De Paul tek Interi? Agjenti i lojtarit sqaron gjithçka

Sport Ekspres — Thu, 23 May 2019 21:17:28 +0000

Leandro Pereir, një nga agjentët e Rodrigo de Paul, ka konfirmuar se po vlerësohet zgjidhja më e mirë për të ardhmen e klientit të tij. Sulmuesi argjentinas ka tërhequr vëmendjen e disa klubeve brenda dhe jashtë Italisë, me Napolin dhe Interin që shihen si dy skuadrat favorite.

“Napoli është mundësi shumë e mirë për Rodrigon, por ka edhe klube tjera që interesohen për të,” zbuloi Pereir në një intervistë me Radio Kiss Kiss Napoli. “Për momentin, po vlerësojmë se çfarë është më e mira nga pikëpamja sportive, ashtu edhe nga pikëpamja ekonomike. Bazuar në këtë, ne do të zgjedhim rrugën më të favorshme, në të dy drejtimet”, përfundoi Pereir.

De Paul këtë sezon me Udinezen, ka bërë 37 paraqitje në të gjitha kompeticionet, ku ka shënuar nëntë gola. Në 3314 minuta të tij në fushë, De Paul ka dhënë dhe tetë asiste.

VIDEO | Udineze “ringjallet” ndaj Romës, De Paul magjepsës

Sport Ekspres — Sat, 24 Nov 2018 16:08:10 +0000

Udineze është rikthyer te fitorja pas një ritmi të tmerrshëm prej shtatë ndeshjesh ku tri pikët ishin harruar nga skuadra friulane. Në Udine njeriu i momentit është argjentinasi Rodrigo De Paul, i cili shënoi golin e vetëm të takimit në përballjen ndaj Romës.

Sulmuesi amerikano-jugor po përjeton momentin më të mirë në karrierë, pasi deri më tani ka regjistruar 6 gola dhe tre asiste në 13 ndeshje të Serie A dhe jo më kot për të kanë treguar interes skuadra të shumta të Serie A.

Skuadra nga kryeqyteti italian vazhdon të tregojë luhatje të shumta në rezultate. Verdhekuqtë dominuan gjatë të gjithë të takimit, por shpërdorimet e shumta kanë bërë që të kthehen me 0 pikë në Romë.