Deklarata

Barazimi me Luzin 2008, Kërnaja: Tërbuni nuk gabon më!

Sport Ekspres — Mon, 11 Mar 2019 21:55:48 +0000

Skuadra e Tërbunit barazoi në ndeshjen e javës së 16-të me Luzi 2008, skuadra rivale më e afërt e pukjanëve në kreun e renditjes të Grupit A. Trajneri Oltjon Kërnaja nuk e quan dështim dhe ndalje në synimet e skuadrës së tij atw barazim, por vetëm një shans të humbur për të thelluar diferencën. Ndërkohë, për ndërprejen e kampionatit pas bojkotit të arbitrave ai deklaron se nuk ndikon për mirë për ta, por gjithsesi e quan të drejtë.

Për SportEkspres.com, Kërnaja deklaron: “Ishte një barazim që më shumë erdhi nga gabimet tona individuale. Tashmë ai takim është mbyllur dhe harruar. Mendojmë për ndeshjet e tjera. Bojkoti i arbitrave për ne nuk ndikon pozitivisht, sepse pas pushimit duhet të ndahemi për tre javë nga kampionati. Gjithsesi ata kanë të drejtë në këtë vendim që kanë marrë”.

Për vazhdimësinë, tekniku Kërnaja deklaron se Tërbuni nuk do të gabojë si me Luzi 2008. “Kemi ende ndeshje për të treguar se e meritojmë Kategorinë e Parë, ndaj nuk do të gabojmë si me Luzi 2008”, shprehet trajneri i Tërbunit.

AGRON KAJA

Hysenshahaj: Ndërprerja na penalizon, duam Superioren me Stojkun

Sport Ekspres — Mon, 11 Mar 2019 15:25:13 +0000

Ndërkohë që kampionati këtë javë u ndërpre pas bojkotit të arbitrave, skuadrat kanë vazhduar përgatitjet e tyre të shoqëruara edhe me ndeshje miqësore. Gjatë kësaj periudhe te skuadra e Apolonisë ka pasur zhvillime të reja. Largimit i trajnerit serb Rade Miliç i ka hapur rrrugë firmës me Gentian Stojkun dhe ky i fundit ka zbritur në fushë me ekipin e ri.

Kapiteni Taulant Hysenshahaj shprehet se ndërprerja nuk i shërben Apolonisë. “Pavarësisht rezultateve në kampionat, Apolonia ishte në formë të mirë dhe kjo ndërprerje e detyruar, mëse e justifikuar, na prishi punë. Gjithësesi, e kemi kompensuar me përgatitjet dhe miqësoret që kemi zhvilluar.

Sot u bashkua me skuadrën edhe trajneri i ri Gentjan Stojku, me të cilin objektivi ynë është që të përgatitet një skuadër që në sezonin e ardhshëm të luftojë të ngjitet në Kategorinë Superiore”, u shpreh Hysenshahajt për SportEkspres.com. Për kapitenin e Apolonisë, faza e tretë do të jetë një kolaudim për sezonin tjetër, ku më shumë minuta do të përfitojnë futbollistët e rinj.

AGRON KAJA

Tomori del në media, sot drejtuesit të pranishëm në dy emisione

Sport Ekspres — Mon, 18 Feb 2019 12:26:40 +0000

Java e 16-të e Kategorisë së Parë ende nuk është kaluar lehtë nga drejtuesit e FK Tomori, pas dënimit që i bënë trupat gjykuese në FSHF me dënime të veçanta, mbi të gjitha me humbjen e ndeshjes me Apoloninë 0-3. Klubi beratas ka dalë me një deklaratë, ku thuhet mes të tjerave se sot në mbrëmje do zbardhin të vërteta mbi pretendimin e tyre për padrejtësinë në dy emisione.

DEKLARATA E TOMORIT

“Drejtues të Tomorit do të jenë të ftuar sonte në emisionin “E Hëna Sportive” në RTSH, në orën 18:30 për të diskutuar gjërësisht mbi çështjen e vendimit të Disiplinës dhe Apelit. Ende jo zyrtare, por mund të ketë edhe një lidhje direkte nga qyteti i Beratit me Presidentin e Klubit, Kryetari i Bashkisë së Beratit, Petrit Sinaj.

Na ndiqni, pasi kemi shumë për të thënë!

Sakaq, në orën 22:00 do të jemi të ftuar në emisionin “Kampionët”, i cili zhvillohet në “Vizion Plus”. Fakte dhe të vërteta mbi padrejtësinë që na është bërë. Dërgimi i ç’ështjes në KAS, etj…”, kështu shkruhej sot në faqen zyrtare të FK Tomori.