Delle Ali

I bie të fikët në mes të Mikonos, panik për “yllin” e Totenhemit

Sport Ekspres — Fri, 05 Jul 2019 12:07:51 +0000

Shumica e futbollistëve të njohur po shijojnë pushimet me familjarët ose të dashurat e tyre. Dele Ali ka zgjedhur ishullin e Mikonos në Greqi për të kaluar disa ditë me të dashurën e tij, Rubi Mae.

Një episod i papritur ka ndodhur gjatë ditës së sotme, duke krijuar panik tek e dashura e tij. Mesfushori anglez ka pësuar një gjendje të fikëti në mes të plazhit dhe është dashur ndërhyrja e dy personave të sigurisë për ta futur në makinë dhe për ta dërguar më pas në hotel.

Temperaturat e frikshme, volejbolli i plazhit dhe ndonjë pije më shumë seç duhet kanë ndikuar në rënien e tensionit dhe 23-vjeçari i ka trembur të gjithë. Për fat asgjë serioze dhe lojtari i Totenhemit e ka marrë veten për të vazhduar qetësisht shijimin e pushimeve.

Plas sherri mes Dele Ali dhe Rubi Mae, modelja sërish në “treg”

Sport Ekspres — Sun, 25 Nov 2018 22:36:24 +0000

Rubi Mae dhe Dele Ali janë parë duke debatuar në dalje të një lokali nate në Londër. Mediet angleze kanë filluar të raportojnë se çifti ka hyrë në krizë prej disa muajsh dhe nuk do të jetë e largët dita ku të dyja palët t’i ndajnë rrugët.

Lidhja me futbollistin e Totenhemit e ka ndihmuar jo pak modelen 24-vjeçare, që tani është një nga emrat më të njohur të modelingut në Angli. Por, Dele Ali nuk ka qenë një partner besnik, pasi në të paktën dy raste ai është kapur mat me femra të tjera, por Rubi e ka falur në çdo rast.

Befason Totenhemi, kontratë 6-vjeçare “yllit” të mesfushës

Sport Ekspres — Tue, 30 Oct 2018 13:27:05 +0000

Totenhemi verën e shkuar nuk bëri merkato, por nga ana tjetër duket se ka planifikuar gjithçka dhe kërkon që asnjë nga “yjet” e skuadrës të mos largohet. Procesi i rinovimit të kontratave ka nisur dhe ditën e sotme është zyrtarizuar arritja e marrëveshjes me mesfushorin Dele Ali.

Kontrata e re e 22-vjeçarit do të jetë e vlefshme deri në vitin 2024. Sikurse shihet, Totenhemi e ka blinduar mesfushorin e saj dhe të kombëtares. Dele Ali është një nga lojtarët më të rëndësishëm të skuadrës, për të cilin nuk kanë munguar as ofertat nga klubet më të mëdha evropiane.

Tashmë Dele Ali do të mbetet për shumë vite pjesë e “Spurs”-ave. këtë sezon ai ëshët penalizuar nga dëmtimet, ndërkohë që në Premier League numëron 112 ndeshjen me fanellën e Totenhemit. Ai ka arritur të shënojë 38 gola në kampionat.

2??0??2??4??#COYS pic.twitter.com/osmkVHksac

— Tottenham Hotspur (@SpursOfficial) October 30, 2018