Alfons Areola nuk ofron siguri, me këtë të fundit që nuk i është besuar ende një fanellë titullari. Bufon, nuk rinovoi. Si pasojë, kampionët e Francës kanë filluar bisedimet me De Gean, që është pa kontratë me datë 1 korrik. Me shumë gjasa, spanjolli do të jetë numri 1 te PSG për vitet e ardhshme.

Areola mund të qëndrojë edhe një vit si numër 2. Ky plan i PSG-së, nuk i lë vend portierit gjerman, Trap, që do të largohet. Skuadra e Njukasëll ka përgatitur 9.5 milionë euro por gardianin e portës, një ofertë që po konsiderohet nga PSG.

Në statistikat e këtij sezoni, De Gea është më dobët se edhe portieri famëkeq, Loris Karius. Spanjolli i “Djajve të Kuq” ka pësuar 53 gola në kampionat, ndërsa Karius 39. Mesatarja e notës së De Geas gjatë këtij sezoni është 6.46, ndërsa e Karius 6.70. De Gea ka bërë katër gabime që janë penalizuar me gol, ndërsa gjermani i Beshiktas asnjë gabim.

De Gea ka pësuar 1.4 gola për ndeshje, ndërsa Karius 1.2. Gjithashtu, Karius ka pritur dhe një penallti, ndërsa Karius asnjë. Njëri cilësohet portieri më i mirë në botë, tjetri u largua si i paaftë nga Liverpuli…

Muaji prill mund të konsiderohet si një ndër më të këqijtë e karrierës së 28-vjeçarit, i cili ka bërë tre gabime trashanike në harkun e pak ditëve.

I pari në takimin në vajtje të çerekfinales së Champions League ndaj Barcelonës. I dyti në derbin kundër Sitit, ndërsa i treti ditën e sotme në ndeshjen vendimtare kundër Çelsit.

Gjithçka nisi me një gabim amatoresk në gjuajtjen e Granit Xhakës në sfidën kundër Arsenalit, të cilën Mançester Junajtid e humbi 2-0. Më pas, De Gea bëri një tjetër gabim, atë kundër Barcelonës, duke i dhuruar golin e dytë Lionel Mesit.

Edhe në takimin e sotëm kundër Evertoni, Gylfi Sigurdson gjuan nga 30 metra, një goditje jo shumë e fortë dhe jo shumë larg De Geas, megjithatë spanjolli nuk arrin ta ndalë. Një gabim që i dha avantazhin e dyfishtë Evertonit dhe Junajtid duket në një moment shumë të errët.

Gafa te goli i dytë ishte thuajse e pabesueshme për një portier si De Gea. Megjithatë, ajo që mori më shumë vëmendjen nuk ishte gabimi i spanjollit të Junajtid, por reagimi i kolegut të tij te Barcelona. Ter Shtegen refuzoi të festojë këtë gol dhe për këtë gjë, u shpjegua dhe pas ndeshjes:

Goli i dytë? Nuk festova të jem i sinqertë. Ai është kolegu im dhe këto gjëra mund të na ndodhin të gjithëve. I thashë dhe pas ndeshjes se të gjithë jemi njerëz dhe bëjmë gabime, mund të më kishte ndodhur dhe mua”, tha Ter Shtegen pas ndeshjes mes dy skuadrave.

Ter Stegen about De Gea’s mistake: I didn’t celebrate that much the second goal, to be honest. He’s my colleague, and this can happen to everyone. I told him after the game that we are all humans, this could happen to me as well”.

pic.twitter.com/YH5qSWgBYF

— Nina ? (@ninellecule) April 18, 2019

Megjithatë, vera e ardhshme pritet të sjellë një situatë shumë të komplikuar për klubin e drejtuar nga Ole Gunar Solskjaer. Sipas së përditshmes britanike “The Daily Telegraph”, De Gea ka kërkuar një pagë rekord në këmbim të rinovimit të kontratës së tij që mbaron në qershorin e 2020-ës.

Shuma që kërkon 28-vjeçari është 500 mijë paundë në javë, një pagë kjo më shumë se dyfishi i asaj që portieri përfiton aktualisht dhe e barabartë me atë që po përfiton aktualisht Aleksis Sançez, i cili është aktualisht lojtari më i paguar i kampionatit anglez.

Pas ndeshjes, të dy futbollistët folën për mediat angleze. Fillimisht, ishte njeriu i takimit, David De Gea, i cili u shpreh: “Ky është Mançester Junajtid i vërtetë. E merituam plotësisht fitoren përballë një skuadre shumë të fortë, e kontrolluam shumë mirë pjesën e parë dhe u mbrojtëm të gjithë së bashku në të dytën. Një fitore shumë e rëndësishme”.

Ndërsa Rashford, u shpreh: “Ishte ndeshja më e vështirë deri më tani këtë sezon. Na duhej të punonim shumë për të marrë këtë triumf dhe jemi shumë të lumtur që ia dolëm. Nuk isha unë ai që i fitoi ndeshjen Junajtid, por të gjithë duhet të përgëzojmë De Gean”,- përfundoi sulmuesi i Junajtid.

Loja u dominua nga “Gjelat” e Londrës, që tentuan në të gjitha mënyrat për ta fituar sfidën. Gjithsesi, në fund do të triumfonin “Djajtë e Kuq”, kjo dhe për shkak të një portieri De Gea të shkëlqyer.

Gardiani spanjoll bëri mbi 8 pritje brenda zonës së rreptësisë, duke vendosur një rekord personal. Kejn, Eriksen dhe Dele Ali dështuan të mposhtin numrin 1 të Junajtid dhe “Djajtë”, fituan falë një goli të Rashford, i cili gjeti rrugën e rrjetës në fundin e pjesës së parë.

Premier League, java e 22-të

Totenham – Man. Junajtid 0-1
Shënues: Rashford 44’

Pas Pol Pogbasë, video e të cilit u bë virale në mediat botërore, por dhe ato shqiptare, radhën e kishin dy futbollistë të tjerë që të tërhiqnin vëmendjen e mediave.

Vetë klubi i Mançester Junajtid ka publikuar një video të mbrojtësit Lindelof, i cili i përulet portierit De Gea në momentin që i jep dorëzat këtij të fundit. Momente shumë gazmore në kampin e “Djajve të kuq”.

Spanjolli ka kontratë deri në verën e vitit 2019, ndërsa bisedimet për rinovim kanë ngecur prej kohësh.

Megjithatë, mediat britanike raportojnë sot se Mançester Junajtid ka vendosur të shfrytëzojë një klauzolë në kontratën e portierit, duke e shtyrë atë deri në 2020, në një kohë që bisedimet për rinovim afatgjatë do të vijojnë.

Titullari i Spanjës kërkon një shifër absurde, sepse sipas Daily Mail këmbëngul që të bëhet me i paguari në ekip, ashtu si Aleksis Sançez, me 20 milionë euro në sezon.

Junajtid ofron deri në 15-16 milionë euro, që në fakt janë sërish shumë, por futbolli është çmendur prej vitesh dhe për pasojë De Gea refuzon, duke e ditur se nëse shkon falas në një klub tjetër, fut në xhep shumë milionë euro, përveç kontratës milionere.

28-vjeçari nuk ka rinovuar ende në Old Trafford dhe ka kohë që i zvarrit bisedimet, duke ditur se ka marrë një ofertë prej 16 milionë eurosh në sezon nga kampionët e Francës.

Si do ia bërë PSG të mos shkelë rregullat e Fair Play Financiar? Ka vetëm një mënyrë dhe ajo është shitja e Nejmarit te Real Madridi, duke arkëtuar mbi 200 milionë euro dhe duke kursyer pagën e frikshme të brazilianit, ndërkohë që e ardhmja do ndërtohet rreth Mbapesë.

De Gea pritet të firmosë kontratë 4-vjeçare në Francë, ndërsa Mançester Junajtid do merrte një goditje shumë të rëndë, sepse do të humbasë falas një lojtar të nivelit shumë të lartë.

Në ditët e fundit është përfolur gjithnjë e më shumë se David De Gea mund të largohet nga “djajtë e kuq”. Murinjo e thotë hapur se klubi e di rëndësinë që ka “gardiani”, duke shtuar se nëse drejtuesit duan që situata mos të shkojë më keq duhet ta mbajnë në skuadër.

“Nuk e di nëse De Gea do të qëndrojë apo jo. Kjo gjë nuk më shqetëson, por nuk jam i sigurt se çdo të ndodhë. Klubi dhe njerëzit pranë lojtarit mund të japin një përgjigje. Të gjithë e dinë se sa cilësi ka De Gea dhe sa i rëndësishëm është për skuadrën. Nëse klubi nuk do të jetë akoma dhe më keq duhet ta mbajë në skuadër”.

Së fundmi është përfolur se spanjolli mund të shkojë te Juventusi, por mbetet për t’u parë. Kontrata e portierit të Junajtid përfundon në verën e ardhshme dhe mungesa e rinovimit ka sjellë aludimet për një mundësi largimi që në janar, në mënyrë që skuadra angleze të mos dalë duarbosh.

PSG po e ndjek në distancë këtë situatë dhe duket se është gati që të marrë shërbimet e portierit të Spanjës, edhe pse nuk duket shumë e logjikshme, kur në portë ka dy “gardianë” që garantojnë siguri, si Bufon dhe Areola, por mosha e italianit mund t’i ketë shtyrë kampionat e Francës të mendojnë për më gjatë.

Arsyeja se pse 27-vjeçari po nguron për të rinovuar lidhet me të ardhmen e Murinjos dhe De Gea po pret për të mësuar se çdo të ndodhë me portugezin, për të vendosur më pas të ardhmen e tij. Nëse Murinjo do të lërë Juanjtin atëherë me siguri edhe numri “1” i portës do të qëndrojë. Në fund të këtij edicioni klubi dhe lojtari do të ulen për të rishikuar kontratën.

Kontrata e aktuale e gardianit mbaron në fund të këtij sezoni dhe drejtuesit e Mançesterit duan që 27-vjeçari të rinovojë me çdo kusht. Oferta e parë që i ka bërë klubi është referuar pavarësisht pagës së majme, që sipas medieve angleze shkon deri në 300000 euro në javë, çka do ta bënte atë lojtarin më të paguar në klub pas kilianit Aleksis Sançez.

Nuk ka dyshim që shumë shpejt do të vijë një ofertë më e mirë për De Gean, por nuk përjashtohet mundësia që agjenti i spanjollit të ketë filluar kontaktet me ndonjë klub tjetër, ku për momentin përflitet për një interesim nga ana e francezëve të PSG-së, që nuk po kanë shumë besim te aftësitë e gardianit Alfons Areola.

Portieri më i mirë ishte Tibo Kurtua, normalisht një nga më të mirët në Kupën e Botës me Belgjikën, por kishte bërë mjaft mirë dhe me Çelsin e tij. Gjiganti i transferuar në Madrid këtë verë ndonëse morri trofe individual, nuk ishte në formacionin e vitit.

Pjesë e njëmbëdhjetëshes më të mirë ishte David De Gea, Spanjolli u ngjit në podium për të marrë trofeun. Mediat, por dhe opinion sportiv janë çuditur disi nga kjo gjë, pasi kush mund të thotë se kush ishte më im miri edicionin e shkuar?

Gjithsesi, një lajm që ka bërë jo pak bujë në mediat angleze është se, pikërisht Maruan Felaini është bërë lojtari i katërt më i paguar tek “djajtë”, duke lënë pas emra si De Gea, Marsial, apo dhe Rashford. Belgu thuhet të përfitojë diçka më shumë se 150 mijë stërlina në javë, pas taksave.

Vetëm Aleksis Sançez, Romelo Lukaku dhe Pol Pogba paguhen më shumë se Felaini, i cili kujtojmë gjatë merkatos së verës kërkoi me ngulm të largohej nga “Old Traford”, por ishte pikërisht Zhose Murinjo, ai që këmbënguli për ta mbajtur mesfushorin. Duket se tekniku portugez e ka në planet e tij 30-vjeçarin që papritur është kthyer në një lojtar të rëndësishëm për Junajtid.

Gjithsesi te Junajtid e kanë harruar atë histori dhe janë gati për t’i rinovuar kontratën që mbaron në fund të këtij sezoni. Ka qenë vetë trajneri Zhoze Murinjo, i cili u ka konfirmuar gazetarëve këtë gjë në konferencën për shtyp para transfertës ndaj Brajtonin.

“Kam në skuadër portierin më të mirë në botë. Për ne De Gea nuk ka asnjë lloj vlere në treg, pasi ai është i pashitshëm. Së shpejti do të vijë dhe firma për rinovimin. Gjithçka me të është perfekte. Atij i pëlqen qyteti, jetesa këtu dhe e dashuron klubin”, tha tekniku portugez.

“Daily Mail” raporton se De Gea më në fund ka marrë aprovimin e trajnerit të tij, Zhoze Murinjo, për t’u larguar. Arsyeja është se “Djajtë e kuq” kanë gjetur pasuesin e tij. Ai është portieri i Stouk Sitit, Xhek Butlend, me të cilin Junajtidi ka nisur edhe kontaktet e para.

Numri 1 i “Furisë së kuqe” synon të kthehet në Spanjë te “Los Blancos”, por klubi anglez nuk e lejon. Kushti i vetëm i “Djajve të kuq” është rikthimi i Kristiano Ronaldos në “Old Trafford”. Më 31 gusht 2015, për shkak të një problemi me dokumentet, De Gea qe aq i pafat saqë “ngeci” në Mançester, edhe pse klubet teorikisht kishin rënë dakord për transferimin e tij.