Në një intervistë për “Corriere Dello Sport”, producenti i njohur shpjegon si qëndron situata me sulmuesin argjentinas, ndërsa zbulon dhe se ku kanë ngecur negociatat për transferimin e Hamez Rodrigez në Napoli.

“Muaro Ikardi është një lojtar shumë i mirë. Ne e vlerësojmë jashtëzakonisht shumë, kjo s’ka vend për diskutim, por ai kërkon të shkojë te Juventusi”.

“Hamez Rodrigez është lojtari më i njohur mediatikisht pas Nejmarit dhe Ronaldos. Ai kërkon të vijë në ekipin tonë, por Reali kërkon shumë për kartonin e tij. Ne s’mund t’i kalojmë limitet tona. Presim që të na ofrohet një çmim i arsyeshëm “.

“Kur them se stadiumi “San Paolo” është një tualet, nuk kam si qëllim të ofendoj qytetin, por të vë në dukje rrënimin që stadiumi ka pësuar ndër vite. Kjo gjë ndoshta ka ndodhur për shkak se vite më parë njerëz të caktuar abuzuar me fondet gjatë procesit të rinovimit të stadiumit vite më parë. Të gjithë e dimë se ky ka qenë gjithmonë realiteti në Napoli”.

“Jam duke shqyrtuar disa opsione sëbashku me disa nga zyrtarët e bashkë. Ndoshta do të na duhet të çmontojmë pjesën mbuluese dhe të vendosim një të re. Duhet të një transformim total i stadiumit që të kthehet në një impiant të denjë për të mirëpritur familje dhe fëmijë. Ky problem prek të gjithë Italinë”.

Gjithsesi, sipas asaj që raportohet nga “Calciomercato” dhe “Gazzeta dello Sport”, De Laurentis e ka refuzuar ofertën, që ka qenë në shifra monstruoze. Plot 110 milionë euro thuhet se ka ofruar Junajtid, por numri një i klubit të Napolit ka refuzuar.

#Napoli have rejected a #ManchesterUnited’s bid (€110M) for Kalidou #Koulibaly. De Laurentiis doesn’t sell him and the termination clause (€150M) will be valid only from 2020. #transfers #MUFC #mutd

— Nicolò Schira (@NicoSchira) May 20, 2019

De Laurentis pretendon që Junajtid të paguajë klauzolën e Kulibalis, e cila është plot 150 milionë euro. Kauzola është e vlefshme deri në fund të sezonit të ardhshëm. Tashmë pritet me interes nëse do të ketë një tjetër ofertë nga Mançesteri.

INSINJE – “E mbani mend Kualjarelan? Është një situatë e njëjtë. Këtu në Napoli është një territor i qetë, por napolitanëve po ju dhe gishtin, të marrin krahun. Kualjarela na doli një lojtar shumë i mirë, por shumë vonë. Ai nuk fliste me ne.

SEZONI – “Pjesa tjetër e skuadrës ka bërë shumë mirë këtë sezon. Është e vështirë të kalosh nga filozofia e Sarrit te Ançeloti. Pas tre viteve me Maurision, i cili bëri një punë të shkëlqyer, lojtarët duhet të përshtateshin me Ançelotin. Duhet kohë”.

JUVENTUSI – “Për ne, është e vështirë të rivalizojmë me skuadra që janë në borxhe (referuar Juventusit). Ne nuk kemi asnjë euro borxh”, u shpreh presidenti i Napolit.

SITUATA ME INSINJEN – “Di vetëm që ai është një lojtari i Napolit dhe një napolitan. Insinje e ka treguar gjithmonë se ka një lidhje të fortë me këtë fanellë, por unë nuk mund ta detyroj të qëndrojë. Ka kërkuar të largohet katër ose gjashtë vite më parë, pasi më tha se nuk ndihej i respektuar nga tifozët”.

KRISTIANO RONALDO –  “Ronaldo është një lojtari i veçantë, pasi ka zëvendësuar trajnerin te Juventusi. Më thoni çka bërë Alegri këtë sezon. Ai është njeriu që motivon skuadrën. E kam parë njëherë të luajë me Portugalinë dhe po qëndronte në stol atë ndeshje. Bërtiste më shumë se trajneri në mënyrë që të motivonte lojtarët. Nuk mund ta merrja në Napoli. Prindërit më kanë mësuar që të mos shpenzoj më shumë se ç’i kam mundësitë”.

Më tej De Luarentis foli mbi idenë e futjes së një formati play-off në Serie A: “Për mendimin tim është një propozim i gabuar. Duhet një qasje tjetër dhe serioze për këtë çështje”.

Lidhur me aventurën e “Karletos” në Napoli, ka folur së fundmi e bija e tij, Katia. Kjo e fundit në një intervistë të dhënë për “Radio Kiss Kiss”, ka rrëfyer shumë gjëra në lidhje me babain e saj. Në fund, Katia ka zbuluar edhe diçka mbi të ardhmen, ku deklaroi se “dashuria” mes Ançelotit dhe Napolit mund të zgjasë përgjithmonë.

NAPOLI – “Babai im zgjodhi Napolin pasi ishte një sfidë e re. Napoli është një vend i bukur, me një entuziazëm unik, që mund të krahasohet vetëm me disa vende në Botë. Ekipi ka disa vite që nuk ka fituar, por kanë qenë pranë. Të fitosh nuk është e lehtë.”
PASIONI I ANÇELOTIT – “Babai më thotë shpesh se ka qenë me fat dhe mendoj se tani ka nevojë për diçka të tillë. Është një njeri që jeton me futbollin, që është edhe pasioni i tij më i madh. E mbaj mend që në ndeshjen e parë kundër Milanit, ishte shumë në ankth dhe e pash me lot në sy. Ishte i impresionuar nga ekipi i tij dhe atmosfera në ‘San Paolo’. Një stadium i tillë na kishte munguar.”
“DASHURIA” ANÇELOTI-NAPOLI – “Mendoj se ishte dashuri me shikim të parë, sikur të biesh në dashuri me një person. Në atë moment shpreson që të zgjasë gjithmonë. Gjithsesi, ndonjëherë, dashuria nuk mjafton. Duhen shumë gjëra, por në rast se ka respekt nga të dyja palët, besoj se do të jetë një marrëdhënie që do të zgjasë jashtëzakonisht shumë, ajo mes babait tim edhe Napolit.”
E ARDHMJA – “Mund të qëndrojë gjithmonë këtu? Për mendimin tim, them se po. Kushtet janë të tilla. Ançeloti dhe De Lauentis e dashurojnë jetën dhe fitoren.”

“Oskarin do t’ia jepja Karlo Ançelotit. Ai erdhi në një territor shumë shumë kompleks e të ndërlikuar me një buzëqeshje dhe qetësi që ndikoi të të gjithë ne. Ai ishte i aftë të krijonte këtë atmosferë fantastike që ekziston tani. Ai pati aftësinë për të krijuar këtë grup”, u shpreh De Luarentis.

Që prej emërimit të Karlo Ançelotit në krye të Napolit gjatë verës së kaluar midis tij dhe presidentit De Laurentis është ndërtuar një raport që rrallë e shohim në klube të tjera. Pothuajse çdo javë njëri prej tyre lëshon një kompliment për tjetrin. Të shohin sa do të zgjasë kjo dashuri kaq e theksuar midis të dyve.

EUROPA LEAGUE – “Napoli nuk i frikësohet askujt në Europa League, pasi jemi një ekip i konsoliduar. Luajmë prej nëntë vitesh në Europë dhe kemi një trajner fantastik si Karlo Ançeloti, i cili është i aftë të na çojë përpara. Kemi pasur fat në short, ku do të kemi një eksperiencë në qytetin e bukur të Salcburgut. Nëse shkojmë deri në finalen e Bakut do të ishte kënaqësi e madhe. Nuk është koha për të bërë parashikime tani, pasi është diçka që sjell fat të keq.”

SARRI – “Do të ishte bukur të luanim në finale ndaj Çelsit, duke supozuar që Sarri do të qëndrojë deri në atë kohë. Shpresoj që të qëndrojë dhe të bëjë mirë, sepse Sarri e dashuron punën që bën.”

THUMBIMI PËR JUVENTUSIN – “Do të luftojmë deri në fund. Nëse dikush bie që në pengesën e parë, atëherë ai është një dështim. Nëse nuk do që të jesh dështak, atëherë të duhet të luftosh deri në fund. Nuk fiton vetëm ai që renditet i pari. Të gjithë fitojmë në rast se luajmë me zgjuarsi dhe entuziazëm. E kam fjalën, nëse do të kisha marrë një borxh prej 200 milionë eurosh për të blerë një lojtar, ku do të ishte suksesi? Ideja është që të mendojmë për të gjetur recetën e duhur të suksesit.”

“Jam i zhgënjyer që fansat po mendojnë vetëm për titullin kampion dhe jo për të përfaqësuar qytetin. Të gjithë duhet të ishin në stadium kundër Sampdorias. Çmimet ishin të ulëta dhe në mes ishte dhe aspekti i hakmarrjes (Sampdoria fitoi takimin e parë 3–0)”.

“Prandaj më lind e drejta t’u pyes: A jeni më të vërtetë tifozë të Napolit?  Do ngelesha i shtangur nëse kjo do të ndodhte në një ekip tjetër. Milani dhe Interi nuk po shkëlqejnë në lojë dhe luajnë ndaj skuadrave më modeste, por prapëseprapë ata arkëtojnë mbi 5 milionë euro për ndeshje, ndërsa ne nuk i kalojmë 3 milionë euro. Ka tifozë që thonë se unë financoj filmat me paratë që marr nga Napoli, por në tri vitet e fundit bilancet e klubit janë negative”.

HAMSHIK – “Të gjithë doni të dini se çfarë do të ndodhë me Hamshik, por nuk do flasim për këtë çështje tani. Kur të vijë momenti i duhur në tre, katër ose pesë ditë, ne do t’u thërrasim e do t’u themi se çfarë do të ndodhë me kapitenin tonë.”

“Ju gazetarët gjithmonë shkruani gjëra të pasakta, por unë zbavitem nga kjo gjë. Po fillojmë të mendojmë për sezonin tjetër që do të jetë akoma më i vështirë, me Interin që do të tentojë gjithashtu të kërkojë titullin dhe Juventusin që ndoshta do të jetë disi më i qetë se vitet e kaluara”, përfundoi presidenti i Napolit.

21-vjeçari do të transferohet në fund të këtij sezoni në “San Paolo”, teksa deri në atë kohë do të jetë i huazuar te Xhenoa. Prezantimi i lojtarit nga Bregu i Fildishtë, thuhet se do të bëhet ditën e mërkurë. Te Napoli, Kuame do të përfitojë 500 mijë euro në sezon.

Sulmuesi afrikan, spikati me fanellën e Citadelës në Serinë B, ku verën e këtij viti u ble nga Xhenoa për shumën e 5 milionë eurove. Kuame u përshtat gati në mënyrë perfekte dhe me elitën e futbolli italian, ku ka krijuar një dyshe sulmi të frikshme, së bashku me Piatek. Tashmë, aventura e talentit do të vijojë në një nivel akoma më të lartë, duke nisur nga sezoni i ardhshëm.

Ndërkaq, tekniku livornez, nuk harroi të ngacmonte presidentin e Napolit, De Laurentis, i cili pak ditë më parë bëri disa deklarata mbi mospëlqimin e tij ndaj arbitrit Paulo Macoleni, i cili do të jetë ai do të vendosë drejtësi në ndeshjen e sotme midis Interit dhe Napolit.

“Arbitri Banti bëri një punë të mirë. Këtu në Itali, presidentët, trajnerët dhe zyrtarë të lartë flasin shumë. Unë po të doja mund të flisja për ndeshjen e sotme ose atë ndaj Romës, ku na ndodhi një episod i çuditshëm (goli i anuluar i Duglas Kostës). Nëse do flisja do të bëhej një zhurmë e madhe. Ndonjëherë më ndodh që të humb durimin, por nëse duam që e gjithë Italia të përmirësohet na duhet më shumë edukatë dhe elegancë. Kur ndodhin incidente të gjithë “qahemi” se përse nuk vijnë njerëz në stadiume. Më duket sikur askush nuk ka dëshirë që të përmirësojë futbollin italian”.

NDESHJA – “Skuadra luajti mirë pjesën e parë, ndërsa Atalanta shënoi në të vetmet raste që patën. E dinim që nuk do ta kishim të lehtë. Në pjesën e dytë mbetëm me një lojtar më pak, arritëm të shënonim, por nuk e kthyem dot rezultatin, por në fund kemi marrë një pikë të mirë ndaj një skuadre të mirë”, përfundoi Alegri.

“Ne jemi të aftë për të rritur lojtarë të mëdhenj dhe për t’i mbajtur në klub gjithashtu. Kur Mançesteri ofroi 95 milionë sterlina për një qendërmbrojtës, që kurrë nuk ka ndodhur më parë, do të thotë që ai është një lojtar i madh. Çmendem kur dëgjoj që thuhet që te Napoli nuk ka lojtar të mëdhenj”.

Kalidu Kulibali është një ndër shtyllat më të rëndësishme të ekipit të Ançelotit, teksa aktualisht po zhvillon një sezon mjaft të mirë. Senegalezi spikati me fanellën e Metzit fillimisht, ku u ble nga belgët e Genkut në vitin 2012. Dy vite më pas, 27-vjeçari hodhi hapin e madh, teksa u transferua te Napoli për shifrën e 8 milionë eurove.

Në një intervistë për medien holandeze “de Volksrant”, mesfushori rrëfeu kalvarin e gjatë të vuajtjeve që kaloi te klubi napolitan. Sezoni i parë rezultoi i kënaqshëm dhe aktivizimet në Serie A qenë të shumta. Por, më pas ngjarjet do të merrnin një rrjedhë të frikshme.

Mars 2015, holandezi ndjente një dhimbje të fortë në bark, doktori i klubit Alfonso De Nikola ia priste shkurt: “Xhonatan ushqehesh keq, pusha pak dhe ndrysho dietën e gjithçka do rregullohet”.

Vjen vera dhe Sarri zëvendësonte Benitezin në stolin e Napolit. Ndërkohë dhimbja në bark nuk njihte pushim, por doktori De Nikola insistonte se gjithçka kishte kaluar dhe De Guzman ishte gati për lojë. Njerëzit filluan të dyshojnë: mos vallë holandezi po shtirej si dëmtuar? Situata ishte aq e rëndë saqë dhe vetë lojtari filloi të dyshojë mos mendja po i bënte ndonjë rreng.

Në ditën e fundit të merkatos së verës, drejtori sportiv i Napolit, Xhuntoli, ia thotë se nuk bën më pjesë në planet e skuadrës dhe se duhet të pranonte një ndër ofertat që kishin ardhur nga disa ekipe angleze. De Guzman ia bën të qartë se ka ndërmend të luftojë për t’u rikthyer në formacion. Më pas fillojnë kërcënimet, por De Guzman i anashkaloi. Por të nesërmen situata u bë serioze.

Xhuntoli shkoi në stërvitje dhe filloi duke e sharë: “Ç’bën këtu more shk******, më premtove se do ikje”. Më pas e goditi me një grusht në fytyrë dhe plasi sherri. Zuniga shkoi dhe i ndau. “Xhonatan ik në shtëpi dhe largohu që këtu”, i thoshte kolumbiani.

I gjendur para kësaj situate, De Guzman vendosi të telefononte,djalin e presidentit Aurelio De Laurentis, Edoardon. Por, më kot. Ai nuk i përgjigjej thirrjeve të tij. Për habinë e tij, Edoardo shkoi të nesërmen në stërvitje dhe filloi t’i bërtasë: “Nuk ke për të ikur askund tani, je i vdekur”.

Më pas filluan masat ndëshkimore. Nga shtatori deri në janarin e vitit të ardhshëm De Guzman u lejua vetëm të vrapojë përreth fushës. Asnjë prej shokëve të skuadrës nuk i dilte në krah, por De Guzman thoshte se kjo është e kuptueshme, pasi më pas do e pësonin dhe ata.

Dhimbja në bark vazhdonte dhe në janar u lejua të kryejë një vizitë mjekësore te një specialiste e njohur. Këtu vjen pjesa më e çuditshme. Doktoreshës i mjaftojnë 10 minuta për të diagnostikuar shkakun e vërtetë të dhimbjes: “Djalosh ke hernie në muskujt e barkut, duhet të operohesh urgjentisht”. Doktori i Napolit, De Nikola, jepte veton për operacionin, duke insistuar se diagnoza e dytë ishte e gabuar.

https://www.instagram.com/p/BAej3pcMxWe/?utm_source=ig_web_copy_link

Në janar huazohet te Karpi dhe aty e lejojnë të kryejë operacionin. Koha e rikuperimit ishte shumë e gjatë dhe nuk arriti të lërë gjurmë në pjesën e dytë të sezonit. Në verën e 2016-ës, De Guzman kontaktohet nga një klub kinez, por e refuzoi ofertën, pasi kishte besim se do të rikthehet ai mëparshmi. Vijon sezonin 2016/2017 me Kievon, ku filloi ta marrë veten.

Në verën e 2017-ës, tri vite pasi nisi aventurën te Napoli, erdhi fundi i shumëpritur. Niko Kovaç e mori te Ajntrahti i Frankfurtit, ku kryen një sezon të shkëlqyer, që kulminoi me fitimin e Kupës së Gjermanisë përballë Bajernit të Mynihut. Gjithashtu arriti dhe një rekord të veçantë, duke u bërë holandezi i parë që shënoi në të katërt kampionet elitare: Angli, Spanjë, Itali dhe Gjermani.

Sigurisht, mbas gjithë kësaj nuk mund të mungonte reagimi i Napolit. Klubi italiani i cilësoi gënjeshtra të gjitha deklaratat e holandezit, por me shumë gjasa e vërteta është diku në mes dhe asnjë palë nuk është pa faj.

“Isha i interesuar për të transferuar Alisonin te Napoli, ofrova 60 milionë euro për të, por më pas mora vesh që ai do ikte te skuadra e Liverpulit, një transfertë kjo mjaft e dyshimtë, por tani e kam një shpjegim, pasi një “zog i vogël” më tha se Roma dhe Liverpuli kanë të njëjtin pronar”, tha De Laurentis gjatë një interviste për Corriere Dello Sport.

Nuk ka vonuar dhe përgjigja nga presidenti i Romës Xhejms Palota, i cili i ka kthyer homologut të tij një përgjigje me doza të forta humori: “Nuk e kam idenë se çfarë po tymos De Laurentis atje në Napol. Nëse e gjen përsëri atë “Zogun e Vogël”, mos u çudisni sikur t’i thotë që ne kemi të njëjtin pronar me Barcelonën dhe Bajernin”.

“Nuk mund ta kuptoj sesi këta të ashtuquajtur “tifozë” më kritikojnë mua për mungesën e blerjeve. Këta fansa më kërkojnë të bëj shpenzime kolosale, dhe ndërkohë të gjithë ata shkojnë e blejnë bluza fallco, duke mos mbështetur klubin e tyre të zemrës. Ata ose janë të çmendur ose nën efektin e drogës”, tha numri 1 i Napolit.

Tifozeria e Napolit nuk pasur raporte të mira me De Laurentis, edhe pse ky i fundit ishte arkitekti i ngritjes së klubit nga kategoritë amatore të futbollit italian e deri në ditën e sotme, ku skuadra konkurron vit pas viti për titullin e Serie A.

“Darmian tek ne? Mund të jetë diçka e vërtetë, por edhe e rremë. Futbollisti kërkon 5 vite kontratë.” Përveç plotësimit të kohëzgjatjes së kontratës, nevojitet akordi për rrogën e anësorit dhe marrëveshja me Mançesterin e Murinjos. Por Darmian nuk është i vetmi, i cili mund të jetë rivali i ri i Hysajt, Mario Ruit dhe Gulamit.

Sa i përket repartit ofensiv, preferenca e De Laurentis është spanjolli i Valencias, Rodrigo. Ky i fundit është i lumtur te ekipi aktual, por një ofertë zyrtare mund të ndryshojë gjithçka. Në fund dhe një batutë për Ronaldon dhe Ibrën.

“Ronaldo është një intuitë e Anjelit: më shumë një operacion financiar se sa një operacion Juventusi. Portugezi mund të ishte një zgjidhje perfekte për të realizuar një film, madje mund ta vendosim të luajë bashkë me Ibrahimoviç: një kopje e mahnitshme. Na mbetet të shohim nëse rezultati i tij futbollistik do të jetë i barabartë me atë komercial, të cilët janë dy koncepte të ndryshme. Në një farë pike, koha kalon dhe mosha ecën. Ibra dukej si një hero i një epoke tjetër dhe që mund të luante deri 40 vjeç, por ai u dëmtua dhe përfundoi në futbollin amerikan.”

Sipas “Sky Sports”, në zyrën e kryebashkiakut të Barit kanë ardhur 11 oferta. Por, një detaj mjaft interesant është fakti se disa prej ofertave kanë ardhur nga presidentë të skuadrave që militojnë në Serie A, si Antonio De Laurentis i Napolit, Klaudio Lotito i Lacios, Enriko Preciozi i Xhenoas, si dhe Urbano Kairo i Torinos.

Qëllimi i krerëve të klubeve është i qartë. Ata duan ta përdorin Barin si një skuadër të dytë ku mund të dërgojnë lojtarët që nuk kanë hapësira në ekipet e para, si dhe kalojnë në Serie A elementët që spikasin te Bari. Por, fillimisht duhet që Federata italiane e futbollit t’i lejojë presidentëve të drejtën e pronësisë së më shumë se një klubi.

Edhe pse në testimet e fundit fizike, Ronaldo doli me parametrat e një 20-vjeçari, përsëri De Laurentis mendon se CR7 tashmë është një lojtar në “perëndim”.  “Të shpenzosh kaq shumë para për një lojtar në fund të karrierës me duket diçka e rrezikshme. Le të kujtojmë se Ronaldo është një futbollist i madh në moshë dhe për bilancet e klubit shpenzimi i një shume aq të madhe përben një risk financiar”,- u shpreh napoletani.

Më tej për mikrofonat e emisionit “La verità”, ai shtoi: “Pyes veten nëse suksesi sportiv apo komercial do të triumfoj. Nëse filloni të paguani shuma të tilla absurde, herët a vonë kjo do t’ju kthehet kundër.”

KOMENTI PËR SARRIN –  Presidenti i Napolit më pas vazhdoi të flasë për ish-trajnerin Mauricio Sarri, i cili tashmë ka kaluar te Çelsi: “Jam i lumtur, sepse Ançeloti promovon gjithçka dhe gjithkënd. Sarri? Nëse keni lojtarë me klauzola 60 milionë dhe nuk i ke pjesë të planeve të tua, ata dëmtojnë veten dhe ekipin. Kuptova se nuk ishte e gjatë me Sarrin kur më tha: ‘Nuk e di nëse mund të bëj më mirë me këta lojtarë’. Sarri kishte hyrë në pjesën ku trajneri mendon për veten e tij. E pyeta se çfarë dëshironte të bëja këtë vit, por nuk mora përgjigje. Heshtja e tij ishte një sjellje e paedukatë, por unë nuk u ofendova. E kam parë atë duke luajtur vetëm me një stil loje. Le të shohim se çfarë do të bëjë ai në Angli”,- përfundoi fjalën e tij, presidenti De Laurentis.

“Darmian? Ai është një lojtar interesant, por për të pranojmë vetëm një marrëveshje huazimi me të drejtë blerje. Arias? Bisedimet për të vazhdojnë, të presim çdo të ndodhë? Alternativa të tjera? Henriks i Leverkuzenit më pëlqen, por nuk kemi pasur ende një bisedim konkret”, përfundoi De Laurentis.

Vendi i titullarit nuk është më i garantuar për mbrojtësin e kombëtares sonë Elseid Hysaj. Shkodrani do i duhet dhe pak ditë për të mësuar emrin e konkurrentit të tij të ardhshëm.