Shënuesi më i mirë i ekipit korçar iu afrua shumë golit kundër Luftëtarit, ndërsa në Laç u ndal nga një Selmani fantastik. Portieri kurbinas i priti edhe një penallti, ndërsa zhbllokimi erdhi kundër Kukësit në gjysmëfinalen e parë të Kupës.

Skënderbeu humbi 2-1, por Bregu shënoi një gol shumë të rëndësishëm. Festimi i tij ishte plot zbrazje nervash. Në prononcimin e dhënë pas ndeshjes, 23-vjeçari prek disa tema dhe tregon pengun e vetëm për këtë sezon.

HUMBJA – “Kukësi kontrolloi ndeshjen në pjesën e parë, por më shumë prej gabimeve tona. Në pjesën e dytë reaguam mirë dhe goli i shënuar na mban në lojë. Në Korçë do të jetë një tjetër histori.”

FORMA – ‘Jam ende paksa mbrapa fizikisht. Tani e kuptoj vështirësinë e kapjes së ritmit kur kthehesh pas tre muajve pushim. Po luajmë shumë ndeshje këtë periudhë dhe shpresoj të arrij formën që kisha para janarit.”

NDIKIMI I LAÇIT – ‘Ajo humbje ka ndikuar psikologjikisht edhe tek unë, sepse sedra nuk më lë t’i kaloj shpejt momente të tilla. Kam mbështetje të madhe nga të gjithë dhe kam lënë pas krahëve gjithçka. Shpresoj që t’ua shpërblej tifozëve me gola të tjera si ky kundër Kukësit.”

FESTIMI – “Golin kundër Kukësit e festova në atë mënyrë, sepse kishte ndikim edhe penalltia e humbur në Laç. Megjithatë, 90% ishte shfryrja e inatit të muajve që kam qëndruar jashtë.”

BILANCI PERSONAL – “Duke parë mungesën e gjatë, raporti minuta-gola mund të quhet pozitiv, por unë kërkoj gjithmonë nga vetja. Kanë mbetur edhe disa ndeshje për t’u zhvilluar dhe shpresoj të shënoj akoma.”

KUPA – “Nëse fitojmë Kupën sezoni do të ishte pozitiv. E nisën me Superkupën dhe fitimi i Kupës do të na siguronte daljen në Ligën e Europës. Gjithsesi, më vjen keq që nuk e fituam sërish titullin kampion, sepse në dy fazat e para ishim shumë mirë. Kishim mundësi për të luftuar për kreun, por kemi bërë shumë gabime rrugës. Ky është pengu i vetëm.”

FLAMURTARI – “Nuk kemi menduar për ndeshjen e radhës, sepse jemi marrë me Kukësin. Kthehemi në shtëpi, kemi një marsh më shumë, na nevojiten pikë dhe këtë ndeshje do të japim 200%. Na duhet për renditjen dhe moralin e të gjithëve përpara ndeshjes së kthimit kundër Kukësit.”

Mesfushori i skuadrës së Kukësit u provua në ndeshjen e sotme si mesfushor i majtë, ku kreu një paraqitje dinjitoze. Gjatë intervistës së dhënë në fund të takimit nuk munguan midis dy lojtarëve, që kanë qenë dikur pjesë  e Luftëtarit.

Rroca: “Tani në çdo rol të ri që provoj, mundohem të jap më të mirë. Kemi shumë mungesa dhe gjatë këtyre dy-tre ditëve kemi bërë shumë prova. Nuk kishim lojtarë dhe i kam kërkuar profesorit që të luaj si mesfushor i majtë. Të gjithë ishim të kënaqur me paraqitjen, pavarësisht rezultatin. Normale që kur nuk luan në pozicionin natyral, është paksa e vështirë. Por kur luan me këto lojtarë siç i kemi ne te Kukësi, është shumë më e lehtë. Shpresoj të jap maksimumin deri në fund dhe të kemi sukses”

GOLI I PËSUAR – “Nuk është hera e parë që i pësojmë këto gola, ishte një moment shpërqendrimi. Shpresoj të mos ndodhë më, pasi këto gola aksidental na dëmtojnë shumë”.

RAPORTI ME BREGUN – “I mungojmë njëri tjetrit dhe jashtë fushe, jo brenda fushës. Me shaka i them Bregut që do të të marrim te Kukësi, që të dalim kampion”.

TITULLI KAMPION – “Futbolli kështu është, neve na vjen zor që nuk luftuam më shumë për titullin kampion”.

“Ne do të ishim të lumtur që Luftëtari të arrijë në finale, pastaj sa i takon Kupës, dua ta fitojë Kukësi”.

Sulmuesi i skuadrës korçare foli mbi rikthimin nga dëmtimin, episodin e golit dhe nuk mungoi një ngacmim për ish-kolegun e tij të Luftëtari, Eduart Rrocën, i cili ndodhej pranë tij në moment e intervistës.

“Ekipin e gjej normalisht në një moment të vështirë, pasi të vish nga një periudhë tre mujore është realisht shumë e vështirë. Goli? Që në momentin që Ethemi pasoi mbrapa, besova se mund të arrijë në këtë top. Fatmirësisht, topi u përplas në trupin tim dhe arrita të shënoj.

“Rroca bëri gabim që nuk erdhi te Skënderbeu së bashku me mua, pasi këtu do të dilnim kampion. Por unë do t’i marr Kupën e Shqipërisë Rrocës, që ta lë pa asnjë trofe (qesh). Do të isha i lumtur që Luftëtari të ecë sa më shumë, pasi është një ekip që na ka rritur dhe na ka ndihmuar shumë”, përfundoi Bregu.

“Nuk jam i zhgënjyer nga loja, por nga rezultati. Vazhdojmë të ndëshkohemi nga episodet. Nuk është se skuadra nuk dha dhe nuk është se kundërshtari na imponoi. Vazhdojmë të ndëshkohemi nga episodet dhe e dimë shumë mirë. Jam shumë i ndërgjegjshëm, që kur ke një skuadër të re do vazhdosh t’i vuash këto episodet, do vazhdosh të vuash edhe faktin që skuadra nuk ka aq eksperiencë dhe që ende nuk e kupton që ndeshjet vendosen nga episodet dhe jo nga gjërat e mëdha. Detajet janë ato që bëjnë diferencën”, u shpreh fillimisht Shehi.

Më tej ai vijon me analizën e tij: “U ndëshkuam nga një goditje standarde dhe ai është një episod. Hymë në fillim në presion, duke i dhuruar kundërshtarit shumë goditje standarde. Pjesën e dytë u munduam të qarkullojmë topin, por penalltia më pas thuajse e mbylli ndeshjen”.

ORGANIZIMI I SULMEVE DHE PENALLTIA – Skënderbeu i tij nuk është se bëri shumë në sulm kundër Partizanit: “Sigurisht skuadra duhet të dalë në sulm. Pjesën e parë kemi shkuar deri te porta, dy tre herë. Nuk është se bëmë ndeshjen tonë më të mirë, por duke qenë në raport me kundërshtarin, ata shfrytëzuan momentet dhe ne gabuam te rasti i penalltisë. Pretendime? E kam thënë gjithmonë që nuk do të merrem me arbitrat dhe do vazhdoj të mos merrem. Shyqyr që ndeshjet jepen në televizion dhe gjithë shqiptarët i shohin se cilat janë penallti dhe cilat jo”.

KAMPIONATI DHE OBJEKTIVAT – “Kampionat i çuditshëm? Jo, nuk më duket fare. Kjo sepse e kam thënë që në fillim, se me këtë kampionat, me këto rivalë, mund të fitosh ndaj kujtdo dhe mund të humbësh ndaj kujtdo. Kjo po vërtetohet”, shton Shehi.

“Europa? Sigurisht që skuadrat janë shumë afër dhe ne na shqetëson pak performanca, na shqetësojnë pak luhatjet e skuadrës. Para dy ndeshjesh, me Kukësin dhe Teutën, bëmë ndeshje shumë të  mira, ndaj kundërshtarësh shumë të fortë. Çaluam në Gjirokastër dhe ndaj Partizanit deri diku. Kjo na shqetëson. Duhet të rikthehemi tek ai cinizmi që kemi pasur në dy fazat e para”, deklaron trajneri i bardhekuqve.

TITULLI I HUMBUR ME PARTIZANIN – “Para 11 vitesh humbët titullin me Partizanin, është viti i duhur ky për ta fituar “demat”? Atë kampionat e kam humbur dhe më ka dhimbur shumë. Ju e dini shumë mirë që atë kampionat kam pasur edhe dëmtim. Më vjen keq që e kam humbur unë. Se çfarë ndodh me rivalët, nuk kam ndonjë interesim të madh. Më intereson që skuadra ime të ngjitet sa më lart për të arritur objektivat”, ishin fjalët e Shehit.

DEJVI BREGU – Vlonjati ishte në hije kundër të kuqve dhe normalisht Shehi pret që ai të jetë i dy fazave të para. “Dejvi është lojtar i rëndësishëm, është golashënuesi ynë më i mirë dhe të gjithë i dinë cilësitë e tij. Ai vjen pas një dëmtimi të gjatë. Jemi munduar ta menaxhojmë mirë, duke i dhënë minutat. Këtë herë e futëm gjithë ndeshjen. Sigurisht na mungon dhe shpresojmë të kthehet sa më shpejt. Janë edhe shtatë javë, është edhe gjysmëfinalja e Kupës. Shpresoj ta rikuperojmë edhe atë, që të na japë jo vetëm atë që na ka dhënë fazën e parë, por edhe atë që i ka dhënë kampionatit edhe në vitet e kaluara”, shprehet durrsaku.

TË RINJTË – Në fund trajneri i Skënderbeu flet edhe për të rinjtë: “Pëllumbi është një lojtar tek i cili kam besim. E kam futur ndeshjen e parë me Laçin dhe vazhdoj t’i besoj. Është një djalë i ri, djalë punëtor. Ne kemi skuadër të re, kemi Pëllumbin, kemi Dajsinanin, Kabën. Janë këta lojtarë që unë u kam dhënë besim dhe mos t’ju duket çudi që pas dy vitesh t’i shikoni në kampionate shumë të forta. Janë lojtarë që kanë cilësi dhe atëherë do të më kujtoni dhe do thoni që kam bërë shumë mirë që i kam aktivizuar”.

VLADIMIR PRENGA

Zyrtari i të kuqve, Ildi Dajani, si dhe drejtori i akademisë, Genc Tomori, protestuan te kryesori i ndeshjes dhe iu afruan atij gjatë momentit që po hynte në tunel. U desh ndërhyrja e forcave të sigurisë që ata të zbrapseshin. Bajrami ka gjykuar te moshat dhe Tomori e njeh mirë.

Si zakonisht nga tribuna kryesore nuk mungojnë batutat. Një prej tifozëve e kishte me Dejvi Bregun, teksa me zë të lartë i drejtohej trajnerit Orges Shehi: “Fute Bregun se mbaroi ndeshja”.

Vlonjati ishte në fushë nga fillimi dhe kuptohet që e gjitha ishte një ironi. Sulmuesi anësor ende nuk është në formë e tij më të mirë dhe dje nuk mundi të ishte lideri i Skënderbeut.

Fundi i ndeshjes, si zakonisht për korçarët, u mbyll me pica. Është një “traditë”, pasi futbollistët duhet të rigjenerojnë energjitë pas një beteje 90-minutëshe.

HUMBJA ME LUFTËTARI –“Ekipi ka prodhuar lojë, por në 90 minuta ndodhën disa episode dhe në fund njëri prej tyre vendosi fatin e takimit”.

PAUZA – “Për mendimin tim mendoj se pauza ishte pozitive. Jemi drejt fundit të kampionatit dhe shumë lojtarë janë lodhur. Mendoj se ky pushim na ka bërë mirë

PARTIZANI – “Në çdo ndeshje futemi për të fituar. Në këtë sfidë mendoj se duhet të tregojmë fytyrën tonë të vërtetë, atë Skënderbe që njerëzit presin të shikojnë”, përfundoi 23-vjeçari.

Bregu ëshët rikuperuar dhe prej disa kohësh kishte nisur të stërvitej veçmas. Në takimin me Teutën ai ishte në stol dhe tanimë pritet rikthimi i tij në fushën e blertë. Me shumë mundësi kundër Kukësit ai do të ketë minuta.

Sulmuesi mezi e pret diçka të tillë. Edhe për trajnerin Orges Shehi është një lajm i mirë, pasi Bregu është një nga lojtarët më të rëndësishëm të korçarëve. Në dy fazat e para ai ka qenë thelbësor me shtatë golat e realizuar në kampionat.

“Deri më tani, ka shkuar mirë rikuperimi. Ka dy javë që stërvitem dhe shpresoj të filloj të luaj sa më shpejt. Do të duhet dhe pak kohë, por me ndihmën e stafit mjekësor, do rikthehem më i fortë”.

“Ndjej keqardhje që humbas një muaj e gjysmë nga një ndeshje miqësore, po është për tu parë përpara. Ky dëmtim më ka rënduar më shumë, por gjëra që ndodhin”.

“Normal që më ka rënduar, pastaj si me mua, si pa mua, ekipi është shumë cilësor. Humbjet nuk janë diçka e mirë, por skuadra do të rikthehet. Nuk ka ndikim Bregu”.

GOLASHËNUES – “Nuk di çfarë të them për mungesat e golave të sulmit. Unë di të them se kam një muaj e gjysmë jashtë dhe nuk kam asnjë gol me penallti. Shpresoj që kur të rikthehem të shënoj gola të rëndësishëm për Skënderbeun, pastaj klubi të më ndihmojë të bëj një hap në elitën evropiane”.

RIKTHIMI – “Me çfarë kam folur me doktorët, dhe me kirurgun që më operoj, shpresoj të jem në stol në ndeshjen kundër Kukësit, nëse e arrij këtë do të jetë një fitore e madhe për mua”,- u shpreh Bregu.

Zhvendosja e Radas në të djathtë të mbrojtjes është një opsion, por trajneri durrsak duhet të mendohet mirë. Kroati nuk ka freskinë e dikurshme për të luajtur në krah. Kujtojmë se mbrojtësi në tetor ka mbushur 35 vjeç dhe ndër të tjera në dy takimet e fundit nuk ka luajtur asnjë minutë për Skënderbeun.

DEJVI BREGU – Vlonjati u dëmtua pikërisht në një ndeshje me Tiranën, por ishte miqësore. Fraktura e pësuar në dorë e ka penalizuar sulmuesin anësor, i cili gjatë këtyre ditëve është rikthyer të stërvitet. Gjithsesi duhet fillimisht të marrë ngarkesën e duhur fizike.

Bregu është një lojtar shumë i rëndësishëm për Skënderbeun dhe këtë e tregojnë edhe shifrat. Sulmuesi ka shënuar 7 herë në 17 ndeshjet që është aktivizuar në Superiore me korçarët. Shehi pret me padurim ta ketë të gatshëm sulmuesin.

Më pas e mori fjalën edhe trajneri i Tiranës, Ardian Mema. “Kërçiku, Hasani e Daja nuk kane qenë me ekipin. E konsideruam si një seancë stërvitore, pashë anën fizike. Gjërat kanë ndryshuar. Merkato? Nuk, mund të them emra, në ditët në vazhdim do negociojmë me dy futbollistë për të qenë pjesë e Tiranës”, u shpreh tekniku i bardhebluve.

DËMTIMET – Në takimin Skënderbeu-Tirana, sulmuesi Dejvi Bregu u përlas me Marvin Turtullin dhe ka pësuar një dëmtim në krah, madje frakturë. Vlonjatit do i duhet të bëjë një ndërhyrje dhe kështu do të qëndrojë për disa kohë jashtë fushave të blerta.

Një ditë më parë, nga pjesëtarë të klubit bardhekuq u bë me dije se për Bregu me shumë mundësi do të mbetet jashtë fushave të blera për rreth 3 muaj. Por sot “A2 News” raporton se do të kthehet për 3-4 javë. Gjithsesi pas kësaj periudhe do duhet që Bregu të fitojë formën sportive dhe të nisë të luajë.

Benejam Demte është një tjetër lojtar që shqetëson Skënderbeun dhe me shumë mundësi ai e ka mbyllur sezonin për shkak të një dëmtimi. Në miqësoren ndaj Tiranës ai nuk ishte në fushë dhe tanimë pritet të shihet se si do të shkojë rikuperimi i tij.

“Në aspektin personal kam bërë mirë, por kjo futbolli është punë grupi dhe më vjen keq që mbas fillimit të mirë patëm rezultate negative. Nuk e konsideroj veten lider të grupit. Liderët e Skënderbeut janë lojtarët me eksperiencë si Radas, Vangjeli dhe Muzaka, në të rinjtë u vijmë nga pas”

“Personalisht nuk jam i kënaqur me Europën. Skënderbeu kërkon gjithmonë titullin dhe do të vazhdojmë të punojmë punojmë për këtë”, tha Bregu.

Nuk bëhet fjalë për ndonjë frakturë, sikurse njoftonte klubi korçar një ditë më parë. Thjesht një gisht i nxirë, por realisht vlonjati rrezikon ta humbasë ndeshjen e nesërme me Flamurtarin.

Gjithsesi ka ende shpresa që Bregu të jetë në fushë nga minuta e parë. Sot do të shihet gjendja e tij dhe më pas do të vendoset. Po shihet mundësia që sulmuesi anësor të luajë me injeksion. Me Flamurtarin është një ndeshje e rëndësishme, që duhet kaluar me sukses.

Skënderbeu në mesjavë humbi kreun e klasifikimit, pasi i mundi Laçi në stadiumin “Selman Stërmasi”. Partizani kryesues ka vetëm dy pikë më shumë se korçarët. Takimi me Flamurtarin luhet nesër prej orës 17:00. Në të njëjtin orar të kuqtë përballen me kurbinasit në kryeqytet.

Por në fakt duket e çuditshme, pasi nëse Bregu ka pësuar një frakturë në gishtat e këmbës do të duhet të qëndrojë minimalisht 4 javë jashtë. Ndoshta kemi të bëjmë me një gabim të zyrës së shtypit dhe për vlonjaten nuk ka ndonjë gjë serioze, për sa kohë edhe ai stërvitet i diferencuar.

Ndeshja e radhës luhet të dielën kundër Flamurtarit, një takim special për Bregun. Me siguri vlonjati do të donte të ishte në fushë dhe të jepte kontributin e tij për Skënderbeun. Gjithsesi për momentin parësore është të kalojë dëmtimin dhe të jetë në gjendje të luajë.

Luajti dhe shpërtheu, ndërkohë që tanimë është pjesë e Skënderbeut. Një ditë më parë ai shënoi një gol mjaft të bukur kundër Kamzës. Më pas e kishte merak të shpjegonte se nuk ka një çështje mes tij dhe trajnerit Orgesi Shehi.

Ky i fundit e kish sqaruar edhe më parë: “Nuk është e thënë që çdo lojtar që zëvendësohet të vijë dhe të më japë dorën. Nuk ka asnjë çështje”. Gjithsesi Bregut që nuk i pëlqen kur zëvendësohet nuk e fsheh dot.

Gjithsesi është normale, pasi çdo futbollist kërkon të luajë sa më shumë.  Vlonjati e shpreh në njëfarë mënyre përmes një postimi në “Instagram”, teksa videon e golit të shënuar me Kamzën e shoqëron me diçiturën: “Ndonjëherë mërzitja të ndihmon të gjesh vetveten…”.

https://www.instagram.com/p/BpM3hDil-iu/?utm_source=ig_web_copy_link

Por veçse kanë shitur, korçarët edhe kanë bërë lëvizje në hyrje. Ata kanë blerë nga brenda dhe jashtë vendit. Më së shumti në klubet shqiptare dhe janë disa futbollistët që kanë veshur fanellën bardhëkuqe pasi është paguar për kartonin e tyre.

Në Skënderbeun e këtij viti bien në sy pesë lojtarë për të cilët janë paguar në total 270 mijë euro. Portieri Aldo Teqja la Qipron dhe iu bashkua Kukësit verën e shkuar, por nuk qëndroi te verilindorët. Skënderbeu pagoi për të 15 mijë euro dhe e transferoi.

Treshja e sulmit është e gjitha e blerë. Blerim Krasniqi janarin e shkuar u ble nga bardhekuqtë. 15 mijë euro të paguara nga Apolonia. Kishte edhe gjashtë muaj kontratë, por për të interesoheshin disa klube dhe Skënderbeu nuk ngurroi të paguante.

Gripshi gjithashtu u mor te Teuta për shumën e 60 mijë eurove. Për anësorin durrsakët kanë ende një pjesë të kartonit. Dejvi Bregu është ai për të cilin është shpenzuar më tepër. Që vjet në janar u paguan 150 mijë euro te Luftëtari për kartonin e tij.

Veç këtyre lojtarëve, është paguar edhe për kartonin e Benejam Demte. I kthyer në një “mollë sherri”, pasi u stërvit fillimisht me Kukësin, etiopiani firmosi për Skënderbeun. Më parë ai ka qenë pjesë e CBE SA, ndërkohë që burime të “SportEkspres.com” bëjnë me dije se korçarët për kartonin e tij kanë paguar rreth 30 mijë euro.

VLADIMIR PRENGA

“Ishte ndjesi tjetër, luaja në shtëpi. Nuk do të thotë asgjë, isha protagonist në golin e dytë dhe ndihem mirë për këtë. Më shumë ishte një lojë nervash”, është shprehur fillimisht para mediave Bregu.

Sulmuesi tregon edhe anët pozitive të Skënderbeut: “Ambienti në Korçë të jep një marsh tjetër. Edhe besimi i trajnerit ndaj lojtarëve është kryesor. Për këtë më bëhet qejfi. Na kanë ndihmuar edhe lojtarët me eksperiencë”.

Bregu shpreson shumë që të fitojnë të dielën kundër Tiranës. Ndeshja do të luhet pa praninë e publikut. “Tifozët të japin emocion tjetër. Shpresojmë ta marrim fitoren për ata”.

Në fund thotë dy fjalë edhe për gjendjen e Luftëtarit, ish-ekipit të tij. “Më vjen keq për Luftëtarin, jam ndjerë si në shtëpi atje. E kam në zemrën time atë ekip dhe shpresoj ta kalojnë situatën që po kalojnë”.

Përshtatja – “Desha të falënderoj stafin dhe lojtarët për mikpritjen. Kjo ma ka bërë më të thjeshtë.

“Kombëtarja? Nuk e mendoj, mendoj të bëj mirë këtu. U takon të tjerëve. Klubi dhe menaxheri im do më ndihmojnë të shkoj në një kampionat më të fortë”.

“Këpuca e Artë? Synoj të bëj mirë, jo gola. Skuadra do më ndihmojë të arrij synimet personale, por edhe të arrijmë objektivat si klub”.

Ambicja – “Pretendoj të shkoj aty ku ma ka shkruar Zoti. Skënderbeu është trampolina më e mirë për të shkuar në një ekip evropian. Aty ku të shkoj dua të luaj”.

Fantazisti vlonjat është ambientuar me shpejtësi te kampionët në fuqi dhe po kthehet në lider, sepse po bën gjërat që bënte në Gjirokastër dhe po zgjidh situatat më së miri. Pas ndeshjes, në “Gol pas goli”  në Supersport vlonjati nuk e fshehu kënaqësinë, ndërsa i dha një mesazh Lorenc Trashit, i cili protestoi për penalltinë.

“Penalltia? Ishte neto, duket qartë. Hoxha nuk e preku topin, ndërsa më ndali me faull. Ishte e vështirë ta kapja, sepse fusha ishte e lagur dhe topi rrëshqiste shpejt, por ia dola mbanë të fitoja një penallti me shumë vlerë”.

“Start i mbarë? Jam shumë i kënaqur, kam shënuar, kam fituar një penallti sot, gjithçka perfekte.
“Një vlonjat te Skënderbeu? E çuditshme, por gjithçka ndodh”.

“Ndryshimi mes Skënderbeut e Luftëtarit? Në Korçë ka shumë uri për suksese dhe është një klub i mësuar me trofe. Shpresoj të bëj mirë, ashtu si bërë në Gjirokastër, ku besoj se dhashë maksimumin”.

“Vështirësi ndaj rivalëve që mbrohen fort? Është normale që të kem, dihet që rivalët do mbrohen fort, por skuadra është cilësore dhe më ndihmon shumë, ndaj nuk besoj se do të kem probleme”.

Për trajnerin Orges Shehi lajm i mirë është fakti që Dejvi Bregu do të luajë me Skënderbeun sezonin e ardhshëm. Me shumë mundësi nuk do të largohet as në janar, për shkak se luajti në Europë me Luftëtarin. Anësori vlonjat padyshim mund të konsiderohet lëvizja më e mirë në merkato e korçarëve. 

Sot pritet që Bregu të vihet nën urdhrat e stafit teknik dhe të vazhdojë përgatitjet me skuadrën e tij të re. Sulmuesi anësor, autor i 9 golave vjet në kampionat, në të shkuarën ka luajtur në elitë me Flamurtarin, klub ku edhe është formuar si lojtar. Dëshira e tij më e madhe është që të transferohet jashtë vendit.