22-vjeçari është ndalur te merkato, duke folur për të ardhmen e tij dhe Matijs De Ligt në një prononcim për mediat braziliane.

Ofertat për të dy nuk mungojnë, por lojtari ofensiv nuk ka ndërmend të lëvizë. Të njëjtën gjë mendon dhe uron edhe për kapitenin, i cili është kthyer në një ndër lojtarët më të kërkuar.

“Mendoj se Matijs do të qëndrojë tek Ajaksi. Kjo do të ishte zgjedhja më e mirë për të. Edhe unë do të vazhdoj të luaj për ‘harkëtarët’. Kam disa oferta, por nuk e kam ndërmend të lëviz”, thekson David Neres.

Braziliani 22-vjeçar zhvilloi një sezon fantastik, duke numëruar 12 gola të shënuar dhe 15 asiste të dhuruara për shokët e tij. Kontrata e tij me “Harkëtarët” përfundon në verën e vitit 2022, por Neres mund të ndërrojë kontinent

Sulmuesi i krahut, i cili bën mirë të gjitha rolet e repartit ofensiv, kërkohet në Kinë. Milionat e vendit aziatik e tundojnë pa masë, ndërsa Ajaksi e ka të qartë: kush dëshiron Neres, duhet të paguajë 80 milionë euro.

Mbetet për t’u parë se ç’do të ndodhë në këtë duel mës këtyre dy klubeve. Everton i ka financat për ta blerë. Probleme ka Arsenali, që i duhet të shesë para se të nisë një ofertë drejt Ajaksit. Neres është i qetë për të ardhmen e tij dhe ja lë gjithçka në dorë Zotit. Është i përqëndruar totalisht në fushën e lojës. Megjithatë, pohon se Premier Liga i pëlqen.

“Po përpiqem të qëndroj i qetë dhe të përqëndrohem në fushën e lojës dhe në kompeticionin, ku jam pjesë. Agjentët e mi po merren me ofertat që kanë ardhur. Nuk mund të them se Premier Liga nuk më pëlqen. Gjithmonë kam dashur të luaj atje, por e lë çdo gjë në dorën e Zotit”, u shpreh sulmuesi brazilian.

Neres është një nga zbulimet e Ajaksit të këtij viti. Braziliani ka shfaqur aftësi të larta teknike dhe një vizion të madh loje. Ai është një forcë e madhe tërheqëse e sulmit të ekipit holandez. Klubi nga Amsterdami pritet të mbajë një çmim mjaft të kripur për të, megjithatë spanjollët nuk do të tërhiqen.

Atletiko nga ana tjetër po punon edhe për të shmangur zmadhimin e “eksodit”, që e ka përshkuar klubin në këtë fundsezon. Grizman, Godin, Filipe Luis kanë konfirmuar largimin. Rodri është lojtari i radhës me valixhet gati. Atletiko po punon për të hartuar një marrëveshje të re për të. Rritja e pagës do e bënte 22-vjeçarin të mos e mendonte më një bashkim me Guardiolën te Siti.

Ndërkohë, Neres po i ecën mbarë dhe jashtë fushës së blertë. Futbollisti 22-vjeçar është prej disa muajsh i lidhur me modelen gjerman Kira  Vinona.

Në një intervistë për “Het Parool”, 22-vjeçari zbuloi historinë interesante se si kishte nisur gjithçka mes çiftit. Thjesht një mesazh në Instagram, kaq mjaftoi që të dy të kuptonin se ishin bërë për njëri tjetrin.

“E pashë në Instagram dhe i çova këtë mesazh: Unë jam David Neres, hajde më tako! Kaq mjaftoi që të takoheshim për herë të parë”, tha Neres për medien holandeze.

https://www.instagram.com/p/Bb6ZPxRg8ss/?utm_source=ig_web_copy_link

Vinisjus pësoi një dëmtim në ndeshjen që Reali i tij zhvilloi ndaj Ajaksit dhe do të mungojë për dy muaj, që do të thotë do të humbasë dhe mundësinë të jetë pjesë e kombëtares. Vendin e 18-vjeçarit do ta zërë pikërisht kundërshtari me të cilin ndeshej natën që u dëmtua.

David Neres ka marrë ftesën për të qenë pjesë e Brazilit, gjë që ndodh për herë të parë për 22-vjeçarin. Paraqitjet e tij të mira me fanellën e Ajaksit duket se kanë bërë përshtypje dhe për trajnerin Tite, i cili e ka bërë pjesë të ekipit sulmuesin anësor. Padyshim, një vlerësim i madh për Neres.

“Kam refuzuar dy oferta, Dortmundin dhe Romën. Nuk ishte momenti i duhur për të lëvizur, fola me familjen dhe menaxherin tim. Të dy janë kampionate më të forta se ai holandez, por për të bërë hapin e madh dua të jem në 100% të formës time.”

Neres vazhdon të jetë një objektiv për Romën, por nuk është i vetmi. Verdhekuqtë pëlqejnë dhe disa lojtarë të tjerë të Ajaksit. Doni Van de Bik (qendër mesfushor, 21 vjeç) është objektivi kryesor i Romës, por dhe Matijs De Ligt (qendërmbrojtës, 19 vjeç) është vënë në shënjestrën e Monçit. Për të mbërritur te kjo dyshe nuk do të jetë aspak e thjeshtë, pasi të dy lojtarët kanë oferta të shumta nga klube europiane.