i Partizanit në faqen e tyre zyrtare. Një lajm shumë i mirë ky për Gegën, pasi Hila ka qenë një nga lojtarët më të aktivizuar në formacionin e Partizanit deri para dëmtimit.

Rikthimi i tij është në kohën e duhur, pikërisht para derbit. Megjithatë, në sfidën përballë Tiranës, do të mungojë Lorenc Trashi, mbrojtësi i majtë i cili ka plotësuar numrin e kartonëve.

Ky do të jetë derbi i tretë këtë sezon dhe pritet të jetë më i ndjekuri, për shkak të formës fantastike që po kalojnë të dyja skuadrat. “Selman Stermasi” pritet të jetë i tejmbushur dhe cimet e biletave për derbin e kryeqytetit janë publikuar.

Një biletë në tribunat kryesore (A dhe B) do të kushtojë 2000 lekë (të reja), ndërsa në tribunat e tjera, çmimi do të jetë 400 lekë. Biletat kanë dalë në shitje, por fillimisht do të shiten vetëm ato për tribunat D, E, F dhe G. Ditën e mërkurë, do të ketë një njoftim të dytë për tribunat tjera. Faqja zyrtare e Tiranës në “Facebook” ka publikuar çmimet dhe informacionet që duhen të dinë tifozët.

“Ndeshja e radhës në Selmon Stermosi të premten në oren 18:00 kundër ‘mbetjeve të sistemit komunist’… Detajet e kortezhit do të dalin gjatë javës. Tirona jemi ne, Tirona osht bardh e blu”, shkruhet në postimin e Fanatics.

Tirana prej vitesh nuk po arrin të triumfojë në derbi dhe ultrasit e klubit më të titulluar në vend mezi presin që t’i gëzohen një fitoreje me Partizanin.

Pavarësisht, këtij fakti mëngjarashi nuk mundi të shmange ndëshkimin me karton të verdhë, teksa në minutën e 14-të të takimit ndaj Flamurtarit kreu një faull ndaj lojtarit Emiliano Mustës duke ndalur një kundërsulm të rrezikshëm të skuadrës vlonjate.