Të gjithë këtë e mohon vetë trajneri në një intervistë për mediet franceze. Ai ka deklaruar se nuk Dembele nuk është në planet e klubit. Ka prekur dhe çështjen e Nejmar të cilin nuk zgjodhi ta grumbullonte për ndeshjen e parë miqësore. Për brazilianinm Tuhel është shprehur se do të bashkohet me klubin në stërvitjen e së hënës.

Katalanasit i kanë ofruar parisienëve kartonët e Usman Dembele dhe Filipe Kutinjos. Krahas dy futbollistëve, Barcelona është e gatshme të shtojë dhe 40 milionë euro në një këst të vetëm.

Largimi i Nejmar ka filluar të jetë temë diskutimi edhe nga kompanitë e basteve të cilat janë të mendimit që 27-vjeçari do të mbetet lojtari i PSG-së në fund të merkatos së verës.

Drejtuesit katalanas insistojnë në nxjerrjen e yllit të tyre nga merkatoja. Dembele është një nga lojtarët më të talentuar të ekipit dhe nuk mendohet aspak shitja e tij. As ardhja e Nejmar dhe Grizman nuk pritet ta ulë rëndësinë e tij në skuadër. Shifra e vetme që Barça do hiqte dorë prej 21-vjeçarit është 400 milionë euro, sa klauzola e firmosur në kontratë.

Dembele u bashkua me Lionin vetëm verën e shkuar, për 19.7 milionë paundë. 22-vjeçari është aktualisht i grumbulluar me France U21 në Kampionatin Europian dhe shënoi në fitoren 1-0 kundër Kroacisë të premten në mbrëmje.

Dhe pas ndeshjes, Dembele u pyet për të ardhmen e tij, duke parë interesimin e madh nga Premier League: “Kam ende 4 vjet në kontratën time, kështu që do të jem në Lion sezonin e ardhshëm”, tha Dembele.

Lioni siguroi shërbimet e bomberit francez për vetëm 20 milionë euro, para që u arkëtuan te skuadra e Selltikut. Tashmë, Dembele vlerësohet më shumë se 60 milionë euro dhe shumë skuadra synojnë të firmosin me talentin 22-vjeçar.

Për firmën e Dembele, është e interesuar dhe skuadra e Arsenalit, por “Topçinjtë” nuk janë ende aktivë në merkato, pasi po presin fillimisht finalen e “Europa League”, ndërsa Mançester Junajtid ka nisur bisedimet me klubin francez. Oferta e parë e “Djajve të Kuq”, mësohet të ketë qenë rreth 50 milionë euro.

Dembele ishte në stol, u aktivizua në minutën e 75’ dhe vetëm 10 minuta më vonë, gjeti dhe golin, duke shkuar në kuotën e 19 golave këtë sezon dhe në 14 gola në Ligue 1. Ish-futbollisti i Francë U-21 është objektiv i dy skuadrave angleze, që e duan me çdo kusht.

22-vjeçari po bën një sezon shumë të mirë me Lionin, por dhe me Selltikun para se të transferohej në Francë, ka bërë paraqitje të shkëlqyera, duke shënuar 51 gola në më pak se 100 ndeshje për skuadrën skoceze. Një talent që premton shumë dhe dy gjigantët anglezë duket se do të luftojnë deri në fund për firmën e tij.

Nuk është hera e parë që Bartomeu i ngre në piedestal lojtarët e rinj te Barcelona, pasi këtë gjë e ka bërë shpeshherë që nga koha kur ka marrë drejtimin e klubit. Është folur shpeshherë për një rikthim të Nejmarit te Barcelona, por fjalët e sotme të presidentit katalanas e mohojnë kategorikisht një rikthim të yllit brzilian.

Për më tepër, sulmuesi i PSG-së ka marrë dhe një mesazh aspak të mirë nga ish-presidenti i tij, çka e largon edhe më shumë dyshen nga njëri-tjetri. Tashmë, Dembelesë nuk i mbetet gjë tjetër veçse të luajë sa më mirë, në mënyrë që besimi i presidentit të mos bie në vesh të shurdhër.

Në një intervistë për “TVE”, presidenti i Barcelonës, Zhozep Maria Bartomeu, ka shpjeguar se si qëndron e vërteta e këtij e bisedimeve të rinovimit. Në intervistë numri një i Barcelonës ka folur dhe mbi statusin e lojtarëve si Kutinjo dhe Dembele.

MESI – “Mesi nuk do të largohej edhe sikur ta kishte klauzolën e largimit 1 euro. Ai është Barcelona. Rinovimi i Mesit do të ndodhë që në ditën e parë që ne do të ulemi në tryezën e bisedimeve. Ai ka jetuar në Barcelonë për pjesën më të madhe të jetës së tij. Gjithmonë do të jetë i lidhur me Barcelonën”.

NEJMAR, KUTINJO DHE DEMBELE – “Me paratë që morëm nga shitja e Nejmarit filluam një projekt të ri me Kutinjon dhe Dembelenë. Ky i fundit tani po tregon një nivel më të lartë se Nejmar, ndërsa Kutinjo po përshtatet. S’duhet të harrojmë që nuk është e lehtë të luash për Barcelonën”, tha Bartomeu.

Trajneri Valverde në konferencën para ndeshjes u shpreh se do ta ndjekë me kujdes situatën e tij. Ai shtoi se nuk do të rrezikojë ta aktivizojë lojtarin pa qenë 100%, pavarësisht se janë dy ndeshje delikate.

“Ai nuk do të luajë kundër Atletikos dhe nuk e di çfarë do të ndodhë ndaj Mançester Junajtid. Ne nuk duam ta rrezikojmë atë nesër apo të mërkurën sepse na presin ndeshje të vështira më pas. Ndaj Atletikos është e sigurt se nuk do të jetë.

Dembele është kthyer në një pikë kyç për blaugranat, ku ka arritur të përshtatet pas problemeve të hasura në fillim. Francezi regjistron 13 gola dhe 5 asiste për katalanasit këtë sezon. Megjithatë ka treguar një brishtësi fizike, ku ka pasur dy ndalesa për shkak dëmtimesh në këtë sezon.

Vitet kanë kaluar, por Dembele, i cili tashmë është 16 vjeç e tregon ndeshje pas ndeshje se është një talent i rrallë dhe në muaj në vazhdim nuk do të jetë çudi kur ta shohim të debutojë me ekipin e parë të kampionëve të Skocisë.

Në ndeshjen e zhvilluar ditën e djeshme kundër rezerva të St. Mirren, Dembele shkëlqeu duke dhënë dy asiste për skuadrën e tij. Vetëm 160 centimetra i gjatë, por atë që i mungon në gjatësi e zëvendëson me shpejtësi dhe teknikën e lartë në driblim.

Anësori francez, duket se ka pësuar një tjetër dëmtim në ato pak minuta që u aktivizua dhe do të mungojë për të paktën 3 javë. Periudha e rikuperimit mund të shkojë deri në një muaj dhe Dembele rrezikon gjithashtu pjesëmarrjen në çerekfinale.

? INJURY NEWS | Ousmane Dembélé has a tear in his left hamstring. See how long he’ll be out ? https://t.co/vz4GblCRZW pic.twitter.com/nfF42NQok1

— FC Barcelona (@FCBarcelona) March 14, 2019

Trajneri Valverde hodhi në fushë një formacion me rotacione të shumta, ku më së shumti binte në sy mungesa e Mesit. Gjithsesi, katalanasit gjetën golin të parët me francezin Dembele, i cili vazhdon serinë e paraqitjeve të mira.

Leganes befason gjatë fillimit të pjesës së dytë me danezin Braithueit, i cili çon shifrat në 1 – 1. Valverde vepron dhe fund të fushë Mesin. “Pleshti” është vendimtar në golin e dytë të Barcelonës, pasi një goditje e tij nga distanca, nuk pastrohet siç duhet nga portieri i kundërshtarëve dhe më pas Suarez, i vëmendshëm si përherë, e ka fare të thjeshtë të shtyjë topin.

Gjithsesi, Mesi nuk kishte si të mos e gjente dhe ai vetë golin. Pas një kombinimi me Zhordi Albën, argjentinasi tregon se është i rrezikshëm dhe me këmbën e dobët dhe çon rezultatin në 3 – 1.

NEJMAR – “Ne nuk flasim për lojtarë të skuadrave të tjera. E respektojmë PSG-në. Kemi një skuadër të mirë me lojtarë të mëdhenj dhe po përpiqemi të fitojmë gjithçka. Kemi gjithashtu lojtarin më të mirë në botë, Leo Mesin, kështu që e kemi të sigurt se do luajmë futboll të bukur për shumë vite të tjera”.

DEMBELE – “Ai ka ka ardhur në një klub gjigant. E ka ditur shumë mirë që s’do ta kishte të lehtë në fillim dhe s’do ta ketë të lehtë as tani. Nuk ka zgjidhje tjetër përveç se të punojë fort, çka po e bën së fundmi. Trajneri beson tek ai, ashtu si dhe lojtarët. Mund të them se potenciali dhe talenti i tij është i pabesueshëm. Barcelona do ta çojë atë drejt një rruge të vetme: suksesit”.

“Jemi të motivuar. Duam tripletën dhe për këtë mua më duhet të punoj që të sjell lojtarët më të mirë në qarkullim. Valverde? Nuk kemi asnjë dyshim se Valverde do të jetë trajneri i Barcelonës edhe sezonin e ardhshëm. Kemi shumë besim tek ai dhe do të bisedojmë kur të vijë koha e duhur”, përfundoi Bartomeu.

Barcelona bëhet klubi i parë në histori që fatura e rrogave e kalon shifrën e 500 milionë eurove në vit. Ardhja në klub e blerjeve të reja si Filipe Kutinjo dhe Usman Dembele ka sjellë një rritje prej 42% nga viti i kaluar.

Kur përmendim shifra kaq të mëdha, s’mund të harrojmë as Lionel Mesi, i cili është lojtari më i paguar në planet. Sipas dokumenteve sekrete të zbuluara nga “Football Leaks” në vitin 2017, “pleshti” përfiton 105 milionë euro në sezon. Një shumë marramendëse kjo, që e veçon dhe nga Kristiano Ronaldo, i cili përfiton 70 milionë euro në sezon nga kontrata e tij e re me Juventusin.

Paraqitjet e lojtarit me fanellën e PSG-së dhe Botërorin “Rusi 2018”, ku ishte një ndër protagonistët e rrugëtimit të Francës drejt titullit kampion, nuk kishin se si të shtoni vlerën e kartonit të lojtarit. Sipas sajtit të njohur “trasnfermarkt”, Mbape është lojtari më i shtrenjtë në planet me një vlerë prej 200 milionë eurosh.

Një tjetër e dhënë interesante që mund të nxjerrim nga lista e përditësuar e “transfermarkt” është se në arenën e futbollit europian nuk ka asnjë lojtar të moshës së Mbapesë, që ka një sukses të ngjashëm. Për të gjetur një lojtar me moshë dhe vlerë të përafërt duhet shkojmë “shfletojmë” disa faqe e të shkojmë deri në vendin e 36-të, që mbahet nga sulmuesi anglez Xhejdon Sanço, që ka qenë një ndër zbulimet e këtij viti në Bundesligë.

Ndërkohë pak vite më të mëdhenj se Mbape janë Markus Rashford dhe Usman Dembele. Koha do ta tregojë nëse ndonjë prej këtyre lojtarëve do të jetë i aftë t’i bëjë konkurrencë francezit, i cili për momentin duket i destinuar për të prekur majat.

Por, lojtari ka qenë në qendër të vëmendjes gjatë gjithë javës, pasi duket se adoleshenca nuk i ka kaluar ende. 21-vjeçari ka probleme me gjumin, aq sa në një prej seancave stërvitore u shfaq jo pak por 30 minuta me vonesë. Sulme të shumta ndaj tij, pasi flasim për një lojtar i cili luan në nivele të larat dhe nuk janë aspak të hijshme sjellje të tij.

Gjithsesi, goli i realizuar prej tij ishte më tepër se fantastik, duke dëshmuar se ai është një talent edhe pse ka disa kapriço apo sjellje që nuk i takojnë një profesionist. Gjobës nuk i ka shpëtuar as prej golit të shënuar, por mbi të gjitha ai u mbylli gojën skeptikëve të cilët e kishin vënë në pikëpyetje nëse ai ishte i denjët për një ekip si Barça.

https://twitter.com/zbikdawid/status/1072594843224952835

Dembele u vonua më shumë se dy orë dhe kreu i vetëm ushtrimet përkatëse. Lajmi shkaktoi shumë bujë në mediet spanjolle dhe disa gazeta përhapën lajmin se sulmuesi do të pezullohej për të paktën dy javë nga stërvitja me ekipin e parë.

Por, mesa duket Dembele e ka kuptuar gabimin dhe nuk është dashur të përdorën masa disiplinore. Në stërvitjen e sotme, Dembele ishte pranishëm në qendrën stërvitore plot 50 minuta para orarit zyrtar. Të shohim nëse do ta mbajë këtë ritëm.

Në stërvitjen e ditës së sotme, Dembele është paraqitur dy orë me vonesë dhe është detyruar që të kryejë i vetëm ushtrimet e caktuara. Duke qenë se kjo sjellje është e përsëritur, nuk ka se si të mos ketë një dënim shembullor.

Sipas medieve katalanase, klubi ka vendosur që ta gjobisë lojtarin me 7% të rrogës mujore dhe një pezullim prej të paktën dy javësh nga grumbullimet e skuadrës. Ditën e nesërme, pritet që trajneri Ernesto Valverde të sqarojë situatën me lojtarin në daljen për shtyp për ndeshjen ndaj Interit.

Bëhet fjalë për një lojtar që ka kushtuar mbi 100 milionë euro, ndaj Barça nuk e braktis dot dhe tashmë ka vendosur t’i caktojë një roje, që është Arturo Vidal.

Kiliani është futbollist me eksperiencë të madhe, ka pasur edhe ai probleme në të shkuarën në klubet ku ka luajtur dhe e di mirë si funksionon kur je i ri, i talentuar dhe milioner.

Te Barcelona Vidal respektohet nga gjithë shokët e ekipit, pasi është një person i qetë, por me karakter të fortë dhe nuk krijon probleme në skuadër.

Spanjollja “Sport” shkruan se tashmë Vidal do të jetë për detyrë të kujdeset për Dembele, duke e këshilluar dhe duke qenë në një farë mënyre roja e tij personale, për ta mbajtur nën kontroll.

Nëse ia del, Vidal do të justifikojë plotësisht pagën e tij të rëndësishme, edhe nëse nuk luan rregullisht.

Pjesa e parë u karakterizua me një lojë pasive nga të dyja skuadrat. Barcelona ishte e kënaqur me mbajtjen e topit, ndërsa Atletiko ishte e tëra e vendosur mbrapa duke pritur të shfrytëzonte ndonjë gabim të katalanasve.

Takimi u zhbllokua në minutën e 77-të, teksa Diego Kosta u gjend i pamarkuar gjatë një goditje këndi. Valverde vepron dhe fut francezin Dembele, i cili ia shpërblen besimin, duke shfrytëzuar më së miri pasimin e përhershmit Lionel Mesi.

Gjithsesi, Dortmund mund të përfitojë edhe 35 milionë paundë të tjera nëse Barça vendos që ta largojë 21-vjeçarin. Gjithçka është e parashikuar në kontratë, ku thuhet se nëse lojtari lë kampionët e Spanjës para fundit të kontratës, atëherë skuadra e tij e mëparshme do të marrë edhe një shumë tjetër të konsiderueshme.

Barcelona duhet t’i bëjë mirë llogaritë, pasi nëse do ta shesë lojtarin në fjalë duhet që të llogarisë edhe shifrën që do ikte nga arka e tyre. Dortmundi shpreson që Braça të heqë dorë nga shërbimet e ish-lojtarit të tyre, pasi në total kryesuesit e Bundesligës do të përfitonin plot 145 milionë euro, pa pritur që sulmuesi të arrijë objektivat e vendosur në kontratë.

I fundit që ka dhënë një koment në lidhje me këtë situatë të Dembelesë, ka qenë kolegu i tij Luis Suarez. Në daljen për shtyp të takimit miqësor midis Uruguait dhe Francës, “bomberi” i katalanasve dha disa këshilla për kundërshtarin e tij të nesërme.

“Mendoj se të qenit një futbollit është një privilegj. Mendoj se ai (Dembele) duhet të fokusohet më shumë te futbolli dhe të marrë shembull nga profesionsitët e rrallë që janë të shumtë në klubin e Barcelonës”, tha Suarez.

Francezi nuk po jep atë që pritet prej tij dhe përveç kësaj, sjellja e tij nuk është aspak ajo e pritura prej tij.

Një karakter aspak i qetë, sjellje të çuditshme dhe mungesë respekti për ekipin dhe trajnerin, këto janë akuzat që ngrenë mediat spanjolle ndaj ish-sulmuesit të Dortmundit, ndërkohë që Barcelona nuk reagon, sinjal se ato që shkruhen nuk janë të ekzagjeruara.

Për të sqaruar disa gjëra, Barcelona ka takuar të hënën agjentin e Dembelesë, Musa Sisoko, për të diskutuar për këtë situatë.

Vonesat në stërvitje, apo ajo që ndodhi javën e shkuar, kur Dembele ishte i sëmurë dhe për një orë e gjysmë askush në klub nuk e kontaktonte dot, kanë krijuar jo pak shqetësim.

Agjenti i tij është munduar të minimizojë gjithçka, duke e quajtur sjellje normale për një lojtar mjaft të ri dhe ende të papjekur, por në Barcelonë nuk do të presin gjatë.

Edhe dje ai kishte një përplasje me Arturo Vidal dhe sot ka ardhur dhe masa nga trajneri Valverde, i cili i ka dhënë një mësim duke e lënë jashtë listës për ndeshjen e ardhshme, edhe sulmuesi ka bërë mirë në ndeshjet e fundit.

Lajmi i mirë është se Leo Mesi do të jetë i gatshëm të japë kontributin e tij për ndeshjen e radhës pas 21 ditësh. “Pleshti” e ka lënë pas dëmtimin që pësoi në krah dhe tashmë është në 100% e tij. Rikthehet dhe Umtitit, i cili po ashtu është rikuperuar plotësisht. Gjithsesi vëmendja është te Dembele, pasi nuk dihet se si do të degradojë situata, apo do të mbyllet gjithçka pas kësaj sfide.

[? SQUAD LIST]
? #BarçaBetis
?? #ForçaBarça pic.twitter.com/2h4rxi2ZNx

— FC Barcelona (@FCBarcelona) November 10, 2018

Një studim i sajtit të njohur “transfermarkt.com”, ka analizuar të gjithë lojtarët e ligave elitare nëpër Europë dhe ka nxjerrë se kush janë futbollistët që përdorin më së shumti këmbën e tyre të dobët  për sa i përket goditjeve.

Në listën 18 lojtarëve që përdorin më së shumti këmbën e dobët për gjuajte nuk bën pjesë asnjë mëngjarash. Në krye është Simone Verdi i Napolit, i cili në 61% të rasteve godet me të majtën edhe pse e djathta është këmba e tij e preferuar. Italiani ndiqet nga Lalana i Liverpulit me 57% dhe Ivan Perisic i Interit me 51%. Në listë nuk kishte si të mungonte deh Santi Kazorla dhe Usman Dembele, dy lojtarë këta që njihen për aftësitë e tyre me dy këmbët.

Kryesuesi i listës, Simone Verdi, është ndoshta lojtari i vetëm në planet që ka shënuar dy goditje dënimi gjatë në një ndeshje me dy këmbë të ndryshme. 26-vjeçari shtangu të gjithë gjatë sezonit të kaluar kur i shënoi një dopietë Krotones.

Edhe pse momentalisht Mesi është jashtë, Dembele ka humbur terren dhe është Rafinhja ai i cili po bën mirë me katalanasit. Nisur nga gjithçka po ndodh këtë periudhë, në Spanjë bëjnë me dije se Barcelona e ka ndarë mendjen dhe do të shesë 21-vjeçarin.

Problemi është çmimi i tij, pasi për të janë paguar te Borusia e Dortmundit plot 115 milionë euro. Gjithsesi “The Sun” në Angli raporton se janë tre klube që janë të gatshme t’i bëjnë një vend në ekipin e tyre francezit.

Çelsi, Arsenali dhe Liverpuli janë klubet që interesohen për Dembele sipas tabloidit britanik. Me shumë mundësi oferta e tyre nuk do t’i kapë 100 milionët, edhe pse bëhet fjalë për një sulmues të ri dhe që mund të shpërthejë në ambientin e duhur.

Me Barcelonën sivjet ai ka shënuar vetëm tre gola në kampionat, po aq sa një sezon më parë kur pati edhe një problem dëmtimi që e la për një kohë të gjatë jashtë fushave të blerta. Sezonin më të mirë Dembele e ka pasur në Francë, teksa me fanellën e Rene realizoi 12 gola në kampionat.

Talenti i pamasë 21-vjeçarit është i lehtësisht i dallueshëm, por në një klub si Barcelona duhet ta tregosh se e meriton fanellën javë pas jave, përndryshe të pret stoli, siç ndodhi sezonin e kaluar, kur Dembele u aktivizua vetëm 12 herë si titullar në La Liga.

Së fundmi mediet katalanase kanë raportuar se lojtari ka ardhur disa herë me vonesë në stërvitje. Dëmtimi i Mesit mendohej se do t’i jepte atij më shumë minuta nëpër këmbë. Por, nuk ka rezultuar kështu.

Trajneri Ernesto Valverde ia besoi krahun e djathtë të sulmit brazilianit Kutinjo, ndërsa Dembele e pa të gjithë ndeshjen nga stoli. E të mendosh se është lojtari i katër më i shtrenjtë në historinë e futbollit…

Në një intervistë për medien franceze “RMC Sport”, 21-vjeçari sqaroi se është mëse e vërtetë që ai nuk ka një këmbë të dobët si shumica e popullatës, por ai pranoi se të dyja këmbët e tij kanë disa diferenca në disa aspekte të lojës.

“Ma bëjnë shpesh këtë pyetje (qesh)… Topin e kontrolloj më mirë me të majtën, por është një diferencë shumë e vogël, gati e papërfillshme me të djathtën. Kur vjen puna te goditjet, preferoj të përdor djathtën, godas shumë më fort dhe më saktë me të, ndërsa me të majtën nuk i dihet. Ndonjëherë përfudon në trekendësh, ndërsa ka pasur plot raste ku topi ka përfunduar lart në qiell”, tha Dembele.

Sipas Minguejës, Kilian Mbape mund të ishte një lojtari i Barcelonës, po të mos ishte për vendimin e drejtuesve të klubit për t’i besuar Usman Dembelsë në vend të talentit të Monakos.

“Barça kishte mundësinë për të blerë Mbapenë. Lojtari u vetëofrua tek ata. Vetë babai i tij më tha se ai dëshironte të luante me Barcelonën, por drejtuesit e klubit nuk e vlerësuar këtë dhe vendosën të afronin Dembelenë”, tha ish-drejtori, deklaratat e të cilit kanë shkaktuar shumë polemika në Katalonjë.

Ekipi i drejtuar nga Poçetino ra në sy këtë merkato të verës, ku ishte i vetmi klub që nuk bëri asnjë afrim në skuadër. Një ndër mesfushorët më të rëndësishëm të “gjelave” është Musa Dembele, që njihet për forcën e tij dhe ekuilibrat që sjell në mesin e fushës.

Pikërisht mesfushori belg akoma nuk ka rinovuar me Totenhem dhe një gjë e tillë shihet shumë e vështirë të ndodhë deri në fund të sezonit, kohë kur lojtari do të jetë i lirë, pasi i mbaron kontrata me londinezët. Lidhur me këtë fakt, duket se 31-vjeçari belg po mendon një transferim në Kinë apo Lindjen e Mesme. Një transferim i tillë do t’i sillte dhe të ardhura marramendëse lojtarit të Totenhem, i cili u përfol dhe për një kalim tek Inter në merkaton e kaluar.

Barcelona e pati shumë të vështirë të çante mbrojtjen e vendasve, ndërsa në disa kundërsulme të shpejta, sulmuesi turk i Vajadolidit, Enes Unal, vuri disa herë në provë Ter Shtegenin.

Kombinimet e shumta të Barcelonës kapën njëherë të vetme të papërgatitur mbrojtjen vendase, me Dembelen që finalizoi një aksion perfekt. Francezi ishte i vetmi lojtar që spikati te katalanasit në pjesën dytë. Fitore e mundimshme, siç janë shumica e transfertave në Spanjë pavarësisht nëse je Barcelona, Real apo Atletiko.

Bëhet fjalë për ish-trajnerin e  Romës Rudi Garsia, i cili tani drejton Marsejën në Francë. 54-vjeçari kërkon ta kthejë në vendlindje sulmuesin, por Tare nuk do t’ia bëjë aspak të lehtë francezit. Momentalisht përflitet se Sellik kërkon të paktën 15 milionë euro për talentin francez, por konkurrenca midis klubeve mund ta rrisë akoma më shumë çmimin e tij.

Në rast se Dembele do t’i bashkohet Lacios, atëherë do shikohet mundësia e huazimit të sulmuesit ekuadorian Felipe Kaisedo, i cili nuk bindi aspak gjatë sezonit të shkuar ku shënoi vetëm tri gola.  29-vjeçari me shumë gjasa do të huazohet te skuadra e Rajo Vajekanos.

Nuri pësoi një atak kardiak dhe për ta bërë situatën më keq, mjekët e Ajaksit e neglizhuan situatën duke mos kryer procedurat e nevojshme për rregullimin e ritmit të zemrës së tij. Bluzat e bardha kujtuan se kishin të bënin me një marrje mendsh, por situata ishte më e rënda e mundshme.

Që prej atij momenti, Nuri, ose Api, siç e thërrasin të gjithë ndodhet në një koma artificiale në një prej spitaleve të Holandës. Doktorët nuk kanë më shpresa, por familjarët nuk pranojnë të fikin pajisjet që e mbajnë në jetë, dhe shpresojnë për një mrekulli nga lart.

Tragjedia e djaloshit, i cili konsiderohej Iniesta i ardhshëm ka prekur shumë lojtarë, të cilët kanë vendosur ta kujtojnë atë duke veshur në fanellë numrin e tij, 34-ën. Shokët e fëmijërisë Xhastin Klajvert (Roma) dhe Filipe Sandles (Mançester Siti) kanë marrë po të njëjtin numër. Amin Junes, ish-koleg i tij ka zgjedhur 34-ën të Napoli, ndërsa të njëjtin vendim ka marrë dhe talenti i Barcelonës Usman Dembele, i cili edhe pse nuk e njihte nga afër Nurin, është prekur shumë rëndë nga kjo tragjedi.

Shënoi një gol spektakolar dhe i dha fitoren katalanasve, që tashmë i kanë komunikuar anësorit francez besimin e tyre dhe se nuk është në shitje, ndaj duhet të vijojë të bëjë më të mirën për klubin, që në fakt ka shpenzuar shumë për ta blerë te Dortmundi. Kujtojmë që verën e shkuar u shpenzuan plot 105 milionë euro

Dembele kishte mbërritur më vonë se shumë prej lojtarëve të tjerë në skuadër, por e nisi si titullar kundër Seviljes, duke befasuar shumëkënd. Valverde dha një mesazh të qartë se beson te lojtari. Momentalisht sulmuesi është i pashitshëm, sikurse shkruan “Sport.es”.

Vetëm një ofertë mbi 100 milionë euro do e bënte Barcelonën të mendohej. Deri më tani nuk ka mbërritur te katalanasit asnjë ofertë në të të tilla shifra. Kështu që Dembele duhet të vijojë i qetë të punojë dhe të rigjejë shkëlqimin që pati te Dortmundi.

Për këtë arsye, Reali është bindur se belgu është njeriu i duhur për të përforcuar ndjeshëm fazën sulmuese dhe për të rikthyer entuziazmin te tifozët.

Madrilenët janë gati të marrin nga Çelsi edhe portierin Tibo Kurtua, por natyrisht do të jetë një odise e gjatë, sepse tashmë në garë për Hazard është futur fuqishëm edhe Barcelona.

Klubi blaugrana deri tani ka shpenzuar 67 milionë euro, për qendërmbrojtësin Lenglet dhe mesfushorin qendror Artur, por ndërkohë ka shitur Deulofeun dhe Paulinjon, duke e rikuperuar këtë shpenzim, si dhe i duhet të gjejë urgjentisht pasuesin e Iniestës.

Hazard është emri ideal për të ndërtuar një mesfushë spektakolare dhe Barça kërkon ta bindë Çelsin duke ofruar francezin Usman Dembele.

21-vjeçari doli “i humbur” nga Kupa e Botës, sepse vërtet u shpall kampion, por luajti shumë pak, ashtu si sezonin e shkuar te Barcelona, ndaj ndoshta është koha të ndryshojë ekip. Nëse Çelsi kërkon 220 milionë për yllin e vet, Barcelona shpreson ta bindë me Dembele dhe 100 milionë, raportojnë mediat në Spanjë.

Barcelona ka qenë e përkryer deri tani në La Liga, por problemi më i madh i momentit është Osman Dembele, i dëmtuar në ndeshjen e fundit me Getafen në kofshë. Mesfushori francez do të mungojë për rreth katër muaj dhe ky është një shqetësim i pashmangshëm për trajnerin Ernesto Valverde, i cili në konferencën për shtyp para ndeshjes së sotme me Eibarin theksoi një gjë e cila nuk u mendua në fundjavë lidhur me dëmtimin e 20-vjeçarit. Sipas teknikut, i cili këtë sezon e ka të parin në stolin e katalanasve, asnjë futbollist me përvojë nuk do ta kishte pësuar atë dëmtim. Valverde theksoi se Dembele dëmtoi veten me atë gjuajtje të topit me thembër. “Rikuperimi është gjëja më e vështirë për çdo futbollist. Mendoj se Dembele ka gabuar. Një futbollist, kur bën streçing, prek gjithmonë gjunjtë, bicepsin dhe kështu me radhë. Osman dihet se është një futbollist pa historik në lidhje me dëmtimet muskulore, ndaj nuk ka përvojën e duhur të identifikojë ndonjë shqetësim muskulor. Ai u dëmtua duke gjuajtur me thembër. Një veteran do ta kishte lënë topin të dilte jashtë”, – u shpreh tekniku. I pyetur se kush mund ta zëvendësojë djaloshin, Valverde përmendi disa emra. “Në fakt, kemi disa lojtarë që mund të luajnë në pozicionin e tij. Gerard Deulofeu, Aleiks Vidal, Denis Suarez dhe Andre Gomes janë disa nga alternativat tona nga stoli, kështu që do ia dalim”.

Klauzola
Për shkak të dëmtimit, Dembele do të humbë 50 ndeshje me Barcelonën këtë sezon. Kjo do ta lejojë klubin katalanas të kursejë 10 milionë euro, për shkak të një klauzole të përfshirë në transferimin e 20-vjeçarit nga Barcelona. Siç ka sqaruar “Bild”, një nga klauzolat e kontratës thekson se Barça do të duhet të paguajë 10 milionë euro pas 50 ndeshjesh të Dembelesë si katalanas. Kjo për ca kohë nuk do të ndodhë, kështu që “pagesa” do të nisë të llogaritet diku nga shkurti apo marsi. Dembele aktualisht është në Finlandë, ku do të duhet t’i nënshtrohet operacionit në kofshë.

Një ndër lojtarët më të shtrenjtë në historinë e futbollit, Dembele u dëmtua dje në Getafe, duke këputur tendinën në kofshën e këmbës së majtë dhe do të duhet të operohet, për të zgjidhur sa më shpejt problemin.

Tani francezi do të mungojë për rreth 4 muaj, që do të thotë se do të kthehet në vitin 2018. Goditje e rëndë për Barcelonën, që humbet edhe pasardhësin e Nejmarit.

[ÚLTIMA HORA] Comunicado médico de Ousmane Dembélé #FCBlive https://t.co/i5qPlxOOyQ

— FC Barcelona (@FCBarcelona_es) September 17, 2017

Një problem muskulor, ndërrim dhe friikë. Diagnoza e parë është shqetësuese: dy muaj jashtë! Francezi pritet të mungojë në 7 ndeshjet e radhës në kampionat dhe dy në Champions.

Ajo që bën përshtypje është se vjet Dembele nuk pati dëmtime, ndaj dëmtimi në Barcelonë mund të ketë ardhur nga presioni psikologjik që ka lojtari mbi vete.

Sulmuesi 20-vjeçar kalon te Barça për 105 milionë euro, shifër që mund të shkojë deri në thuajse 150 milionë, në varësi të bonuseve.

?? #DembeleDay
? Done deal
? @Dembouz pic.twitter.com/3mmPZ1Kzzs

— FC Barcelona (@FCBarcelona) August 28, 2017

Francezi kompletoi sot paradite kontrollet mjekësore dhe u prezantua para rreth 12.000 tifozëve në Camp Nou.

“Jam i lumtur që do të luaj për këtë klub të madh dhe me lojtarët më të mirë në botë. Kam dëshiruar gjithmonë të luaj për Barcelonën, që kur isha i vogël. I kam parë çdo ndeshje kësaj skuadre, është klubi më i mirë në botë dhe shpresoj të fitoj shumë trofe këtu”, u shpreh Dembele gjatë prezantimit.

? @Dembouz
?? Camp Nou ??
?? #DembeleDay pic.twitter.com/PXnARtoK9D

— FC Barcelona (@FCBarcelona) August 28, 2017

Ish-talenti i Renës në Francë do të marrë numrin 11, lënë bosh nga Nejmar.

Tani Barcelona do të bëjë tentativën e fundit për të marrë Filipe Kutinjon nga Liverpuli, me një shpenzim marramendës, sepse Liverpuli nuk e shet yllin e vet poshtë 150 milionë eurove.