Depay

VIDEO | Kënga e Depai bëhet objekt talljeje, parodia më e fundit vjen nga futbollisti irlandez

Sport Ekspres — Wed, 28 Nov 2018 18:20:06 +0000

Memfis Depai çuditi të gjithë fansat e tij, teksa shpërndau në internet një këngë të rrymës “rap”. Në fakt kjo ishte hera e dytë që holandezi hidhte në treg një këngë, por në ndryshim nga e para eksperienca e dytë u bë shumë më popullore, kjo dhe për faktin se klipi muzikor u bë objekt talljeje nga shumë tifozë.

Memphis Depay with the hottest freestyle of 2018 ??

? IG/memphisdepay pic.twitter.com/ySjC1NLKY1

— ODDSbible (@ODDSbible) November 25, 2018

Ironitë në internet qenë të panumërta, por më specialja erdhi nga futbollisti irlandez Çarls Djun, i cili shpërndau një video, ku parodizonte këngën sulmuesin e Lionit. Tani mbetet për t’u parë nëse do të kemi nga Depai.

So after @Memphis laid down a quick freestyle, Motherwell defender Charles Dunne has come back to him with this… ???

? IG/c_dunne18 pic.twitter.com/RE1CJzr0x4

— ODDSbible (@ODDSbible) November 28, 2018

5 milionë fansa në Instagram, Depaj i futet muzikës ‘rap’

Sport Ekspres — Tue, 27 Nov 2018 08:20:52 +0000

Sulmuesi i Lionit, Memfis Depaj, është një personazh i çuditshëm, një “bad boy” i stilit Baloteli, gjë që ndoshta nuk e lejoi të kishte sukses në Angli, te Mançester Junajtid, edhe pse të gjithë e shohin qartë talentin e tij, nga Holanda me PSV, te Lioni në Francë, ku po shkëlqen për të tretin sezon rresht.

24-vjeçari i kombëtares holandeze është mjaft i dhënë pas rrjeteve sociale, si shumica e moshatarëve të tij, por për të festuar 5 milionë ndjekës në Instagram nuk është mjaftuar me një “Faleminderit”, sepse ka kënduar ‘rap’ për të falënderuar të gjithë.

E sigurt është që nëse lë futbollin, e ka të hapur rrugën në muzikë.

Memphis Depay with the hottest freestyle of 2018 ??

? IG/memphisdepay pic.twitter.com/ySjC1NLKY1

— ODDSbible (@ODDSbible) November 25, 2018

Mundi Sitin në Champions, Murinjo kërkon të rikthejë sulmuesin

Sport Ekspres — Fri, 21 Sep 2018 13:25:08 +0000

Të gjithë padyshim e kujtojnë transferimin e bujshëm në vitin 2015 të Memfis Depaj nga PSV Eindhoven drejt Mançester Junajtid. Luis Van Gal, trajner i Junajtid në atë kohë e kërkoi me ngul në ekip bashkëkombësin e tij dhe shpenzoi jo pak, por 25 milionë paundë.

Ecuria e holandezit në “Old Traford” nuk ishte ajo që pritej dhe në vitin 2017 u detyrua të largohej te Olimpik Lion. 16 milionë paundë shpenzuan francezët për ta marrë nga Junajtid numrin 11 të tyre. Pas një sezoni mjaft pozitiv te Lion, Depaj këtë sezon vijon përsëri të bëjë mirë me francezët. Fitore befasuese ndaj Mançester Sitit para pak ditësh në “Etihad Stadium” 1-2, ka bërë që për Memfis të rikthehet vëmendja e ekipeve angleze.

Pikërisht nga ish-ekipi i tij, Mançester Junajtid, të cilët po lëshojnë sinjale se po mendojnë për një ribashkim me holandezin 24-vjeçar. Ka qenë trajneri i “djajve të kuq”, Zhose Murinjo, i cili ka thënë se do ta mirëpristë një rikthim të Depaj.

“Depaj kaloi një sezon e gjysmë tek Junajtid dhe pavarësisht se u largua ai është një lojtar me moshë të re. Ai është një lojtar mjaft i mirë. Shpresoj që të vazhdojë të bëjë mirë në Lion, dhe përse jo të rikthehet përsëri tek ne, pasi të gjithë këtu e pëlqenin”.

Mançester ka një klauzolë në kontratën e shitjes së Depaj tek Lion, ku thuhet se Junajtid mund të rikthejë përsëri holandezin në “teatrin e ëndrrave”.

Natë ferri për sulmuesin holandez, hajdutët i grabisin 1.5 milionë euro

Sport Ekspres — Sat, 01 Sep 2018 16:35:31 +0000

Dita e djeshme ka qenë e mbushur me probleme për sulmuesin holandez të Lionit, Memfis Depai. Ish-sulmuesi i Mançester Junajtid është shokuar kur ka parë se shtëpia e tij në qendër të qytetit ishte grabitur, gjatë kohës që ky i fundit po luante në takimin Lion-Nicë, të zhvilluar të premten në orarin e darkës.

Grabitjet e shtëpive të futbollistëve nuk janë asgjë e re, por ky rast është i veçantë, pasi shuma e parave “cash” që kanë marrë grabitësit është marramendëse. Plot 1,5 milionë euro ka humbur 24-vjeçar nga grabitje e djeshme.

Një shifër kjo që përkon me gjysmën e rrogës vjetore të futbollistit holandez. Policia franceze është çuditur me shifrën e madhe të raportuar nga holandezi dhe lajmi ka bërë bujë. Ndoshta kjo fatkeqësi do t’i shërbejë 24-vjeçarit për të përdorur pak shumë depozitat bankare.