Tare merr avionin për ishull, negociata për mbrojtësin e Çelsit

Sport Ekspres — Mon, 14 Jan 2019 19:32:54 +0000

Lacio është vënë në ndjekje të mbrojtësit të djathtë të Çelsit Davide Zapakosta. Skuadra laciale ka mungesë lojtarësh në këtë repart, pasi Basta dhe Patrik nuk janë më në planet e Simonte Inzagit, ndërsa malazezi Marusiç, s’po tregon formën e sezonit të kaluar.

Zapakosta u largua nga kampionati italian në verën e 2017-ës, pasi Çelsi e bleu për 25 milionë euro nga Torini. Gjatë këtyre dy sezoneve në Angli, hapësirat për italianin kanë qenë të pakta dhe “divorci” është zgjidhja më e mirë për të dyja palët.

Gjithsesi, Igli Tare e ka një plan B. Në rast se në ditët në vazhdim nuk arrin të bindë drejtuesit e klubit londinez, vëmendja do të kalojë te mbrojtësi i SPAL-it, Manuel Lazari, i cili së fundmi është bërë një pjesë e rregullit e kombëtares italiane.

Spaleti insiston për mbrojtës, dy italianë në listë

Sport Ekspres — Wed, 25 Jul 2018 15:21:57 +0000

Kroati Versaljko është një ndër preferencat e Interit për përforcimin e krahut të djathtë të mbrojtjes. Spaleti e dëshiron një afrim të tillë, madje sa më shpejt. Në fillim të javës së ardhshme klubi duhet të ketë mbyllur gjithçka me mbrojtësin kroat. Në klub e dinë, por ka një pengesë.

Kartonin e Versaljkos e zotëron Atletiko e Madridit dhe spanjollët janë të qartë. Refuzohet huazimi i 26-vjeçarit kroat me të drejtë blerje në fund te sezonit. Nëse Interi e dëshiron, duhet të paguajë dhe të gjithë shumën direkt. Zikaltërit kanë akord me futbollistin, por Atletiko nuk lëviz nga pretendimet e saj. Diçka e tillë ka shtyrë drejtuesit e Interit të shohin për alternativa të tjera.

Emri më i ri që qarkullon, është ai i Davide Zapakostës. Italiani që aktivizohet me Çelsin preferohet nga zikaltërit dhe ata janë gati për të nisur sulmin për të. Që këtë të shtunë madje. Interi përballet me Çelsin në miqësore dhe Piero Auzilio do diskutojë me homologët e tij anglezë për afrimin e Zapakostës.

Mateo Darmian është një tjetër emër që preferohet, por për të arritur tek anësori i Mançesterit është edhe më e vështirë. Drejtuesit po punojnë për Zapakostën dhe palët do bisedojnë ditën e shtunë në Nicë, aty ku Interi dhe Çelsi do ndeshen mes tyre.