Niveli i alkoolit në gjakun e francezit e kishte tejkaluar në mënyrë të frikshme limitin lejuar sipas ligjeve italiane me një rezultat prej 1.7 gram alkool për litër. Ndër të tjera mësohet se Trezëge ka bërë rezistencë për të shmangur testimin e alkoolit, por në fund është detyruar t’u bindet urdhrave të policisë italiane.

Shtyrë nga alkooli i tepërt që kishte konsumuar, ish-futbollisti ka filluar të shajë policit duke iu thënë: “Jeni një tufë lypësish të mbaruar, nuk fitoni as 2000 euro në muaj“. Së fundmi mësohet te Trezëge ka lënë qelitë e paraburgimit, por për të marrë mbrapsht patentën do i duhet të presë me muaj.

Francezi është ndalur nga një patrullë policie në Torino dhe mes palëve ka nisur një debat. “Il Corriere di Torino” raporton se ish-sulmuesi i është nënshtruar testit të alkoolit dhe rezultati i ka kushtuar… patentën.

Konsumimi i alkoolit mbi normën e lejuar i ka kushtuar rëndë 41-vjeçarit, i cili nuk mund të ulet në rolin e shoferit për një farë periudhe.