“E kam mbajtur shiritin për disa ndeshje. Është e mahnitshme të jesh kapiten i një klubi si Mançester Juanjtid dhe të mbroj këtë simbol. Do të isha shumë i lumtur nëse shiriti më besohej mua. Është sezoni im i nëntë, ndjehem si një nga lojtarët më me përvojë”, u shpreh De Gea.

Gjashtë vite kontratë do të firmosë “gardiani” 28-vjeçar (5+1), ndërsa do të përfitojë 21.7 milionë euro në sezon, ose ndryshe 130 milionë euro në total. De Gea është një nga më të mirët në rolin e tij dhe kontrata i përfundonte verën e ardhshme.

Akordi final është arritur dhe pritet vetëm zyrtarizimi. Diçka e tillë do të ndodhë në fund të fazës përgatitore të “djajve të kuq”, të cilët do të vazhdojnë t’i besojnë mbrojtjen e kuadratit një prej portierëve më të mirë në planet.

David De Gea serait tombé d’accord pour prolonger son contrat de 6 ans avec Manchester United avec un salaire annuel de 21,7 M€ (soit 130 M€ sur toute la durée de son contrat).

Officialisation attendue à la fin du stage de pré-saison des Reds Devils.
(@TeleFootball) pic.twitter.com/KLWYKVLowe

— Actu Foot (@ActuFoot_) July 20, 2019

Palët nuk kanë gjetur akordin për zgjatjen e bashkëpunimit deri tani, por Junajtid nuk dorëzohet. Qëllimi i drejtuesve është ta bëjnë 28-vjeçarin gardianin me rrogën më të shtrenjtë në botë dhe janë gati t’i ofrojnë 390 mijë sterlina në javë.

Kontrata pritet të jetë 4-5 vjeçare. Klubi anglez nuk mund t’i lejojë vetes të humbasë me parametra zero një nga pikat kyç të ekipit të Solskjaer dhe po synon t’i plotësojë çdo kërkesë portierit iberik.

De Gea dhe drejtuesit e klubit prej muajsh nuk po arrinin një marrëveshje rreth termave financiare. PSG nisi oferta tunduese drejt spanjollit, që desh ndërroi mendje. Megjithatë, ka qenë paga faraonike e Junajtid, që ka vulosur gjithçka. De Gea te “Djajtë e Kuq” do të arketojë plot 350 mijë paund në javë.

Spanjolli do të marrë 1\3 e shifrës që do të shitet. Ai kërkohet me ngulm nga PSG. Francezët duan prej kohësh një gardian me aftësitë e tij, por nuk ia kanë arritur ta kenë. Largimi i Bufon shton edhe më shumë nevojën për të ndërhyrë në merkato. Sipas “Daily Mail”, blerja e tij do i kushtojë kampionëve të Francës 67,5 milionë euro.

Me një llogari të thjeshtë kuptojmë që De Gea do të përfitojë 22,5 milionë euro nga ky transferim, vetëm që të mos largohet falas vitin e ardhshëm. Një pazar mjaft i mirë nga 28-vjeçari, që me këtë largim përfiton shumë financiarisht dhe nuk do i duhet të qëndrojë edhe një vit në “Old Trafford”.

“Djajtë e Kuq” do të detyrohen ta shesin spanjollin për të mos e humbur me parametra zero verën tjetër. Drejtuesit janë hedhur në merkato dhe kanë një preferencë. Ai është portieri i Milanit, Xhanluixhi Donaruma.

Vështirë që kuqezinjtë të heqin dorë nga 20-vjeçari i talentuar, por mungesa e kualifikimit në Champions do të detyronte klubin e famshëm të shiste ndonjë nga yjet e ekipit.

Sipas raportimeve të The Sun, Junajtid do të presin javën e fundit të Serie A dhe më pas do të vendosin për t’i bërë ofertën e parë Milanit për gardianin e portës.

Dy janë emrat e preferuar dhe të dy luajnë në Premier Ligë. I pari është David De Gea. Portierit spanjoll i përfundoi kontrata me Junajtid dhe do të largohet me parametra zero.

PSG synon të gjejë sa më shpejt akordin financiar dhe të transferojë 28-vjeçarin në kryeqytetin francez. Emri tjetër quhet N’Golo Kante. Mesfushori është i pashitshëm nga Çelsi, por Sarri ka zgjedhur të vendosë Zhorzhinjon në pozicionin e tij.

Kante është përdorur më shumë si një “mezzala”, ndërsa oferta e PSG-së mund ta tundojë. Francezët synojnë të bindin lojtarin dhe më pas gjithçka do të jetë më e thjeshtë për të marrë miratimin e “Bluve të Londrës”.

Gjithsesi, për merkaton duhet pritur. Momentalisht janë publikuar fotot e fanellave të reja të Junajtid dhe në setin e fotografive kanë marrë pjesë Pol Pogba dhe David De Gea. Francezi është një nga më të përfolurit për t’u larguar nga “Djajtë e kuq”, ashtu sikurse edhe portieri spanjoll.

Me shumë mundësi është një strategji e klubit dhe e ADIDAS për të “joshur” tifozët, të cilët janë të shumtë me Mançesterin. Vetë ADIDAS, përmes faqes zyrtare të saj në Instagram, ka publikuar fotot e fanellave të reja të Junajtid.

https://www.instagram.com/p/BxhBPGjoFkS/?utm_source=ig_web_copy_link

Pesë janë kanditaturat për të zënë vendin e 28-vjeçarit, që në rast divorci me Mançesterin pritet me krahë hapur tek Parisi. Francezët po e ndjekin me kujdes situatën e mbrojtësit ekstrem të Junajtid. Jan Oblak i Atletikos, Tibo Kortua i Real Madridit, Xhasper Cilesen i Barcelonës, Xhanluixhi Donaruma i Milanit dhe Xhek Batlend i Stok Sitit janë portierët në listën e drejtorit, Ed Uduards.

Dy emrat më të vështirë për t’u sjellë janë Oblak dhe Kortua. Slloveni sapo ka zgjatur kontratën me Atletikon dhe klauzola e tij ka shkuar mbi 100 milionë euro. Belgu i Realit sapo ka mbyllur sezonin e tij të parë në Spanjë dhe duket gati e pamundur që ta mbyllë aventurën e tij në Bernabeu kaq shpejt.

Xhanluixhi Donaruma me luhatjet që ka pasur në muajt e fundit e ka ulur vlerën e kartonit të tij në 50 milionë euro. Një çmim lehtësisht i arritshëm nga “Djajtë e Kuq”. Dy emrat e tjerë janë lehtësisht të arritshëm. Cilesen e ka shprehur zyrtarisht dëshirën e largimit nga Barcelona dhe Junajtid do të ishte destinacioni perfekt. Gjithashtu edhe Xhek Batlend do e pranonte me krahë hapur një transferim në “Old Trafford” për të bërë kapërcimin e madh në karrierë.

“Daily Star” jep lajmin e bujshëm. PSG në rast ardhjeje do e bëjë De Gean gardianin më të paguar në botë me 450 mijë sterlina në javë, që përkon me një pagë vjetore prej gati 22 milionë eurosh.

Nga ana e tij portieri po kalon një sezon të errët dhe po pret me padurim përfundimin e tij, për t’u shkëputur nga futbolli dhe për të menduar më shumë. Te Junajtid duket se figura e tij si portieri më i mirë është konsumuar me mbrojtjen diletante që ka para.

Për këtë spanjolli nuk ka pse të mos e diskutojë një largim nga “Old Trafford”, për t’u bashkuar me një ekip të kompletuar si PSG dhe sigurisht për të shtuar edhe më shumë llogarinë e tij në bankë.

Geri Nevill, një emër emblemë i Junajtid ka folur për momentin tepër negativ që po kalon De Gea. Ish-mborojtësi shprehet se e ka kaluar edhe vetë këtë situatë dhe ajo çka duhet të bëjë gardiani i “djajve të kuq”, është të shkëpusë lidhjet për disa kohë nga futbolli.

“Nuk di çfarë të them. De Gea po përjeton një makth këto kohë. Një situatë të ngjashmë e kam kaluar edhe unë në fund të sezonit 1999-2000. Ajo çka duhet të bëjë spanjolli është të largohet për disa kohë nga futbolli dhe të fshijë çdo gjë. Tani atij çdo gjë i duket e vështirë”, u shpreh Nevill.

Forma e ndeshjeve të fundit ka lënë për të dëshiruar dhe gafat janë shtuar. Edhe në derbin kundër Sitit të Guardiolës, spanjolli nuk u tregua në lartësinë e duhur. Te goli i parë duhet të kishte bërë diçka më shumë, ndërsa i dyti ishte totalisht faji i tij.

Në dy-tri raste të tjera nuk arrinte as të largonte topin, duke ia dhuruar atë kundërshtarëve. Gabimet e tij nuk acaruan vetëm tifozët e Junajtid, por edhe ata të Liverpulit. “The Reds” prisnin frenimin e Sitit për të rimarrë vendin e parë dhe për të rikthyer titullin në qytet pas 29 vitesh mungesë.

Diçka e tillë nuk ndodhi, madje 28-vjeçari ua lehtësoi punën lojtarëve të Guardiolës. Tifozët kanë “shpërthyer” kundër portierit në rrjetet sociale. Shumë prej tyre bashkohen në një pikë: De Gea ka inat Liverpulin dhe nuk dëshiron që t’i shohë ata duke festuar në fund të sezonit!!!

Situatën e tij po e vëzhgon me kujdes PSG, sikurse raporton The Independent. Francezët nuk janë të bindur nga Bufon dhe Areola, kështu që janë gati të paguajnë për De Gean. Ky i fundit ka kontratë deri në verën e vitit 2019, por ka klauzolë për rinovimin edhe për një sezon tjetër.

Mançesteri në këtë mënyrë është i detyruar të futet në bisedime për ta shitur, në rast se nuk e bind portierin të nënshkruajë kontratën e re. Pa dyshim De Gea është një nga portierët më të mirë në qarkullim dhe PSG po mundohet ta shfrytëzojë këtë moment.

Kampionët e Francës ndjekin shumë lojtarë, por së fundmi ata janë përqendruar te porta. Sipas raportimeve të “The Sun”, dëshira e madhe e PSG quhet David De Gea. Spanjolli ishte pranë rinovimit të kontratës me Mançester Junajtid gjatë këtyre ditëve, por ai mund të përfundojë në kryeqytetin francez sezonin e ardhshëm.

Kontrata e tij me “Djajtë e Kuq” përfundon në fund të këtij sezoni dhe ai mund të largohet me parametra zero. PSG është gati t’i ofrojë një kontratë të parefuzueshme 28-vjeçarit me një rrogë prej plot 350 mijë eurosh në javë! Diçka e tillë mund ta shtyjë Bufonin drejt largimit, me italianin në dyshim midis tërheqjes apo vazhdimit të një eksperience tjetër.

Kontrata e tij skadon në verën e këtij viti dhe zyrtarët e klubit anglez janë mobilizuar për të rinovuar me të. “Djajtë e kuq” e konsiderojnë vendimtare këtë çështje dhe duan ta përfundojnë me çdo kusht marrëveshjen me 28-vjeçarin. Kontrata e re pritet ta bëjë portierin më të paguar në botë spanjollin,  gjë që e largon edhe nga aludimet e shumta që e lidhnin atë me klube si PSG e Juventusi.

Kështu mendon edhe Ole, i cili thotë: “Klubi dhe De Gea janë në bisedime. Shpresoj që çdo gjë të realizohet, por unë nuk kam asgjë në dorë. Davidi është treguar fantastik që kur ka ardhur. Klubi besoi shumë që ai do të kthehej në ditët më të mira pas kritikave të shumta që mori. Ai ka marrë çmimin “Lojtari i vitit” dhe ne duhet t’i jemi shumë mirënjohës atij për gjithçka ka bërë për klubin”.

Solskjaer shkon deri te krahasimi me legjenda si Van Der Sar dhe Piter Shmajkëll, duke thënë se spanjolli është më i mirë se ata të dy. “Është shumë e vështirë t’i krahasosh ata të tre. Piteri dhe Van Der Sari nuk janë shpallur asnjëherë lojtarë të vitit. De Gea ka fituar aq shumë pikë gjatë viteve me ne, sa mendoj se ai është më i miri në botë. Ka një personalitet fantastik dhe është një djalë i përulur”.

Megjithatë, vera e ardhshme pritet të sjellë një situatë shumë të komplikuar për klubin e drejtuar nga Ole Gunar Solskjaer. Sipas së përditshmes britanike “The Daily Telegraph”, De Gea ka kërkuar një pagë rekord në këmbim të rinovimit të kontratës së tij që mbaron në qershorin e 2020-ës.

Shuma që kërkon 28-vjeçari është 500 mijë paundë në javë, një pagë kjo më shumë se dyfishi i asaj që portieri përfiton aktualisht dhe e barabartë me atë që po përfiton aktualisht Aleksis Sançez, i cili është aktualisht lojtari më i paguar i kampionatit anglez.

Portieri spanjoll dhe sulmuesi francez janë shumë të rëndësishëm për klubin dhe trajnerin dhe ky i fundit do të bëjë të pamundurën për t’i bindur ata që të qëndrojnë te Mançesteri.

“E di që klubi dëshiron të rinovojë me ta, sepse janë lojtarë me kualitet të lartë. Gjithçka varet nga lojtarët, por kur je te Mançester Junajtid nuk ka bar më jeshil në anën tjetër. Je në vendin më të mirë dhe Junajtid është klubi më i madh në botë. Sa më përket mua, shpresoj t’i ndihmoj, ose t’i udhëzoj këta lojtarë që të qëndrojnë me ne. Nëse je një titullar i Junajtid, mendoj se duhet të shfrytëzosh mundësinë për të qëndruar këtu dhe të bëhesh pjesë e historisë së klubit”, përfundon trajneri norvegjez i “Djajve të Kuq”.

De Gea ka një kontratë që e mban të lidhur me Junajtid deri në vitin 2020, por me sa duket palët po përgatisin rinovimin e ri, ku paga që do të përfitojë portieri do të jetë “e çmendur”. Siç raportohet nga “The Sun”, portieri spanjoll do të ketë një pagë prej 400 mijë sterlinash në javë, ose ndryshe 23 milionë euro në sezon.

Duke parë pagën që përfiton De Gea aktualisht, rinovimi do t’i sjellë portierit një dyfishim të përfitimeve financiare. Paga duket “monstruoze” dhe zor se mund të kemi më spekulime për një largim tashmë.

28-vjeçari po mendon të lëvizë nga klubi aktual dhe e ardhmja mund të jetë Italia. Më konkretisht, Juventusi. Bardhezinjtë po monitorojnë situatën dhe janë gati për të ndërhyrë, nëse De Gea nuk rinovon kontratën e tij me Junajtid.

Juventus ka formuar një ekip shumë të fortë, por në portë mungon një emër i madh. Ardhja e spanjollit do e bënte Juven pothuajse të pathyeshme, ndërsa tifozëve dhe klubit i mbetet të shpresojnë që portieri të mos pranojë rinovimin me ekipin aktual.

Ata i kanë ofruar portierit spanjoll një kontratë pesë vjeçare, me një rrogë prej 375 mijë stë në javë. Një gjë e tillë do e bënte De Gean lojtarin e dytë më të paguar në ekip pas Aleksis Sançez. Klubi anglez po pret një përgjigje pozitive nga gardiani.

Nëse De Gea nuk rinovon deri në janar, ai do të ketë mundësinë të bisedojë me klubet e interesuara për shërbimet e tij dhe mund të firmosë dhe parakontratë. Nëse kjo ndodh, Junajtid do të jetë i detyruar të shesë spanjollin në merkaton e janarit, sigurisht me një çmim më të ulët se vlera e tij, sepse nuk do lejonte largimin e tij në verë me parametra zero.