De Bruyne

De Brujne kthehet, shkëlqen dhe… dëmtohet!

Sport Ekspres — Thu, 01 Nov 2018 22:37:42 +0000

Mançester Siti ka marrë një lajm shqetësues këtë të enjte, pasi mesfushori Kevin De Brujne ka pësuar një dëmtim në gju në sfidën e Kupës së Ligës kundër Fulamit.

Belgu u dëmtua që në fillim të sezonit në gjurin e djathtë dhe ka vetëm pak ditë që është kthyer në fushë, por sot në ndeshjen e kupës u dëmtua sërish.

Për fat, dëmtimi nuk është në këmbën e majtë, sepse De Brujne u pa duke mbajtur gjurin e djathtë dhe duket se ishte vetëm një goditje e fortë, jo ndonjë gjë shumë serioze.

CITY SUB | Claudio Gomes ? @DeBruyneKev

Concerns for KDB who limps off wincing somewhat following what looked like Fosu-Mensah landing accidentally on his knee in a challenge.

? 2-0 ?? #MCIFUL #mancity pic.twitter.com/uoUGIJOQhb

— Manchester City (@ManCity) November 1, 2018

Gjithsesi, për siguri De Brujne u largua drejt dhomës së zhveshjes pa përfunduar ndeshja, ndërsa priten kontrolle më të detajuara.

Në fundjavë është derbi i Mançesterit dhe me shumë gjasa Guardiola nuk do të rrezikojë sërish me mesfushorin e vet të talentuar.

Infermieria bën Sitin të “buzëqeshë”, De Brujn gati për derbin

Sport Ekspres — Mon, 17 Sep 2018 13:02:34 +0000

Për Mançester Sitin duket se më në fund po vijnë lajme të mira nga infermieria.
Një nga lojtarët më kryesore të “citizens” vitet e fundit, Kevin De Brujn duket se po bën hapa të mëdhenj drejt rikthimit nga dëmtimi që pësoi në gjurin e tij të djathtë.

Mesfushorit të talentuar belg duket se i mbetet vetëm pak për të nisur stërvitjen i diferencuar, megjithëse rikthimi pritet të jetë në fillim të muajit nëntor, fakti që rikuperimi i tij po ecën me hapa të shpejtë gëzon çdo tifoz të Sitit dhe sidomos Pep Guardiolën.
27-vjeçari pritet të jetë i gatshëm në sfidën e 11 nëntorit, sfidë e cila përkon me derbin e shumëpritur të Mançesterit, ku Siti dhe Junajtid do të përplasin “brirët” në “Etihad Stadium” për derbin e parë të këtij sezoni.

Një lajm që padyshim kënaq Guardiolën, i cili do të ketë një armë më shumë për të përdorur kundër Zhose Murinjos. Kujtojmë De Brujn u dëmtua gjatë një seance stërvitore tek Siti në muajin gusht dhe ju nënshtrua një operacioni.

De Brujne mund të mungojë deri në 4 muaj

Sport Ekspres — Thu, 16 Aug 2018 07:36:42 +0000

Kevin de Brujne ka pësuar një dëmtim të rëndë në gju dhe mund të mungojë nga 2 deri në 4 muaj.

Mesfushori i Mançester Sitit duket se ka këputur një ligament anësor në gjurin e djathtë, edhe pse ende nuk ka diagnozë përfundimtare, me kontrolle të reja që do të kryhen sot.

Një dëmtim identik De Brujne e ka pësuar në janar 2016, ndaj Evertonit, pas një përplasjeje me mbrojtësin Funes Mori, por këtë radhë dëmtimi është pësuar në stërvitje, pa asnjë kontakt fizik.

Problemi i Sitit është se De Brujne është lojtar kyç në skuadër dhe përveç kësaj merkatoja verore është mbyllur për klubet angleze, që nuk lejohen të blejnë më. Nëse gjithçka shkon mbarë, De Brujne të paktën kthehet në formë të plotë në pranverë, kur nis sprinti final në garën për titull dhe në Champions League.

Tronditet Siti, dëmtohet rëndë De Brujne!

Sport Ekspres — Wed, 15 Aug 2018 15:53:21 +0000

Kampionët në fuqi të Mançester Sitit e kanë nisur sezonin e ri me një fitore bindëse në Londër ndaj Arsenalit dhe skuadra është përforcuar edhe këtë verë.

Megjithatë, pikërisht kur gjithçka dukej perfekte, Siti ka marrë një lajm shumë të keq, sepse në stërvitjen e sotme mesfushori belg Kevin de Brujne ka pësuar një dëmtim serioz.

Bëhet fjalë për një dëmtim në gjurin e djathtë dhe sipas mediave në Mançester bëhet fjalë për një dëmtim shumë të rëndë, si ai i pësuar në vitin 2016, që e la jashtë për disa muaj.

Faqja zyrtare e Sitit ka njoftuar se shkalla e dëmtimit nuk dihet ende dhe më vone do të ketë njoftim të ri, por frika është e madhe se bëhet fjalë për një dëmtim që do ta mbajë yllin e Sitit për disa muaj pa futboll.