Zoti ua dëgjon lutjet, Cungu dhe Kukësi buzëqeshin

Sport Ekspres — Wed, 06 Mar 2019 20:08:06 +0000

Kukësi ka qenë një nga skuadrat që ka vuajtur më shumë nga dëmtimet këtë sezon dhe Cungu shpeshherë ka pasur të bëjë me zgjedhje të vështira. Aktualisht, të dëmtuar te verilindorët janë Cuculi, Kordeiro dhe Rrumbullaku, por dhe dy sulmuesit, Shkurtaj dhe Rexhinaldo nuk kanë qenë në 100%, për shkak të disa frakturave të vogla.

Shoqata Bashkimi i Arbitrave komunikoi publikisht pak minuta më parë bojkotimin e kampionatit, pas sulmeve kundrejt Hamitit. Kjo shtyrje e Superiores është diçka shumë e mirë për Kukësin dhe Cungun, që mund të rikuperojë disa lojtarë.

Nuk dihet ende se për sa kohë futbolli shqiptar do të jetë pushim, por çdo ditë është në favor të verilindorëve, që po presin me padurim rikthimet e Kordeiros, Rrumbullakut e Cuculit.

“Mallkimi” i dëmtimeve te Arsenali prek edhe shqiptarët

Sport Ekspres — Mon, 04 Feb 2019 20:21:23 +0000

Shkodran Mustafi dhe Granit Xhaka janë dy shqiptarët që luajnë për skuadrën e Arsenalit në Premier Ligë. Dihet tashmë se “Topçinjtë” janë një prej skuadrave që vuajnë me shumë nga dëmtimet dhe as Xhaka e Mustafi nuk i kanë shpëtuar.

Xhaka u dëmtua në sfidën përballë Mançester Junajtid dhe nuk është aktivizuar as në ndeshjen kundër Kardifit, as në sfidën e djeshme përballë Mançester Sitit. Kundër “Qytetarëve”, u aktivizua shqiptari tejtër Mustafi, por dhe ky u dëmtua në minutën e 79’.

Pas ndeshjes, trajneri i Arsenalit, Emeri tha se Mustafi është dëmtuar dhe nuk dihet ende sa do të mungojë. Pas emrave si Holding, Mikitarian, Belerin, Uellbek, tashmë në listën e dëmtimeve janë edhe Xhaka e Mustafi. Gjithsesi, dyshja shqiptare pritet të rikthehet shumë shpejt në fushë, pasi dëmtimet e tyre nuk janë shumë serioze.

demtimet

Zoti ua dëgjon lutjet, Cungu dhe Kukësi buzëqeshin

“Mallkimi” i dëmtimeve te Arsenali prek edhe shqiptarët