Të dy ekipet ndanë nga një pikë, ndërsa Dejan Stankoviç ka analizuar sfidën dhe ka një lajm të mirë për tifozët zikaltër. Ish-mesfushori zikaltër ka folur për “DAZN”, aty ku vlerëson paraqitjen e Interit në 45-minutëshin e parë dhe komenton dyshen Shkriniar-Ikardi.

“Pjesa e parë u dominua nga Interi, ndërsa në të dytën doli në pah krenaria e Juventusit. Pamë dy pjesë loje të ndryshme, nga një për skuadër. Shkriniar bëri një ndeshje të madhe, por duhet ta lexonte më mirë aksionin e golit të Ronaldos. Ikardi? Merr pjesë në lojë, po jo shumë. Kundër Juves ishte aktiv, por i mungoi goli. Interi duhet të sigurojë kualifikimin në Champions. Drejtuesit po bëjnë një punë të madhe për të përforcuar ekipin. Di të them që do të shijojmë shumë surpriza këtë verë”, përfundon Dejan Stankoviç.

Gara për një vend në Champions është shumë e fortë dhe ekipet që ndodhen poshtë Interit po bëjnë mirë dhe po afrohen. Përveç rezultateve, një ndikim negativ po jep dhe merkato. Perishiç dhe Miranda kanë kërkuar largimin, ndërsa në dyshim mbetet dhe e ardhmja e kapitenit Ikardi, i cili nuk ka rinovuar ende.

Dejan Stankoviç është një lojtar, i cili jepte gjithmonë maksimumin në fushë. Ish-mesfushori luajti 9 sezone me zikaltrit dhe në prononcimin e dhënë për “Gazzetta dello Sport”, ai komenton situatën e klubit.

40-vjeçari ka informacion të plotë, vazhdon ta ndjekë Interin dhe ka një këshillë për lojtarët si Perishiç dhe Naingolan. Gjithçka ka të bëjë me aspektin psikologjik zgjidhja vjen nga ulja e kokës dhe puna e madhe. Mund të mos jesh në formë, por nëse jep shpirtin, tifozët do të duartrokasin gjithsesi.

“E ndjek gjithmonë Interin, kam informacion të plotë për situatën dhe isha në stadium në ndeshjen kundër Lacios. Kur flisja që zikaltrit ishin ekipi anti-Juventus nuk isha i çmendur. Në ekip ka lojtarë të nivelit të lartë në të gjitha repartet. Është një çështje koke. Skuadra që vuri në vështirësi Juventusin në dhjetor është po kjo që është sot. Arsyeja kryesore ka të bëjë me merkaton. Mendoj për Perishiç, Mirandën dhe në disa aspekte për Ikardin. Disa i përjetojnë keq situata të caktuara dhe e kam fjalën për fishkëllimat kundrejt Perishiç.”

“E njoh Ivanin dhe është një djalë i shkëlqyer. Ndonjëherë bëhet një deklaratë më shumë dhe nuk mendohet për pasojat e saj. Kam kaluar dhe unë një situatë të ngjashme. Nuk isha në formë, trajner ishte Roberto Mançini. Duhet rikuperuar Perishiç, por dhe Naingolan. Zgjidhja? Unë ulja kokën dhe nuk toleroja asnjë centimetër. Koncepti është i qartë: nëse nuk je në 100% të formës tënde, jep në fushë 100% dhe kjo do të mjaftojë për të marrë duartrokitjet e tifozëve.”

Dejan Stankoviç, i cili është aktivizuar për nëntë sezone me zikaltrit, ka folur për “Gazzetta dello Sport”, duke komplimentuar Brozoviç për ndryshimin e stilit të lojës dhe rritjen e tij të madhe. Serbi vlerëson kroatin, më parë e cilësonte si një “mushkonjë”, i cili “pickon” çdo kundërshtar, ndërsa tashmë është kthyer në urën lidhëse të Interit.

Trajneri e vlerëson, shokët i besojnë, ndërsa tifozët e adhurojnë. Stankoviç flet në fund dhe për ndryshimin midis tij dhe Brozoviç.

BROZOVIÇ – “Marselo po arrin të bëjë gjithçka: jep ritëm dhe është i sigurt. Ai ka ndryshuar marsh, nuk ka më ulje-ngritjet e dy viteve më parë. Tashmë edhe nëse bën ndonjë gabim, nuk është problem. Ka besimin e të gjithëve, shokëve, tifozëve dhe kjo e shtyn të provojë gjëra të ndryshme. Tani e gjithë skuadra sillet rreth tij, por nuk duhet ta ngarkojmë me shumë presion.”

NDRYSHIMI – “Pjekuria të ndryshon për mirë. Ti nuk e kupton dhe kjo gjë ndodh papritur. Ndonjëherë mjafton të gjesh trajnerin e duhur, ose shokët e ekipit të cilëve iu beson. Më parë, Brozoviç luante më nga brenda, e quaja ‘mushkonja’, sepse vraponte pafund dhe bënte presing kudo. Jam dakord me Spaletin, bënte ‘shumë’. Tani nuk është më ‘mushkonjë’. Qëndron në mes dhe gjithçka kalon nga këmbët e tij.”

NGJASHMËRITË – “Edhe unë kam ndryshuar shumë role në mesfushë. Me Zhozen (Murinjo) luaja në mesin e fushës. Me Brozoviç ngjajmë në diçka: nuk kemi frikë të provojmë gjëra të vështira, duhet karakter. Fizikisht isha më potent, kisha më pak probleme fizike dhe kisha një pasim më të gjatë se ai.”

INTERI – “Isha në Appiano Gentile të premten përpara derbit dhe pashë se si trajneri dhe lojtarët po përgatisnin ndeshjen, kujdesin për detajet dhe kjo gjë më impresionoi. Kampionati është i gjatë, por unë jam realist. Juventus është një nga favoritet për të fituar Champions-in, kështu që është normale të jetë favorite dhe në Itali. Por, kurrë mos thuaj kurrë. Do kenë momentet e tyre të vështira dhe Interi duhet të përfitojë. Spaleti ka dhe një pankinë të pasur, mund të ndërrojë 5-6 lojtarë pa rënë niveli i skuadrës dhe kjo mund të bëjë diferencën.”

“Nuk mund të japë një parashikim. Interi ka një transfertë shumë të vështirë, pasi ata vijnë nga dy ndeshje ku u është dashur të shpenzojnë shumë energji. Te Lacio këtë sfidë e shikojnë si një mundësi hakmarrje për sfidën e fundit të sezonit të kaluar, ku humbën shansin për të marrë pjesë në Champions”.

BETEJA E BOMBERAVE – “Ikardi është i që “tërheq karrocën”. Një djalosh shumë serioz dhe një sulmuesi i madh. Kam luajtur pak me të dhe mund t’iu them se profesionistët si ai janë të rrallë. E ka treguar vit pas viti se e meriton ta veshë atë fanellë.  Imobile është një lojtar zone. Ai nuk fal kurrë po i erdhi një rast porte, është ndër më të mirët në botë në atë aspekti, por kjo nuk do të thotë se është një sulmues statik, pasi ai është një lojtari i zhdërvjellët”, përfundoi Stankoviç.

Pjesë e skuadrës gjithashtu ishte dhe ish-mesfushori Dejan Stankoviç, i cili kaloi plot 9 vite me fanellën zikaltër, duke u shndërruar në një beniamin për tifozët e skuadrës zikaltër. Serbi është rikthyer të flasë për Serinë A dhe për Interin në një intervistë për mediat italiane, ku është shprehur se në Serinë A luftohet për vendin e dytë pasi Juventus është më lart se ekipet e tjera.

INTERI – “Po bëjnë mirë. Në fakt e prisja këtë ecuri, pasi janë një skuadër mjaft e konsoliduar dhe po përmirësohen nga ndeshja në ndeshje. Kanë një sulmues të shkëlqyer si Ikardi, i cili gjithashtu po përmirësohet shumë. Gjithashtu kanë një stol me mjaft kualitete, që do të thotë se ekipi mund të mbështetet dhe te lojtarët rezervë”.

TITULLI DHE DERBI – “Për titull kampion dua të jem i sinqertë, pasi Juventus po luan në një ligë tjetër, e gjithë gara do të bëhet për vendin e dytë. Derbi do të jetë një ndeshje e bukur dhe nuk dua të jap parashikime, pasi janë ndeshje të cilat nuk mund të parashikohen. Milani është zgjuar dhe do të jetë një ndeshje e vështire, por shpresoj që në fund të fitojë Interi”, ka përfunduar ish-mesfushori zikaltër.

“Modriç do të ishte një afrim i madh. Me afrimin e tij, Inter do të përfitonte më shumë sesa do përfitojë Juventus nga Ronaldo. Luka do të sillte kualitet më të madh se ardhja e portugezit.

Milinkoviç-Saviç? Sergej është rritur shumë dhe është përmirësuar me 300% që nga momenti që erdhi në Itali. Çmimin e tij e vendos Lotito, por mendoj që kjo situatë nuk do të ndikojë tek lojtari. Ai është i fortë psikologjikisht dhe nuk do të vuajë nga kjo situatë, edhe pse është normale që mund të ndikojë pak në përgatitjet e tij për sezonin e ri.”