demiral

Fiorentina e Milani e duan, agjenti i Demiral flet hapur

Sport Ekspres — Sat, 27 Jul 2019 17:50:10 +0000

Agjenti i Merih Demiral ka folur sot për mediat italiane, ku foli me bindje të plotë se klienti i tij do të qëndrojë te Juventusi. Flitej se Demiral do të huazohej këtë sezon, por agjenti i ka thënë fund të gjitha thashethemeve.

“Demiral në Fierence? Jo, në asnjë mënyrë. Merih është i lumtur te Juventusi dhe asnjë nga drejtuesit e klubit nuk dëshiron ta largojë. Ka pasur disa kërkesa për të nga Milani dhe Fiorentina, por besimi që i kanë dhënë drejtuesit e Juventusit ka bërë që ne të vendosim për të qëndruar”.

Demiral u transferua nga Sporting Lisbona te Sasuolo si i huazuar me të drejtë blerje sezonin e shkuar dhe bëri një vit të shkëlqyer në Serie A. Sasuolo bleu kartonin e plotë të tij para një muaji, para se ta shiste te Juventusi disa javë më parë.

Demiral me fanellen e Sasuolos sezonin e shkuar

Milan troket te Juventusi, synohet huazimi i mbrojtësit

Sport Ekspres — Tue, 16 Jul 2019 13:42:08 +0000

Qendërmbrojtësi turk Merih Demiral u zyrtarizua pak ditë më parë si lojtari më i ri i Juventusit. Kampionët e Italisë paguan 18 milionë euro për të bërë të tyrin të riun turk, i cili ka nënshkruar një kontratë 5-vjeçare.

Megjithëse, 21-vjeçari sa ka mbërritur te Juventusi, në Itali kanë filluar të qarkullojnë lajme që flasin për një mundësi huazimi të Demiral te skuadra e Milanit. Hapsirat për turkun te Juve nuk janë të shumta. Kielini, Bonuçi, Rugani dhe së shpejti De Ligt, janë konkurrenca e frikshme të cilët do të duhet që Demiral të luftojë për minuta.

“RAI Sport” raporton se për të bërë të mundur këtë dëshirë të Juventusit, duhet dhe leja e Sasuolos, e cila ka vendosur një klauzolë specifike në rast huazimi të lojtarit. Aktualisht në skuadrën e Milanit ndodhen vetëm 3 qendërmbrojtës: Romanjoli, Kaldara, Musakio.

Zyrtare | Juve përforcon mbrojtjen, firmos zbulimi i Serie A

Sport Ekspres — Fri, 05 Jul 2019 18:05:52 +0000

Mirah Demiral është zyrtarisht lojtar i Juventusit. Kampionët e Italisë kanë arritur marrëveshjen me klubin e Sasuolos për të blerë shërbimet e turkut me një transaksion prej 18 milionë eurosh, që do paguhen në harkun e katër viteve.

Mirah do të firmosë kontratë 5-vjeçare, që e mban të lidhur me bardhezinjtë deri në vitin 2024. Lajmi është bërë i ditur nga vetë klubi torinez, nëpërmjet profileve zyrtare të skuadrës në rrjetet sociale.

21-vjeçari ishtë një dëshirë e vjetër e “Zonjës”. Edhe pse i ri, ballkanasi ka treguar shumë pjekuri në lojën e tij. Me ardhjen në Torino, ai pritet të marrë një peshë jo të vogël, duke parë moshën e lartë mesatare të mbrojtjes së Juves.

UFFICIALE | Merih Demiral è bianconero! ???? https://t.co/yOHn7Qr7Zr #WelcomeMerih #LiveAhead pic.twitter.com/LOSTkHrUk8

— JuventusFC (@juventusfc) July 5, 2019

Juve realizon blerjen e parë, turku vjen në Torino për 15 milionë euro!

Sport Ekspres — Thu, 23 May 2019 12:39:58 +0000

Çështja kryesore në ambientet e Juventusit momentalisht është se kush do të jetë trajneri i ri, por kjo nuk do të thotë se drejtuesit bardhezinj kanë lënë pas dore merkaton, pasi diçka e tillë nuk ka ndodhur.

Këtë gjë e konfirmon “Gazzeta dello Sport”, e cila raporton se “Zonja e vjetër” ka nënshkruar me mbrojtësin Mirah Demiral, i cili është aktivizuar pjesën e dytë të sezonit te Sasuolo, duke qenë një titullar i padiskutueshëm.

Sasuolo e bleu për 7 milionë euro nga Alaniaspor, ndërsa tashmë do ta shesë në Torino për 15 milionë euro. Sipas mediave, lojtari turk ka nënshkruar një kontratë 5-vjeçare me klubin bardhezi, teksa pritet vetëm zyrtarizimi tashmë.