Kroati është ndër të preferuarit. Ky i fundit dëshiron të largohet nga Liverpuli. Sipas mediave angleze, 29-vjeçari i ka bërë të qartë klubit kërkesën për t’u larguar. Besimi ndaj tij është lëkundur dhe sezonin e fundit e mbylli me 16 ndeshje të zhvilluara.

Një agjent i tij është takuar me përfaqësues të Milanit gjatë ditës së djeshme. Negociatat kanë nisur dhe janë në rrugë të mbarë. Liverpuli kërkon 28 milionë euro për ta lënë mbrojtësin të lirë.

Një shumë normale duke krahasuar çmimet e ditëve të sotme dhe kualitetin e lojtarit. Tani pritet oferta e parë zyrtare e Milanit dhe marrëveshja mund të arrihet shumë shpejt.

Kroacia mposhti Spanjën me rezultatin 3-2 për Ligën e Kombeve, ndërsa në fund të ndeshjes Lovren “shpërtheu” në rrjet sociale kundër kapitenit të Realit dhe kombëtares iberike. ““I dhashë një goditje të bukur, hahaha 3-2! Fol tani mik, Jeni një tufë femrash të llastuara”, shkruante qendërmbrojtësi në faqen e tij në rrjete sociale.

Qeveria europiane e futbollit ka marrë vendimin për lojtarin, duke e pezulluar me një ndeshje. Lovren do të mungojë në ndeshjen hapëse kundër Azerbajxhanit për eliminatoret e Euro 2020. “Lojtari ka shkelur rregullat themelore të sjelljes sportive”, shpjegon UEFA skualifikimin e lojtarit, ndërsa një vendim i tillë mund të krijojë precedent, pasi është hera e parë që një lojtar dënohet nga… rrjetet sociale.

Ramos i ka dhënë një “like” një fotoje ku shfaqet duke ngritur kupën e Champions Ligës dhe para tij ndodhet kroati në lot. Përplasja nisi në finalen e Champions-it të kaluar mes Liverpulit dhe Realit. Spanjollët triumfuan, duke dërguar Champions-in për herë të 13 në Madrid, ndërsa Ramos u kritikua pafund për dëmtimet ndaj Salah dhe portierit Karius.

“Sergio Ramos është me fat që luan me Realin. Ai bën shumë gabime, por askush nuk ia vë re. Varan është më i mirë se ai”, komentonte mbrojtësi i Liverpulit, ndërsa spanjolli reagoi para ndeshjes Kroaci-Spanjë. “Ka shumë njerëz rreth e rrotull, të cilët më kritikojnë nga inati dhe zilia”. Kroacia fitoi përballje Spanjës me rezultatin 3-2 dhe Lovren nuk u përmbajt.

“Spanjollët janë një tufë femrash të llastuara. Ramos? I dhashë një goditje të madhe, le të flasë akoma…”, ishte komenti i Lovren, ndërsa tashmë ka ardhur reagimi ndryshe i spanjollit. Ai në festë dhe “armiku” kroat në lot. Ka më bukur? Një “më pëlqen” mjafton për t’i kujtuar Lovrenit një natë të trishtë të karrierës së tij.

Goli i fitores u shënua në minutat shtesë nga Tin Jedvaj, i cili shënoi një dopietë. Fitorja e mbrëmshme i gëzoi të gjithë në kampin kroat, sidomos Dejan Lovren. Mbrojtësi i Liverpulit ishte pjesë e thumbimeve në distancë me Sergio Ramosin, duke e akuzuar për dëmtimet e qëllimshme ndaj Salah dhe Karius në finalen e Champions-it. Spanjolli reagoi duke thënë që “disa më kritikojnë nga inati”, diçka që nuk është harruar nga kroati.

Lovren mezi ka pritur fundin e ndeshjes për t’u futur dhe komentuar në rrjetet sociale, duke “thumbuar” Sergio Ramosin. “I dhashë një goditje të bukur, hahaha 3-2! Fol tani mik, Jeni një tufë femrash të llastuara”. Video e postuar është përhapur shpejt në internet, duke ndarë tifozët në dy kahe.

Ata të Liverpulit dhe kundër Ramosit i kanë dalë në krah kroatit, ndërsa të tjerë kanë kritikuar mbrojtësin për fjalët e rënda, duke pretenduar që do të ishte më mirë që lojtari të festonte fitoren e Kroacisë, pa vazhduar me polemika. Një gjë është e sigurt, polemika Lovren-Ramos do të vazhdojë akoma. Thjeshtë sapo ka rinisur dhe sapo është “egërsuar”…

Dejan Lovren sending Sergio Ramos a special message after Croatia’s 3-2 win over Spain. We won’t translate ? pic.twitter.com/LTEu72J6wq

— ONSIDEVIEW.COM (@theonsideview) November 16, 2018

Kroati i Liverpulit e cilësoi Ramosin si një mbrojtës, i cili gabon pafund, por askush nuk ia vë re, ndërsa ai zgjodhi francezin Varan si më të mirë se Ramos. Ky i fundit ka reaguar dhe e ka bërë para sfidës së sotme për Ligën e Kombeve, Kroaci-Spanjë.

“Ka njerëz që nga dëshpërimi të kritikojnë dhe ofendojnë, por unë nuk e bëj diçka të tillë. Koha vendos gjithçka në vendin e vet në fund. Do të ishte e përshtatshme, që këto njerëz të ndërtonin reputacionin dhe emrin e tyre pa patur nevojë të flasin për mua. Çdokush ka mendimin e tij, kam patur trajnerë të ndryshëm nga njëri-tjetri, por të gjithë kanë thënë fjalë të mira për mua. Gjithmonë kam sakrifikuar, jam gjithmonë i pari, i cili hidhet në baltë dhe që jap gjithçka. Pastaj, çdokush mund të thotë atë që dëshiron”, përfundon mbrojtësi i Realit të Madridit.

29-vjeçari i “The Reds” u shpreh dy ditë para finales së 12 korrikut kundër Francës se ishte “një nga qendërmbrojtësit më të mirë në botë”, diçka që solli debate në rrjetet sociale. Lovren ka folur për “YouTube Copa 90”, duke sulmuar Sergio Ramos.

Spanjolli i Real Madrid u shpall “mbrojtësi më i mirë” nga FIFA, ndërsa kroati nuk përton të “sulmojë” kapitenin e ekipit “merengues”, i cili është një figurë e urryer në Liverpul, për shkak të faulleve kundër Salah dhe Karius në finalen e Kievit në Champions.

“Unë kam thënë se jam ndër më të mirët dhe jo më i miri. Vij nga një sezon ku kam luajtur finalen e Champions Ligës dhe atë të Kupës së Botës. Henri më cilësoi si mbrojtësin më të mirë të Botërorit. Sergio Ramos? Ai bën më shumë gabime se unë, por luan me Realin e Madridit. Kur luan me Kristiano Ronaldon, edhe nëse bën gabime me rezultatin 5-1, 5-2, askush nuk t’i vë re gabimet. Unë jam i pafat, kur skuadra ime gabon, pësojmë gol. Nuk ka gjyqtar më të mirë se vetja: kur bëj ndonjë gabim në ndeshje, nuk i flas gruas time për 1 javë. Nuk ia lë fajin askujt, përpiqem të qëndroj i qetë dhe të jem profesionist.”

Lovren ndalet dhe te mbrojtësi më i mirë në botë, sipas mendimit të tij, duke thumbuar përsëri Sergio Ramos. “Varan është një mbrojtës, i cili më pëlqen shumë. Besoj se është më i fortë se Ramos dhe e ka treguar një gjë të tillë në vitet e fundit dhe në sezonin e kaluar. Fitoi Kupën e Botës dhe Champions-in, por nuk gëzon të njëjtën konsideratë me Sergio Ramos”, përfundon mbrojtësi kroat i Liverpulit.

Mamiç u akuzua në vitin 2015 për parregullsi në transferimet e shumë lojtarëve të Dinamo Zagreb. Shembull konkret është, pikërisht transferimi i mbrojtësit Dejan Lovren nga Dinamo në drejtim të Lion për shumën e 7.5 milionë eurove, si dhe 1.3 milionë që do të vinin bonus në varësi të paraqitjeve të shtatlartit. Në këtë transferim thuhet se Mamiç përfitoi rreth 50% të marrëveshjes. Gjithashtu dhe për transferimin e Modriç nga Dinamo tek Totenhem ish-drejtori ekzekutiv i kroatëve akuzohet për të tjera parregullsi.

Zdravko Mamiç është një ndër figurat më të fuqishme në Kroaci. Ai u dënua me 6 vite e gjysmë burg, por një ditë përpara dhënies së dënimit ai u zhvendos drejt Bosnjes të cilët refuzuan të ekstradojnë këtë të fundit drejt shtetit kroat. Ish-drejtori deklaroi se nuk do të kthehet kurrë në Kroaci.