Devid Bekam ka punë me gjykatën, pezullohet gjashtë muaj

Sport Ekspres — Thu, 09 May 2019 19:35:38 +0000

Devid Bekam i është dashur të dalë para gjykatës në Londër. Legjenda angleze është kapur nga kamerat e sigurisë rrugore duke përdorur celularin gjatë ngarjes së makinës. Ky veprim konsiderohet shumë i rrezikshën në Mbretërinë e Bashkuar dhe për këtë nuk merret një vendim i thjeshtë komisioni, por duhet të përballesh me gjykatësin.

Bekam është dënuar më gjashtë muaj heqje të lejes së drejtimit të mjetit dhe me një gjobë 868 euro. Rastet e problemeve në rrugë të personaliteteve me impakt në botën sportive janë shumta ku nuk mungojnë aspak edhe rastet e aksidenteve.

Një numër i konsiderueshëm futbollistësh janë ndaluar për ngarje të mjetit në gjendje të dehur. Për ta ka pasur gjoba të shumta jo vetëm nga policia, por edhe nga klubet që nuk tolerojnë në të tilla raste. Një ndër ta ishte gjatë verës portieri i Totenhemit, Hugo Loris.

Inter Majemi në vitin 2020 në MLS, Bekam kërkon… Leo Mesin

Sport Ekspres — Sun, 16 Sep 2018 13:47:53 +0000

David Bekam bleu klubin e Majemit në vitin 2014 për shumën e 25 milionë dollarëve. Pas vonesave të ndërtimit të stadiumit, në janar të këtij viti MLS (Federata Amerikane e Futbollit), deklaroi që ekipi, i njohur me emrin Inter Majemi, kishte marrë miratimin për të marrë pjesë në kompeticion dhe do të nisë të luajë në vitin 2020.

43-vjeçari po punon për të ardhmen e klubit dhe ideja e tij është që të bindë Leo Mesin të bashkohet me Inter Majemin. Bekam po tenton të joshë yllin e Barcelonës të kalojë në futbollin amerikan në vitin 2020 për t’u bashkuar me ekipin e tij siç citon “Daily Mail”.

Mesit i skadon kontrata në vitin 2021 me Barcelonën dhe do të jetë në moshën 33-vjeçare, kur Inter Majemi do të bëhet pjesë e MLS. Mesi është treguar gjithmonë besnik me skuadrën e tij dhe ka refuzuar çdo ofertë në drejtim të tij, por Bekam do të insistojë për ta bindur që të kalojë vitet e fundit të karrierës në Amerikë.

Ai po përgatitet ti ofrojë Mesit një kontratë të padëgjuar më parë, por mbetet në dorën e argjentinasit, nëse do të vazhdojë të luajë me Barcelonën, ose do të pranojë të mbyllë karrierën në futbollin amerikan siç kanë bërë dhe emra të tjerë të mëdhenj si: Pele, Bekenbauer, Ibrahimoviç, Henri dhe vetë David Bekam.