Që nga viti 2004 ai mban postin e presidentit të Federatës së Malit të Zi (FSCG), ndërsa mbetet akoma i lidhur me Milanin. Ish-numri 10, i njohur ndryshe dhe me pseudonimin “gjeniu”, ka folur për mediat italiane, duke dhënë mendimin e tij për Milanin, vështirësitë e futbollit italian dhe shkakun e krizës së kombëtares.

MILAN – “Ky është ekip më pëlqen. Po bëjnë mirë në kampionat dhe po luftojnë për një vend në katërshen e parë. Duhet arritur ky objektiv, që do të ishte si fitimi i titullit kampion. Championsit ë ndryshon jetën sot. Maldini dhe Leonardo janë një garanci, e njohin mirë ambientin dhe do të bëjnë zgjedhjet e nevojshme.”

PIATEK-PAKETA – “I pashë në ndeshjen kundër Romës dhe duket qartë se janë dy lojtarë të rëndësishëm, më në fund. Është herët të gjykojmë brazilianin, le ta lëmë të luajë dhe të ambientohet. Nga ana tjetër, Piatekun e shoh të shënojë që nga fillim i sezonit. Impresionuese. Shpresoj që të mos ndalet, por më duket solid dhe serioz.”

GATUZO – “Nuk jam surprizuar nga Rino. Ai po bën një punë të mirë, sepse edhe si lojtar ai ishte një person i rregullt, i cili nuk kishte frikë të stërvitej dhe të punonte. Ekipi dhe loja janë përmirësuar në kohët e fundit. Ai i takon detyra të rikthejë Milanin në nivele të larta.”

“Mendoj se rënia e Milanit nisi me shitjet e Ibrës dhe Tiago Silvës. Gjithçka nisi aty. Është e thjeshtë rruga për t’u rikthyer: duhen blerë lojtarë të mëdhenj, pikë!”

HIGUAIN – “Nuk arrij ta shpjegoj se çfarë ka ndodhur dhe pse Gonzalo nuk u integrua me ekipin. Gjynah për Milanin.”

MBROJTJA – “Kjo është forca e kuqezinjve. Donaruma do të bëhet me siguri Bufoni i ri. Edhe kundër Romës bëri pritje të jashtëzakonshme. Pastaj është Romanjoli, i cili i dhuron qetësi ekipit.”

BERLUSKONI – “Kam biseduar me të në dhjetor dhe me Galianin, i cili më ftoi të shihja një ndeshje të Monzës. Sapo të kthehem në Itali, do të shkoj të takoj Berluskonin.”

SERIE A – “Të gjithë kanë probleme, përveç  Juventusit. Bardhezinjtë do të fitojnë kampionatin dhe do të shkojnë larg në Champions. Do të jetë e vështirë kundër Atletikos, por e di se Juventusi do të kualifikohet. Ata kanë dhe një rival më pak, pasi PSG do e ketë të vështirë pa Nejmarin.”

NEJMAR – “Të gjithë duhet ta vlerësojnë brazilianin, jo vetëm unë. Ai i përket kategorisë së Mesit dhe Ronaldos, edhe pse e pranoj që portugezi më ka befasuar. Nuk mendoja se do të kishte të njëjtën dëshirë për të fituar e sakrifikuar në moshën 34-vjeçare. Ai dëshiron të fitojë gjithçka. Më shumë se një futbollist i madh, ai është një sportist i madh.”

ITALIA – “Mos kualifikimi do të ndodhte herët a vonë. Kriza e Italisë ka ndodhur për shkak të lojtarëve të huaj të padobishëm. Në kohën time luanin më të mirët, por portierët dhe mbrojtësit ishin italianë. Italia ka patur Xhentilen, Kabrinin, Barezin, Maldinin, Kostakurtën, Tasotin, Nestën dhe Bergomin. Ajo kohë ka mbaruar, ndërsa sot Italia ka vetëm një fantazist, Lorenco Insinjen. Janë dhe Keiza me Zaniolon, por nuk mjaftojnë. Janë shumë pak. Interi dhe Juvja kanë nga 2-3 italianë në ekip. Vetëm Milani ka shumë dhe kjo është diçka shumë e mirë për kuqezinjtë.”

Ish-fantazisti, i njohur me pseudonimin “Gjeniu”, ka folur për “Corriere dello Sport”, për ish-ekipin e tij, derbin e Milanos, punën e mirë dhe futbollin e bukur që po prodhon Milan nën drejtimin e Xhenaro Gatuzos, rikthimin e dyshes Leonardo-Maldini në klub si dhe sulmuesin Gonzalo Higuain.

DERBI – “Milan vjen mirë në këtë ndeshje dhe është më në formë se Inter, por kjo nuk do të thotë  gjë. Këto janë ndeshje të veçanta dhe nuk dihet kurrë se kush do të fitojë. Sinqerisht Milan luan një futboll më të bukur se Inter. Në ndeshjet e fundit zikaltrit nuk më kanë pëlqyer shumë.”

GATUZO – “Rino po bën një punë shumë të mirë, por gjëja më e rëndësishme janë rezultatet. Puna është një gjë, por në fund përcaktojnë rezultatet.”

LEONARDO-MALDINI – “Jam me të vërtetë i lumtur për rikthimin e tyre në klub. Shpresoj që Leo të sajojë ndonjë blerje si në të kaluarën me Kaka, Pato dhe Tiago Silva. Nevojitet inteligjencë, duhen marrë lojtarë të mirë pa shpenzuar shumë para. Lojtarë malazezë për të sugjeruar? Për momentin jo, por nëse ndodh, do të thërras Milanin me dëshirë.”

HIGUAIN – “Drejtuesit bënë mirë që morën bomberin argjentinas, në ndryshim nga viti i kaluar kur morën Kaliniç dhe Andres Silvën, lojtarë që nuk ishin për Milan. Pipita është i fortë, ka një të kaluar të rëndësishme, është një sulmues me rendiment për një ekip të madh dhe po e demonstron një gjë të tillë. Mos të harrojmë Suson, i cili po bën një punë shumë të mirë me asistet e tij”.

KRAHASIMI ME IKARDIN – “Janë dy lloje të ndryshëm sulmuesish. Unë preferoj Pipitën, sepse shënon, merr pjesë në lojën e ekipit, dhuron asiste dhe përmirëson të gjithë grupin e lojtarëve. Ikardi është një finalizues i jashtëzakonshëm, por është ekipi që duhet të jetë në shërbim të tij.”