FOTO F1, Ecco la coregorafia viola dedicata ad Astori https://t.co/eYvRaUINak pic.twitter.com/AkcblQe0t0

— FiorentinaUno (@FiorentinaUno) February 27, 2019

Në momentin kur ekipet zbritën në fushë, tifozët kishin përgatitur një koreografi gjigante pas portës, ku përveç flamujve vjollcë, në mes ishin shkruar inicialet e Astorit, si dhe numri që mbante në fanellë kapiteni.
Padyshim, një gjest mjaft i veçantë, nga mbështetësit e Fiorentinës.

The choreography at #FiorentinaAtalanta in honor of Davide Astori pic.twitter.com/8Wjqa4LjpC

— Kyama (@Elijahkyama) February 27, 2019

Ish-mbrojtësi i ekipit viola dhe kombëtares italiane kishte patur probleme në zemër, por mjekët nuk kishin vënë re gjatë kontrolleve dhe e kishin lejuar të vazhdonte të luante futboll.

Më shumë se të gjithë ka vuajtur e ëma, Ana Astori. Ajo ka heshtur gjatë kësaj kohe, por ka vendosur të flasë për herë të parë. Në një prononcim për “Corriere dello Sport”, nëna e Davides së ndjerë ka thënë fjalët e para për ngjarjen e ndodhur.

“Atë mëngjes unë dhe burri im do të iknim në meshë dhe pastaj do të votonim, sepse ishin zgjedhjet. Unë u zgjova dhe i ndjeva krahët si të paralizuar dhe të ftohtë. Ndjeja një boshllëk dhe shtrëngim në trup. Ishte një ndjesi që nuk e kisha provuar kurrë më parë, nuk dija asgjë, por në të njëjtën kohë dija gjithçka…”

Ana kërkon të dijë të vërtetën e vdekjes se Davides së saj. Dikush mund të ketë gabuar, por zemra e nënës është e madhe sa gjithë bota dhe ajo është gati t’i falë, madje i ka falur ata që kanë gabuar.

“E kam falur dhe lutem për atë që ka gabuar, pasi po kalon një Krishtlindje të keqe, gjë që nuk duhet t’i ndodhë askujt. Dua vetëm të di të vërtetën, edhe pse askush nuk do të ma rikthejë përsëri Daviden tim. Ajo që ka ndodhur është një fatkeqësi, një fatalitet. Unë e di, askush nuk e ka dëshiruar një gjë të tillë, por dua që mos t’i ndodhë më askujt. Dua që asnjë nënë të mos provojë atë që kam provuar unë. Në Itali janë të aftë në kontrollet mjekësore për atletët, por duhet të bëhen dhe më shumë të aftë dhe të sigurt”, përfundon Ana Astori.

Fundi ishte i hidhur, pasi Astori pësoi një atak kardiak dhe u largua përfundimisht nga jeta në mëngjesin e 4 marsit të këtij viti. Stefano Pioli, trajneri i Fiorentinës, ka folur gjatë ceremonisë së marrjes së çmimit “Andrea Fortunato” në kryeqytetin italian.

“Akoma nuk dimë shumë gjëra, kështu që është e vështirë të japim gjykime dhe të hyjmë në brendësi të situatave të caktuara. Sigurisht që është një vuajtje më e madhe për ambientin e Fiorentinës, por sidomos për familjarët e Davides. Premio? E ndaj me të gjithë lojtarët që kam patur në sezonin e kaluar dhe me të gjithë popullin viola, më të cilët kemi përballuar tragjedinë e Astorit, me anë të një bashkimi dhe mbështetje të madhe”, thekson Stefano Pioli.

Italiania “La Nazione” zbuloi faktin që ish-mbrojtësi kishte kryer një kontroll në zemër një vit përpara vdekjes dhe kontrollet kishin treguar se zemra e tij nuk funksiononte mirë. Autoritetet italiane kanë nisur hetimin kundrejt dy mjekëve, të cilët akuzohen për vrasje të paqëllimshme.

Prokuroria e Firences ka nisur hetimet dhe zbulon se dy mjekët, njëri nga Firence dhe tjetri nga Kaljari, kanë nënshkruar për lejimin e aktivizimit të lojtarit në ndeshje. Astori kishte kryer disa kontrolle gjatë periudhës korrik 2016-korrik 2017 dhe gjatë kontrollit të fundit rezultoi se zemra e kapitenit të Fiorentinës nuk funksiononte mirë.

Astori mund të ishte duke luftuar akoma me Fiorentinën e tij në fushat e blerta, nëse mjekët do të tregoheshin më profesionistë, ndërsa tashmë të dy rrezikojnë shumë.

Një infeksion bakterial në qafë e ndali lojtarin për një farë kohe dhe ai mendoi se ky ishte fundi. Rrezik për karrierën, por dhe shumë frikë e pasiguri për jetën e tij.

Iliçiç tani është më mirë, u rikthe te goli kundër Kievos duke shënuar një tripletë, ndërsa gjërat i sheh më ndryshe dhe rëndësi për të ka familja dhe njerëzit e zemrës, të cilët dëshiron t’i ketë gjithmonë pranë vetës.

“Ajo që i ndodhi Davides më ka bërë të kaloj momente të vështira dhe kam vuajtur për shumë ditë. Ishte një tragjedi e tmerrshme, që nuk më lejonte të flija. Kur u bëra keq, pata frikë mos më ndodhte e njëjta gjë. Mendoja: ‘Po sikur të mos zgjohem nesër në mëngjes? Si do ja bëj nëse nuk e shoh më familjen time?’ Ishte një periudhë kur kisha frikë të shtrihesha në krevat dhe të flija gjumë.”

“Futbolli nuk është gjithçka në jetë dhe këtë e kuptova në këtë periudhë. Tani i shoh gjërat më ndryshe, jetoj çdo minutë dhe sekondë me familjen time. Për mua ka vlerë të qëndroj me dy vajzat e mia, gruan dhe mamanë, sepse jeta është e shkurtër dhe duhet t’i gëzosh njerëzit që i do fort. Bëj detyrën time në fushë, kthehem menjëherë në shtëpi dhe i dua gjithmonë afër njerëzit e dashur. Tani ndihem më mirë, jam mirë dhe kjo gjë më mungonte prej kohësh”, përfundon slloveni i Atalantës për “Corriere dello Sport”.

Mbrojtësi luajti gjashtë sezone me ekipin nga Sardenja, ndërsa golin e tij të parë në Serie A e shënoi kundër Fiorentinës. Me ekipin nga Firence u aktivizua për tre sezone, ndërsa të dielën do të organizohet diçka e bukur në kujtim të tij.

Vëllezërit e tij do të jenë të pranishëm në stadium, ndërsa të dy ekipet do të mbajnë një shirit të zi në krah për të kujtuar ish-shokun e tyre. Ultrasit e Fiorentinës kanë gati surprizën e tyre, ndërsa në minutën e 13-të (përkon me numrin që lojtari mbante në fanellë), të dy tifozeritë do të bashkohen në një moment emocionues.

Tifozët e Fiorentinës ndalojnë në këtë minutë në çdo ndeshje, ndërsa kësaj radhe do të jetë i gjithë stadiumi bashkë. Fiorentina dhe Kaljari, të gjithë bashkë në nderim dhe kujtim të Davide Astorit.

Kjo ka qenë dëshira e tij më e madhe që kur zbriti në fushën e blertë: “Isha gjashtë vjeç kur shkela për herë të parë në këto fusha. Mendimi im i vetëm ka qenë të shkel në fushë dhe të argëtohem”.

Nuk e fsheh se ka dashur të luajë në Serinë A, ashtu si babai i tij Enriko. Deri më tani po ia del mirë: “Duke para babanë tim duke luajtur, nuk e fsheh se edhe unë shpresoja të arrija të luajë në këtë nivel futbolli”.

Federiko vlerësohet me shumën e 60 milionë eurove, por i riu thekson se është paksa e ekzagjeruar. “Unë mendoj vetëm për të dëshmuar cilësitë e mia, edhe pse kjo shifër më duket e ekzagjeruar. Prioriteti im është të tregoj të diel pas të diele se kush është Federiko Kieza. Tani e gjithë vëmendja ime është te ndeshja e radhës me Kaljarin.  E ardhmja? Jam i lumtur te Fiorentina tani. E përsëris, mendoj vetëm për ndeshjen e radhës”.

“Kë do të blija për 60 milionë euro? Më jepni edhe më shumë, pasi për një ‘top-player’ duhen 200 milionë euro. Unë do të merrja Kilian Mbape”, shprehet Kieza, duke treguar në këtë mënyrë edhe lojtarin e tij të preferuar.

KAPITENI ASTORI – Sulmuesi flet edhe Astorin, ish-kapitenin e Fiorentinës që u nda nga jeta rreth gjashtë muaj më parë. Kieza tregon rolin e tij në skuadër dhe se si i trajtonte të rinjtë kur vinin në skuadër. Ai rikthen në skenë edhe për pritjen që i ishte bërë kur ishte bashkuar me ekipin e parë të Fiorentinës.

“Davide Astori ishte një kapiten për të gjithë ne, ai jepte 110 për qind në fushë dhe jashtë saj. Ai bëri të mundur bashkimin e të gjithëve në dhomat e zhveshjes. Kur Vitor Hugo mbërriti te ne nuk dinte asnjë fjalë italisht. Astori ishte ai që bëri që ai të kuptonte, përmes gjesteve, atë çfarë donte trajneri. E njëjta gjë edhe me lojtarët francezë.

Sa herë që vinte një lojtar i ri dhe shtohej në grupin tonë në WhatsApp, mesazhi i tij ishte i pari: ‘Përshëndetje, mirëserdhe’. Kur shkova për të herë të parë në stërvitje me ekipin e parë, më kujtohet se aty ishin Davide dhe Bernardeski. Ai ishte i pari që më përshëndeti. Në tryezë gjithmonë rrija pranë tij, ai më bëri të ulem aty. Hapësira mbetet, Davide është gjithmonë me ne”, thotë Kieza.

KOMBËTARJA – Tanimë sulmuesi i Fiorentinës është bërë edhe pjesë e Italisë dhe elozhet nuk kanë qenë të pakta për të. “Kjo është një Itali e re dhe është ende shumë rrugë për t’u bërë. Prioriteti im është që të jem gati për trajnerin e kombëtares. Unë nuk ndihem si titullar apo si shtyllë e ekipit, thjesht dua të tregoj se e meritoj fanellën e kombëtares. Do punoj që të siguroj një ftesë për ndeshjen e radhës. Mançini po nis një projekt të ri. Ai gjithmonë na kërkon ne të luajmë të qetë dhe të lirshëm, pa presion”, përfundon Kieza intervistën e tij për “Corriere dello Sport”.

“Davide u nda nga jeta në momentin më të lumtur për të. Kemi pasur një jetesë të mirë dhe tani më duhet të jetoj një jetë tjetër, që nuk e kam zgjedhur vetë. Gjithsesi kam vendosur të shoh përpara për Vitorian.  Ajo e di që babai i saj nuk do të kthehet më, por ne e kemi vendosur atë në një vend imagjinar ku është i lumtur”, tha fillimisht Françeska në intervistën e gjatë të dhënë për “Corriere della Sera”.

Asaj i është dashur të ruajë qetësinë dhe më së shumti për të bijën: “Një ditë pas vdekjes së Davides e çova në shkollë dhe shkova tek psikologu i fëmijëve. Ai më këshilloi që: ‘As gjëja më tragjike nuk duhej ta destabilizonte Vitorian. Qetësia e saj varet nga imja, ajo nuk duhet të më shohë të trishtuar: lotët tanë nuk duhet të jenë lot dëshpërimi, por emocioni. Davide nuk duhet të bëhet një tabu për të folur dhe zbrazëtia nuk duhet të na zërë frymën’. Në udhëtimin tonë të parë pa Daviden, në një moment unë pashë buzëqeshjen e saj dhe mendova: arrita ta bëj atë të shijojë udhëtimin”.

MOMENTET E LUMTURISË – “Në një parti ai më pyeti për Vietnamin. Kisha qenë atje për një program televiziv. Dukej si një strategji afrimi dhe pastaj më shkruante çdo ditë për një muaj, madje unë edhe i printoja këto biseda. Më bën të buzëqesh, pasi një ditë Vitoria mund t’i lexojë mesazhet me teknikat e joshjes së babait të saj. Para se të udhëtoja në Peru, kuptova se isha shtatzënë. Pas kontrollit na thanë se e kishim humbur fëmijën, por më vonë kuptova se ishte akoma aty. Davide më pas tha: ‘Nëse barku është aq i fortë, mund të jetë vetëm një fëmijë’. Dhe ne zgjodhëm emrin Vitoria, kur mësuam se ishte një vajzë”.

VDEKJA E DAVIDES – “Unë jam i sigurt se e kam bërë Daviden të lumtur. Ai u largua në momentin më të lumtur të jetës së tij. Fati ishte i padrejtë, por nëse nuk do e kisha takuar, nuk do të kishte dashurinë tonë, që e bënte atë njeri dhe baba. Dhe në qoftë se dhimbja ime duhet të jetë “pengu”, për të paguar njohjen me Daviden, unë mund ta duroj përgjithmonë. Duhet të ecim së bashku derisa të humbasim. Tani konstantja e gëzueshme është Vitoria: jeta që nuk ndalet kurrë”, ka përfunduar Françeska.

Ata duan të nderojnë ish-kapitenin e tyre, Davide Astori, i cili humbi jetën në muajin mars dhe janë gati për të paguar gjobat, ndërsa kapiteni Pezela as që ka ndërmend të mbajë në krahun e tij një shirit tjetër nga ai aktual.

Në mbështetje të ekipit të Fiorentinës ka dalë dhe Federiko Bernardeski. 24-vjeçari i Juventusit ka luajtur më parë me ekipin “Vjollcë” dhe Astori ka qenë një ndër miqtë e tij më të mirë. Bernardeski ka folur mbas miqësores me Poloninë, duke mbështetur ekipin e Fiorentinës.

“Unë jam me djemtë e Fiorentinës, sepse mendoj që ai nuk është një shirit kapiteni, por një monument”, komenton shkurt lojtari ofensiv i Juventusit dhe kombëtares italiane.

Numri 13, i tërhequr, qëndron gjithmonë në dhomat e zhveshjes. Fiorentina ka publikuar edhe një foto në “Story” në “Instagram” dhe shihet bluza e Astorit mes asaj të Kiezës dhe Çeçerinit. Nuk mungon as mbishkrimi: “Gjithmonë me ne”.

Gjithçka ndodh para ndeshjes me Kievon, që Fiorentina e kaloi me rezultatin 6-1. Ky ishte takimi i parë për skuadrën vjollcë, pasi sfida e parë e kampionatit kundër Sampdoria u shty për shkak të tragjedisë së ndodhur në Xhenoa, ku u shemb ura “Morandi” dhe pati viktima.