dëmtim

Inter i “gjymtuar” ndaj Frozinones, e pëson një tjetër lojtar

Sport Ekspres — Thu, 22 Nov 2018 15:15:54 +0000

Interi do të presë të shtunën në “San Siro” Frozinonen e vendit të parafundit. Fitorja është detyrim për zikaltrit, por kjo ndeshje vjen me disa problematika për trajnerin Spaleti, i cili s’do të ketë të gatshëm të paktën tre lojtarë për takimin e fundjavës.

Dy mbrojtësit e krahut Vërsajlko dhe Dalbert kanë pësuar dëmtime në muskuj dhe s’do të jenë në dispozicion të trajnerit toskan. Mungesa e tretë për zikaltrit do të jetë mesfushori kroat Marcelo Brozoviç, i cili plotësoi numrin e kartonëve të verdhë gjatë takimit të fundit ndaj Atalantës.

Mbas ndeshjes së të shtunës, Interi do të bëhet gati për transfertën e “ferrit” në Londër ndaj Totenhemit, takim që do të zhvillohet ditën e mërkurë. Një barazim në “Wembley” do t’a bënte kualifikimin në fazën tjetër të Champions-it një mision thuajse të kryer.

Krizë dëmtimesh edhe te Juventusi, një tjetër mesfushor shkon në infermieri

Sport Ekspres — Sat, 17 Nov 2018 20:39:38 +0000

Dëmtimet në repartin e mesfushës janë bërë një makth i vërtetë për trajnerin e Juventusit, Masimiliano Alegri. Gjermani Emre Çan do i duhen disa javë për të marrë vendin nga operacioni në tiroide, ndërsa Pjaniç pësoi një dëmtim muskulor në grumbullimin me Bosnjën, por ka dhe një dëmtim të tretë.

Bëhet fjalë për Sami Kedirën. Mesfushori 31-vjeçar ka dëmtuar kyçin e këmbës në seancën stërvitore të ditës sotme. Lajmi është bërë i ditur nga klubi me anë të një komunikate, ku bëhet e ditur se gjermani do t’i nënshtrohet analizave të detajuara mjekësore për të zbuluar shkallën e vërtetë të dëmtimit.

Të shtunën e ardhshme Juventus do të presë SPAL-in në Torino dhe me shumë gjasa Alegrit do ketë të gatshëm për repartin e mesfushës vetëm francezin Blez Matuidi dhe uruguaianin Rodrigo Bentakur.

VIDEO / Dëmtimi horror, karriera e Uellbek në “fije të perit”

Sport Ekspres — Fri, 09 Nov 2018 15:56:33 +0000

Deni Uellbek po mban në ankth të gjithë tifozët e Arsenalit, pas dëmtimit që sulmuesi i “topçinjve” pësoi në takimin e djeshëm ndaj Sportingut të Lisbonës. Një rënie normale në tapetin e fushës ka rezultuar shumë e pafat për 27-vjeçarin, i cili ishte duke kaluar një moment të mirë gjatë javëve të fundit.

Sipas mjekut anglez Xhoni Uilson, futbollisti i Arsenalit rrezikon të mos luajnë më futboll, pasi dëmtimet në kyçet e këmbës janë ndër më të rrezikshmet. Uilson i frikësohet faktit se përveç një frakture të kockave të kyçit, Uellbek mund të ketë pësuar dhe një këputje të tendinës së Akilit.

https://www.youtube.com/watch?v=4943US0yBjs

Gjithsesi edhe nëse sulmuesi shmang këtë skenar të zi, është e sigurt që ai do të mungojë gjatë. Ish-kolegu i Uellbek, Santi Kazorla pësoi një dëmtim të ngjashëm në tetor të 2016-ës që e la për më shumë se një vit e gjysmë jashtë fushave të blerta.

Foto | Pavard ia hedh paq, plagë të frikshme pas kontaktit në qafë

Sport Ekspres — Thu, 06 Sep 2018 19:50:33 +0000

Ndeshja Gjermani-Francë nuk pati një nisje ideale. Shkak për këtë u bë një kontakt midis mbrojtësve Benxhamin Pavard dhe Antonio Rudiger. Viktima ishte francezi, i cili në përpjekje për të larguar një top të rrezikshëm kapi kontakt me takën e kundërshtarit në zonën e qafës.

Fatmirësisht për 22-vjeçarin, gërvishtjet nuk shkaktuan çarje të venave të qafës, çka mund të kishte rezultuar fatale. Pas kontrollit nga mjekët, Pavard iu rikthye përsëri fushës së lojës.

Dëmtimi i mesfushorit, te Kastrioti janë ende në pritje

Sport Ekspres — Mon, 03 Sep 2018 15:12:32 +0000

Juljan Shehu pësoi një dëmtim në shpatull në takimin e javës së tretë që skuadra e tij pati me Partizanin. Mesfushori u detyra që të linte fushën e lojës në fillimin e pjesës së dytë, për të marrë një mjekim më të specializuar jashtë fushës së lojës, por duket se përplasja kishte qenë më e fortë dhe lojtari u nis menjëherë drejt spitalit të Tiranës, për analiza të specializuara.

Tek Kastrioti janë të gjithë sy e veshë për të mësuar më shumë rreth gjendjes së lojtarit të tyre, pasi Shehu shihet si një element kyç në formacionin e teknikut Elvis Plori.

Kastrioti nuk mund të thuhet se ka bërë një nisje aq të mirë kampionatit, pasi pas javës së tretë ka vetëm 1 pikë në klasifikim. Krutanët arritën që të fitonin në javën e parë në transfertën gjirokastrite, por më pas u mundën në shtëpi nga Skënderbeu dhe së fundmi në transfertë nga Partizani.

Jo gjithçka “shkon vaj” te Barcelona, mesfushori këput ligamentet

Sport Ekspres — Mon, 03 Sep 2018 14:42:26 +0000

Barcelona e ka nisur në mënyrë të shkëlqyer këtë edicion të La Ligas me tre fitore në tre ndeshjet e para. Por, për trajnerin Ernesto Valverde ka dhe lajme të këqija. Në një komunikatë për shtyp klubi katalanas ka konfirmuar se lojtari brazilian Malkom ka pësuar një dëmtim në ligament e kyçit të këmbës.

Mesfushori 21-vjeçar u dëmtua gjatë seancës stërvitore të djeshme dhe analizat e detajuara mjekësore kanë treguar se mesfushori ka pësuar një dëmtim ligamenti që do ta mbajë të paktën dy javë larg stërvitjes. Fatmirësisht për brazilianin, tani fillon dhe pushimi i ndeshjeve kombëtare dhe ka shumë gjasa që ai ta marrë veten në kohë ndeshjet e ardhshme të La Ligës dhe Champions-it.

? [MEDICAL REPORT] Malcom has a sprained right ankle.
More details ? https://t.co/LRFdyef2DX
?? #ForçaBarça pic.twitter.com/LzI2Lw89wB

— FC Barcelona (@FCBarcelona) September 3, 2018

Video | Roshi nuk është njerëzor, ecën vetëm 24 orë pas operacionit në gju

Sport Ekspres — Tue, 28 Aug 2018 17:28:52 +0000

Dëmtimi në gju erdhi si rrufe në qiell të hapur. Në momentin kur ishte protagonist te Akhmat Grozni në Premier Ligën ruse dhe vetëm pak ditë përpara startit të Ligës së Kombeve.

Megjithatë Odise Roshi dha një konfirmim se forca dhe vullneti nuk i mungojnë. Vetëm pak orë pas operacionit, pas këputjes së ligamentit në gjurin e djathtë, “raketa” është ngritur në këmbë.

Jo vetëm kaq, por Roshi ecën vetë, madje zbret edhe shkallët në Vilën Stuart, klinikës në Itali ku i’u nënshtrua ndërhyrjes kirurgjikale. Imazhet, mesfushori ofensiv i publikoi në adresën zyrtare në Instagram.

Një video, me të cilën i befasoi të gjithë për periudhën e shpejtë që u ngrit në këmbë. Ajo shoqërohej me një fotografi të operacionit në gju, ku përmasat e qepjes janë nga ato që të bëjnë përshtypje.

Gjithçka për të treguar se Odise Roshi nuk është njerëzor. Një tentativë për të djegur etapat e rikuperimit dhe për t’u kthyer shumë shpejt protagonist.

Dita e dyte ?

A post shared by RoshiOdise (@roshiodise) on Aug 28, 2018 at 9:12am PDT

Video | Dëmtim horror në La Liga, mbrojtësi i Seviljes nxjerr krahun

Sport Ekspres — Sun, 26 Aug 2018 23:03:08 +0000

Ishte vetëm një dyluftim ajror si ato që ndodhin me dhjetra herë në çdo ndeshje futbolli. Por, mbrojtësi i majtë i Seviljes, Serxho Eskudero, patin fatin e keq të binte në mënyrën më të keqe të mundshme.

Gjatë rënies e gjithë pesha e 28-vjeçarit u peshua në krahun e tij, që më pas pësoi një frakturë. Situata u rëndua më shumë, pasi fillimishtasnjë prej lojtarëve në fushë nuk i kori seriozisht britmat e agonisë së spanjollit. Eskuderos do i nevojitet ndërhyrje kirurgjikale dhe koha minimale e rikuperimit është 4 muaj.