“Daily Mirror” raporton se austriaku është fans i thekur i Arsenalit. Londinezët kërkojnë me patjetër mbrojtës dhe bavarezi është një emër i frikshëm. Kështu, Alaba është në një dilemë të madhe. Të shkojë te klubi që është tifoz, apo të një nga gjigantët e Evropës. Përtej kësaj, duhet të shtojmë se Bajerni do bëjë maksimumin ta mbajë.

Në një intervistë në SHBA, ku kampionwt e Gjermanisw ndodhen për “International Champions Cup”, ai u pyet në lidhje me një transferim në Barcelonë. Nuk e përjashtoi aspak këtë opsion. “Është nder që Barça interesohet për mua. Tani jam i fokusuar në fazën parasezonale. Mendoj vetëm për Bajernin. Në përgjithësi nuk jam person që mendoj shumë për të ardhmen, kështu që nuk përjashtoj asgjë”, tha Alaba.

27-vjeçari ka dhe dy vite të mbetura në kontratë dhe te Bajerni nuk kanë ndërmend të shesin, të paktën jo këtë merkato vere. Alaba shikohet si titullari i padiskutueshëm te bavarezët, ndërsa blerja rekord Lukas Hernandez do të luajë vetëm në qendër të mbrojtjes, duke mos rrezikuar vendin e Alabës.

Lajmi bëhet i ditur nga e përditshmja gjermane bild, që ndër të tjera ka zbuluar se kontakti midis Barçës dhe lojtarit filloi nga kompania që menaxhon austriakun dhe jo nga klubi katalanas.

Austriaku e ka thënë hapur se e intrigon fakti i të luajturit në një kampionat jashtë Gjermanisë. Megjithatë, transferimi i mëngjarashit s’do të jetë aq i lehtë pasi Alaba ka dhe dy vite të mbetura në kontratën me kampionët e Gjermanisë.

Një lojtar i kalibrit të 27-vjeçarit nuk mund të vijë pa 50 milionë euro, por në Barcelonë paratë nuk janë problem prej vitesh. Gjithsesi në fund përgjigja përfundimtare i takon drejtuesve të Bajernit, të cilët në rast të shitjes së mbrojtësit do duhet t’ia besojnë krahun e majtë francezit Lukas Hernandez, i cili është blerja rekord e klubit.

Në një intervistë të dhënë së fundmi për “Bild”, Alaba pranoi se është i lumtur dhe ndihet rehat te Bajerni, por i duhet të mendojë dhe për të ardhmen, duke iu referuar ndoshta dy apo tre viteve më vonë, ku mbase e karriera e tij do të vijojë në Spanjë ose Angli, ku austriaku përmendi Arsenalin.

“E imagjinoj diçka të re, por të them të drejtën ndihem rehat në Mynih. Jam i lumtur te Bajerni, por mendoj edhe për të ardhmen. Destinacioni? Nuk e di, ndoshta në Spanjë ose Angli. Kur kam qenë i vogël bëja tifo për Arsenalin”, përfundoi Alaba, duke bërë të ëmdërrojnë të gjithë tifozët e “topçinjve” të Londrës.

Ndërkohë, Manuel Nojer është stërvitur i diferencuar nga ekipi dhe pritet të rikthehet të premten, siç është shprehur trajneri i Kovaç. Lista e gjatë e dëmtimeve për bavarezët vazhdon me Alaba dhe Gorecka, që pritet të rikthehen të shtunën. Kovaç mbi gjendjen e dy yjeve të tij u shpreh: “Do të duhet të shohim se çfarë do të ndodhë, do mundohemi ta menaxhojmë situatën me shumë kujdes”.

Pavarësisht rikthimeve, ka ende lajme jo pozitive për trajnerin bavarez. Veterani Frenk Riberi po vuan shumë nga dëmtimet e njëpasnjëshme dhe është në dyshim për ndeshjen kundër Borusia M’Gladbah.

Një lajm i bujshëm vjen nga mediat spanjolle, që flasin për një interesim të bardhezinjve për David Alaban e Bajernit të Mynihut. Juventusi ka gati 65 milionë euro për kartonin e 26-vjeçarit austriak, i cili është ndër më të mirët në rolin e tij në krahun e majtë të mbrojtjes.

Alaba ka një kontratë me bavarezët deri në vitin 2023, por ai tundohet nga ideja për të luajtur në Serie A. Vështirë që Bajerni do të heqë dorë nga shërbimet e lojtarit, por Juventusi e ka bërë hapin e parë dhe ka ofruar 65 milionë euro për kartonin e Alabës.