dazn

80 milionë dollarë për të dalë nga “pensioni”, Wladimir Klitschko në dilemë

Sport Ekspres — Wed, 20 Mar 2019 20:39:46 +0000

Legjenda e sportit të boksit Wladimir Klitschko ka dhënë dorëheqjen nga sporti prej më shumë se thuajse se dy vitesh. Megjithatë 42-vjeçari mund të rikthehet shumë shpejt në ring.

Sipas medies ruse “Sportarena”, grupi mediatik “DAZN” i ka ofruar ukrainasit një ofertë të dytë, pas refuzimi të çekut prej 40 milionë dollarësh. Kësaj radhe shuma është dyfishuar, 80 milionë dollarë në këmbim të tre dueleve.

Sipas asaj që përflitet në mediet britanike, bëhet fjalë për tre duele me boksierë anglezë. Dueli i parë është planifikuar që të ndodhë në Gjermani kundër Dillian Whyte, ndërsa më pas do të jenë sfidat ndaj Anthony Joshua dhe Tyson Fury.

Çmenduri e Wilder, refuzon 100 milionë dollarë dhe shmang duelin me Joshua

Sport Ekspres — Mon, 18 Mar 2019 21:52:15 +0000

Deontay Wilder ka refuzuar një ofertë marramendëse prej 100 milionë dollarësh. Boksieri amerikan do të mbajë nesër një konferencë për shtyp, ku do të shpjegojë të ardhmen e karrierës së tij.

Oferta për 34-vjeçarin ishte bërë nga grupi mediatik “DAZN” dhe në të ishin të përfshira 3 duele, ku dy të fundit do të ishin me kampionin e botës Anthony Joshua.

Wilder mban prej më shumë se tri vitesh brezin kampion bote të konfederatës “WBC”, titull ky që është i vetmi që pengon Anthony Joshua-n të shpallet kampion bote i padiskutueshëm, pasi anglezi ka grumbulluar në harkun e katër viteve brezat kampion bote të konfederatave “WBO”, “WBA”, “IBF”, “IBO”.

Kundërshtari i ardhshëm i Wilder do të jetë amerikani Dominic Breazeale, dueli midis të dyve do të zhvillohet gjatë muajve të verës.

50 milionë dollarë për dy duele, “DAZN” pranë firmës me Wilder

Sport Ekspres — Wed, 13 Mar 2019 19:51:17 +0000

Kompania mediatike “DAZN” po shpenzon shuma të çmendura parash në sportin e boksit. Pasi mbyllën një marrëveshje 350 milionë dollarëshe me boksierin meksikan Saul “Canelo”Alvarez, vëmendja e gjigantit mediatik është kthyer nga divizioni i peshave të rënda.

Sipas “World Boxing News”, përfaqësues të “DAZN” i kanë bërë një ofertë të pabesueshme boksierit amerikan Deontay Wilder. Bëhet fjalë për një çek me vlerë 50 milionë dollarë për mbajtësin e brezit kampion bote në federatën “WBC”.

Në këmbim të 50 milionë dollarëve Wilder duhet të nënshkruajë një marrëveshje ku “DAZN” do të ketë të drejtat organizative dhe televizive në dy duelet e ardhme të boksierit të pamposhtur. Firma me “DAZN” do t’i hapë rrugën duelit të shumëpritur midis Wilder dhe Anthony Joshua, një përballje kjo që mund të nxjerrë një kampion boksi me statusin “undisputed”, gjë që nuk ndodh prej thuajse 2 dekadash.

Zyrtare | Golovkin – Canelo vetëm çështje kohe, 60 milionë $ bindin kazakun

Sport Ekspres — Fri, 08 Mar 2019 22:57:51 +0000

Boksieri i famshëm kazak, Gennady Golovkin, i ka dhënë fund pikëpyetjeve për të ardhmen e tij, duke firmosur një kontratë 3-vjeçare me “gjigantin” mediatik “DAZN”.

Falë kësaj marrëveshjeje, Golovkin, përfiton të paktën 60 milionë dollarë në këmbim të drejtave televizive për 6 duelet e tij të ardhshme, që me shumë gjasa do të jenë dhe të fundit të karrierës së tij, pasi boksieri së shpejti do të mbushë 37 vjeç.

Firma me “DAZN” e bën thuajse të sigurt përballjen e tretë me meksikanin Saul “Canelo” Alvarez, duel ky që është ndër më të kërkuarit në planet. Në dy duelet e mëparshme, Golovkin nuk arriti të fitonte ndaj Canelo-s, duke barazuar në përballjen e parë dhe humbur të dytën me vendim maxhoritar.

GGG in 2019. ?@GGGBoxing joins #DAZN for the remainder of his career.https://t.co/dnfVhMDaDj pic.twitter.com/NWG0qXp5Qi

— DAZN (@dazngroup) March 8, 2019