Barrela mbushi arkën, Kaljari shpenzon 30 milionë euro

Sport Ekspres — Wed, 31 Jul 2019 13:08:39 +0000

Kaljarit regjistroi shitjen rekord të historisë së klubit duke pranuar ofertën 40 milionë eurosh të Interit për mesfushori Nikolo Barrela. Paratë e arkëtuara nga shitja e talentit vendas do të shpenzohen për të sjellë në ishull dy përforcime të bujshme për skuadrën ishullore.

I pari është uruguaiani Nahitan Nandez. Mesfushori i Boka Zhuniors pritet të mbërrinjë në Sardenjë në ditët në vazhdim. Dy klubet kanë gjetur marrëveshjen për shitjen e kartoni të 23-vjeçarit për 15 milionë euro.

Lojtari i dytë është francezi Greguar Defrel, për të cilin është arritur një akord me klubin e Romës, që do të përfitojë 15 milionë euro nga shitja e sulmuesit.

Tentoi t’i ikte policisë, aksidentohet sulmuesi i Sampdorias

Sport Ekspres — Mon, 11 Mar 2019 12:41:25 +0000

Sulmuesi i Sampdorias Greguar Defrel është bërë protagonist i një aksidenti me makinë. Ngjarja ka ndodhur natën e mbrëmshme në rrugët e qytetit të Xhenoas.

Futbollisti francez iu largua postbllokut të policisë me automjetin e tij Mercedes Benz model C63 dhe në përpjekjeve për t’iu larguar policisë u përplas me një sërë makinash dhe tabelash rrugore.

Pas kryerjes së testit të alkoolit, Defrelit iu pezullua patenta, ndërsa u gjobit dhe për mosrespektim të semaforit. Klubi i Sampdorias ka reaguar në lidhje me këtë incident, ku ka paralajmëruar se do të marrë masa disiplinore për lojtarin.

defrel

Barrela mbushi arkën, Kaljari shpenzon 30 milionë euro

Tentoi t’i ikte policisë, aksidentohet sulmuesi i Sampdorias