Bashkëpunim me Kroacinë për moshat, Mustedanagiç takon Davor Shuker

Sport Ekspres — Wed, 13 Feb 2019 15:04:13 +0000

Xhemal Mustedanagiç u gradua kohë më parë drejtor teknik i ekipeve kombëtare dhe tashmë boshnjaku po punon për hartimin e një strategjie për zhvillimin e skuadrave të moshave. Në të shkuarën ai ka pasur eksperienca të rëndësishme në Kroaci, duke qenë drejtuesit i Shkollën e Futbollit të Dinamos së Zagrebit. Gjithashtu ka drejtuar të rinjtë e gjigantit kroat, si dhe Kroacinë U19.

Nën kujdesin e tij janë zhvilluar emra të mëdhenj të futbollit, ku spikat fituesi i “Topit të Artë”, Luka Modriç, por edhe futbollistë si Eduardo Da Silva, Vedran Korluka e Niko Krajnçar. Në Shqipëri ndodhet prej vitesh, teksa në vitin 2010 ishte ndihmës i Josip Kuzhe. Ai drejtoi kombëtaren tonë përkohësisht pas largimit të Kuzhe. Mustedanagiç ka drejtuar Shqipërinë U17, që e la së fundmi pas “gradimit” si drejtor.

BASHKËPUNIMI ME KROACINË – Ballkanasit u shpallën nënkampionë bote së fundmi dhe sigurisht ky rezultat tregon punën e mirë ndër vite që bëhet në Kroaci. Moshat janë në fokusin e klubeve dhe të Federatës Kroate të Futbollit.

Mustedanagiç së fundmi ka ndërmarrë edhe një nismë për të bashkëpunuar, teksa ka pasur edhe një takimin me Davor Shuker. Ish-sulmuesi drejton federatën kroate dhe drejtori teknik i kombëtareve tona, në takimin e bërë ka folur për një bashkëpunim në sektorin e kombëtareve të moshave, si dhe për zhvillimin e miqësoreve mes kombëtareve të të gjitha moshave, nga U21 deri te U15.

Kritika e Shuker për dyshen Mesi-CR7: Duhet të jenë zotërinj edhe kur humbasin

Sport Ekspres — Tue, 25 Sep 2018 13:29:49 +0000

Presidenti i Federatës Kroate të Futbollit, Davor Shuker, është i lumtur për çmimin e fituar nga Luka Modriç, si futbollisti më i mirë i vitit dhënë nga FIFA.

Ish-sulmuesi i famshëm ka kritikuar sjelljen e Leo Mesit dhe Kristiano Ronaldos, të cilët nuk morën pjesë në ceremoninë e ndarjes së çmimeve të zhvilluar në Londër. Mesfushori kroat i Realit të Madridit la pas Ronaldon dhe Salah dhe i shtoi trofeve të tij, një tjetër çmim prestigjioz.

“Nuk është momenti për të ndërprerë festën, por një ditë do ta them qartë se çfarë mendoj. Nuk mund të jesh i pranishëm vetëm kur gjithçka është fushë me trëndafila, por duhet të sillesh si zotëri edhe kur humbet”, thekson Davor Shuker për “TeleDeporte”.