Drejtori i Sportiv i “gjigantit” argjentinas është një mik i afërt i De Rosit. Bëhet fjalë për ish-mbrojtësin e Romës, Nikolas Burdiso. 38-vjeçari e kontaktoi italianin sapo ky i fundit u la i lirë nga Roma, por mesfushori kërkoi kohë të mendohej për të ardhmen, pasi tundimi për t’i dhënë fund njëherë e përgjithmonë futbollit profesionist ishte i madh.

Ofertat nga ekipet italiane nuk munguan, por siç duket De Rosit nuk mund t’ia lejonte vetes të luante në Itali për një ekip tjetër. Sipas “Sky Sports”, futbollisti do të firmosë të nesërmen një kontratë 1-vjeçare me klubin nga Buenos Aires.

Në kontratë De Rosi ka të drejtën e largimit të njëanshëm në muajin janar, masë kjo e ndërmarrë në rast se aventura amerikano-latine nuk rezulton në praktikë aq fantastike sa ç’duket në teori.

Për De Rosin nuk do të ketë klub të dytë në Itali, por as në Amerikën e Jugut ose të Veriut. 35-vjeçari ka vendosur të japë dorëheqjen nga futbolli profesionist duke shënjuar fundin e një karriere që filloi 18 vite më parë.

De Rosi do t’i bashkohet lojtarëve si Françesko Toti, Rajan Gigs, Pol Skoulls dhe Paolo Maldini, të cilë  kanë luajtur gjatë të gjithë karrierës së tyre me fanellën e vetëm një klubi.

Sipas raportimeve në mediat italiane, Milani po përgatitet që të firmosë me 3 lojtarë deri në javën e ardhshme. Ozan Kabak është emri i parë, me turkun që ende nuk ka vendosur se kë do të zgjedhë mes kuqezinjve dhe Bajernit të Mynihut.

Gjithsesi, thuhet se Milani i ka premtuar mbrojtësit që do të ketë një rol të rëndësishëm në ekip, ndaj besohet se turku të vendosë për të kaluar në Itali. Emri i dytë është Lukas Torreira. Padyshim, uruguajani ka qenë më i përfoluri, pasi dihet që është i preferuari i trajnerit Xhampaolo.

Pikërisht ky i fundit duket se ka folur me vetë mesfushorin, i cili e ka vendosur që do të largohet nga Londra. I vetmi problem mbetet të bindet Arsenali, me “Topçinjtë” që nuk duan ta lëshojnë lehtë Torreiran.

Emri i tretë dhe i fundit është Daniele De Rosi. Përsëri dëshirë e Xhampaolos, pasi eksperienca e 35-vjeçarit do të ishte mjaft e rëndësishme në mesin e fushës. Riki Masara ka biseduar me De Rosin dhe thuhet se e ka bindur për kalimin në “San Siro”.

Tifozët lacialë kanë shpalosur një parullë gjigante në ndeshjen kundër Bolonjës: “Curva Nord përshëndet De Rosin, krenar dhe armik i pamëshirshëm në fushë”.

Edhe para dy vitesh, më 21 maj 2017, Curva Nord i kushtonte një parullë Françesko Totit, i cili po tërhiqej nga futbolli i luajtur: “Armiqtë e përjetshëm përshëndesin Françesko Totin!”.

JNë përfundim të takimit kapiteni i Romës, Daniele De Rosi, u shpreh se skuadra e tij nuk e meritonte të eliminohej në këtë lloj mënyre.

“E tmerrshme të eliminohesh në këtë mënyrë. Nuk arritëm të bënim një ndeshje perfekte, por pashë një grup burrash që u përpoqën shumë dhe nuk e meritonin këktë gjë. Duhet ta fitonim ndeshjen e parë me rezultatin 2 – 0. Mendoj se duhet të kishim marrë më shumë për 120 minuta e lojës që kryem. Jam krenar për këta lojtarë”

VAR – “Nuk e kam parë ende rastin e penalltisë, por dikush më tha që Manolas mund të ishte në faj”.

E ARDHMJA E DI FRANÇESKOS – “Për këtë vendosin drejtuesit e klubit”.

Vendasit e nisën mjaft mirë ndeshjen, teksa që në minutat e para ushtruan presion në zonën e Romës. Në minutën e 26-të erdhi dhe zhbllokimi i rezultatit, ku shënoi Tikinjo Soares, i cili u asistua nga Marega.

Gjithsesi, verdhkuqtë arritën të reagonin dhe në minutën e 37-të baraspeshuan gjithçka. Një faull në zonë i Eder Militaos, ndaj Diego Perrotit, detyroi arbitrin të akordoi 11-metërsh në favor të Romës. Te pika e bardhë u paraqit kapiteni De Rosi, i cili u tregua i saktë.

Pjesa e parë u mbyll në barazim, 1-1, ndërsa e dyta nisi menjëherë e vrullshme. Ishin sërisht vendasit e Portos, të cilët shënuan me anë të Maregës, me këtë të fundit që shfrytëzoi në maksimum një krosim të Koronës, për të çuar në festë tifozët e tij.

35-vjeçari pak e nga pak po lë pas dëmtimin që pësoi në tetor të vitit të shkuar dhe është rikthyer në seancat stërvitore. Me shumë gjasa, De Rosi do të luajë në takimin kundër Portos në Ligën e Kampionëve.

Para ndeshjes kundër ekipit portugez, kapiteni romak foli për shumë gjëra, por fokusin më të madh e mori përgjigja e tij pasi u pyet për të ardhmen. De Rosi tha:

“Gjithmonë e kam thënë: Me Romën luaj deri sa trupi të mos më përgjigjet më! E rëndësishme për momentin është që shokët ende më besojnë, trajneri ende më beson. Në dy vitet e fundit, jam ndier shumë i rëndësishëm te klubi ku e konsideroj “familje” dhe kjo gjë vetëm prej shokëve që kam këtu, të cilët nuk më kanë lënë asnjëherë vetëm”,- përfundoi italiani.

De Rosi i është bashkuar Romës në vitin 2000 si një adoleshent, ku u rrit dhe u shndërrua në një nga mesfushorët më të mirë në Serie A. Me fanellën e verdhekuqve, 35-vjeçari numëron 452 ndeshje, si dhe 42 gola.

FUTBOLLI – “Kur isha i vogël, do të nënshkruaja direkt për të zhvilluar gjysmën e ndeshjeve që kam bërë deri më tani në Serie A. Ndihem i privilegjuar, kam bërë punën që dashuroj, në qytetin që dashuroj, me njerëzit që dashuroj. Fundi im është afër dhe kjo gjë rëndon, sidomos në këtë moment që jam i dëmtuar, ku kam kuptuar se çdo të thotë të jesh larg skuadrës. E di se do të lëndohem kur të tërhiqem përfundimisht, pas 6 muajsh, një viti, apo tre viteve…

DËMTIMI – “Ky është dëmtimi më i rëndë që kam pësuar në karrierë. Kam pësuar një dëmtim të rëndë dhe të rrezikshëm për moshën time (35 vjeç). Kam filluar të vrapoj, por nevojitet kohë për t’u rikuperuar plotësisht dhe jam shumë mbrapa.

JUVENTUS – “Kemi shumë presion kohët e fundit dhe ndodhemi në një moment delikat, sepse e dimë që jemi të gjithë në monitorim, përfshirë dhe trajnerin. E dimë që duhet të bëjmë më mirë, sesa kemi bërë deri më tani. Duam të zhvillojmë një ndeshje të madhe kundër Juventusit, më shumë për veten tonë, sesa për rëndësinë e ndeshjes. Nëse futemi në detaje, e dimë mirë që presion ka dhe për kundërshtarin, që është më i forti që ekziston.”

E ARDHMJA – “Ëndërroj të bëhem trajner. E di që një gjë e tillë të kërkon të mendosh për gjithçka, por ajo që më frikëson më shumë është  fakti që duhet të bëj 100 intervista në javë. Babai im më thotë se është bukur të bëhesh trajner, por nuk mund të quhet punë e mirëfilltë. Ai është një maestro, sepse nuk ka pasur kurrë ambicien për t’u bërë si Guardiola, Saki, apo Murinjo. Mund të mësoj shumë gjëra nga ai, sidomos faktin se si mund të jesh pjesë e një pune të përditshme. Nuk e di nëse do të jem i aftë ta bëj, por do të informohem duke udhëtuar dhe do të studioj për të mësuar.

Kontrata e mesfushorit mbaron  në fund të këtij sezoni, por palët po punojnë për një rinovim 1-vjeçar. Drejtuesit e Romës besojnë se kapiteni mund të japë akoma për klubin dhe marrëveshja mund të finalizohet brenda këtyre javëve.

Gjithsesi kontrata e re e ka një kleçkë. De Rosi do i duhet të pranojë një pagë të përgjysmuar, diçka që e ka bërë dhe dy vite më parë kur pranoi një rinovim 2-vjeçar që ia uli pagën nga 6 milionë euro (më i paguari në skaudër asokohe)  në tre milionë euro që përfiton aktualisht. Një rast dështimi të marrëveshjes, një opsion tjetër ështe dhe varja e këpucëve në kampionatin amerikan.