Silva ka luajtur plot 396 ndeshje me “Qytetarët”, në to 71 gola, duke luajtur një rol lideri që nga ardhja në “Etihad Stadium”. Pep shprehet me superlativa për yllin e tij. Ai shpreson ta shijojë edhe këtë vit me spanjollin. Pranon se Silva e ka ndihmuar shumë në arritjen e sukseseve të tij me Sitin.

“Ai është një nga më të mirët, jo vetëm të futbollit spanjollm por edhe në Evropë. Ka luajtur një dekadë në Mançester. Nuk është aspak e lehtë ta bësh këtë në një kampionat të tillë. Ai e ka bërë mrekullisht mirë. Më ka ndihmuar shumë personalisht në këto tre vite që kemi punuar bashkë. Do të jetë edhe një vit tjetër këtu dhe shpresoj të jetojmë momentë të tjera të bukura”, u shpreh Guardiola.

Sezonin e shkuar, Silva ishte lojtari kyç për Guardiolën në fitimin e tre trofeve në ishullin britanik. Pas përfundimit të sezonit, fantazistit spanjoll iu ofrua një kontratë rinovimi 2-vjeçare, por është refuzuar nga 33-vjeçari, i cili shpjegoi:

“10 vite janë mjaftueshëm. Më është ofruar një rinovim dy vjeçar, por zgjodha të rinovoj edhe për një vit tjetër. Një dekade te Mançester Siti, është një arritje e madhe. Nuk do të qëndroj pas sezonit të ardhshëm, pasi kjo skuadër fantastike meriton që unë të jap maksimumin, gjë që nuk besoj se do t’a bëj në moshën 35-vjeçare”, përfundoi Silva.

Sipas raportimeve nga Anglia, Visel Kobe, që renditet në vendin e 12-të me 10 pikë, dëshiron të formojë një mesfushë ëndrrash. Objektivi i madh quhet David Silva, i cili është pjesë e Mançester Sitit. 33-vjeçarit i përfundon kontrata me “Qytetarët” në fund të sezonit të ardhshëm.

Japonezët po përgatisin një ofertë tepër tunduese për Silvën, i cili do të formonte një repart fantastik me Iniestën. Lojtari është në dyshime, pasi më parë është shprehur se dëshiron të rikthehet te Las Palmasi, ekipi i tij i zemrës.

David Silva është një nga mesfushorët më të talentuar në botë dhe një pikë kyçe e Mançester Sitit të Guardiolës. 32-vjeçari përjetoi një nga momentet më të vështira të jetës së tij një vit më parë. Fëmija i tretë i spanjollit, Matia, erdhi në jetë përpara kohe dhe rrezikonte të humbiste jetën, pa e nisur akoma.

Për fat të mirë, Matia i vogël shpëtoi dhe gëzon një shëndet të mirë, por David Silva i është rikthyer dhe njëherë tmerrit të përjetuar në një prononcim për “Daily Mail”. Mançester Siti i qëndroi afër, madje Pep Guardiola përpara fillimit të një ndeshje i kërkoi ekipit diçka ndryshe: “Sot, duhet të fitojmë për Davidin”.

Lojtari nuk e harron kurrë këtë fakt dhe falënderon nga zemra shokët dhe trajnerin e tij. “Do i jem gjithmonë mirënjohës shokëve të ekipit dhe trajnerit, të cilët ishin me mua në momentet e nevojshme. Në atë që, pa asnjë diskutim, ka qenë momenti më i vështirë i jetës time. Ushqehesha keq, nuk arrija të flija, nuk stërvitesha dhe, nëse e bëja, stërvitesha keq. Unë ende nuk e di se si kam mundur të rezistoj.”

“Futbolli është gjëja që më ndihmoi më shumë. Ishte e vetmja gjë që më lejonte të harroja gjithçka për 90 minuta. Shijoja ndeshjen për atë periudhë të shkurtër, por kur mbaronte, gjithçka më rikthehej në mendje. Kurrë nuk jemi të përgatitur për gjëra të tilla, por të mësojnë të vlerësosh dhe kuptosh se cilat janë gjërat me të vërtetë të rëndësishme në jetë. Momenti më i bukur i jetës time ishte kur hyra në stadium me Mateon në krah, përpara ndeshjes kundër Hadërsfilldit“, përfundon David Silva.

Mançester Siti triumfoi me shumë vështirësi në transfertë ndaj gjermanëve të Hofenhaim. Gjermanët  e nisën në mënyrën më të mirë të mundshme sfidën, teksa befasuan Sitin që në minutën e parë me një gol të Ishak Belfodil. Të besuarit e Guardiolës arritën të reagonin mjaft shpejt, ku që në minutën e 8-të arritën të barazonin me të zakonshmin Serxho Aguero. Pjesa e parë u mbyll me këtë rezultat, pavarësisht këmbëngulës së Sitit. Në pjesën e dytë vetëm në minutën e 87-të, ekipi i Guardiolës arriti të shënonte golin e fitores me David Silvën.

Juventusi nuk pati probleme në sfidën ndaj Jang Bojs edhe pse pa Ronaldon. Ishte pikërisht Paolo Dibala, i cili dhuroi spektakël më një tregolësh. Argjentinasi vetëm pas pesë minutash gjeti rrugën e golit, pas një pasimi fenomenal të Bonuçit. 12 minuta para përfundimit të pjesës së parë ishte sërish Dibala, ai që çoi rezultatin në 2-0 dhe dërgoi të qetë ekipin e tij në pushim. Në minutën e 69-të ishte përsëri ylli i bardhezinjve që shënoi golin e tretë personal pas një pasimi të Kuadrados.

Hofenhaim – Mançester Siti 1-2
Shënues: Belfodil 1’ / Aguero 8’ David Silva 87’
Juventus – Jang Bojs
Shënues: Dibala 5’, 33’, 69’

Në një intervistë për “BBC”, 32-vjeçari foli hapur për të ardhmen e tij, duke deklaruar se ka në plan ta mbyllë karrierën e tij te klubi i zemrës së tij, Las Palmas. Silva nuk ka mundur dot kurrë të veshë fanellën e  Las Palmasit, pasi ai u largua në moshë shumë të re nga qyteti i vendlindjes, pasi për të erdhi një ofertë e parezistueshme nga Valencia.

Mesfushori vazhdon të mbajë një vend titullari te skuadra e Pep Guardiolës, por tekniku spanjoll u ka kërkuar drejtuesve të Sitit një mesfushor të ri të denjë për të zëvendësuar Silvën, pasi mosha e tij nuk të bën të shpresosh shumë për të ardhmen.

Mesfushori 32-vjeçar ka deklaruar me anë të një letre të hapur se ka dhënë dorëheqjen nga kombëtarja e vendit të tij. Silva theksoi se ishte një ndër vendimet më të vështira të jetës së tij dhe se do ishte përherë mirënjohës kombëtares për trofetë që ka fituar me të.

Fantazisti nga ishulli i Las Palmasit luante prej 12 vitesh me ekipin, ku kishte grumbulluar 125 dhe ka shënuar 35 gola. Vetëm Vija, Raul dhe Fernando Torres kanë shënuar më shumë se ai. Një ndër faktorët që mund të ketë ndikuar në vendimin e Silvës është dhe lindja problematike e djalit të tij që luftoi për muaj të tërë me jetën, pas një lindje të parakohshme.

?OFICIAL | David Silva pone fin a su etapa en la @SeFutbol #GraciasSilva? pic.twitter.com/qMNx4Z4ig6

— Selección Española de Fútbol (@SeFutbol) August 13, 2018